A ANPA do colexio de Rubiáns decidirá na asemblea que manterá o 1 de outubro, con motivo do inicio do curso, as novas mobilizacións que realizarán en demanda dun “ximnaxio digno”.

As instalacións apareceron unha vez máis inundadas coas chuvias do primeiro temporal da tempada e os pais e nais temen que se espere a que algún neno resulte ferido para que as administracións fagan algo ó respecto.

A ANPA amósase indignada e así nolo transmitia a Presidenta do colectivo, Loli Lago, nesta conversa que mantivemos con ela en AROUSA PONTEVEDRA DIA A DIA.

Hoxe é o inicio do curso para os alumnos de Bacharelato e a ESO, cando nalgúns colexios de Primaria seguen reivindicando as súas demandas ante Educación.

Tal é o caso do colexio A Torre-Illa, onde a Consellería lles acaba de conceder un segundo tutor para primeiro de primaria pero non o desdoble do curso.

Por tal motivo, dende a ANPA seguirán realizando actos reivindicativos pero, desta volta, con “protestas en positivo”

A Presidenta da ANPA, Iria Uzal, contábanos en AROUSA PONTEVEDRA DÍA A DIA que comezarán a facer traballos de manualidades cos nenos e que esta tarde celebrarán unha nova asemblea para concretar outro tipo de mobilizacións ou o cambio de día das concentracións ós sábados ante a imposibilidade de asistencia de moitos pais durante a semana debido ó traballo.

O temporal de chuvia e vento non axuda ás mobilizacións dos gandeiros que, pese a chuvia e o vento, permanecen, ante as portas das fábricas de Larsa, en Vilagarcía, Clesa, en Caldas e Nestlé en Pontecesures en demanda dun prezo sostible para o leite que producen.

De momento, pese as inclemencias meteorolóxicas aseguran que seguirán bloqueando as saídas e entradas das factorías alomenos ata que coñezan o resultado da segunda reunión do sector que prevista para esta mañá en Madrid, e que se estima clave para a solución ou agravamento do conflicto.

Os gandeiros síntense amparados polo apoio e comprensión da cidadanía, que a pasada tarde acudiu en masa ó reparto de balde de leite na Praza de Galicia, de Vilagarcía.

Ducias de veciños achegáronse a Praza de Galicia con botellas e garrafas para recoller os 1.000 litros de leite procedente de granxas do Deza, que os gandeiros entregaron, visibilizando as súas demandas dun prezo xusto polo seu producto.

As súas impresións nolas contaban en AROUSA PONTEVEDRA DIA A DIA nunha conversa con Alba Piñeiro.

As tractoradas en defensa do prezo do leite manteñen bloqueadas as entradas das industrias leiteiras de Arousa.

Os gandeiros procedentes da comarca do Deza continúan dende a fin de semana posicionados ante as factorías de Larsa en Vilagarcía, Clesa, en Caldas, e Nestlé, en Pontecesures, e así seguirán alomenos ata mañá martes, día fixado para a segunda reunión sectorial sobre o conflicto.

Asimesmo, os gandeiros estanse plantexando repetir en Vilagarcía, na Praza de Galicia, o reparto de leite de forma gratuita entre os veciños, como fixeron en Santiago, pero non podería ser ata que poidan ter disponibilidade da máquina de pasteurización.

Así nolo decía en AROUSA PONTEVEDRA DIA A DIA Luis Cejo, coordinador dos gandeiros da comarca do Deza, nunha conversa con Alba Piñeiro.

Vilanova poderá dispoñer do Auditorio de Esteiro a mediados do ano que ven, e servirá de complemento á Escola de Música de Vista Real.

Alomenos esas son as previsións do alcalde Gonzalo Durán, que visitou esta maña as obras do novo edificio multiusos, que acollerá un auditorio para 300 persoas e aulas para a Escola de musica e outras actividades culturais.

Entre tanto, ata que rematen as obras, a escola de música trasladouse ó Pazo de Vista Real, onde a partir da semana que ven comenzarán os cursos, que se compatibilizarán cos obradoiros de emprego.

Gonzalo Durán aproveitou a ocasión para recriminar á Deputación de Pontevedra que retirara o financiamento da Escola de Gaitas.

