A mancomunidade do Salnés aprobará os orzamentos para 2016 no pleno convocado para o venres 18 ás 17 horas.

Pese á todavía ausencia de presidente electo, os grupos políticos que conforman a entidade supramunicipal acordaron esta pasada tarde tramitar o borrador dos orzamentos na sesión convocada para esa data.

Así o explicaba esta mañá o presidente da Mancomunidade en funcións, Gonzalo Durán.

Cambados abre o próximo luns día 7 de decembro a súa programación de nadal, con numerosas actividades lúdicas pensadas sobre todo para os máis pequenos.

Como novidade, este ano o Parque de Atraccións do Salón Peña prolóngase ao longo de 7 días, dende o 23 ao 31 de decembro con entrada de balde.

Desta volta, ademáis dos habituais inchables, completarase con talleres, xogos e música que serán coordinados polos alumnos do obradoiro de animación sociocultural que se está a impartir en Cambados.

Tampouco faltarán a Visita de Papa Noel o día 24 pola tarde no Salón Peña, a celebración das 12 badaladas con Lacasitos na Praza do Concello o 31 ás 12 do mediodía, e a Cabalgata de Reis o 5 de Xaneiro a partir das 17 horas.

Aos actos programados para este Nadal tamén se suma un ano máis a Asociación de Comerciantes Zona Centro, que participará na campaña de recollida de xoguetes, , “Cada neno un Xoguete”, que se iniciará este vindeiro luns día 7, no Concurso de Postais de Nadal entre os alumnos dos centros educativos de Cambados, e, como ven sendo habitual, na súa propia Campaña con sorteo de 1.200 euros en Vales.

Os detalles explicábanos o portavoz do goberno local, Xurxo Charlín, e o presidente de Zona Centro, Juan Rey, nunha rolda de prensa que recollemos en AROUSA PONTEVEDRA DIA A DIA.

Vilagarcia acolleu esta maña a presentación dos Candidatos ao Congreso dos Deputados polo PSOE na provincia de Pontevedra cara ás eleccións xerais do 20 de Decembro.

Lola Galovar, Guillermo Meijón e Antonio Vazquez, os números 1, 2 e 4 da candidatura socialista por Pontevedra, comprométense, dentro das súas prioridades, a conseguir unha sanidade pública e de calidade.

Neste sentido, a presentación realizouse diante da Autoridade Portuaria de Vilagarcia para reclamar a creación dun centro de saude nestas instalacións.

Además, o alcalde, Alberto Varela anunciou que, tras as eleccións, pedirá unha xuntanza co Presidente de Portos do Estado para reivindicar o compromiso de solventar a necesidade dun novo centro de saude na localidade.

O Porto de Tragove foi esta mañá o escenario dun exercicio anticontaminación promovido por Portos de Galicia para comprobar o estado de funcionamento dos equipos técnicos e o adestramento do persoal en caso dunha situación real de contaminación.

No simulacro participaron unhas 70 persoas pertencentes o servizo de Gardacostas de Galicia, Intecmar e Sasemar, ademáis de persoal da Confraría de Cambados.

Os detalles nolos explican o presidente de Portos de Galicia, José Juan Durán, e o subdirector xeral de Gardacostas de Galicia, Lino Sexto, presentes no exercicio.

O conto infantil “Carapuchiña bermella” chega ao Auditorio de Vilagarcía cunha versión revisada da man de EducaTeatro.

Será este sábado día 5 ás 17 horas con entradas a prezo de 6 euros.

A representación teatral contará con novos persoaxes para facer as delicias dos máis pequenos, que poderán retratarse con eles despois da función.

Dende a organización aconsellan ir mercando xa as entradas, posto que xa levan máis de 200 vendidas tralo éxito dos expectáculos realizados xa noutras localidades.

Nolo contou en AROUSA PONTEVEDRA DIA A DIA, Xandre Vázquez, productor de EducaTeatro.

