A tres días de que comece o curso escolar, a situación preséntase complicada nos colexios Anexo e A Lomba de Vilagarcía, que, veñen compartindo dende hai anos, a mesma administración pero con dous xefes de estudio.

Sen embargo, para este curso, a Consellería de Educación decidiu suprimir un deles, provocando o malestar da comunidade educativa.

Pois para saber os detalles, falamos en AROUSA PONTEVEDRA DIA A DIA con Juan Carlos Ameijeiras, vicepresidente da Coordinadora de Anpas de Vilagarcía.

VILANOVA COLES

Os colexios de Vilanovaestán preparados para o comezo do curso escolar o próximo día 10.

O concello investiu 120.000 euros para a mellora dos centros, pese a ser competencia da Xunta.

Un dato que resaltaba esta mañá o alcalde, Gonzalo Durán, nunha rolda de prensa que recolleu para AROUSA PONTEVEDRA DIA A DIA Alba Piñeiro.

O Vicepresidente da Xunta, Alfonso Rueda, visitou este mediodía a Cooperativa Horsal de Cambados, acompañado da alcaldesa, Fátima Abal, para supervisar as actuacións que a empresa agrícola realizou cun investimento de máis de 300.000 euros para melloras na súa producción, cunha axuda da Xunta de case 150.000 euros.

Os detalles da actuación explicabanos o presidente de Horsal, Alberto Amil Chaves, e o vicepresidente da Xunta.

Os representantes de Zona Aberta saíron “esperanzados” da reunión mantida esta mañá en Santiago coa directora xer al de Comercio para tratar o polémico proxecto de construción dunha grande área comercial na finca de Megasa.

Ó encontro acudiron reforzados pola presencia do alcalde, Alberto Varela, e da concelleira de Urbani smo, Paola María, que quixeron facer constar ante a administración autonómi ca o apoio do goberno local ás reivindicacións do pequeno comercio en contra da implantación dunha nova gran área comer cial na finca da Avenida das Carolinas.

A directora Xeral de Comercio explicoulles o estado da tramitación do expediente, que está pendente dos informes do Concello de Vilagarcía e Medio Ambiente e pediulles que agarden a que os informes sexan concluintes para adoptar, de ser posible, unha medida de paralización cautelar do proxecto.

Paralelamente, o colectivo xa comenzou a repartir entre os sus asociados os formularios da campaña de alegacións contra o proxecto de Megasa, para o que teñen de prazo ata este sábado 5 de setembro. Agardan recoller 500 alegacións.

Os detalles da conclusión do encontro celebrado en Santiago coa directora xeral de Comercio nolos contaba en AROUSA PONTEVEDRA DIA A DIA Rocío Louzán, presidenta de Zona Aberta de Vilagarcía.

Co calificativo de “desproporcionado” valorou esta mañá o alcalde de Vilanova, Gonzalo Durán, a celebración da primeira edición do Choqueivrán, celebrado o pasado sábado.

Segundo o rexedor, superáronse todas as expectativas dun xeito “desproporcionado” ó que era en sí o espectáculo.

A numerosa asistencia ó primeiro Carnaval de Verán que organiza Vilanova anima ó concello a manter a convocatoria para próximos anos.

O polígono de Tremoedo terá a partir de outubro 20 cámaras de seguridade ubicadas nos cruces, que permitirán mellorar a vixiancia no entorno e dar unha solución a unha antiga demanda dos empresarios deste área.

A actuación realizarase cun investimento de 145.000 euros, que financia nun 70% a Consellería de Industria.

Segundo o alcalde de Vilanova, o concello tentará poñer en marcha unha medida semellante no polígono de Baión, así como en Vista Real e nas instalacións deportivas de O Terrón, acolléndose a futuras axudas da administración autonómica

O delegado territorial da Xunta en Pontevedra, José Manuel Cores Tourís, visitou esta mañá a zona, acompañado polo alcalde Gonzalo Durán, que posteriormente nos explicaba os detalles desta actuación.

