A Banda de Música de VIlagarcía e o Grupo de Percusión Odaiko presentan o espectáculo Vaia Banda!

Trátase dunha representación na que se fai un repaso pola literatura musical do país dun xeito didáctico adicado á un público familiar. Ademáis, en Vaia Banda! poderanse ver instrumentos sinxelos de crear na casa e cos que Odaiko interpretará algunha peza.

A actuación será o vindeiro domingo 29 ás 18:00 horas no Auditorio de Vilagarcía. O prezo das entradas será de 3 euros para nenos de entre 3 e 14 anos, e para os maiores de 15 anos será de 3, 4 e 5 euros dependendo da zona de butacas.

Este concerto será un dos últimos que a Banda de Música de Vilagarcía interpretará con motivo do seu 150 aniversario que se ven celebrando durante todo o 2015.

O espectáculo Vaia Banda! foi presentado esta mañá nunha rolda de prensa que recollemos en AROUSA PONTEVEDRA DIA A DIA e na que estiveron presentes a concelleira de Cultura, Sonia Outón, o Director da Banda de Música, Jesus Nogueira e Juan Collazo, un dos integrantes de Odaiko.

A CIG convoca para este domingo unha concentración ante a sede da Federación de Empresarios en Vilagarcía para denunciar a violencia de xénero no traballo.

Será as 11 da mañá, como parte dunha campaña que o sindicato ven realizando en diferentes centros de traballo.

Nolo contaba en AROUSA PONTEVEDRA DIA A DIA Rosa Abuín responsable da CIG.

Alcaldes do PP concentráronse esta mañá diante do Pazo Provincial en protesta pola xestión que está a realizar a presidenta Carmela Silva, que consideran está penalizando ós pequenos concellos.

Na concentración estiveron, entre outros, os alcaldes de Vilanova, Meis, e Meaño, así como os deputados provinciais do PP Luis Aragunde e Angel Moldes.

O alcalde Gonzalo Durán asegura que no caso de Vilanova, os orzamentos provinciais para o ano que ven son moi inferiores con respecto á etapa Louzán.

O goberno local de Cambados traballa na próxima constitución do Consellos Parroquiais para implicar ós veciños na toma de decisións que lles afecten.

A vindeira semana a Concelleira de Participación Cidadá, Teresa Prado, e o teniente de alcalde nacionalista, Victor Caamaño, comezarán as primeiras tomas de contacto nas diferentes parroquias para explicar ós veciños o proceso de constitución dos Consellos.

Será unha asemblea veciñal por cada parroquia e unha destinada para o centro urbano.

Dos detalles daba conta esta mañá a Concelleira de Participación Cidadá, Teresa Prado e o Concelleiro Victor Caamaño, que recolleu para AROUSA PONTEVEDRA DIA A DIA, Alba Piñeiro.

O Concello de Vilanova pon en marcha medidas para reactivar a economía local e promover a implantación de novas empresas nos polígonos de Baión e Tremoedo.

Son dúas iniciativas que o goberno local levará a pleno o vindeiro día 30 relativas á exención das taxas de licencia de obra. A primeira dirixida a que toda obra nova que se realice nos polígonos do municipio estea exenta de pagar as taxas da licencia e a segunda para que calquera tipo de obra que se execute no concello con licencia caducada poida renovala sen custe.

Así o explicaba esta mañá o concelleiro de Economía de Vilanova, Javier Tourís nunha rolda de prensa que recollemos en AROUSA PONTEVEDRA DIA A DIA.

Os traballos de rexeneración da Praia do Preguntoiro danse hoxe por rematados ainda que queda pendente a solución de tres canalizacións de pluviais que desembocan no areal.

Será esta unha das peticións que o alcalde Alberto Varela trasladará a Costas do Estado na reunión que mañá manterá en Madrid co subdirector xeral do departamento estatal.

O rexedor tamén plantexará ante Costas a necesidade de rehabilitar o Paseo Marítimo, incluíndo a creación dun carril bici, que se pretende posteriormente ampliar unindo Carril e Vilaxoán.

Ademáis, será igualmente tema de análise a retirada do edificio do Centro de Interpretación da Ría, o CIRA, cuxos traballos de demolición comezarán a principios de decembro.

