Tranquilidade é o que se quere transmitir dende os tres grupos do goberno local de Cambados sobre a continuidade do pacto con Cambados Pode, tralo enfado amosado polo concelleiro de Tráfico José Ramón Abal polo anuncio do peche temporal ao tráfico da Praza de Fefiñáns durante Semana Santa.

Tanto a alcaldesa, Fátima Abal, como o teniente de alcalde e concelleiro do BNG, Victor Caamaño, restaron gravidade ás palabras de José Ramón Abal nos medios de comunicación.

Ambos aseguraron esta mañá que o pacto non está en perigo, que todo se solventará a través do diálogo, que non hai resolución definitiva adoptada e que os catro grupos reuniranse nas próximas horas para reconducir a situación.

Para saber a última hora falamos en AROUSA PONTEVEDRA DIA A DIA co concelleiro do BNG, Víctor Caamaño, hoxe alcalde en funcións.

O concelleiro de Tráfico, José Ramón Abal, amosouse moi molesto cos seus compañeiros do cuatripartito “polas formas” coas que o portavoz do goberno, Xurxo Charlín, anunciou o peche ao tráfico da Praza de Fefiñáns durante Semana Santa.

O edil de Cambados Pode encontrábase en Madrid nunha reunión da Asociación Española de Cidades do Viño cando, dí, se enterou por terceiras persoas do anuncio, pois ese asunto non se abordou en ningunha reunión do goberno.

Mesmo chegou a afirmar que, de inclumplirse o punto do pacto de goberno que desbota a peonalización de Fefiñáns, o acordo do cuatripartito quedaría suspendido.

Representantes da xunta de persoal do Hospital do Salnés concentráronse esta mañá ás portas do centro, ao igual que o fixeron á mesma hora os seus compañeiros da área sanitaria de Pontevedra e do resto de Galicia, en demanda de “un emprego digno”.

Rexeitan a Oferta Pública de Empleo (OPE) do Servizo Galego de Saúde (Sergas) e exixen á Xunta unha negociación na mesa sectorial que permita unha convocatoria para todas as categorías co cen por cen das prazas vacantes dende o ano 2010.

A mobilización foi un anticipo da manifestación a nivel de toda Galicia que o vindeiro xoves día 10 percorrerá as rúas de Santiago.

Así nolo contaban para AROUSA PONTEVEDRA DÍA A DIA, representantes da Xunta de Persoal do Hospital do Salnés nesta conversa con Alba Piñeiro.

O CIM da Mancomunidade do Salnés, que integra aos concellos de Cambados, Ribadumia e Meis, ten preparado un amplo programa de actividades para conmemorar o 8 de Marzo, Día Internacional da Muller.

Os actos prolongaranse durante todo o mes de marzo, comezando o propio día 8, o vindeiro martes, coa celebración dunha serie de almorzos coloquios en locais de novas emprendedoras de cada un dos Concellos.

En Cambados, será as 9.30 no Velvet Coctels, en Meis na cafetería Bruxelas ás 11.30 e en Ribadumia xa foi o día 29 no Muiño da Conda.

Tras estas conversas nas que cada unha das emprendedoras contará a súa experiencia no mercado laboral, terán lugar as diferentes lecturas do manifesto institucional en cada concello: Cambados e Ribadumia ás 12 horas e en Meis ás 13.30 horas.

Paralelamente, ao longo do mes realizaranse as xornadas “O Salnés Impulsa” para promover a busca de traballo das mulleres a través de Internet.

Xa como colofón das actividades, o edificio de Exposalnés en Cambados acollerá este ano o IV Simposio Móstrate Salnés, no que un grupo de mulleres emprendedoras contan a súa experiencia. O acto comezará ás 18 horas.

E a maiores de toda a programación conxunta, Cambados e Ribadumia celebrarán candansúa Gala Homenaxe en recoñecemento a vida de 6 mulleres de cada municipio. En Cambados será o día 12 de marzo ás 20 horas e en Ribadumia o día 6 ás 19 horas.

