Cambados tamén está hoxe presente en Fitur. O Concelleiro de enoturismo, José Ramón Abal, será o encargado esta tarde no stand de TurGalicia de promocionar a vila cambadesa a través da nova marca “Cambados Enoturimo, Capital del Albariño".

O obxetivo é dar a coñecer a todos os asistentes as distintas posibilidades e experiencias relacionadas co mundo do viño e a súa cultura, rematando a presentación cun novo vídeo promocional da vila.

O Concelleiro contábanos en AROUSA PONTEVEDRA DIA A DIA os contactos e expectativas.

A Mancomunidade do Salnés, está presente durante esta xornada en Fitur, ao igual que os concellos de Sanxenxo e Cambados para presentar as súas ofertas turísiticas..

A Mancomunidade leva esta ano como reclamo a Ruta do Padre Sarmiento, mentres que Cambados promove a marca Cambados enoturismo, que relaciona a oferta turística da vila co mundo do viño e Sanxenxo promociona o seu destino a través de reunións con empresarios turísticos.

As grandes ausencias deste ano son O Grove e Vilagarcía.

En AROUSA PONTEVEDRA DIA A DIA conectamos en directo con Fitur para falar co Presidente da Mancomunidade do Salnés.

Gonzalo Durán explicounos os detalles da proposta turística comarcal, a través da ruta do Padre Sarmiento, que, comezando en Poio, decorre polos municipios de Arousa reproducindo a viaxe que realizou o sacerdote hai tres séculos no Ano Santo cara Compostela.

Un itinerario que agora a Mancomunidade do Salnés recolle como oferta turística desestacionalizada durante unha semana.

A Presidenta da Deputación de Pontevedra, Carmela Silva, e o alcalde de A Illa de Arousa escenificaron hoxe a posta do escudo deste concello xunto aos 61 concellos do resto da provincia que se atopan na escalinata de acceso ao Pazo Provincial en Pontevedra.

O escudo do concello de A Illa de Arousa era o único que faltaba por poñer xunto o resto de concellos na escalinata do pazo despois de oito anos de acadar o acordo plenario do municipio para a súa aprobación xunto coa bandeira.

Así o recordou o alcalde, Carlos Iglesias, que sinalou que tras a segregación do concello de Vilanova e converterse no concello número 62 da provincia de Pontevedra, aprobouse en 2008 o escudo e a bandeira do seu concello. Nembergantes a pesares das demandas a anterior goberno da Deputación de colocación do seu escudo xunto o resto non foi nunca atendida.

"Oito anos despois e cunha nova presidenta vemos o noso escudo xunto o resto, nun acto que pode parecer pouco importante, pero que realmente remata coa discriminación que sufría a Illa de Arousa do anterior presidente da Deputación de Pontevedra", sinalou Carlos Iglesias.

Pola súa banda, a Presidenta Carmela Silva, reconoceu que foi unha das primeiras reclamacións do alcalde de A Illa tras a súa primeira xuntanza, e "me sorprendeu que non se dera unha resposta a algo tan sinxelo dende esta casa. Nesta Deputación faltaba un concello que non estaba presente".

Silva sinalou que o novo goberno da Deputación ten no seu facer "o máximo ríspeto polos concellos da provincia e algo tan sinxelo de facer, pero tan importante para a dignidade do concello de A Illa, estivera sen facer".

O teatro musical para os mais pequenos volve ó Auditorio de Vilagarcia coa representación de "Animundis".

A cita tera lugar este domingo día 24, as 18:00 horas.

En "Animundis" non faltaran as risas e a boa música en directo, con letras para os cativos pero con ritmos para os pais, como o blues ou o funky, nunha peza teatral na que se pretende inculcar valores de igualdade e solidariedade.

O custe das entradas será de 3 euros e poderanse adquirir o mesmo día da función dende as 16:00 horas.

Dende a súa estrea no 2014, e despois de recorrer varios lugares de toda España con boas críticas, "Animundis" estará por primeira vez na nosa comarca.

A presentación do espectáculo foi esta mañá en Vilagarcía, coa presenza da concelleira de cultura Sonia Outon e do guionista da obra Benjamín Queiro, e recollémola en AROUSA PONTEVEDRA DIA A DIA.

