#hoxeenArousaPontevedraDíaaDía

#de12a1430

Concluimos as visitas que durante esta semana estivemos facendo á Escola Oficial de Idiomas de Vilagarcía a través das experiencias do seu alumnado.

Falamos hoxe con Austin Moore, estadounidense afincado en Vilagarcía, exalumno da Escola, e que desde este curso traballa como auxiliar de conversa en lingua inglesa, grazas ao Programa de Auxiliares de Conversa da Xunta de Galicia.

#hoxeenArousaPontevedraDíaaDía

#de12a1430

O Concello de Cambados continúa complementando actuacións de mellora no Polígono de Sete Pias.

Desta volta, o goberno municipal ten preparado un proxecto de pavimentación e reordenación do tráfico.

No primeira caso, será a segunda fase de mellora da pavimentación da rúa Exeria, o vial principal, que se completará co asfaltado da primeira das transversais, a rúa María Soliña.

En canto á reordenación do tráfico, o proxecto prevé establecer o sentido único en varias rúas e habilitar preto de unhas cen novas prazas de aparcamento, ante o problema actual de estacionamento que sufre o Polígono dado o incremento da actividade económica dos últimos anos.

O orzamento, que incluirá o pintado e sinalizaicón correspondentes, ascende a uns 12.000 euros, dos que o 80% estarán financiados a través dunha achega solicitada á Xunta de Galicia e o resto a cargo de fondos municipais.

Os detalles nolos contaban esta mañá os Concelleiros de Obras, Samuel Lago, e de Urbanismo, Xurxo Charlín.

#hoxeenArousaPontevedraDíaaDía

#de12a14

O concello de A Illa de Arousa presentou esta mañá as actividades do Entroido 2021 que debido á pandemia estarán adaptadas á situación sanitaria e a través das redes sociais.

Para saber os detalles falamos con Adonis Ríos, un dos organizadores.

#hoxeenArousaPontevedraDíaaDía

#de12a14

Hoxe adentrámonos de novo na Escola Oficial de Idiomas de Vilagarcía da man do seu alumnado.

Nesta ocasión falamos con Mar Durán, matriculada en varias linguas e colaboradora activa nas actividades extracurriculares que desenvolve a Escola.

Entre elas, a súa participación como locutora no programa na radio da Biblioteca, “O Tupper da Radio”.

#hoxeenArousaPontevedraDíaaDía

#de12a14

Durante esta semana ímonos achegar á Escola Oficial de Idiomas de Vilagarcía para coñecer de preto o seu funcionamento dende a perspectiva dos propios alumnos..

Comezamos hoxe falando con José Manuel Pérez Reinoso representante do alumnado no Consello Escolar.

Con el abordamos, entre outros temas, cómo foi a adaptación da Escola ao covid, con reformas nas instalacións para crear aulas seguras e a implantación das clases virtuais.

#hoxeenArousaPontevedraDíaaDía

#de12a14

A Mancomunidade do Salnés fixo balance esta mañá do que foi o ano 2020 cunha valoración positiva en canto actuacións e actividades realizadas.

O orzamento total asecendeu a uns 5 millóns de euros, o que supón un incremento do 19% con respecto ao anterior exercicio.

Pese á pandemia conseguíronse executar os proxectos previstos e avanzar nos deste ano.

Entre eles, implantar un sistema de xestión modelo xaponés que permitirá a monitorización de todos os servizos.

Así o explicaban a presidenta da Mancomunidade, Marta Giráldez e o xerente da entidade, Ramón Guinarte.

#hoxeenArousaPontevedraDíaaDía

#de12a14

A Deputación de Pontevedra comezará en breve as obras de mellora da seguridade viaria na estrada provincial que atravesa a parroquia de Sisán, concretamente no lugar de Taboeiros.

O proxecto, cun investimento de preto de 90.000 euros, está en fase de licitación e optimizará o tránsito peonil polas beiras, nunha zona cunha elevada densidade residencial.

Pero ademáis, tamén solucionará o problema dos anegamentos a causa das augas pluviais mediante a canalización das mesmas, beneficiando a unhas 40 vivendas da zona.

Os detalles nolos contaban esta mañá o deputado de Infraestruturas, Gregorio Agís, e o alcalde, David Castro, durante unha vista á zona, acompañados da concelleira Mar Muimenta.

#hoxeenArousaPontevedraDíaaDía

#de12a14

O Concello de Cambados prevé a execución de novas melloras de eficiencia enerxética e enerxías renovables a través do Plan Concellos da Deputación e de diferentes achegas solicitadas ao IDAE.

Un dos proxectos que a Concellería de Obras está elaborando será a instalación de paneis fotovoltaicos na piscina municipal, ademáis de novas intervencións na iluminación viaria.

As actuacións forman parte dos 600.000 euros de media que o goberno provincial destina anualmente a Cambados a través das tres liñas do Plan Concellos.

Entre elas están as xa rematadas obras de reforma realizadas na biblioteca Luis Reis e no Centro Sociocultural A Merced, así como a mellora da iluminación pública en varias rúas.

Os deputados Santos Héctor e Noemí Outeda, acompañados da alcaldesa, Fátima Abal, e do Concelleiro de Obras, Samuel Lago, supervisaron hoxe as actuacións nas que se investiu un importe de case 190.000 euros.

#hoxeenArousaPontevedraDíaaDía

#de12a14

O Conselleiro de Sanidade, Julio García Comesaña, compareceu esta mañá para dar conta da evolución da pandemia no conxunto de Galicia, trala reunión do comité clínico da pasada tarde.

O esforzo das medidas de restricción comezan a dar resultados: por primeira vez nun mes, baixa a incidencia acumulada pero non podemos ser triunfalistas.

Na mesma mensaxe incidía a Directora Xeral de Saúde Pública.

Carme Durán matizaba que ainda que os datos avanzan brotes verdes nunha fase de meseta con tendencia descendente, as prediccións deben tomarse con cautela

#hoxeenArousaPontevedraDíaaDía

#de12a14

Dende esta medianoite están en vigor as novas restriccións en máximo nivel acordadas pola Xunta para todos os concellos de Galicia, sen excepción.

A incidencia acumulada na gran parte dos municipios da comarca do Salnés non para de crecer e un dos máis afectados é o concello de Meis.

De todo elo falamos con Marta Giráldez, alcaldesa de Meis e presidenta da Mancomunidade do Salnés.