O Concello de Vilanova e Cáritas Arousa asinaron esta mañá o convenio para a doación da producción alimentaria que resulte dos talleres de formación en agricultura que se imparten no Pazo de Vista Real.

Son productos como aguacate, trigo, tomate ou outros de alto prezo como quinoa e algodón, que servirán para axudar nas iniciativas solidarias da entidade sen ánimo de lucro.

Por certo que Cáritas rexistrou por primeira vez unha lixeira diminución de usuarios dende o comezo da crise pero seguen sendo numerosos os casos de parados con problemas de alcohol.

Así o destacaba esta mañá o directos de Cáritas Arousa, Francisco Jesús Fernández Rodríguez, na presentación deste convenio de doación de productos, acompañado polo alcalde de Vilanova Gonzalo Durán.

Os emigrantes retornados das nosas comarcas continúan con mobilizacións reclamando unha tributación xusta,

Os Emigrantes do Salnés mobilizanrase o vindeiro luns en Santiago con outras 17 plataformas de emigrantes retornados e o colectivo de traballadores de Noruega.

A manifestación sairá ás 12:00h do mediodía da Praza do Obradoiro percorrendo diferentes rúas da capital compostelá ata chegar ao Parlamento Galego.

E paralelamente, a Asociación de Ulla-Umia, acudirá á manifestación preparada para o día 26 de novembro en Madrid, respaldada, pola Federación Española de Asociacións de emigrantes retornados,

E precisamente estes días, a presidenta deste colectivo que auna ás asociacións de toda España, Eva Foncubierta, está en Pontevedra realizando charlas informativas cara a manifestación que xa teñen preparada para o día 26 de novembro en Madrid.

Con Eva Foncubierta falamos en AROUSA PONTEVEDRA DIA A DIA.

O cátering Sala Gradín de A Estrada cubre dende hoxe e temporalmente o servizo de comedor dos colexios de Arousa que viñan realizando as empresas malagueñas Perea Rojas e Col-Servicol.

A Xunta rescindíu finalmente os seus contratos ó confirmarse ás irregularidades denunciadas polos pais este luns ante o mal estado da comida dos centros de Carril, , Vilaxoán, Rubiáns e Don Aurelio de Cuntis.

A mesma decisión foi adoptada coa empresa

Col-Servicol, do mesmo grupo, que ofrecía o servizo de cátering no comedor do colexio Magariños de Cambados.

Agora, será no Consello da Xunta da vindeira semana cando se aprobe un novo proceso de contratación por procedemento de urxencia, dos novos servizos de comedor.

Mentres tanto, dende a ANPA do colexio de Rubiáns a súa presidenta, Loli Lago, pide tranquilidade e calma ós pais para darlle á nova empresa Sala Gradín un marxe de tempo prudente de adaptación ó servizo.

Así nolo contaba Loli Lago nesta conversa en AROUSA PONTEVEDRA DIA A DIA.

Vilagarcía recibiu esta mañá o galardón Iglú Verde, que outorga Ecovidrio, en recoñecemento pola reciclaxe realizada durante a campaña de verán.

Segundo os datos do Xerente de Ecovidrio en Galicia, Germán Fernández, durante o plan trimestral de xullo a setembro recolleuse un 27% máis que o ano pasado, un total de 240 toneladas.

Máis de 30 establecementos hosteleiros implicáronse nesta campaña, sendo o gañador do premio de reciclaxe o Bar Terraza, que foi obsequiado cun televisor.

Un bo comportamento da cidadanía e do sector hosteleiro que destacaban esta mañá o xerente de Ecovidrio en Galicia, Germán Fernandez y el alcalde, Alberto Varela.

A gastrotaberna Churruca, na rúa da Baldosa en Vilagarcía, acolle dende mañá e ata o 30 de novembro unha exposición de pinturas de Javier Bruquetas, a favor da asociación “Sonrisas pelonas”, grupo sen ánimo de lucro que desenvolve o seu labor entre persoas hospitalizadas con cancro infantil e para fundacións destinadas á investigación.

A mostra inaugúrase mañá mércores ás 17.30 horas, cun prezo de entrada de 10 euros como donativo solidario.

A iniciativa partiu de Voluntarios BBVA, colectivo de traballadores da entidade que realizan actividades de carácter solidario.

De feito, o autor dos 21 cadros da exposición é un empregado da entidade bancaria, actualmente tamén enfermo de cancro.

Na mostra tamén colabora a adega Paco & Lola, xunto ao establecemento hostaleiro, que contribúe doando os produtos que se consumirán no tempo de duración da exposición.

Durante a mostra tamén poderán adquirirse artigos realizados pola propia asociación “Cabezas Pelonas” que informará da súa actividade no acto da presentación inaugural.

“Sonrisas pelonas”, asociación sen ánimo de lucro rexistrada o pasado 7 de setembro, naceu para axudar e apoiar a proxectos solidarios ou a fundacións que se dedican á investigación do cancro infantil e para intentar facerlles ás nenas e nenos que se atopan hospitalizados a estancia un pouco máis agradable, coa doazón de xoguetes, pinturas, libros e outros agasallos ao gusto da xente miúda. En expresión deste colectivo, “para axudar a esas guerreiras e guerreiros na súa persoal loita”.