Os detalles de toda a programación do CIM do Salnés presentábase esta mañá en Exposalnés nunha rolda de prensa coa presenza da alcaldesa de Cambados, Fátima Abal, o concelleiro de Ribadumia, Enrique Oubiña, e a concelleira de Cultura de Meis, Ofelia Barral, ademáis da técnica do CIM do Salnés, Mónica Novas.

Unha comparecencia que recollemos en AROUSA PONTEVEDRA DIA A DIA..

O parking público situado entre a Avda do Salnés e a rúa Valle Inclán, ao carón do cuartel da Garda Civil, estará mellor sinalizado para que todos os conductores poidan localizalo facilmente e se aproveiten mellor as máis de 100 prazas habilitadas.

Para tal fin, o concello colocará en breve sendos carteles en la avenida de Vilariño y la avenida de Vilagarcía para que veciños e visitantes saiban da súa existencia, algo que, o parecer, moitos ainda descoñecer a pesar de que está en funcionamento dende hai un ano.

O Concello e a Asociación de comerciantes Zona Centro renovaron o convenio de colaboración que permite a explotación deste parking, cun importe de 4.500 euros ao ano que o concello entrega á asociación e ésta, a súa vez, paga o aluguer dos terreos aos seus propietarios.

Outro dos puntos da renovación do convenio establece a ubicación nos seus laterais de vallas vallas publicitarias de Zona Centro y del Concello para promocionarse.

Por outra banda, a Praza de Fefiñáns pecharase ao tráfico por primeira vez durante a Semana Santa, dende xoves Santo ao Domingo de Pascua.

Durante eses catro días tampouco se poderá circular pola días tampouco se poderá circular por la calle Real ni por la plaza de As Rodas. El gobierno local adoptó esta medida por dos motivos: por la coincidencia con varias procesiones y para dar una mejor imagen al turismo que se espera acuda a Cambados en esas fechas.

De ambos asuntos tratamos esta mañá en AROUSA PONTEVEDRA DIA A DIA co portavoz do goberno local, Xurxo Charlín.

Os usuarios da Asociación Bata de Vilagarcía recibiron esta mañá a visita do conselleiro de Política Social, José Manuel Rey Varela, no seu Centro de día ubicado na rúa Moreiras.

Durante esta visita, o Conselleiro anunciou que o seu departamento vai a incrementar a partida de axuda a Bata no 2016 en máis de 60.000 euros, ata chegar ao preto de medio millón de euros.

Este aumento na partida económica de colaboración posibilitará o aumento de 4 novas prazas concertadas, e chegar a ter 27 usuarios.

Ademáis da Xunta, ta,çem colaboran coa asociación os concellos de Vilagarcia, Cambados, Ribadumia e O Grove.

Así o expresaban o conselleiro e o presidente de Bata, Fausto García nunhas declaracións que recollemos en AROUSA PONTEVEDRA DIA A DIA.

O sector do mar pretende facer de mañá unha xornada histórica, coa previsión de que máis de 30.000 persoas participen en Santiago na manifestación en defensa do mar.

Para que todo funcione con seguridade, os organizadores teñen previsto un plan no que participarán máis de 150 persoas.

Os que xa non apoian a convocatoria son os alcaldes do PP, entre eles o de Vilanova, Gonzalo Durán, o primeiro rexedor que clamou contra o partido pedindo a retirada da lei de acuicultura.

Sen embargo, o rexedor vilanovés avanza que non estará presente na manifestación de mañá porque considera que, tralo anuncio da retirada do anteproxecto, realizado pola Conselleira do Mar, o obxectivo está cumplido.

Para saber a última hora, falamos en AROUSA PONTEVEDRA con Xaquín Rubido, presidente da Plataforma en Defensa da Ría.

Vilagarcía, Caldas de Reis e Portas pretenden a creación da primeira Vía Verde de Galicia, rescatando a liña de ferrocarril que percorre os tres municipios, actualmente sen uso dende que entrou en funcionamento a alta capacidade do Eixo Atlántico.

O obxectivo é reconverter o trazado marcado polos raís cara un turismo ecolóxico a través dunha senda para peóns e bicicletas, emulando a infraestructuras moi habituais en Asturias ou Andalucía.

O trazado prolóngaríase ao longo de 9 kilometros, dende o lugar de Ande en Vilagarcía ata a Azucareira de Portas.

