#hoxeenArousaPontevedraDíaaDía

Os concellos de O Grove e Sanxenxo impulsan un ambicioso proxecto para mellorar a súa oferta turística e revalorizarse como destino.

Trátase do proxecto Polos Turísticos Intelixentes, unha iniciativa na que comezaron a traballar hai tres anos e que conta co respaldo do Estado, a través de Seggitur.

A proposta, amparada pola Mancomunidade do Salnés, está

valorada en 1,5 millóns de euros e será financiada nun 60% con fondos europeos. Os restantes 600.000 euros serán aportados por ambos concellos.

A Mancomunidade abre agora o proceso de licitación coa idea de que o programa se implemente no prazo de dous anos.

O proxecto implicará unha ducia de actuacións que redundarán en beneficio das administracións, dos visitantes e da veciñanza de cada municipio.

Por exemplo, complementaranse os servizos Wifi coa creación de puntos de acceso e melloras da conexión gratuita.

Asimesmo, establecerase un control de afluencia de praias a través dunha App móvil que, ao tempo, será unha canle bidireccional entre a administración municipal e os veciños ou turistas.

Tamén se incluirá un sistema de videovixiancia e monitorización para reforzar a seguridade cidadá e un aparcamento intelixente que, a través de pantallas e a propia aplicación, informará aos usuarios sobre zonas de aparcamentos e prazas dispoñibles.

Ademáis, o proxecto de Polos Turísticos Intelixentes complementarase cun sistema de aluguer de bicicletas e un portal web turístico propio.

Os alcaldes de Sanxenxo e o Grove, Telmo Martín e José Antonio Cacabelos, acompañados do xerente da Mancomunidade, Ramón Guinarte, e o representante da empresa redactora do proxecto, Manuel Veloso, presentaron esta mañá, no Club Náutico de Sanxenxo, os pormenores da iniciativa que "marcará un antes e un despóis" na promoción e funcionamento dos servizos turísticos en ambos municipios.

#hoxeenArousaPontevedraDíaaDía

O concello de Vilagarcía ven de iniciar outro dos programas incluidos dentro do Plan de Reactivación Económica para paliar os efectos da pandemia no municipio, valorado no seu conxunto nun millón de euros.

Trátase, en concreto, do programa Invest in Vilagarcía, cuxa función é captar novas empresas e actividades para o municipio, e que está dotado dunha partida de 17.000 euros.

Neste apartado, o Concello pretende identificar os sectores potenciais que mellor poden aproveitar as condicións que ofrece o municipio e atraelos para a súa implantación na vila.

Para tal fin, o goberno municipal valerase da páxina web www.investinvilagarcia.com na que se reflexan todos os recursos do municipio e dunha oficina virtual de asesoramento.

Dúas ferramentas que o alcalde Alberto Varela e a Concelleira de Promoción Económica, Alba Briones, identificaban esta mañá como unha carta de presentación.

#hoxeenArousaPontevedraDíaaDía

O goberno bipartito de Cambados está disposto a retirar dos orzamentos municipais para este ano os salarios das liberacións de catro concelleiros co fin de conseguir a aprobación do documento que se vai someter ao pleno deste xoves.

O executivo municipal considera que non se pode dilatar a aprobación dos orzamentos nin prorrogar o anterior nun momento excepcional de pandemia e por eso non quere que os salarios sexan a excusa da oposición.

De momento, o documento levouse a comisión informativa co outro punto que reclamaban tanto o PP como Cambados Pode: a relación das inversións que se van a realizar a través do Plan Concellos e recibiu o dictame favorable da comisión informativa co único voto en contra do BNG, a abstención do PP e de Cambados Pode e os votos favorables dos dous grupos de goberno (PSOE e Somos Cambados.

Agora, o bipartito lanza a última proposta que anunciaban esta mañá a alcaldesa, Fátima Abal, e os concelleiros Samuel Lago, Xurxo Charlín e Tino Cordal.

#hoxeenArousaPontevedraDíaaDía

O Concello de Vilagarcia deseñou un programa de reactivación para recuperar canto antes a economía local trala crise provocada pola pandemia.

O plan municipal estárá dotado con un millón de euros dos que 850.000 xa están consignados nos Orzamentos deste ano.

Para o resto, o concello cnta con Fondos Europeos do plan EDUSI e tamén solicitarán recursos  doutras administraciones.

Para saber os detalles falamos hoxe co alcalde de Vilagarcia, Alberto Varela.

#hoxeenArousaPontevedraDíaaDía

Un total de 326 desempregados da comarca do Salnés reciben atención personalizada no Servizo de Orientación Laboral que a Mancomunidade puxo en marcha o pasado 28 de setembro.

O servizo da cobertura aos concellos de Cambados, Meis, Meaño e Ribadumia nunha nova área moi necesaria, máis agora en momentos nos que a pandemia provoca desmotivación á hora de buscar traballo.

Así o reflexaban esta mañá a presidenta da Mancomunidade, Marta Giráldez, e a responsable do Servizo, Sonia Otero, durante o acto de presentación do mesmo, acompañadas dos alcaldes e do xerente da Mancomunidade.

#hoxeenArousaPontevedraDíaaDía

O goberno municipal de Cambados solicitou esta mañá a mediación da Consellería do Mar ante o novo enfrontamento entre o Concello e Portos de Galicia a consecuencia dos usos e titularidade do Salón Peña.