A asociación de hosteleiros de Vilagarcía ten novo presidente. Trátase de José Dieste, o xerente do Derby, que asume a presidencia de Ahituvi co apoio dos socios na asemblea que pechou o segundo mandado de Roberto Gerpe.

En AROUSA PONTEVEDRA DIA falamos con José Dieste, que nos contaba as novas propostas que a nova directiva ten en mente.

O grupo de goberno de Vilanova decidiu non tramitar ningunha iniciativa da oposición, nin en pleno nin en comisión, e romper calquera diálogo cos grupos municipais de PSOE e BNG ata que a Deputación de orden de reanudar as obras de reforma do auditorio de O Esteiro, paralizadas por un acordo da xunta de goberno provincial en base a un defecto de forma no proxecto.

A decisión do PP de Vilanova prodúcese despois de que os deputados provinciais do BNG e PSOE, incluido o deputado e concelleiro socialista de Vilanova, Javier Dios, rexeitasen o pasado venres incluir para o seu debate no pleno a moción presentada por vía de urxencia polo grupo do PP.

Ambas formacións consideraron que a premura da iniciativa dos populares non estaba xustificada.

En resposta o acontecido o pasado venres, esta mañá o grupo de goberno de Vilanova, encabezado polo alcalde Gonzalo Durán, adoptaba medidas de presión.

Así as anunciaba o alcalde Gonzalo Durán nunha rolda de prensa que recollemos en AROUSA PONTEVEDRA DIA A DIA.

En principio, o futuro do proxecto está pendente da comisión de seguimento das obras, convocada pola Deputación para o vindeiro mércores 2 de decembro ás 12.15 horas no Pazo Provincial.

Á reunión acudirá, por parte do Concello de Vilanova, o alcalde Gonzalo Durán, mentres que a institución provincial estará representada polo deputado vigués Carlos López Font.

Esta mañá tocoulle aos alumnos do colexio de O Piñeiriño participar no programa “Plántate na rúa", posto en marcha polo Concello de Vilagarcía para concienciar á sociedade, comezando polos máis pequenos, a cuidar as plantas e o mobiliario urbano.

Os nenos recibiron primeiro unha charla no propio colexio impartida por un técnico municipal e agora están procedento ás plantacións xunto a la piscina de Fontecarmoa.

Con eles, e co concelleiro de Medio Ambiente, Lino Mouriño, estivo a nosa compañeira Alba Piñeiro, recollendo as súas impresións para AROUSA PONTEVEDRA DIA A DIA.

O PP presentou na Deputación unha moción para o seu debate no próximo pleno provincial en contra da paralización das obras do Auditorio do Esteiro.

A iniciativa pide ao gobierno de Carmela Silva que dé marcha atrás e desbloquee a obra, actualmente paralizada.

O motivo desta moción dos populares foi explicado esta mañá en Vilanova por parte do alcalde, Gonzalo Durán, acompañado polo deputado provincial Luis Aragunde.

Tralo visionado ante os medios de comunicación dunhas declaracións de Carmela Silva en Canal Rías Baixas, o rexedor vilanovés asegurou que a presidenta provincial minte porque, en contra do que dí Carmela Silva nesa entrevista na televisión comarcal, a Deputación non cumple o convenio sobre as obras xa que en ningún momento se convocou a comisión de seguimento.

Pola súa banda, Luis Aragunde reclamou a Silva que recoñeza o seu error e deixe traballar aos técnicos.

Nos actos convocados polo Concello de Vilagarcía, estiveron tamén as Asociacións de Mulleres de Vilagarcía cunha iniciativa propia a través dunha performance de panos na boca e velas.

Pero, ademáis, a presenza dos 9 colectivos tamén tivo carácter reivindicativo cara o goberno local, porque aseguran que se sinten "ninguneadas" polo Concello na organización dos actos oficiaia contra a violencia de xénero que se celebraron hoxe.

Nolo contaba en AROUSA PONTEVEDRA DIA A DIA, Rosa Casal, portavoz dos colectivos.