Carril acollerá este sábado 5 de setembro unha nova edición do Ameixa Rock.

O festival presenta este ano diversas novidades como viaxes a Cortegada e actividades para os máis pequenos.

O programa desvelábao esta mañá Elpidio Costa, portavoz dos organizadores, acompañado do alcalde Alberto Varela.

21 alumnos comezaron hoxe a traballar nun novo Obradoiro de Emprego de Vilagarcía.

Catro docentes impartirán durante 6 meses os talleres, que estarán destinados a actuacións de mellora do entorno do Castro Alobre así como outras obras de recuperación do municipio.

Será a través de dúas especialidades: unha adicada a traballos de carpinteiría e moble e outra a instalación e mantemento de xardíns e zonas verdes.

O obradoiro de emprego realízase a través das axudas da Xunta, que inviste neste ciclo formativo 190.000 euros, mentres que o Concello de Vilagarcía aporta 9.000 euros ademáis do material necesario.

O inicio deste ciclo formativo foi inaugurado esta mañá nas dependencias da Escola Taller de Vilagarcía, coa presencia do delegado territorial da Xunta en Pontevedra, José Manuel Cores Tourís, acompañado do alcalde Alberto Varela, que lles deron a benvida ós 21 alumnos.

Ademáis, Cores Tourís aproveitou a ocasión para anunciar que agarda que a mellora da economía permita que a partir do ano que ven os obradoiros de emprego amplíen a súa duración a 12 meses.

O entorno do mercado ambulante de Catoira mellorará a súa accesibilidade e o estado das lousas.

Trátase dunha infraestrutura clave para a dinamización do comercio de proximidade local que vai ser modernizada e remodelada polo Concello, cun investimento de 36.000 euros, financiados nun 70% pola Consellería de Economía e Industria.

Entre as actuacións previstas atópase a instalación dunha rampla de acceso para persoas con mobilidade reducida, a substitución de lousas de pedra país, a colocacón dun aparca bicicletas e a instalación dun Punto de Información ao Cliente.

Ademais, tamén se instalarán toldos móviles para resgardar da choiva os postos do mercadillo ambulante que se celebra todos os venres.

A zona onde se vai actuar recibiu esta mañá a visita do Delegado Territorial da Xunta en Pontevedra, Jose Manuel Cores Tourís, dentro dos encontros que estes días está a realizar en diferentes municipios para supervisar as actuacións en curso que está a realizar a Xunta.

As actuacións que se van realizar nolas explicaba en AROUSA PONTEVEDRA DIA A DIA o alcalde de Catoira, Alberto García, a preguntas da nosa compañeira Alba Piñeiro.

O sindicato CIG pon en marcha na comarca do Salnés a recollida de sinaturas para sacar adiante no Parlamento Galego unha Iniciativa Lexislativa Popular (ILP) coa que se pretende que Galicia teña unha tarifa eléctrica máis baixa que o resto de España.

Ademáis da recollida de rúbricas, a campaña do sindicato inclue reunións cos portavoces dos gobernos locais na comarca do Salnés para que aproben nos seus respectivos plenos municipais mocións de apoio a esta iniciativa, así como asembleas informativas nos centros de traballo.

Segundo nos explicaba Xoan Xosé Bouzas Aboi, secretario de CIG-Salnés en AROUSA PONTEVEDRA DIA A DIA, Galicia ten excedentes en producción de enerxía, pero, sen embargo, esta circunstancia non ten ningunha repercusión positiva no noso país.

Pola contra, considera a central nacionalista, “pagamos sobrecostes do transporte”.

Por tal motivo, unha tarifa reducida en Galicia faría máis competitivas as empresas do país e evitaría a situación de “pobreza enerxética que actualmente padecen 100.000 fogares, que destinan máis dun 30% dos seus ingresos a pagar o recibo da luz”