Aproveitando que o Conselleiro de Educación, Román Rodriguez, visitou os centros educativos de Vilagarcía acompañado da Directora Xeral de Patrimonio da Xunta, o encontro solicitado polo alcalde Alberto Varela para tentar desbloquear as obras da segunda fase do mercado celebrouse esta mañá no Concello, e non en Santiago como estaba previsto.

Segundo o acordado, ambas administracións tentarán buscar unha solución técnica que permita a continuidade dos traballos.

A reunión, segundo o alcalde, Alberto Varela, transcurriu en moi boa sintonía por ambas partes

Así o explicaban o conselleiro, Román Vázquez, e tamén o alcalde Alberto Varela

A Consellería Educación acometerá varias reformas de xeito inmediato en tres centros de Vilagarcía de Arousa: o CEIP de Rubiáns, o CEIP A Lomba e o CEIP de Vilaxoán.

Así o anunciou o conselleiro Román Rodríguez con motivo dunha visita esta mañá ao IES Armando Cotarelo Valledor, onde o seu departamento vén de rematar unha obra de ampliación para dotar de máis espazo aos ciclos de Formación Profesional.

En concreto, estes traballos, aos que se destinaron 485.799 euros, consistiron na construción dun novo módulo que alberga 4 aulas-taller na planta baixa do IES. No primeiro piso sitúase un novo salón de actos e zonas destinadas a despachos de dirección e secretaría. Deste xeito, os espazos do edificio xa existente quedan agora reformulados, posto que o antigo salón de actos transfórmase en dúas novas aulas, mentres que a vivenda do conserxe pasa a ser un viveiro de empresas composto por dous despachos, aseo e aula polivalente.

En canto ao colexio de Rubiáns, a Consellería comprométese coa reforma integral do ximnasio coa cooperación do Concello, que quedará plasmada nun próximo convenio de colaboración.

Ao abeiro deste convenio, no que quedarán fixados os prazos de execución, o departamento educativo da Xunta de Galicia asumirá o 50% do custe da obra, mentres que o outro 50% o sufragará o Concello. En total, o investimento estimado deste novo ximnasio ascenderá a 235.000 euros. En canto á posibilidade de dotar ao novo espazo de vestiarios, no informe da Unidade Técnica lémbraselle ao Concello que sería importante coñecer as redes de saneamento en uso.

Sobre o colexio de A Lomba, o titular do departamento autonómico de Educación anunciou un cambio de cuberta, que deberá asumir a empresa construtora ao tratarse dun problema de impermeabilización da mesma, constatado no propio informe da Unidade Técnica. Por tanto, de xeito inmediato, a Consellería esixiralle á empresa unha reforma que garanta o conforto da comunidade escolar.

Así mesmo, a Consellería tamén se compromete a reformar os falsos teitos e fiestras da aula de infantil do CEIP de Vilaxoán, aos que destinará un investimento de arredor de 30.000 euros. Estes traballos –xunto cos de Rubiáns e A Lomba– deberán levarse a cabo durante o período estival co obxecto de non interferir coas clases e asumiranse con cargo ao RAM deste ano (fondo de reforma, ampliación e mellora).

Os detalles das actuacións recolleunos para AROUSA PONTEVEDRA DIA A DIA a nosa compañeira Alba Piñeiro.

O secretario xeral da Xunta en Pontevedra, Miguel Dubois, visitou esta mañá a Adega Bouza do Rei, en Ribadumia, para comprobar as inversións realizadas dentro das liñas de Axudas da Xunta para a implantación de nova maquinaria e a comercialización en terceiros países.

Con estas axudas, a Adega Bouza do Rei adquiriu unha nova máquina embotelladora, un montacargas e unha carretilla eléctrica.

E en canto a comercialización en terceiros países, Bouza do Rei recibiu un importe de 11.180 euros para mellorar a súa exportación, que nestes momentos chega ao 25% da producción dos seus viños en máis de 20 países.

Para este ano 2016 tamén se dispuxeron estas liñas de axudas, que no caso da comercialización exterior, o prazo para solicitala remata hoxe ás 7 da tarde e para a solicitude de nova maquinaria, o prazo remata tamén o vindeiro xoves.

