A xunta de persoal do Hospital do Salnés denuncia a falta de información por parte da Xerencia sobre as numerosas cuestións que dende a constitución da nova directiva lle veñen plantexando.

A evolución das obras de ampliación, a situación dos concursos de gardería ou da cociña son preguntas ás que, segundo os representantes dos traballadores, a Xerencia non responde.

Unha situación que lles leva a pensar que para a Xerencia son “persoal de segunda”, en comparación cos traballadores “de primeira” de Pontevedra.

A Xunta de Persoal compareceu esta mañá en rolda de prensa na que, ademáis, solicitaron máis prazas de aparcamento público, un paso de peóns para a entrada dos traballadores e maior iluminación para evitar a sensación de inseguridade.

Así o recollemos en AROUSA PONTEVEDRA DIA A DIA.

Os orzamentos elaborados polo goberno local de Vilagarcía para 2016 ascenden a case 26,3 millóns de euros, 200.000 euros máis que o presente exercicio.

A proposta do executivo socialista prioriza os servizos sociais, cun incremento dun 15% respecto a este ano, e a inversión no rural.

O alcalde, Alberto Varela; a tenente de alcalde e voceira do goberno, Tania García e a concelleira de Facenda, Luz Abalo presentaron esta mañá o documento, que será debatido en pleno o próximo día 30 de decembro, e que, ademáis reserva 100.000 para o ximnasio do colexio de Rubiáns e outros 305.000 euros para a Praza de Abastos.

Ademáis, os orzamentos preparados polo executivo local supoñen un gasto de persoal duns 10 millóns de euros, lixeiramente superior ao deste ano.

O motivo é, por un lado, o incremento salarial do 1%, establecido polo goberno do estado para o abono pendente da paga extra retirada no 2012, e por outro, a contratación dun novo traballador para servizos sociais.

As contas propostas, segundo o alcalde Alberto Varela, van de acorde a situación económica e reflexan o modelo de cidade pretendido polo equipo socialista.

O alcalde Alberto Varela explicaba os detalles nunha comparecencia que recollemos en AROUSA PONTEVEDRA DIA A DIA

A empresa Bateamar ubicada no porto de Tragove en Cambados está inmersa nun proceso de expansión, co obxectivo de aumentar as instalacións e a plantilla nuns 50 traballadores.

A firma, unha das máis importantes do sector, produce mexillón cocido envasado ó vacio e tamén na súa variedade de mexillón tigre en croqueta.

A firma investiu nos pasados anos 3 millóns de euros de cara a ampliación da súa actividade de elaboración de conservas de mexilón en escabeche, á renovación do noso cocedoiro, a incrementación da nosa sala de elaboración de precociñados e a implantación dunha liña de mexilón pasteurizado.

Deste investimento global, 1,8 millóns de euros destináronse á posta en marcha da planta de maquinaria para a produción de conservas, que conta cunha capacidade de elaboración de 500.000 unidades ao día.

As obras permitiron duplicar a súa sala de elaboración de precociñados do mexilón tigre, que pasou a contar cun potencial de 1.000 quilogramos ao día, creándose tamén unha liña de envasado en pasteurizado.

O grupo de empresas da que forma parte Bateamar conta cunha plantilla de persoal de mais de 300 persoas, das cales na nave de Cambados traballan 176 na actualidade.

As previsións apuntan a creacación de 50 postos de traballo máis para 2016.

Bateamar abastece a maioristas, vende en países coma Francia, Alemania, Suiza, Italia ou Grecia, “e por suposto, a toda España”, contando cunha facturación de case 12 millóns para este ano, agardando uns 15 millóns para o que ven.

A fábrica recibiu esta mañá a visita do delegado territorial da Xunta, Cores Tourís, para coñecer as instalacións e o proceso de producción de cara a unha futura colaboración económica da administración galega a través de fondos europeos.

En AROUSA PONTEVEDRA DIA A DIA Alba Piñeiro seguiu a visita recollendo as impresións de Cores Tourís e tamén do propietario de Bateamar, Manuel Abal.

A Mancomunidade do Salnés non recibirá o informe da Xunta sobre cómo proceder á elección do novo presidente comarcal ata despóis de Nadal.

O Presidente en funcións, Gonzalo durán, trasladouse hoxe a Santiago para coñecer en qué situación se atopa o documento.

Segundo Gonzalo Durán, a Xunta está buscando unha solución que non vulnere os propios Estatutos da entidade comarcal, e que podería ser unha disposición transitoria que, en todo caso, deberían aprobar as diferentes formacións.

Nolo contaba en AROUSA PONTEVEDRA DIA A DIA, o presidente en funcións, Gonzalo Durán.