Durán considera “incomprensible” esta decisión do novo goberno provincial, pero insiste en que, pese a ser un dos 5 concellos afectados, Vilanova seguirá apostando pola cultura.

O Goberno local de vilagarcía califica de gran éxito a celebración das Festas de San Roque deste ano e agora comeza xa a traballar na organización dos eventos do vindeiro ano.

Unha próxima edición que o Concello considera que será de especial importancia xa que se cumplen 150 anos do combate naval e 10 dende que se declarou de Interés Turístico Nacional.

Os detalles ofrecíanos esta mañá a Concelleira de Cultura, Sonia Outón, e o alcalde de Vilagarcía, Alberto Varela, nunha rolda de prensa que recollemos en AROUSA PONTEVEDRA DIA A DIA.

O curso escolar comezou esta mañá. Case 9.000 nenos de educación infantil e primaria do Salnés e Baixo Ulla, prácticamente a mesma cifra no Barbanza, e 14.000 na comarca de Pontevedra, regresaron ás aulas nun inicio de curso que, segundo Educación, produciuse sen ningún tipo de anomalía.

Nesta primeira xornada escolar, o Delegado da Xunta en Pontevedra, Cores Tourís, e o xefe territorial de Educación, César Pérez Ares, estiveron en Cambados. Concretamente no Colexio Magariños para supervisar as obras financiadas pola Administración autonómica.

Xunto a eles estiveron por parte do goberno local os concelleiros de Obras e Sevizos, José Ramón Abal, e os edís Xurxo Charlín e Tino Cordal.

Segundo os datos facilitados por Cores Tourís, a Xunta investiu arredor de 300.000 euros nos dous últimos anos en reformas do CEIP Magariños, que incluen o cambio peches, pistas, cuberta, biblioteca e comedor.

Por parte do goberno local, o concelleiro de Obras e Servizos, José Ramón Abal, destacou que todavía quedan pendentes pequenas obras de mellora nos outros centros, como o cambio de ventanas e teitos, que se irán solicitando a medida que se precisen.

Neste sentido, agardan contar coa colaboración das administracións como ata o de agora.

Referencias educativas no primeiro día de escola no CEIP de Magariños que recollemos en AROUSA PONTEVEDRA DIA A DIA.

Contraréplica do alcalde de Vilanova, Gonzalo Durán, ás explicacións de Alberto Varela sobre Megasa, que o rexedor vilanovés califica de “sorprendentes”.

Segundo Gonzalo Durán, non é certa a información do alcalde de Vilagarcía asegurando que no estudio de detalle non figuran apertura de viais.

Boa sintonía puidose percibir ó remate do encontro celebrado esta mañá entre o alcalde de Vilagarcía, Alberto Varela, e a presidenta da Deputación, Carmela Silva, nas dependencias municipais de Ravella, dentro da rolda de contactos iniciada pola presidenta provincial cos rexedores dos concellos.

No encontro acordouse que sexa o Concello de Vilagarcía o que decida o sistema de cooperación que lle interesa manter coa Deputación para os próximos catro anos: ou ben a través do Fondo Local de Inversións ou a través dun convenio plurianual.

Asimesmo, Carmela Silva tamén se amosou disposta a que os importes sobrantes de actuacións provinciais correspondentes a 2014 e 2015 se poidan reinventir en futuros proxectos necesarios para a localidade.

Pola súa banda, a presidenta provincial recriminou ó seu antecesor, Rafael Louzán, que fixera promesas electorais para o municipio que non se cumpliron: concretamente a mellora do pabillón de Rubiáns e o acceso ó Hospital do Salnés.

A primeira por non haber “nin siquera un apunte do proxecto”, e a segunda por non ser competencia da Deputación, senon de Fomento.

En todo caso, Carmela Silva está disposta a retomar ambas actuacións.

Seguindo a reunión estivo a nosa compañeira Alba Piñeiro, que nos trasladou as declaracións de ambos na rolda de prensa posterior para AROUSA PONTEVEDRA DIA A DIA.

O alcalde de Vilanova, Gonzalo Durán, quiso puntualizar e matizar esta mañá o motivo do seu posicionamento contrario a construcción dun centro comercial na finca de Megasa.

Asegura o rexedor vilanovés que o proxecto é ilegal xa que vulnera a exixencia de que o solo sexa exclusivamente comercial e o estudio de detalle excede dos seus fins e cometidos.