Así o explicaban o secretario xeral da Xunta, Miguel Dubois e o xerente da Adega Bouza do Rei, Isidoro Serantes, nunhas declaracións que recollemos en AROUSA PONTEVEDRA DIA A DIA.

Cambados ten xa todo listo para a celebración do Entroido 2016, que será máis participativo, coa implicación directa de diversos colectivos sociais e veciñais, a novidade da presenza de comparsas no Desfile e a crítica satírica sobre o cuatripartito.

A asociación “Unha, grande, chea” abre as actividades cun concerto no que intervirán 8 grupos locais a beneficio de AME. Será o venres 5 de febreiro na Praza de Alfredo Brañas.

Ademáis dunha homenaxe o seu fundador Xaquín “Chon” Charlín, falecido o ano pasado, o colectivo tamén dará lugar as críticas satíricas ao cuatripartito con letras como “xuntáronse tres un día, máis un que ven agregado, quixeron botar ao alcalde e fixérono deputado”.

O sábado día 6 será a primeira xornada dos “Petiscos de Entroido”, concurso de pinchos organizado pola Asociación de Comerciantes Zona Centro, en colaboración cos hosteleiros locais. O mesmo día, o Parque Torrado encherase de animación infantil, con inchables, obradoiros e globoflexia, da man da Illa dos Nenos.

O domingo 7 será o Desfile de Carrozas, coa inclusión como novidade das comparsas, e que será retransmitido pola humorista Isabel Risco. Partirá as 17 horas de San Tomé para rematar na Praza do Concello.

O luns 8 o salón Peña acollerá o Desfile de Entroido Infantil, as 17 horas, organizado un ano máis pola Çonfraría de Cambados, e paralelamente, celebrase no Salón Peña o Concurso de Filloas.

O martes 9 será o día do Concurso de Disfraces e Comparsas na Praza de Alfredo Brañas (en caso de chuvia no Salón Peña).

E xa o mércores 10 pechará o Entroido o enterro da Sardiña cunha representación a cargo de Ademar Silvoso, “para salvar as almas logo dos excesos do Entroido”.

Será, primeiro, ás 19 horas na Praza do Concello cunha “homilía guiada polo predicador e o coro gospel Olodum Do Coio” e despóis na praia de San Tomé a queima da Sardiña “ou no despacho da alcaldesa se as inclemencias do tempo así o dictan”.

Os premios serán de ata 500 euros para os gañadores de Carrozas e de ata 300 euros para os Disfraces.

O programa foi presentado esta mañá no Concello de Cambados, coa presenza do concelleiro de Cultura, Victor Caamaño, acompañado dous representantes de Unha, grande, chea, os presidentes de Zona Centro, Juan Rey, e da Confraría, Ruperto Costa, ademáis de Ademar Silvoso.

Detalles que recollemos en AROUSA PONTEVEDRA DIA A DIA.

A Mancomunidade do Salnés pon en marcha unha nova oferta turística, que presentará a nivel Internacional en Fitur o vindeiro mércores.

Trátase da ruta turística do Padre Sarmiento, que, comezando en Poio, decorre polos municipios de Arousa reproducindo a viaxe que realizou o sacerdote hai tres séculos no Ano Santo cara Compostela.

Un itinerario que agora a Mancomunidade do Salnés recolle como oferta turística desestacionalizada durante unha semana.

Explicábao así o presidente en funcións da entidade comarcal, Gonzalo Durán, nunha rolda de prensa que recollemos en AROUSA PONTEVEDRA DIA A DIA.

O Concello de Vilagarcía solicitou a súa adhesión ao Fondo Europeo de Desenvolvemento Rexional (FEDER) para poñer en marcha o proxecto “Vilagarcía Avanza”.

Unha iniciativa para o desenvolvemento da cidade , que se pretende financiar cos fondos europeos para os próximos 5 anos e que ten como finalidade un crecemento intelixente, sostible e integrador da cidade.

O importe máximo ao que se pode optar é de 5 millóns de euros. A resolución saberase en maio.

Os detalles ofrecíanos hai uns minutos o alcalde Alberto Varela, acompañado da concelleira de Urbanismo Paola María, nunha rolda de prensa que recollemos en AROUSA PONTEVEDRA DIA A DIA.