Actualidade local e comarcal deste venres 5 de novembro.. abordamos as novas xurdidas en Vilagarcía, Meaño, Vilanova, Cambados, Mancomunidade do Salnés, Valga e a evolución da pandemia nunha xornada na que recuperamos a influencia anticiclónica que nos deixará xornadas soleadas durante toda a fin de semana e principios da vindeira.

As temperaturas manteranse entre os 7 graos de mínima e os 18 de máxima.

#hoxeenPontevedra

Os orzamentos da Deputación de Pontevedra para o vindeiro ano ascenden a 179 millóns de euros.

Neles se inclúe o plan de choque destinado aos concellos programado polo goberno provincial nun programa bianual que prevé aumentar o Plan Concellos do ano 2022 ata os 43 millones de euros e dispoñer doutros 30 millóns correspondentes ao 2023.

Así o destacaba esta mañá a presidenta provincial, Carmela Silva, na presentación dos orzamentos, acompañada do vicepresidente da institución Cesar Mosquera.

#hoxeenArousa

A Xunta de Galicia destinará 150.000 euros á promoción de Sanxenxo como territorio de preferente actuación turística.

Así se establece no convenio asinado esta mañá no Pazo de Quintáns entre o vicepresidente primeiro da Xunta, Alfonso Rueda, e o alcalde Telmo Martín.

Neste convenio enmárcase o plan de actuación integral elaborado polo goberno municipal cunha serie de obxectivos cos que colaborará a Xunta para potenciar o que considera como “un dos concellos con mellores datos turísticos non só de Galicia, senón tamén de toda España”.

Establécese así a creación de rutas da natureza como alternativa complementaria á oferta de praia e de turismo náutico.

Ademáis, tamén se prevé a promoción da Ruta do Padre Sarmiento e os sendeiros a pé, a creación dunha rede de itinerarios a nado en augas abertas, a posta en valor do patrimonio arqueolóxico ou a promoción de Sanxenxo como destino de descanso, saúde e benestar.

Asimesmo, o acordo inclúe unha partida de 30.000 euros destinada ao Consorcio de Empresarios Turísticos de Sanxenxo (CETS) para a posta en marcha de accións de promoción do municipio como destino turístico.

Durante esta ponte do Pilar, os datos de ocupación en Sanxenxo están sendo semellantes á época pre pandemia pero de momento siguen sendo, sobre todo, visitantes nacionais.

Un balance que facía esta mañá o presidente do Consorcio, Alfonso Martínez, apuntando que a clave para a desestacionalización do sector será, na súa opinión, o turismo extranxeiro.

#hoxeenArousaPontevedraDíaaDía

O Concello de Meis convocou para esta tarde aos alcaldes dos concellos de Poio e Barro para abordar o proxecto eólico que a sociedade Parque Eólico Cadaval e Ventoso S.L, con sede en Santiago, quere desenvolver no Monte Castrove, un espazo que comparten os tres municipios xunto con Pontevedra.

O proxecto acaba de iniciar a súa exposición pública por parte da Xunta de Galicia para proceder ao seu análise de impacto ambiental.

Á xuntanza, que terá lugar esta tarde no Auditorio Municipal, tamén están citadas as comunidades de montes afectadas polo plan, que pretende a instalación de catro aeroxeradores de 115 metros de altura cada un.

Segundo os cálculos realizados pola sociedade promotora, o parque xeraría electricidade para 13.846 familias e crearía uns 640 postos de traballo no seu deseño e construción.

Os promotores aseguran que estudaron varias alternativas e concluíron que a elixida ten unha menor afección sobre o terreo, xa que a superficie afectada polas infraestruturas é menor e, ao ter menos aeroxeradores, será necesario escavar menos chan para viarios e gabias.

O proxecto completaríase cunha subestación eléctrica e un edificio de control.

O investimento previsto para construír este parque eólico ascendería a 20,5 millóns de euros.

Sen embargo, o proxecto xa foi rexeitado por unanimidade no pleno do Concello de Poio.

O gobierno local entiende que “pode supoñer un importante impacto medioambiental na zona”.

Unha consideración que comparten no Concello de Meis, tal como nos conta a alcaldesa Marta Giráldez.

#hoxeenArousaPontevedraDíaaDía

Cambados tería que estar estes días repleto de xente disfrutando da Festa do Albariño, a consecuencia da pandemia e das altas taxas de incidencia do municipio o Albariño queda este ano unha edición moi mermada, que unicamente inclúe os concertos da praza de Fefiñáns e o Concurso de Catas que organiza a D.O Rías Baixas, do que saldrán os tres mellores viños da añada 2020.

Para coñecer de preto cómo se está vivindo este Albariño 2021 falamos coa alcaldesa de Cambados, Fátima Abal.

#hoxeenArousaPontevedraDíaaDía

A Consellería de Sanidade adoptará novas medidas para frear a expansión da pandemia porque considera que “a desescalada está en perigo”.

