A programación cultural de Cambados para este outono e inverno contará con actividades variadas para todos os gustos.

Teatro, exposicións, presentacións de libros, charlas, obradoiros para nenos, actuacións, concertos e actos en homenaxe a Ramón Cabanillas e Luis Rey, son algúns das actividades nas que se inician dende esta semana e se poderán disfrutar ata o mes de Xaneiro.

Un dos actos de máis relevancia este outono será a semana en homenaxe a Ramón Cabanillas, que dende o 4 de novembro ata o 14 do mesmo mes haberá numerosos actos culturais. Ademáis, o día 9 de novembro conmemorarase o aniversario da súa morte coa colocación dunha praca na casa onde pasou os seus últimos días de vida.

Outro dos eventos que se celebran en Cambados é o 125 aniversario da Banda de Música de Castrelo que realizará concertos durante os meses de novembro e decembro, e tamén a actuación de fin de ano.

O Concello de Cambados tampouco quixo esquecer ó recente falecido escritor Luis Rey, e celebrará un acto conmemorativo para poñer unha placa na Biblioteca Municipal que xa leva o seu nome, e que será o día 31 de outubro.

Non faltará teatro, actividades infantís e outros eventos que xa se viñan organizando como as Xornadas de Augardente e a Feira de Creadores Emerxentes, Peter's Room.

Unha programación cultural moi extensa que presentou esta mañá o concelleiro de Cultura de Cambados, Víctor Caamaño, e que explicou con detalles para AROUSA PONTEVEDRA DIA A DIA.

Reanúdanse as mobilizacións en demanda dunha ambulancia de soporte vital avanzado para a comarca do Salnés.

Os técnicos de emerxencias sanitarias inician unha campaña, a través do sindicato CIG, solicitando á Xunta, e ó novo Conselleiro de Sanidade, Jesús Vázquez Almuíña, a ambulancia asistencial avanzada 24 horas e durante os 365 días do ano,

A primeira fase da campaña realizarase a través de reunións coas xuntas de portavoces de todos os concellos do área do Salnés para explicarlles a situación e que poidan levar mocións ós plenos das diferentes corporacións.

De non ter resultados, convocarían mobilizacións na rúa.

Asimesmo, os técnicos sanitarios do Salnés denuncian que os servizos que realizan os equipos de emerxencias de Protección Civil a través de ambulancia son ilegais, porque non teñen a cualificación necesaria para elo.

Así o denunciaba en rolda de prensa o portavoz de CIG no Salnés, Xabier Aboi, acompañado de técnicos de emerxencias, e que recollemos en AROUSA PONTEVEDRA DIA A DIA.

O Concello de Cambados porá en marcha unhas Xornadas de Emprendemento para asesorar a todos aqueles que teñan en mente iniciar un negocio ou empresa.

Serán os días 23 e 24 de outubro no centro loxístico do Polígono de 7 Pías, co obxectivo de que os novos emprendedores coñezan de principio a fin os pormenores da creación dun negocio ou empresa a través do que lles conten técnicos do IGAPE, representantes de entidades financeiras, expertos en redes sociais do taller formativo da Deputación, e expertos en leis do gabinete xurídico Miguelez e Asociados de Cambados

De tal xeito que recibirán asesoramento sobre plans de negocio e estudio de viabilidade, cómo financiar o seu proxecto, entorno xurídico, bonificacións na seguridade social e cooperativismo.

Asimesmo, as xornadas incluirán unha mesa redonda na que estarán presentes membros da Asociación de Empresarios do Polígono do Salnés e do colectivo de comerciantes Cambados Zona Centro que lles explicarán a súa experiencia no mundo empresarial.

Os primeiros en coñecer a iniciativa do goberno local foron os alumnos que están participando no obradoiro de emprego de páxinas web e actividades socio culturais, así como os do curso de hostelería que se iniciou no mes de setembro.

Con eles, no centro de A Merced onde se imparten as clases, estiveron esta mañá a alcaldesa Fátima Abal, e o concelleiros de Promoción Económica Xurxo Charlín explicándolles o contido das xornadas de emprendemento.

