Vilagarcía pon en marcha un novo sistema de vendas de entradas para os espectáculos do Auditorio e do Salón García.

A partir de agora será a través da Plataforma Ticketea. O novo sistema reducirá considerablemente os custes de xestión, que serán agora dun 10%, e posibilitará a compra de entradas a través das redes sociais e dos smartphones.

A presentación do convenio asinado entre ambas partes tivo lugar esta mañá por parte da concelleira de Cultura, Sonia Outón e o representante de Ticketea, Hernán Carrión.

Ambos explicaban os beneficios nunha rolda de prensa que recollemos en AROUSA PONTEVEDRA DIA A DIA.

Satisfacción en Vilagarcía pola sentencia firme do Tribunal Supremo que devolve ao concello os 4,3 millóns de euros do préstamo do proxecto de Luz Salgada.

El alcalde de Vilagarcía, Alberto Varela, congratulase do fallo xudicial e avanza que o goberno local consensuará co resto dos grupos municipais os pasos a dar e os investimentos que se levarán a cabo coa devolución do préstamo.

Dende o PP, Tomás Fole transmitiu esta mañá a súa satisfacción pola sentencia do Tribunal Supremo.

Eso sí, o portavoz popular reivindica a súa xestión en todo o proceso, tanto a do seu equipo de goberno na pasada lexislatura como o traballo realizado por parte da Xunta en todo este tempo e agarda un recoñecemento ao seu labor por parte do executivo socialista.

En todo caso, o PP pregúntase agora cómo vai xestionar o goberno socialista a devolución do préstamo .

Así o decía o portavoz do PP, Tomás Fole, nunha rolda de prensa que recollemos en AROUSA PONTEVEDRA DIA A DIA.

O traslado a Sanxenxo do Obradoiro de Hostelería da Mancomunidade que se viña celebrando no Grove podería supoñer a saída do municipio meco da entidade comarcal.

O alcalde, José Antonio Cacabelos, decidirá sobre a súa continuidade en función da conclusión dun informe económico sobre o custe que tería para o Concello asumir a xestión e abastecemento do servizo da auga que agora está mancomunado.

As críticas de Cacabelos van dirixidas ao presidente en funcións da Mancomunidade, Gonzalo Durán: “En O Grove hay dos burros en A Toxa y yo ya hace tiempo que dejé de hacer caso a los rebuznos de Durán”, dixo o alcalde meco.

Declaracións do alcalde de O Grove que tivo esta mañá inmediata resposta por parte do presidente en funcións da Mancomunidade.

Segundo Gonzalo Durán, a postura de Cacabelos é infantil, caprichosa e demostra unha falta de solidaridade total e absoluta: “Me alegro mucho que en aquella votación hubiésemos quedado en empate y hoy no sea él el presidente de la Mancomunidad”, dixo Durán nunha rolda de prensa que recollemos en AROUSA PONTEVEDRA DIA A DIA.

A CIG retoma as iniciativas en demanda dunha ambulancia medicalizada para o Salnés.

O sindicato ofreceu esta mañá os seus datos sobre a situación na que se atopa a Área Sanitaria do Salnés no referido a atención do transporte sanitario urxente.

A rolda de prensa da central nacionalista, na que tamén estiveron presentes técnicos sanitarios, produciuse despois de que a Xunta denegara unha vez máis unha una ambulancia con soporte vital avanzado para a comarca ao considerar que os tempos medios de atención son os adecuados

Segundo o xerente de Urxencias Sanitrias, Antonio Fernández-Campa, a espera non se extende máis de media hora en chegar ao punto máis afastado.

Considera o Sergas que a cobertura actual de transporte sanitario segue sendo suficiente e achaca a demanda da ambulancia medicalizada por parte dos sanitarios a un interés laboral de poder dispoñer de máis traballo.

A resposta de Fernández Campa á iniciativa parlamentaria do BNG da pasada semana levantou esta mañá duras críticas por parte da CIG, que acusa ó responsable do Sergas de mentir.

Asimesmo, a central nacionalista volve solicitar novas reunións cos concellos en demanda da ambulancia medicalizada para a comarca, pois da primeira ronda de peticións só conseguiron a atención de Cambados e O Grove.

Explicábao o portavoz da formación nacionalista, Xavier Aboi, nunha rolda de prensa que recollemos en AROUSA PONTEVEDRA DIA A DIA.

35 expositores de Galicia e Portugal daranse cita esta fin de semana en Vilanova na II edición da Mostra da Camelia que organiza o concello vilanovés.

O certame celebrarase no Pazo Cuadrante Valle Inclán e como novidade nesta ocasión incluirá productos elaborados con esta flor, como é o caso da marmalada ou aceite de camelia.

Explicábao esta mañá a Concelleira de Cultura, Ana Carballa.

A exención de taxas aumenta a disposición das empresas por instalarse nos polígonos de Vilanova e xa hai varias firmas estudando a posibilidade de implantarse en Baión e Tremoedo.

