Hoxe coñecemos novos datos sobre o conflicto laboral e xudicial da residencia Valle Inclán de Vilanova.

O sindicato CIG desvelou esta mañá que, segundo os seus datos, tras Euroconsultores Sociosanitarios, unha das empresas que pretende a adxudicación de prazas de residentes convocadas pola Xunta, están dous ex directores xerais dos gobernos de Manuel Fraga.

Trátase, dí a CIG, de José Manuel López Cossío y Francisco Jesús Gallegos Martínez que figuran como administradores de Euroconsultores segúndo consta no Rexistro Mercantil.

O sindicato nacionalista considera que se trata dunha mostra máis dos intereses partidistas que se moven na adxudicación destas plazas, “coa complicidade” da Consellería de Traballo.

Asimesmo, o secretario comarcal da CIG, Xoan Xosé Bouzas Aboi, tamén revelou que o Xulgado da un plazo de 10 días ó ex xerente do xeriátrico, Francisco Janeiro, para que nomee un novo avogado cara á celebración da vista aprazada que decidirá a culpabilidade ou non do concurso de acreedores que pesa sobre a empresa Viaxes Silgar, responsable, xunto a Nurtime, do xeriátrico.

Son os datos que revelaba esta mañá o secretario comarcal da CIG, Xoan Xosé Bouzas Aboi, nunha rolda de prensa que recollemos en AROUSA PONTEVEDRA DIA A DIA.

A Mancomunidade do Salnés e a Cámara de Comercio de Vilagarcía asinarán un convenio de colaboración, que está en fase de redacción, co fin de facilitar a apertura de negocio ós empresarios da comarca.

A visita da delegación comercial mexicana de Aguascalientes, encabezada polo alcalde da cidade, foi clave para que ambas entidades se propuxeran poñer en marcha esta iniciativa.

Así o anunciaba esta mañá o presidente da Mancomunidade do Salnés, Gonzalo Durán, asegurando, ademáis, que se está espertando un gran interés de empresarios da comarca por entablar contactos comerciais con México.

O tamén rexedor vilanovés avanzou tamén esta mañá que a vindeira semana se procederá á instalación dos semáforos reguladores do tráfico no cruce da Pantrigueira e a mellora da seguridade viaria en Cardalda, no acceso á vía rápida.

Todo elo recollíao para AROUSA PONTEVEDRA DIA A DIA a nosa compañeira Alba Piñeiro.

Reflexións de ida e volta. Por Antón Xil. Xoves 16 de ouburo.

Catro grupos musicais de Vilagarcía intervirán na II Gala Benéfica a favor de Cáritas Parroquial de Santa Baia de Arealonga que se celebrará este venres 17 a partir das 8 e media da tarde no Auditorio de Vilagarcia.

Os grupos serán Voces Amigas, Arosa Bay, o Coro nosa Sra da Xunqueira e a Orquestra de Pulso e Pua de Vilagarcía.

A entrada terá un custe simbólico de 1 euro.

Os detalles nolos contaba para AROUSA PONTEVEDRA DIA A DIA, Xermán Torres, Presidente de Cáritas Santa Baia, nesta conversa con Alba Piñeiro.

O Concello de Vilagarcía establecerá no entorno da praza de Abastos un sistema semellante o de zona azul só para clientes.

Serán arredor dunhas 20 prazas nas que os vendedores non poderán estacionar a partir das 10 da mañá.

Agora deberase estudiar cómo se sinaliza e còmo se realizará o control.

Esta é a solución consensuada na reunión mantida esta mañá entre os vendedores da plaza de abastos, o Alcalde Tomás Fole e a Concelleira de Mercados Rocío Llovo para dar saída ás demandas presentadas polo colectivo de placeros.

Os vendedores decidiron esta mañá visibilizar a súa protesta contra o peche ó tráfico da rúa García Caamaño cun paro que, segundo o alcalde Tomás Fole, só lles prexudica a eles mesmos.

Decíao o rexedor vilagarcián nunha rolda de prensa que Alba Piñeiro recolleu para AROUSA PONTEVEDRA DIA A DIA.

O ximnasio Curves de Vilagarcía organiza unha cita moi especial para este sábado.

Tratase da terceira edición da Party in Pink - Zumbathon, un evento solidario a beneficio da Asociación Española contra o Cancro.

O obxectivo desta actividade é recadar fondos para financiar programas de investigación, educación, exames e tratamento do cancro, á vez de concienciar as mulleres dos beneficios do deporte como prevención de enfermidades.

