Actualidade local e comarcal deste luns 30 de xaneiro.

Última semana do mes que ven marcada pola influencia anticiclónica, con días soleados pero tamén con temperaturas mínimas que seguirán sendo moi baixas e só empezarán a ascender levemente a partir do mércores.

Hoxe quedamos en mínimas de 1 grao e máximas de 15.

Actualidade local e comarcal deste mércores 25 de xaneiro.

Seguimos baixo os efectos do anticiclón con tempo seco, ceos pouco nubrados e ausencia de chuvias.

Tamén continúan as baixas temperaturas que hoxe quedan en mínimas de 2 graos e máximas de 14.

Cara os vindeiros días, cambian as previsións para mañá coa entrada de aire frío e húmedo procedente do ártico acompañado de chubascos ocasionais especialmente pola mañá, en forma de neve a partir dos 1.000 metros.

Xa o venres recuperarase a influencia anticiclónica que se reforzará durante a fin de semana.

Actualidade local e comarcal deste martes 24 de xaneiro.

seguimos baixo os efectos do anticiclón con tempo seco, ceos pouco nubrados e ausencia de chuvias.

Tamén continúa o vento do norte causante do descenso das temperaturas que hoxe quedan en mínimas de 5 graos e máximas de 14.

De non cambiar as previsións, o efecto das altas presións continuará durante toda a semana alternando ceos con nubes e claros con momentos despexados.

Os termómetros continuarán en valores baixos.

Actualidade local e comarcal deste luns 23 de xaneiro.

Estamos baixo os efectos do anticiclón con tempo seco, ceos pouco nubrados e ausencia de chuvias que, segundo as previsións, prolongarase ao longo de toda a semana.

Eso sí, o predominio de ventos do norte está a baixar as temperaturas con mínimas que hoxe non superan os 2 graos en moitos lugares das nosas comarcas, mentres que as máximás se situan en torno aos 15.

Actualidade local e comarcal deste venres 20 de xaneiro.

Mellora progresiva do tempo, remiten as chuvias e vaise recuperando a influencia anticiclónica.

Hoxe quedamos nunha xornada de transición cara as altas presións que se irán situando a partir de mañá sábado e serán predominantes xa dende o domingo con tempo seco e soleado alomenos ata o venres da vindeira semana.

Ademáis, tamén ascenden notablemente as temperaturas a mínimas de 13 e máximas de 14, ainda que os termómetros volverán a rexistrar descensos a partir do domingo.

Actualidade local e comarcal deste xoves 19 de xaneiro.

Trala pequena tregua de onte, unha nova fronte déixanos outro día máis unha xornada de ceos cubertos e chuvias xeneralizadas que, segundo os mapas de Meteogalicia, será especialmente intensas durante a tarde.

As temperaturas mínimas sitúanse sobre os 4 graos e as máximas suben lixeiramente ata os 13.

De cumprirse as previsións, cara mañá venres irase recuperando a influencia anticiclónica nunha xornada de transición que se reflexará a partir do sábado con tempo seco e soleado alomenos ata o venres da vindeira semana.

Ademáis, tamén empezarán a subir as temperaturas

Actualidade local e comarcal deste mércores 18 de xaneiro.

Amaina o temporal, diminuen as chuvias pero continuamos baixo o dominio da masa de aire moi fría durante un día máis, con neve por riba de cotas de entre 400 e 600 metros, que irán subindo ao longo da xornada.

Os ceos permanecerán entre nubes e claros con chubascos que poderían chegar acompañados de saraiba. As temperaturas mínimas caen ata os 4 graos e as máximas non superarán os 10.

Segundo as previsións de meteogalicia, para mañá agárdase unha nova fronte que se deixará notar especialmente durante a segunda metade da xornada e se prolongará ata o venres.

A cambio, empezarán a subir as temperaturas e a cota de neve situarase sobre os 1.000 metros.

Xa a partir del sábado, agárdase que se recupere a influencia anticiclónica, con tempo seco alomenos ata o xoves da vindeira semana.

Actualidade local e comarcal deste martes 17 de xaneiro.

O temporal que dende esta madrugada está a provocar a borrasca Fien estanos deixando ceos parcialmente cubertos, chuvascos localmente intensos, vento forte do Oeste e unha masa de aire fría con nevadas por baixo dos 400 metros que xa está a baixar as temperaturas.

De momento para hoxe agárdanse mínimas de 8 graos e máximas de 12, ainda que a sensación térmica pode ser menor.

De cara a mañá mércores, prevese que continuemos baixo o dominio da masa de aire moi fría e as mínimas caerán ata os 5 graos. As máximas non superarán os 10.

Actualidade local e comarcal deste luns 16 de xaneiro.

Dúas novas borrascas, das que teñen nome, afectarannos prácticamente durante toda a semana, con chuvias xeneralizadas, fortes ventos e baixada notable das temperaturas, especialmente a partir do mércores.

Hoxe, a borrasca Gerard mantén os ceos cubertos, ventos con rachas de ata os 80 kms hora e precipitacións que poden chegar ata os 40 litros por metro cadrado, especialmente en zonas do interior.

As temperaturas ainda permanecen sen moitos cambios, oscilando entre os 12 de mínima e 14 de máxima.

E tralo paso de Gerard, a borrasca Fien formarase a partir de mañá martes acompañada dunha masa de aire fría con nevadas por baixo dos 400 metros.

A baixada das temperaturas deixaranse notar especialmente dende o mércores con mínimas que caerán ata os 5 graos e máximas que non superarán os 10.

Actualidade local e comarcal deste xoves 12 de xaneiro.

Volven as baixas presións. Unha fronte pouca activa está xa deixandonos os ceos con abundantes nubes e a posibilidade dalgunha choiva débil, illada e ocasional, máis probable no litoral atlántico.

As temperaturas seguirán entre os 9 e os 14 graos.

É o anticipo da fronte que se agarda para mañá xoves, nunha situación moi semellante á de hoxe.

Cara a fin de semana, o tempo será cambiante cun sábado chuvioso e vento do sur mentres que para o domingo se prevé vento do norte, precipitacións alternado nubes e claros e brusca baixada das temperaturas.