En AROUSA PONTEVEDRA DIA A DIA recollemos o momento.

Tres das trinta e tres mortes por violencia de xénero en España no que vai de ano rexistráronse na provincia de Pontevedra, o que supón un 10% do total, e 4 no conxunto de Galicia.

Tralo último asasinato machista, ocorrido onte en Vigo, os cargos políticos e funcionarios da Deputación de Pontevedra gardaron esta mañá un minuto de silencio para mostrar a súa condea da violencia machista e ofrecer a súa solidariedade coa familia da muller asasinada.

A presidenta da Deputación, Carmela Silva, aproveitou a súa declaración institucionalo ás portas do Pazo Provincial para insistir na necesidade dun gran pacto de estado entre as Administracións Públicas sobre os crimes machistas. Neste sentido, pediulle ó presidente do goberno español, Mariano Rajoy, que declare a violencia de xénero como unha cuestión de estado.

Tamén convidou á cidadanía a que "sexa unánime o rexeitamento aos maltratadores, a fin de que non atopen ningunha tolerancia, ningunha xustificación, ningunha comprensión para os seus actos. Son asaninos, e nos asasinan". 

A presidenta provincial recalcou que as institucións téñense que poñer ao fronte da loita contra a violencia de xénero “e aportar os recursos suficientes para unha loita eficaz contra esta lacra social”.

O portavoz do PP, Luis Aragunde, realizou esta mañá valoración dos 100 días do goberno do cuatripartito.

Luis Aragunde asegurou que “o concello funciona peor, o novo goberno sae máis caro para os veciños, hai falta de liderazgo e mal ambiente entre os catro grupos que forman o goberno, e só se están xestionando os proxectos que deixara o anterior equipo de goberno”.

O portavoz do PP repasou diferentes asuntos tramitados polo goberno local neste trimestre, incidindo na Festa do Albariño, “cunha mala xestión, empezando polo cartel que non cumpría os requisitos e houbo que cambialo, a limpeza peor que outros anos e mentiron porque non contrataron máis persoal, o que sí se facía no anterior equipo de goberno”.

Ademáis, Luis Aragunde acusou ó cuatripartito de facer demagoxia cando dín que executan obras por menos cartos do que tiña xestionado o PP.

No ámbito económico, o ex-alcalde resaltou como logro do seu goberno que Cambados “é un dos concellos mellor saneados da provincia de Pontevedra, existen 400.000 euros de remanente, segundo informes de tesorería, as facturas pendentes de pago teñen un aval no ORAL, que garantiza o seu abono, e o pago a proveedores realízase en 17 días”.

Asimesmo, fixo mención a formación do pacto de goberno, no que, asegurou “a alcaldesa nin esta nin se espera”.

Declaracións de Luis Aragunde que recollemos en AROUSA PONTEVEDRA DIA A DIA.

Primeiras reaccións dos grupos da oposición ó pacto asinado entre PSOE e PP para desbloquear os salarios e retribucións dos concelleiros e a organización da corporación municipal, que leva enquistada desde hace más de cien días.

Dende o BNG, definen o acordo como unha traición á cidadanía e anuncian que votarán en contra no momento en que se debata este punto no pleno desta tarde.

Así nos explicaba en AROUSA PONTEVEDRA DIA A DIA á súa valoración o portavoz da formación nacionalista Xabier Ríos.

O proxecto de reforma da praza de abastos de Cambados ten que ser modificado porque, tal como estaba deseñado polo anterior equipo de goberno, excede en 400.000 euros a cantidade económica establecida no convenio co Ministerio de Fomento e a Xunta para a súa financiación.

Ademáis, tamén supera os límites constructivos impuestos por Portos de Galicia.

Para reconducir o proxecto, unha delegación do goberno local, encabezada pola alcaldesa Fátima Abal, entrevistouse en Madrid con responsables de Fomento e da Xunta de Galicia.