Baixo o lema "Xuntas podemos marcar a diferenza", a Praza da Peixería tinguirase de rosa o sábado 18 a partir das sete da tarde.

Ademáis, instrutores de Zin Zumba de Galicia estarán en Vilagarcía para motivar as mulleres a bailar. Para participar na clase de Zumba, soamente haberá que facer unha doazón de 2 euros que serán doados integramente á asociación de loita contra o cancro.

A organización espera unha gran participación das mulleres vilagarcianas neste evento, xa que ten como fin unha causa solidaria.

Ademáis, durante este mes, todas as mulleres que colaboren na causa solidaria de Curves terán a inscrición gratuíta no ximnasio e tamén realizaranse actividades de educación e concienciación sobre esta doenza, entre as que figuran unhas charlas sobre a importancia de levar un bo suxeitador para evitar patoloxías.

En AROUSA PONTEVEDRA DIA A DIA, falamos con Margarita Cardoso, a directora do Ximansio Curves que nos contou máis detalles de esta boa iniciativa.

REFLEXIÓNS DE IDA E VOLTA, CAN YANKEE, POR ANTON XIL

O persoal sanitario do Hospital do Salnés concéntrouse este mediodía ás portas do centro para pedir máis medios que lles permitan traballar de forma segura no caso de pacientes afectados de ébola.

A protesta, que se repetiu tamén noutros centros hospitalarios da provincia, está convocada pola xunta de personal do área sanitaria de O Salnés para solicitar «planificación, formación e adestramento e non prepotencia e culpabilización».

Denuncian as deficiencias e mala calidade dos traxes recibidos tanto no hospital como nos diferentes Puntos de Atención Continuados e anuncian que a semana que ven o persoal comezará a recibir cursos de formación no tratamento do ébola en Pontevedra.

Nolo contaba para AROUSA PONTEVEDRA DIA A DIA, Celia Iglesias, portavoz da xunta de persoal de O Salnés.

Sen incidentes de importancia desenvolveuse o primeiro día de folga dos traballadores de Lantero, convocada pola plantilla para tratar de frear o plan de recortes que prevé ou despedimento de 32 empregados e unha rebaixa salarial do 30%.

Fronte ás instalacións estivo situada toda a mañá unha dotación da Policía Nacional controlando os movementos dos piquetes informativos, formados por uns 100 traballadores.

Coa quenda das 6 da mañá comezou o paro, que transcorreu con tranquilidade, a excepción dun incidente protagonizado por un empregado das oficinas que sobre ás 11 da mañá arrolou co seu vehículo a un dos integrantes do piquete, que foi trasladado por Protección Civil ao Hospital do Salnés, afectado dun golpe no brazo.

Previamente, parte do persoal de oficinas chegou ás instalacións da empresa a bordo dun autocar coas cortinas baixadas, sendo escoltado polos vixilantes de seguridade.

Segundo o portavoz do comité de empresa, Jesús López, a producción da fábrica quedou totalmente parada, a excepción dos traballos que realizou persoal contratado por ETTs.

Asimesmo, o comité denuncia que a empresa lles negou a entrada á fábrica para informar ós traballadores que decidiron non secundar á folga.

Unha feito que porán en coñecemento de Inspección de Traballo.

Ó remate da xornada de hoxe, decidirán se mañá realizan ou non un novo paro, pero é previsible que a convocatoria de folga continue.

En canto ás reunións coa dirección para negociar o plan de recortes, a plantilla propon á empresa a sede do Consello Galego de Relacións Laborais como novo escenario para a seguinte reunión, que sería o mércores e non mañá como estaba previsto pola empresa.

Todo elo nolo contaba en directo en AROUSA PONTEVEDRA DIA A DIA, o presidente do comité de empresa, Jesús López, nunha conversa con Alba Piñeiro.

O BNG pide a Xunta que actue en defensa da arte do Xeito.

A formación nacionalista defenderá mañá á tarde no Parlamento Galego, na Comisión de Pesca, unha proposición non de lei para que a Administración Autonómica non quede de brazos cruzados ante a decisión europea de prohibir o uso de calquera tipo de redes á deriva a partir de xaneiro de 2015.

Entende o BNG que se trata dunha arte de pesca artesanal sen impacto ambiental nin biolóxico e que representa unha actividade económica imprescindible para 225 embarcacións da Ría de Arousa.

A deputada nacionalista Montserrat Prado e o parlamentario Daniel Rodas anunciaban esta mañá a súa iniciativa parlamentaria nunha rolda de prensa que recollemos en AROUSA PONTEVEDRA DIA A DIA.