No polígono de Baión hai duas empresas interesadas, unha delas ainda en fase de negociación. A que si está confirmada é a ubicación da firma Sartal, adicada ao aluguer de maquinaria agrícola, que adquiriu xa unha parcela de 2.500 metros cadrados e comezará a vindeira semana coas obras de construcción da nave.

Ademáis, unha empresa galega mercou unha das naves existentes no polígono de Tremoedo para ubicar un segundo negocio e ofrecer os seus servizos na zona.

Pero en Vilanova non so hai interese nos seus polígonos. O Concello amosa a súa satisfacción pola repercusión que esta a ter o seu obradoiro de agricultura ecolóxica e os productos que cultivan no Pazo de Vista Real, xa que varios empresarios tamén se achegaron o Centro de Desenvolvemento local para obter mais información sobre a quinoa e o aguacate.

Son datos que revelou esta mañá o tenente de alcalde de Vilanova, Javier Touris, nunha rolda de prensa que recollemos en AROUSA PONTEVEDRA DIA A DIA.

A exposición itinerante "A Raza Cósmica" de Lucas Míguez remata o seu periplo polos concellos da comarca de O Salnés, cunha mostra en Vilagarcía.

A 22 pezas da obra estarán expostan na sala do auditorio de Vilagarcía dende hoxe e ata o 6 de marzo de luns a sábado.

As 22 esculturas foron doadas polo seu autor á Mancomunidade de O Salnés, que as trouxo dende México, e despois de percorrer todos os concellos da comarca, a entidade busca xa un lugar onde a obra esté exposta de xeito permanente.

Lucas Míguez inspirouse nun ensaio de Vasconcelos para crear "A Raza Cósmica" durante a súa estancia en México, unha obra persoal e onírica que avoga pola integración da humanidade e rompe as barreiras da raza, relixión e cultura.

A exposición foi presentada esta mañá polo seu autor, Lucas Míguez, a concelleira de Cultura de Vilagarcía, Sonia Outón e o xerente da Mancomunidade de O Salnés, Ramón Guinarte, nunha rolda de prensa que recollemos en AROUSA PONTEVEDRA DIA A DIA.

O Concello de Cambados organiza a I Mostra e Divulgación da Camelia.

A exposición será a fin de semana do 13 e 14 de febreiro no salón Peña, onde haberá 30 expositores coas súas mellores flores e tamén cadros de Lino Silva sobre as Camelias.

Ademáis haberá actividades para nenos e maiores, como obradoiros para crear tarxetas de Scrapbook para testos de camelia, un lápiz-camelia e incluso unha camelia de cobre.

As inscripción para estas actividades deberán facerse na Biblioteca Luis Rei.

E coincidindo coa data de San Valentín, a Asociación de Comerciantes Cambados Zona Centro, colaborará na promoción de esta mostra e tamén, como sempre, do comercio local, decorando os escaparates dos establecementos asociados con Camelias e sorteando 4 lotes de productos relacionados con esta pranta e 3 vales compra de 50€.

En AROUSA PONTEVEDRA DIA A DIA estivemos presentes esta mañá na presentación de esta I Mostra da Camelia de Cambados e recollemos as declaracións do concelleiro de cultura, Victor Caamaño, do organizador da mostra, José María Mouta e do presidente de Cambados Zona Centro, Juan Rey. Escoitamos as súas palabras

Os orzamentos municipais de Vilagarcía para este ano quedaron aprobados esta mañá, de forma inicial, na xunta de goberno, despóis de que non puideran sair adiante no pleno da pasada semana polos votos encontra de toda a oposición.

Agora ábrese un período de alegacións durante 15 días.

O alcalde, Alberto Varela, asegura estar satisfeito co documento elaborado que, insiste o rexedor, son as mesmas que se levaron a pleno. É dicir, que os socialistas manteñen as aportacións de BNG e EU pese o seu voto en contra na sesión plenaria.

Neste sentido, Alberto Varela nega os posibles cambios dos que alertaba o portavoz do PP, Tomás Fole, e agarda maior consenso para os próximos presupostos.

Por outra banda, o proxecto realizado por Costas do Estado para a demolición do CIRA e do mirador da praia Compostela, remataba en xaneiro o período de información pública.

Se non se presentaron alegacións, as obras comezarían este mesmo mes de febreiro, segundo os cálculos do alcalde de Vilagarcía.

O pabellón multiusos de Vilanova estará en condicións de poder ser utilizado de novo a finais de febreiro, segundo a empresa adxudicataria, cunha cuberta nova e un mirador.

O alcalde Gonzalo Durán, desvelaba esta mañá diversas obras que se realizarán a maiores a través dunha aportación económica da Deputación por importe de 68.500 €,

As actuacións incluen a instalación dun sistema de son para a celebración de eventos e un novo equipamento para a ampliación do ximnasio.

O rexedor amósase, en todo caso, máis cauto coa data da finalización das primeiras melloras, ampliandoa a Semana Santa.

Así o decía nunha rolda de prensa que recollemos en AROUSA PONTEVEDRA DIA A DIA.