Sobre os detalles desta reunión en Madrid falamos en AROUSA PONTEVEDRA DIA A DIA, con Xurxo Charlín, concelleiro de Economía de Cambados, presente na reunión, xunto co edil de obras, José Ramón Abal.

O equipo de goberno de Sanxenxo fixo esta mañá valoración dos primeiros 100 días de goberno.

O alcalde, Gonzalo Pita, e o concelleiro nacionalista David Otero consideran que foi un trimestre positivo a pesar da situación coa que se encontraron ó chegar ó goberno: unha economía limitada no concello e o área de servicios prácticamente sen medios.

Neste sentido, resaltaron como puntos negativos a falta de socorristas, contratos irregulares como o da Casa de Cultura de Vilalonga, ou débedass de aluguer de locais que utiliza o concello por importe duns 75.000 euros.

Pero ainda así, o equipo de goberno encabezado por Gonzalo Pita apunta que puideron sacar todo adiante nun bo verán, con moitos visitantes.

A partir de agora, propóñense seguir co extricto cumplimiento da legalidad e das promesas electorais que fixeron ós vecinos.

Entre as actuacións que o cuatripartito de Sanxenxo pretende realizar de inmediato están a creación dunha ordenanza de terrazas, sacar adiante a reforma do Pazo Quintáns e levar a concurso o subministro de pago da enerxía eléctrica

Declaracións do alcalde Gonzalo Pita e do Concelleiro de Economía, David Otero, na rolda de prensa que recolleu para AROUSA PONTEVEDRA DIA A DIA Alba Piñeiro.

A Escola de Música de Vilanova comeza un novo curso, o seu noveno ano, con máis de 100 alumnos matriculados entre os 3 e os 55 anos.

A presentación do curso será o vindeiro luns día 21 ás 21:00 horas no Pazo de Vista Real, e esa mesma semana abrirase o prazo de matrícula que permanecerá aberto durante o curso.

O vindeiro ano, será unha data especial para a Escola de Música de Vilanova e xa teñen pensado celebrar o seu décimo aniversario cunha gran actuación de todos os músicos no novo Auditorio que se esta a construir no Esteiro.

E dado que a Deputación de Pontevedra decidiu deixar de financiar a Escola de Gaitas, será agora a Escola Municipal de Música de Vilanova a que impartirá ás clases de gaita se hai alumnos interesados en matricularse.

Ademáis da novidade da asignatura de gaita, a escola continuará impartindo as especialidades de vento madeira, vento metal, piano, guitarra e percusión, e tamén celebrarán os tradicionais  Festivais de Nadal, de Marzo, de Fin de Curso en Xuño, e outro espectáculo de inauguración do Auditorio municipal.

Son detalles que revelaba o director da Escola de Música de Vilanova, Jesús Nogueira, nunha rolda de prensa que recollemos en AROUSA PONTEVEDRA DIA A DIA.

O campo da Feira do Mosteiro estará, antes de que remate o ano, adecuada como zona de recreo e esparecemento, contando, ademáis do parque de xogos, cunha pista para prácticas deportivas como baloncesto ou fútbol.

Trátase dun espazo, situado na praza de España, que, unha vez remodelada polo concello, permitirá aos veciños, dispor dunha nova área multifuncional, para a realización de actividades de natureza, culturais e lúdica, utilizándose ao mesmo tempo como zona de descanso e lecer.

Os traballos, cun investimento de 15.000 euros, foron executados polo concello, a través dunha axuda da Xunta cofinanciada con fondos europeos no 80%.

El delegado de la Xunta en Pontevedra, José Manuel Cores Tourís visitou esta mañana a zona, acompañado do alcalde, José Luis Pérez, que destacou a remodelación da praza pero mantendo a simboloxía que ten para os veciños o tradicional Campo da Feira.

Durante o encontro, tamén se abordaron cuestións relativas á creación do Centro Social para maiores, que está pendente da renovación do tellado e a instalación dos mobles interiores para que poida entrar en funcionamento.

As declaracións recollémolas en AROUSA PONTEVEDRA DÍA A DÍA.