Denuncias de irregularidades da canceira da Deputación (CAAN) ubicada na Armenteira.

O refuxio de Animais de Cambados solicita ó organismo provincial que se revise o contrato coa concesionaria por considerar que “incumpre as súas obrigacións” e por “falta de transparencia”.

Así o pide a protectora de animais de Cambados nun escrito que presentou ante a DEputación, co respaldo do Concello de Sanxenxo, tras un episodio vivido neste municipio esta fin de semana.

Segundo o Concello de Sanxenxo, a edil de Seguridad Ciudadá contactou co CAAN para solicitar a recollida de dous cans abandonados e a resposta dende o centro da Armenteira foi negativa alegando que “non estaban mortos”.

Situacións que, segundo a presidenta do Refuxio de Cambados, repítense con demasiada frecuencia. Nolo explicaba en AROUSA PONTEVEDRA DIA A DIA a presidenta do Refuxio de Cambados, Olga Costa.

Segunda xornada da campaña da volandeira. Máis dun cento de embarcacións de Cambados e Rianxo volven ó mar nunha campaña que comezou con escasa capturas e prezos bastante bos, pero con malas perspectivas.

Ainda que son os primeiros días e todavía hai que ser cautos, dende as confrarías xa se teme que non vai ser boa.

Nolo decía en AROUSA PONTEVEDRA DIA A DIA Ruperto Costa, patrón maior do pósito de Cambados.

Cambados celebra en novembro os actos culturais en homenaxe ó seu escritor natal, Ramón Cabanillas, coincidindo co centenario da súa obra Vento Mareiro.

Concretamente, entre outras iniciativas, o 9 de novembro ás 18;30 horas conmemorarase o aniversario da súa morte coa colocación dunha placa na casa onde pasou os seus últimos días de vida na rúa Hospital.

Deste xeito, o goberno local quere popularizar a figura de Cabanillas, incluíndo ademáis un roteiro guiado o sábado 7 ás 11 horas, e a exposición de fotografías sobre Vento Mareiro que se inaugurará o venres 13 ás 20 horas en Exposalnés.

Outro acto importante é o que celebrará a Real Academia Galega o sábado 14 de novembro, na súa cuarta presencia en Cambados.

O auditorio da Xuventude acollerá dende as 7 e media da tarde diferentes relatorios sobre a vida e obra de Cabanillas, recitais poéticos de Fina Casalderrey, Margarita >Ledo e Salvador García-Bodaño.

Todo elo ambientado pola actuación musical de Xaquín Xesteira.

O programa de actividades foi desvelado esta mañá polo concelleiro de Cultura, Victor Caamaño, e o catedrático Francisco Fernández Rei, nunha rolda de prensa que seguiu a nosa compañeira Alba Piñeiro.

O Hospital do Salnés poderá efectuar dende mañá a solicitude de inscrición telemática no Rexistro Civil dos bebés recén nados no centro sanitario arousán.

Deste xeito, o centro comarcal súmase a Pontevedra no proxecto posto en marcha o pasado xullo polo Estado, sendo de momento os hospitais da Area Integrada Pontevedra-Salnés os únicos con este servizo en Galicia, que se irá implementando paulatinamente no resto de centros sanitarios públicos e privados.

Ata o de agora, os pais dos recén nados debían acudir ó Rexistro Civil para inscribir ós seus fillos, pero agora os trámites de solicitude poden realizarse no mesmo hospital, que será o encargado de remitir a documentación necesaria ó rexistro.

Os trámites serán gratuitos e voluntarios e bastará con presentar o certificado médico de nacemento que facilitan no mesmo hospital e os documentos de identidade dos pais e declarantes.

Eso sí, o prazo de presentación é de 72 horas dende o momento do alumbramento.

Nos hospitais públicos de Pontevedra o servizo comezou o pasado 15 de outubro e xa se levan rexistrados telemáticamente o 75% dos nacementos.

No Hospital do Salnés comezará mañá a aplicarse mediante un sistema informático específico que esta mañá presentou o director de Procesos Asistenciais da Area de Xestión Integrada Pontevedra e O Salnés, Jose Antonio Ortigueira Espinosa, acompañado polo xerente executivo do Hospital comarcal, Bibiano Fernández-Arruti López.

Ambos explicaban os detalles do novo sistema, que recollemos en AROUSA PONTEVEDRA DIA A DIA.

Tres touroperadores polacos levan dous días percorrendo a comarca do Salnés, e parten esta tarde con sensacións moi positivas, mesmo coa chuvia, para vender no seu país a o Salnés e Galicia como destino.

A visita xurdiu debido as sinerxias da Mancomunidade do Salnés coa Cámara de Comercio de Vigo, nunha misión multisectorial co mercado polaco.

Os tres touroperadores e o Presidente do Consorcio do sector en Polonia relataban esta mañá na Quinta de San Amaro, en Meaño, as súas impresións na viaxe, acompañados do xerente da Mancomunidade do Salnés, Ramón Guinarte.

Cambados inaugurou este mediodía o Mercado das Flores no que 26 vendedores ofrecen centros e adornos para engalanar os cemiterios con motivo do Día de Difuntos.

O Mercado cambia este ano de ubicación e trasládase ó Salón Peña, Estará aberto ata o domingo 1 de novembro en horario continuado dende as 8 da mañá as 10 da noite.