Portos anunció onte que recupera os dereitos de xestión da nave Peña e que vai buscar alternativas para a súa explotación, alegando que o Concello renunciou a autorización temporal da que dispoñían desde novembro para usar as instalacións.

Pola súa banda, o Concello argumenta que tan só renunciou á autorización provisional porque non se axustaba ao novo Plan de Usos aprobado posteriormente. A súa intención é asinar unha nova concesión.

Ademáis, reprocha a Portos que pretenda cobrarlles 50.000 euros por utilizar a nave cando se considera exenta dese pago, polo que xa anuncian que recurriran.

Asimesmo, insisten en que levan meses solicitando una reunión con Portos para abordar esta situación sen que de momento o organismo portuario accedera a elo.

O Concello asegura que “non vai permitir que Portos de Galicia quede cunha instalación que pertence a toda a veciñanza cambadesa”.

En caso de ser necesario, mesmo presentarían o caso ante a xustiza.

#hoxeenArousaPontevedraDíaaDía

A Consellería de Infraestructuras abre a licitación un proxecto para reducir as #retencións de tráfico, especialmente durante o verán, na conexión da vía rápida do Salnés coa estrada PO-504 no Concello de Sanxenxo.

As empresas interesadas en executar a actuación teñen de #prazo ata o 5 de abril para presentar as súas ofertas.

O obxectivo da Xunta é poder iniciar as obras #despois do #verán, co fin de non interferir coa tempada estival.

A Conselleira #EthelVázquez, acompañada do alcalde de Sanxenxo, #TelmoMartín, presentou hoxe o proxecto que conta cun orzamento inicial de 335.000 euros, incluídas a vintena de expropiacións necesarias.

En concreto, trátase de dar solución aos atascos do tráfico de vehículos procedentes

do Grove e da Lanzada que, dende a #vía_rápida, acceden a Sanxenxo a través dun ramal que ten escaso radio de xiro e está regulado por un stop.

A Xunta prevé #optimizar a #conexión habilitando un radio de xiro adecuado e eliminando o sinal de stop.

Ademais, ampliarase a plataforma de saída con #dous #carriles ata rotonda de Vinquiño e un de acceso directo adicional que servirá para aportar fluidez ao tráfico

As obras completaranse coa recolocación dos báculos de iluminación, a renovación da #sinalización e a colocación de balizas de separación dos sentidos no ramal entre glorietas.

Segundo a Conselleira, a actuación permitirá aumentar a #capacidade da vía en ata un 40% e, deste xeito, evitar os atascos.

"É unha obra sinxela, pero da que esperamos grandes resultados”.

Pola súa banda, o alcalde, Telmo Martín, agradeceu á Conselleira a “súa iniciativa” para executar unha obra que “solucionará o #caos que se produce en determinados momentos do día na tempada alta coicidindo coas viaxes ás praias”.

Asimesmo, Ethel Vázquez non desbotou o futuro #desdoblamento da vía rápida "no que seguimos buscando fórmulas" que se adecúen a un entorno de especial sensibilidade ao tratarse “dunha das zonas de Europa con maior número de espazos de máxima protección ambiental”

#hoxeenArousaPontevedraDíaaDía

Esta medianoite entraron en vigor nas novas medidas que abren a movilidade da área sanitaria de Pontevedra e O Salnés, agás en Cambados, Vilanova e Pontecaldelas

Os veciños destes tres municipiosue poderán moverse #entre_si pero non a outros concellos.

Ademais, a hostalería somente poderá seguir servindo en #terrazas cun aforo do 50%.

Precisamente, dende Cambados, o goberno municipal reclama ao Sergas que o comité clínico na súa reunión de mañá levante o peche perimentral para o municipio tras baixar a incidencia do máximo nivel de risco.

Así o argumentan o concelleiro de Sanidade, Tino Cordal, e a alcaldesa Fátima Abal.

#hoxeenArousaPontevedraDíaaDía

Tamén a Deputación de Pontevedra conmemorou esta mañá un 8M diferente nun acto celebrado ante o edificio provincial no que a presidenta Carmela Silva lanzou unha mensaxe sobre o feminismo inquebrantable.

Ao acto, na explanada exterior do Pazo Provincial e no que se repartiron máscaras de “Violencia Zero” e camelias brancas en homenaxe ás pioneiras do sufraxismo, asistiron deputadas de todos os grupos da corporación, así como a subdelegada do Goberno, Maica Larriba, e a concelleira de Igualdade de Pontevedra, Yoya Blanco, amais de traballadoras da institución provincial.

#hoxeenArousaPontevedraDíaaDía

O goberno bipartito de Cambados pensa que "será moi difícil chegar a un acordo coa oposición" para a aprobación do proxecto de #orzamentos municipais para este ano, que ascenden a 9,1 millóns de euros.

Os concelleiros de PSOE e Somos, Samuel Lago e Xurxo Charlín, volverán a reunirse co PP, BNG e Cambados Pode a vindeira semana na a rolda de #negociacións para tentar conseguir o seu apoio.

Pero, tras os primeiros contactos, Charlín advertiu que, ao seu entender os grupos da oposición "non teñen #vontade e será moi difícil chegar a un #consenso".

En todo caso, o edil de Somos asegura que o documento se levará ao pleno deste mes de marzo, dispostos a aprobalo cunha #cuestión de #confianza se fose preciso".

Ademáis, Charlín tamén responde ás críticas do PP sobre a situación da área de Servizos Sociais.