De todos os detalles desta iniciativa falamos en AROUSA PONTEVEDRA DIA A DIA con Francisco Martín, coordinador de Voluntarios do BBVA na provincia de Pontevedra.

A Residencia Valle Inclán de Vilanova continúa inmersa nunha rede empresarial, na que dende o pasado 30 de novembro se incorpora unha nova empresa.

"Estilo y Moda Dos Andando SL" é agora a concesionaria dos servizos da residencia Valle Inclán, ainda que no rexistro mercantil, consta que, en realidade, a actividade de esta empresa é a venta de moda e complementos.

Pero iso non é todo, dentro de este entramado, volve a sair o nome de Jesus Pedro Arribas, propietario de Euroconsultores, outra das empresas afectadas, e tamén agora de "Estilo y Moda Dos Andando SL".

Dende a CIG queren poñer en coñecemento á Xunta e á Consellería de Sanidade e Benestar esta nova situación que sigue enredando o conflicto empresarial da residencia Valle Inclán.

Ademáis, dentro da serie de demandas cruzadas interpostas, nesta ocasión, as extraballadores da residencia de Vilanova están citadas a declarar o vindeiro luns ás 9:30 horas nos xulgados de Cambados para responder á querella presentada por Jesus Pedro Arribas.

Son datos que revelaba esta mañá o responsable comarcal da CIG, Xoán Xosé Bouzas Aboi, nunha rolda de prensa que recollemos en AROUSA PONTEVEDRA DIA A DIA.

A Mancomunidade do Salnés aposta agora por conseguir incrementar o turismo británico, idea afianzada trala presenza da entidade na Feira de Londres, onde estivo Gonzalo Durán, como presidente en funcións do órganismo comarcal, e tamén o alcalde de Sanxenxo, Gonzalo Pita, promocionando o seu municipio.

Gonzalo Durán asegura que non falaron da elección do novo presidente da Mancomunidade pero sí anuncia a convocatoria dun novo pleno para a constitución da comisión de contas e afirma que se continuará traballando na elaboración dos orzamentos.

Ademáis, tamén dí que non convocará novo pleno para a elección do presidente ata que reciba o informe da Xunta sobre cal debe ser a liña a seguir ó non ter ningún grupo a maioría absoluta.

Declaracións de Gonzalo Durán que recolleu Alba Piñeiro para AROUSA PONTEVEDRA DIA A DIA.

O concello de Vilanova agarda poder dispoñer do remodelado multiusos para a celebración da cabalgata de Reis.

As obras de reconversión do pabillón municipal avanzan a bo ritmo e só queda pendente o cambio de cuberta, ralentizado debido ás chuvias dos últimos días.

En todo caso, o alcalde, Gonzalo Durán, agarda que os traballos estean rematados en dous meses.

Así o decía hoxe nunha rolda de prensa que recollemos en AROUSA PONTEVEDRA DIA A DIA.

Situación de bloqueo nas obras de reforma da segunda fase da praza de abastos de Vilagarcía.

A Xunta emitiu un informe desfavorable de Patrimonio sobre o proxecto elaborado polo goberno local e impide que se poidan realizar as actuacións previstas.

A causa son as escaleiras eliminadas na primeira fase de reforma. Os técnicos de Patrimonio requiren que se restitúan estes elementos, o que para o concello é inviable porque sería moi custoso, a subvención outorgada pola administración autonómica non e suficiente, e requeriría eliminar a metade dos postos do mercado.

Con esta condición de Patrimonio, segundo o alcalde Alberto Varela, impediría realizar, igualmente,o proxecto elaborado polo anterior equipo de goberno, que deseñaba a construcción dunhas escaleiras mecánicas, e tampouco se poden acometer futuras obras.

Ante esta situación, o concello xa solicitou reunións cos departamentos de Cultura, Patrimonio e Comercio da Xunta, esta última xa convocada para o vindeiro luns ás 13.30 horas.

Unha situación que o alcalde Alberto Varela califica de paradóxica.

Así o decía nunha rolda de prensa celebrada esta mañá, na que estivo acompañado pola concelleira de Urbanismo, Paola María, e que recolleu para AROUSA PONTEVEDRA DIA A DIA Alba Piñeiro.

O profundo interese existente na actualidade pola historia dos vikingos, reflectida en películas, series e videoxogos, ademáis do rico patrimonio sobre eles no Salnés, levaron a Rubén Terré e a editorial Urko a elaborar e editar un libro sobre “Os vikingos na comarca Salnés”

Foi presentado esta mañá polo seu autor, Rubén Terré, nun acto promovido pola Mancomunidade do Salnés que contou coa presencia do presidente en funcións Gonzalo Durán, a alcaldesa de Cambados, Fátima Abal, e o concelleiro de Cultura de Cambados, Victor Caamaño.

Cincocentos exemplares do libro, encargados pola Mancomunidade en castelán e galego, serán distribuidos polos colexios, bibliotecas e concellos de toda a comarca, e será comercializado nas librerías por parte da editorial Urko por un prezo de 15 euros.

Trátase dunha publicación didáctica e divulgativa, que permite a posibilidade de interactuar a través do móvil cunha aplicación gratuita.

Inclue rutas turísticas da comarca, integrando a Catoira como parte da mesma, pola súa tradición vikinga.

Detalles que explicaban esta mañá o autor e o editor na rolda de prensa que recollemos en AROUSA PONTEVEDRA DIA A DIA.