Detalles que nos contaba para AROUSA PONTEVEDRA DIA A DIA o portavoz do goberno local Xurxo Charlín.

Os actos de repulsa contra o último crime de violencia machista -van 5 xa en Galicia no que vai de ano- así como contra todos os asasinatos de mulleres a consecuencia desta lacra, repítense ó longo da xornada deste luns.

Institucións e veciños gardaron este mediodía un minuto de silencio ante a Deputación e tamén ás portas do Concello de Pontevedra en homenaxe á veciña de Pontesampaio, Conchi Regueira.

A presidenta da Deputación, Carmela Silva, volveu reclamar con urxencia unha solución de estado e que se cree un protocolo de actuación entre todas as administracións de Galicia promovido pola Xunta de Galicia.

Asimismo, está convocada para esta tarde outra concentración de repulsa ante este último asasinato machista a iniciativa do Consello da Muller e da Plataforma Feminista Galega de Pontevedra.

Será ás 20 horas ante a Audiencia Provincial de Pontevedra. Os colectivos convocantes piden á cidadanía que se sumen a estas concentracións para "visibilizar o rexeitamento da violencia machista” e exixir “ós poderes públicos que a loita contra os feminicidios sexa considerada un asunto de alta prioridade”e cuestión de Estado".

Para sumarse a estas concentracións, as asociaciones veciñais de Pontesampaio fletan dous autobuses que saldrán desta parroquia ás 19.30 horas.

Tamén outro colectivos como a Marcha Mundial das Mulleres convocou un acto en repulsa en Vigo ás 20,00 horas ante o Museo Marco da Rúa Príncipe.

O IES Asorey terá 7 novas aulas adicadas á Formación Profesional na segunda planta do centro, segundo se establece no anteproxecto de reforma que presentou esta mañá no centro de ensino o delegado territorial da Xunta en Pontevedra, Cores Tourís, acompañado do concelleiro de Educación de Cambados, Victor Caamaño.

As actuacións están incluidas nos orzamentos da Xunta para o ano que ven, cun investimento de arredor de un millón de euros, procedentes fundamentalmente de fondos europeos, pero repartidos en dúas anualidades.

A primeira partida de 250.000 euros está consignada para executar ó longo de 2016.

Nolo contaba en AROUSA PONTEVEDRA DIA A DIA o Concelleiro de Educación, Victor Caamaño, tralo acto de presentación das obras.

A ruta do Viño Rías Baixas e o Concello de Cambados presentaron esta mañá no Museo do Viño a programación especial con motivo do Día Europeo do Ecoturismo, que se celebra o vindeiro 8 de novembro. No acto participaron o concelleiro de Enoturismo Cambades, José Ramón Abal, a xerente da Ruta do Viño Rías Baixas, Lorena Varela, e a directora do Museo do Viño de Cambados, Rocío Acha.

Entre as actividades que se ofrecerán ó público entre os vindeiros días 4 e 11 de novembro, destacan o taller de memoria sensorial para invidentes, que se realizará en colaboración coa ONCE Galicia para 20 dos seus asociados. O taller tera lugar o 4 de novembro as 19:00 no Museo do Viño de Cambados.

A programacion especial polo Día do Enoturismo continúa o 7 de novembro co bus do Viño que saira as 10:00 horas do Parador do Albariño e levará ós visitantes as Adegas Casa da Barca, Martín Codax, Condes de Albarei e Don Olegario cun custe de 6 euros.

Non obstante, o mayor reclamó será a IV Cata Amateur Ruta do Viño Rías Baixas, que se desenvolverá o domingo 8 de novembro no Salón Peña. A actividade será gratuita previa inscripción cun aforo de 120 persoas e será impartida polo sumiller Nacho Costoya.

A programación concluirá cunha charla coloquio sobre Enoturismo e Redes Sociais, o 11 de novembro no Museo do Viño.

Con este programa, tanto a Ruta do Viño Rías Baixas como o Concello de Cambados queren potenciar os diferentes aspectos do Enoturismo en xeral e da Ruta do Viño en particular, a través de propostas atractivas e que aporten un valor engadido.

Durante a presentación, o concelleiro de Enoturismo de Cambados, destacou o incremento das visitas ás adegas da Ruta do Viño Rías Baixas e o interés dos visitantes de Cambados pola información enoturística.

Segundo os seus datos, durante este verán a vila do albariño recibiu 14.000 visitantes que se interesaron por referencias enoturísticas, 5.000 máis que no mesmo mes do ano pasado.

Así o recollemos en AROUSA PONTEVEDRA DIA A DIA.

Pese a situación de interinidade, a Mancomunidade do Salnés continúa con proxectos en marcha.

O presidente en funcións, Gonzalo Durán, anunciaba esta mañá en rolda de prensa que a entidade comarcal vai a estar presente na Feira de Turismo de Londres que se celebra o día 2 de novembro na capital británica.

Asimemo, estase xestionando a nova contratación da recollida de resíduos mancomunada, xa que a actual está a piques de rematar.

A idea de Gonzalo Durán é que outros concellos da comarca se sumen a esta iniciativa, na que actualmente están participando Cambados, Vilanova e Meis, para conseguir abaratar custes.

Para tal fin o presidente en funcións xa empezou a falar cos alcaldes de Ribadumia e A Illa.

Explicábao así Gonzalo Durán na rolda de prensa que recolleu para AROUSA PONTEVEDRA DIA A DIA Alba Piñeiro.