En todo caso, o máis urxente, para Alberto Varela, é a reconducción das canalizacións de pluviais na praia do Preguntoiro.

Así o explicaba o alcalde de Vilagarcía esta mañá a pe do areal durante a supervisión dos traballos de rexeneración da praia.

Segunda xornada no mar da Campaña da vieira mentres en terra nas instalacións da empresa Porto de Cambados eviscéranse as primeiras capturas dos barcos da flota cambadesa que participan nesta campaña.

De novo volveronse a cubrir os topes de captura (70 kilos de vieira por tripulante ata un máximo de 210 kilos por barco) e de novo extraidos os 3.500 kilos previstos nunha segunda xornada na que saíron ao mar 25 barcos.

As primeiras vieiras capturadas trasladáronse xa as instalacións de Tragove onde una trintena de operarias traballan dende esta mañana na limpeza, evisceración e envasado da vieira.

A hostelería e as cadeas de distribución son os principais destinos e a metade da producción queda en Galicia.

Todo elo nolo contaba en AROUSA PONTEVEDRA DIA A DIA Mar Ambroa, xerente de Porto de Cambados.

A Conselleira do Mar, Rosa Quintana visitou esta mañá o Centro de Investigacións Mariñas (CIMA) de Vilanova, para felicitar ó equipo técnico polo traballo que investigación que realizou para a detección de patoloxías de moluscos.

O novo método analítico elaborado polos técnicos galegos é, dende agora, o sistema homologado que se utilizará en toda a Unión Europea para a detección de toxinas.

Trátase dunha técnica que permite identificar se unha ostra está ou non afectada pola patoloxía bonamia ostreae a través da detección do ADN do patóxeno. É, segundo Rosa Quintana, un método que permite a identificación rápida de toxinas e ademáis facilita a toma de decisións á hora da xestión de apertura e peche de extracción.

Axí o explicaba a Conselleira do Mar, Rosa Quintana durante a súa visita ó CIMA, que recollemos en AROUSA PONTEVEDRA DIA A DIA.

Vilagarcía pon hoxe en marcha a campaña “Plántate na rúa”, dirixida ós centros educativos do municipio, coa finalidade de fomentar o civismo e o respecto polo mobiliario urbano, contribuíndo ao tempo no fomento do uso de prantas na decoración das rúas.

Unha campaña de concienciación cidadá no respecto do entorno, que comeza polos máis pequenos para que sexan éstes os trasladen ós maiores a necesidade de non romper o mobiliario urbano e non levarse para casa as plantas que decoran as rúas.

A iniciativa estará destinada aos alumnos de terceiro e cuarto de primaria de todos os centros educativos do municipio. Terá dúas fases: primeiro as charlas de concienciación, impartidas por técnicos municipais dende este xoves. Despóis, os nenos realizarán plantacións nas macetas urbanas e cada maceteiro levará un cártel identificativo do traballo de cada aula.

Os nenos dos colexios do centro urbano serán os primeiros en participar nunha charla conxunta, este xoves ás 10.30 horas no Auditorio. Os alumnos dos restantes centros educativos recibirán a charla no propio colexio.

Detalles dunha campaña que foi presentada esta mañá polos Concelleiros de Educación, Miro Serén, e o de Xardíns, Lino Mouriño, ademais de técnicos de ambas concellerías e que recollemos en AROUSA PONTEVEDRA DIA A DIA.

O alcalde de Vilanova, Gonzalo Duran ratifica que acudirá a xustiza para que se declare ilegal a paralizacion por parte da Deputación das obras de reforma da Casa de Cultura de O Esteiro, porque entende o goberno local que incumple o pliego de contratación.

Asimesmo, Gonzalo Durán tamén desvelou que o Concello de Vilanova recibiu unha carta de posible paralización dos vestiarios do complexo deportivo de O Terrón pola aparición dunha pedra nos cimentos, que non foi detectada polos técnicos no proxecto.

Neste caso, o alcalde vilanovés anuncia que será o propio concello o que se vai facer cargo dos traballos de retirada da rocha, adiantando o custe da actuación, uns 15.000 euros, para que a obra continue.