Os sindicatos policiais insisten en que faltan efectivos na comisaría de Vilagarcía, a pesar de que o informe do subdelegado do goberno asegura que a falta de persoal que obrigou á suspender as patrullas nocturnos foron momentos puntuais xa resoltos.

Aseguran que para dispoñer de persoal suficiente tiveron que suspenderse todos os permisos, días libres, vacacións e asuntos propios durante todo o mes de decembro.

A eficacia do servizo dependerá en gran medida de que ninguén se poña enfermo ou se lle encomenden outro tipo de tareas con prioridade.

En AROUSA PONTEVEDRA DIA A DIA falamos delo con Roberto González, secretario xeral do Sindicato Unificado de Policía.

A conselleira do Mar, Rosa Quintana, condenou esta mañá a posible sabotaxe vinculada ao conflicto do cerco sufrida por dous barcos de Cambados pertencentes á mesma armadora, que esta semana se atoparon con todas as redes queimadas, supostamente con ácido.

O patrón dunha das embarcacións vincula directamente o suceso co paro que dende hai meses está realizando unha parte do sector do cerco en Cambados polo reparto das cuotas de pesca para 2016.

Estas dúas embarcacións están saíndo a faenar, xunto con outras 5 máis, mentres que outra media ducia leva tempo parada como medida de protesta.

Os dous barcos afectados están atracados xuntos no porto de Tragove e tiñan os aparellos no peirao.

E mentres a Garda Civil investiga os feitos, a Conselleira do Mar, Rosa Quintana, condena este tipo de actuacións e os marineros tentan arranxar no posible as redes queimadas, valoradas polo patrón en máis de 60.000 euros.

A Xunta de Persoal do Hospital do Salnés denuncia o deterioro que, ao seu entender, están rexistrando as súas condicións de traballo e a perda da calidade asistencial dende a incorporación do centro comarcal á Area Integrada Pontevedra Salnés.

Nos últimos 4 anos, segundo o balance realizado esta mañá polos traballadores, o Salnés perdeu numerosos servizos que agora están xestionados directamente polo hospital de Pontevedra.

Entre eles, o Hospital comarcal xa non conta con almacén, non realiza as compras de medicación, os aparatos tecnolóxicos son os que xa non se utilizan en Pontevedra e están obsoletos e o material necesario é de peor calidad do que se viña utilizando ata o momento.

Ademáis, esta situación tamen repercute directamente nos usuarios, con longas listas de espera e masificacións en urxencias e nas consultas.

Son datos que revelaba Celia Iglesias, voceira da xunta de persoal do Hospital do Salnes, nunha rolda de prensa que recollemos en AROUSA PONTEVEDRA DIA A DIA.

O Sindicato Unificado de Policia iniciou hoxe as mobilizacións para reclamar máis efectivos ante as carencias que veñen denunciando nos últimos meses e que afectan directamente á Comisaría de Vilagarcía.

A cidade quedou sen patrullas nocturnas durante varios día motivado pola falta de persoal.

Os axentes do SUP concentráronse ás 11 desta mañá ante a Subdelegación do Goberno en Pontevedra, nunha mobilización na que tamén reclamaron máis medios materiais como chalecos antibalas.

O Sindicato Policial continuará con mobilizacións no que queda de ano, a próxima e o vindeiro xoves 17, a pesar de que son conscientes de que terán que agardar ó novo goberno que se forme tralas eleccións xerais do 20 de Decembro para que as súas demandas poidan ser escoitadas.

Todo elo nolo contaba en AROUSA PONTEVEDRA DIA A DIA, Roberto García, secretario xeral do SUP.

A comunidade educativa do colexio A Torre de A Illa retoma as mobilizacións en demanda do desdoblamiento do curso de primeiro de Primaria.

Nesta ocasión foi, de novo a través dun acto lúdico: Concretamente, mediante unha sesión de contacontos que nos explicaba en AROUSA PONTEVEDRA DIA A DIA, Iria Uzal, presidenta da ANPA.

As empresas que se queiran instalar no polígono de Baión teñen dende hoxe duas liñas de financiamento específicas a través de Abanca.

O Concello de Vilanova negociou coa entidade a posta en marcha para a promoción dos polígonos do municipio e a creación de actividade económica dous productos financeiros a baixo interés: un préstamo hipotecario a un interés inicial de euribor + 2,5% e comisión de apertura de 0,10, e un préstamo persoal de 3,5% o primeiro ano, que se reduce a 2,9% nos seguintes, e comisión de apertura 0,20.

Ambas liñas teñen un 0% de cancelación.

Os detalles explicábaos esta mañá no Centro de Desenvolvemento Local do Pazo Vista Real de Vilanova a directora territorial de Abanca, Carmen Fernández, nunha presentación na que estivo acompañada do alcalde Gonzalo Durán e o concelleiro de Promoción Económica Javier Tourís.