Segundo anunciou esta mañá o Conselleiro de Sanidade, Julio García Comesaña, a Xunta decretará o peche dos espazos onde habitualmente se celebran os botellóns, precintando parques, prazas e praias.

Asimesmo, permitirase o ocio nocturno nos concellos con nivel medio de restricciones, como o caso de Pontevedra, pero coa condición de que os asistentes exhiban unha proba PCR, de antíxenos, ou o certificado de vacinación.

A maiores, intensificaranse os cribados entre a poboación de 18 a 35 años nas distintas áreas sanitarias habilitarase a posibilidade de realizar de forma voluntaria ás probas, sen necesidade de convocatoria, ante a baixa porcentaxe de asistencia.

#hoxeenArousaPontevedraDíaaDía

A Iniciativa Cidadá pola Memoria Histórica de Vilagarcía celebra esta semana unha serie de actos con motivo da inauguración dun novo roteiro da memoria democrática.

As xornadas terán lugar os días 8, 9 e 10 de xullo e para participar é necesario reserva previa a través do teléfono do Faiado da Memoria 986 186893.

Para coñecer todos os detalles, falamos con Margarita Teijeiro, portavoz do colectivo.

#hoxeenArousaPontevedraDíaaDía

Vilagarcía volverá a ser a capital da música clásica

Tralo paréntese provocado pola pandemia, o concello retoma a celebración do Clas Clas con cinco concertos que se celebrarán do 26 de xuño ao 2 de xullo na praza da peixería, con todas as garantías anticovid.

Haberá capacidade para preto de 500 persoas entre dous espazos habilitados en interior e exterior, pero en ambos casos con público sentado.

Os detalles nolos contaba esta mañá a directora técnica do Clas Clas, Rosina Sobrido, durante a presentación do Festival, acompañada do alcalde, Alberto Varela.

#hoxeenArousaPontevedraDíaaDía

As decisións do comité clínico que asesora á Xunta constatan notables diferencias sobre a evolución epidemiolóxica entre as dúas marxes da ría de Arousa.

No Barbanza, o Concello da Pobra regresará a partir deste sábado ás máximas restriccións, tras dispararse os contaxios nos últimos días, cunha incidencia acumulada de 483 por 100.000 habitantes a 14 días e 45 positivos detectados nese período.

Ademáis, Ribeira sigue no nivel alto e Boiro e Rianxo no medio.

Ben distinta está a ser a evolución de Cambados e Vilanova, tras pasar ambos polas máximas restriccións.

No caso de Vilanova, ten a día de hoxe 17 casos activos cunha incidencia acumulada a 14 días de 127 pero a 7 días xa está por baixo dos 25 casos por 100.000 habitantes.

En canto á vila do albariño, conseguiu diminuir os contaxios en tempo record, de 95 casos a 38 en apenas 11 días.

A alcaldesa Fátima Abal agradece o comportamento da cidadanía e apela a seguir co cumprimento das normas para evitar novas restriccións cara a tempada estival que se achega.

Neste sentido, o Concello de Cambados recuperará no mes de xuño as actividades culturais das Letras Galegas que tiveron que quedar aprazadas a consecuencia das máximas restriccións e o Concelleiro de Cultura, Tino Cordal, avanza tamén as previsións para o verán.

No resto da área sanitaria, Moraña seguirá uns días máis no nivel alto de restriccións, a onde tamén ascende Ponte Caldelas, mentres que Cuntis e Valga descenden ao nivel baixo, onde continuarán os demáis municipios da área.

#hoxeenArousaPontevedraDíaaDía

Unha decena de establecementos hoteleiros do Salnés e un de Cuntis participarán a partir deste domingo no programa turístico Elixe Galicia, promovido dende a Xunta para impulsar o turismo interno fóra da tempada estival entre os colectivos da mocidade de 18 a 30 anos, os pensionistas que teñan máis de 55 anos e as familias co fillos menores.

A iniciativa conta coa participación de 23 hoteis de toda Galicia e dez deles pertencen á provincia de Pontevedra con seis de Sanxenxo (Spa Galatea, Sun Galicia, Pedramar, Troncoso, Villa Cabicastro e Campomar), tres do Grove, Montemar, Villa do Grove e La Noyesa, o Hotel San Marcos de Cambados e o Balneario Termas de Cuntis.

A Xunta de Galicia asume o 40% do custo das experiencias e os usuarios aborán o 60% restante, cifrado entre 129€ e 222€ segundo o programa seleccionado: Balnearios/Termalismo, Natureza e Montaña, Vacacións en Zonas Costeiras e Historia e Cultura.

Esta nova campaña de reactivación turística foi presentada esta mañá no porto do Grove polo delegado territorial da Xunta en Pontevedra, Luis López, e o presidente do Clúster Turismo de Galicia, Cesáreo Pardal,