O Obradoiro de hostelería promovido pola Mancomunidade do Salnés e financiado pola Xunta, que se ven celebrando dende hai 7 anos no centro vacacional de A Lanzada, no Grove, clausurou esta mañá a súa VII edición no que foi o último acto nestas instalacións, xa que o curso que ven comezará a funcionar en Sanxenxo.

O balance do obradoiro segue sendo moi positivo, xa que consegue unha inserción laboral do 90% e así o demostra o feito de que dos 22 alumnos que participaron na formación 19 xa teñen contrato laboral.

Durante 6 meses, os alumnos estivéronse preparando en operacións básicas de cociña, restaurante e bar, percibindo, ao tempo, o Salario Mínimo Interprofesional, de 641,40 euros mensuais.

O Conselleiro de Economía e Emprego, Francisco Conde, presidiu esta mañá o acto de clausura e entrega de diplomas deste "Obradoiro de Emprego Hostalería no Salnés VII", acompañado polo presidente da Mancomunidade en funcións Gonzalo Durán e o alcalde do Grove, José Antonio Cacabelos, que agarda que as instalacións de A Lanzada se sigan utilizando.

Declaracións dunha clausura que recollemos en AROUSA PONTEVEDRA DIA A DIA.

A Asociación Por Dereito, que preside a cambadesa Cuca Da Silva, une esforzos este ano coa Asociación Bata para dar maior visibilidade ao autismo.

Para elo, acaban de poñer en marcha un novo concurso fotográfico dirixido a establecementos comerciais que decoren con globos azuis seus escaparates.

Os participantes poden enviar as súas fotos durante todo o mes de abril á páxina de Facebook BATAenRED@,

A fotografía gañadorá será a que máís Me Gusta obteña ata o 30 de abril. Optará a un premio consistente nun bono para dúas persoas no circuito termal do Hotel Eurostars de A Toxa.

Para saber máis cousas desta iniciativa en AROUSA PONTEVEDRA DIA A DIA falamos con Kathy Sanchez , representante da Asociación Bata.

A Mancomunidade do Salnés busca solucións aos cada vez máis contínuos verquidos ao Umia no entorno de Cabanelas.

Un dos problemas é a pouca capacidade do bombeo de Cabanelas, ademáis do seu estado de deterioro que provoca filtracións nos colectores.

Para solventalo, Augas de Galicia ten en marcha un plan de sustitución dos bombeos a través de fondos europeos, mentres que será o organismo provincial ou ben os concellos os encargados de reparar as filtracións da rede de tuberías.

A actuación tamén incluirá unha inversión de 800.000 euros para a instalación dunha conducción nova dende Cabanelas á EDAR de Ribadumia, que realizará a empresa Espina e Delfín.

En canto os verquidos industrias, a entidade iniciou unha investigación e exixirá o cumplimento da lei para que as empresas depuren os seus verquidos.

De momento, xa hai dúas empresas identificadas susceptibles de estar en situación alegal e prevese que para a semana se concluan novos estudos.

Neste sentido, ainda que de principio son os concellos os que deben decretar as sancións, a Mancomunidade consensuará cos municipios unha posible delegación na entidade comarcal.

Ao marxe do problema do verquidos, a Mancomunidade tamén aprobou a reparación da conducción de O Grove mentres que non se instala unha nova canalización dentro dun ano, cun orzamento previsto de 1,8 millóns de euros.

Todo elo explicábao esta mañá o Presidente da Mancomunidade do Salnés, Gonzalo Durán, nunha rolda de prensa que recollemos en AROUSA PONTEVEDRA DIA A DIA.

O alcalde de Vilagarcía, Alberto Varela, reuniuse esta mañá cos representantes da Plataforma a prol do centro comercial en Megasa, que lle trasladaron ao rexedor os seus plantexamentos co fin de conseguir que se anule a suspensión das licencias municipais para este tipo de superficies, aprobada no pasado pleno.

O alcalde confirmoulles que o acordo plenario non terá marcha atrás pero, en todo caso, os membros da plataforma saían realtivamente satisfeitos do encontro, no que tamén lle entregaron ao alcalde un escrito coas máis de 1.500 sinaturas recollidas.

A plataforma veciñal xa se reuniu esta semana co grupo municipal de Esquerda Unida, no que tamén ambas partes puideron explicar as súas posturas, que, como era previsible, resultaron moi diferentes.

E agora agardarán ao resultado dos encontros que todavía teñen pendentes cos representantes do BNG esta tarde e co PP a vindeira semana.

Pola súa banda, o rexedor municipal explicoulles os argumentos do goberno local que levaron a suspensión temporal das licencias para a implantación de centros comerciais.

Neste sentido, Alberto Varela aclaroulles que, en ningún caso, o acordo plenario impide a instalación do hipermercado Alcampo.

Trala reunión tanto Alberto Varela, como os portavoces da Plataforma, Lisset Reiris e Julio Pintos nos contaban para AROUSA PONTEVEDRA DIA A DIA as súas impresións do encontro. Con eles estivo Alba Piñeiro.

Ademáis, o rexedor tamén se refería, a preguntas da nosa compañeira, ás críticas do PP sobre aos dous eventos que marchan de Vilagarcía e que, segundo o PP,

concentraban más de 10.000 persoas: o World Padle Tour, que se instalará en A Coruña e a Gala de Panorama, que se traslada a León.

Para o portavoz popular, Tomás Fole, “resulta preocupante a obsesión que teñen no goberno socialista con dinamitar a vida laboral, cultural e deportiva existente e que catapultara a Vilagarcía ata a primeira liña da actualidade. A cambio, o PSOE, aposta por escombreiras como modelo de cidade. O goberno só busca danar Vilagarcía sen darse conta de que dana aos cidadáns”, dí Tomás Fole.