Os alcaldes dos tres concellos están xa en conversas con Adif, que é quen debe conceder os permisos e o cambio de finalidade das vías, mentres que a Fundación de Ferrocarrís Españois encargaríase de redactar os estudios de viabilidade e o proxecto constructivo.

Todo elo pendente tamén de conseguir a financiación necesaria, que poderían chegar dende fondos europeos provisionados ata setembro.

Coa vista fixa nesta data, os tres concellos levan traballando no proxecto preto dun mes e agardan ter o equipo técnico organizado a vindeira semana para comezar os primeiros trámites.

A proposta foi presentada esta mañá por parte dos alcaldes dos tres municipios, Alberto Varela, Juan Manuel Rey e Victor Estévez nunha comparecencia a pe da propia via do ferrocarril en Ande, que recollemos en AROUSA PONTEVEDRA DIA A DIA.

O Viveiro de Empresas do Polígono de Barro-Meis ponse en marcha co obxectivo de promover o desenvolvemento económico e empresarial de ambos municipios.

As súas 16 naves, 24 oficinas e 4 salas de xuntas estarán a disposición dos emprendedores por un período máximo dun ano, ademáis de contar tamén cunha zona mixta de coworking que poderá ser utilizada durante períodos dun mes por outras firmas para lograr sinerxias nos proxectos. De momento, o viveiro arranca cun único emprendedor.

As instalacións foron inauguradas esta mañá por representantes da Deputación, encabezados pola presidenta, Carmela Silva, da Fundación Incyde, Javier Collado Cortés, da Cámara de Vilagarcía, Miguel Falcón, do alcalde e do tenente de alcalde de Barro, Xosé Manuel Fernández Abraldes e José Sanmartín, e do rexedor de Meis, José Luis Pérez.

Todos eles destacaron a importancia do Viveiro de Empresas no rexurdir empresarial das comarcas do Salnés e de Pontevedra, e fixérono en presencia dos ponentes que participan nas xornadas da Semana Europea das Pemes.

Tamén houbo unha importante representación doutros rexedores da contorna, como a alcaldesa de Cambados, Fátima Abal, e os alcaldes de A Illa, Carlos Iglesias, e de Caldas, Juan Manuel Rey.

Todo elo recollemolo en AROUSA PONTEVEDRA DÍA A DIA.. Seguindo o acto estivo Alba Piñeiro.

Comezan as obras do Edificio de Usos Náuticos.A Deputación e o Concello da Illa puxeron esta mañá a primeira pedra dunha vella reivindicación que vai ser por fin realidade, tras un longo proceso para o deseño e aprobación do proxecto.

A actuación terá un custe de 1.275.000 euros, financiados pola Deputación e tamén polo Concello que aporta unha partida de 500.000 euros. Unha cantidade que, resaltou a presidenta da Deputación, “supón un importante esforzo para o Concello”.

No acto de colocación da primeira pedra por parte da presidenta provincial, Carmela Silva, e o alcalde da Illa, Carlos Iglesias, estiveron tamén os representantes das dúas entidades que, prioritariamente, se van beneficiar do inmoble: o clube de Piraguismo de A Illa e a Escola de Navegación Tradicional de Dorna.

Todos eles manifestaron a súa ledicia polo inicio dos traballos e así o recollemos en AROUSA PONTEVEDRA DIA A DIA

O goberno local de Cambados e a Asociación Bata renovaron esta mañá o convenio de colaboración para a integración de persoas con autismo ou discapacidade psíquica.

O acordo permitirá a dotación dunha brigada medioambiental, integrada por tres usuarios de Cambados, que, durante 10 meses, realizarán traballos de limpeza e mantemento no entorno do Muiño da Seca e no Monte da Pastora.

Para tal finalidade, o Concello de Cambados aporta unha contía de 6.000 euros.

O Convenio foi asinado esta mañá no salón de plenos do Concello, por parte da alcaldesa, Fátima Abal, e o representante de Bata, Mario Trigo, acompañados do Concelleiro de Servizos Sociais, Tino Cordal.

Un acto que recollemos en AROUSA PONTEVEDRA DIA A DIA.