A resposta de Alberto Varela, na conversa con Alba Piñeiro.

Esta mañá puidemos coñecer os detalles de cómo están quedando configurados os novos espazos do Servizo de Urxencias e Obstetricia do Hospital do Salnés, que entrarán en funcionamento a máis tardar no mes de xuño. Os primeiros traslados comezarán a realizarse no mes de abril.

As novas dependencias triplican os espazos actuais e aumentan a capacidade de intervención, pois aos tres quirófanos actuais súmanse dous máis.

A partir de agora, empeza a terceira fase das obras de ampliación, coa creación de tres áreas: a apoio aos quirófanos, a de reanimación post quirúrxica e finalmente o hospital de día.

Son os detalles que esta mañá explicaba o xerente de Xestión Integrada de Pontevedra e O Salnés, José Manuel González Alvarez, que realizou un percorrido técnico pola zona de ampliación, xunto co xerente executivo do centro comarcal, Bibiano Fernández-Arruti López.

Recollendo as súas declaración para AROUSA PONTEVEDRA DIA A DIA estivo Alba Piñeiro.

O grupo musical vilagarciá "7 Setenta" ofrece este sábado un concerto benéfico co fin de recadar fondos para Cáritas Interparroquial de Arousa.

La actividad está organizada por la asociación de amas de casa e consumidoras O Noso Lar que leva 30 anos realizando actividades semellantes para contribuir a mellorar a situación dos máis desfavorecidos.

Nesta ocasión o concerto será o sábado ás 21 horas no Auditorio de Vilagarcía e as 700 entradas dispoñibles están a venda a un prezo de 2 euros. Poden adquirirse de forma anticipada nos establecementos Papelería Arines, Mavic e Costureiro, e tamén na sede da asociación O Noso Lar. Senon, tamén se poden mercar o día do concerto na propia taquilla do Auditorio.

O Concerto Solidario foi presentado esta mañá no Auditorio por parte da concelleira de Cultura, Sonia Outón, a presidenta de O Noso Lar, membros do grupo 7 Setenta e o director de Cáritas Interparroquial Arousa Francisco Fernández.

En AROUSA PONTEVEDRA DIA A DIA recollemos as súas declaracións.

O Curso de impresión en 3 D, promovido pola Mancomunidade do Salnés, está xa en marcha, como parte do Plan Integrado de Emprego Emprega Salnés IV.

15 alumnos participan nesta acción formativa de 80 horas, que se prolongará ata o 5 de abril.

A iniciativa foi presentada esta mañá en Vilanova, nas instalacións do Centro de Desenvolvemento Local de Vista Real.

Álvaro Rey, da empresa Maker Gal que imparte o curso e o xerente da Mancomunidade do Salnés, Ramón Guinarte, explicaban algúns dos pormenores da formación.

Vilagarcía conta xa cunha aplicación móvil para que tanto veciños como visitantes saiban ao momento todo o relativo á actividades de ocio e culturais, comercio e hostelería.

A APP da Guía de Vilagarcía podese descargar desde Google Play, pero ademáis, para darlle máis promoción, dende a hostelería e o comercio de Vilagarcía comezarán estes días a repartir unhas tarxetas en forma de teléfono móvil co código QR, que permite a descarga directa.

A nova ferramenta tecnolóxica, creada por Diego Alcaine, é moi ben acollida por hosteleiros e comerciantes cara a promoción turística e veciñal do municipio.

Así o resumía o presidente de AHITUVI, José Dieste, durante a presentación da APP realizada esta mañá no Salón García, na que tamén estiveron presentes, ademáis do creador, a presidenta de Zona Aberta, Rocío Louzán, e representantes dos placeiros.

Vilagarcía únese ás protestas contra a política da Unión Europea sobre o tratamento aos refuxiados,

Partidos políticos, (PSdG, EU, BNG e Podemos), sindicatos (UXT, CIG e CCOO) e colectivos sociais como os emigrantes retornados convocan unha concentración para mañá mércores na Praza de Galicia ás 20 horas en rexeitamento ao acordo comunitario entre a Unión Europea e Turquía que se vai a asinar este xoves.

Todos eles coinciden en que se trata dun pacto

pacto "ilegal e inmoral" que atenta contra os derechos humanos.

Por eso, con esta iniciativa, que se realizará de forma conxunta noutras ciudades de Galicia, queren instar ao goberno español para que non apoie o acordo europeo e evite que a UE utilice aos refuxiados como “moeda de cambio” con Turquía.

Os convocantes explicaron os detalles nunha rolda de prensa celebrada esta mañá en Vilagarcía que recollemos en AROUSA PONTEVEDRA DIA A DIA.

Os Policías Nacionais de Vilagarcía denuncian, unha vez máis, a precaria situación coa que teñen que desenvolver o seu traballo, cada vez con menos recursos, que, consideran, pon en risco inncesario o labor dos policías e a seguridade dos cidadáns.

Así o quixeron visibilizar na concentración realizada esta mañá ante a comisaría, convocada convocada pola Unión Federal de Policía (UFP), exixindo o que levan demandando dende hai tempo: máis axentes e máis medios para as comisarías da provincia. Concretamente, para Vilagarcía estiman que serían necesarios como mínimo 4 axentes máis.

A elo se lle suman a carencias como chalecos antibalas, ou lubas anticorte, ademáis das dificultades para reponer o material do uniforme.

Asimesmo, demandan nos seus salarios o complemento de territorialidade do que xa gozan outras zonas de España.

Así o explicaban os axentes nunha movilización que recolleu Alba Piñeiro para AROUSA PONTEVEDRA DIA A DIA.