#hoxeenArousaPontevedraDíaaDía

#de12a1430

A Asociación de Comerciantes Zona Centro e o Concello de Cambados abren hoxe a campaña de Nadal “3x2” para incentivar as compras no comercio local.

Nesta ocasión, póñense en circulación 600 vales cun valor económico de 10 euros cada un, de xeito que a persoa que compre dous vales por un importe total de 20 euros leva outro de 10 euros de balde.

Os vales xa se poden adquirir dende hoxe nos tres puntos de venta habilitados: a sede de Zona Centro, Juan Rey Seguros e Noval Seguros.

Todo elo nolo explicaban en detalle o concelleiro de Economía, Xurxo Charlín, e o presidente de Zona Centro, Juan Rey, durante a presentación dunha campaña de Nadal marcada pola pandemia

#hoxeenArousaPontevedraDíaaDía

#de12a1430

Dende o mes de Setembro a Mancomunidade do Salnés ten en marcha o Servizo de Orientación Laboral para a atención daquelas persoas desempregadas que estean inscritas no Servizo de Empleo Público de Galicia e que residan nun dos concellos da comarca.

Para coñecer en detalle os aspectos deste servizo falamos coa Presidenta da Mancomunidade, Marta Giráldez.

#hoxeenArousaPontevedraDíaaDía

#de12a1430

Reaccións dispares no Salnés aos orzamentos da Xunta que destinan 3,5 millóns de euros á comarca.

Dende a Meis, a alcaldesa e presidenta da Mancomunidade, Marta Giráldez, expresaba esta mañá a súa decepción polo feito de que non se contempla cuestións importantes para a comarca, como a renovación da canalización de auga cara o Grove ou a ampliación da planta de subminsitro, pero tampouco reflexan ningunha partida para o seu municipio.

Pola contra, dende Vilanova, o alcalde Gonzalo Durán asegura estar completamente satisfeito coas partidas que, ainda que non figuran nominativas, si se incluen para o seu concello.

No caso do Grove, tampouco están contentos cos orzamentos autonómicos, Segundo o alcalde, José Antonio Cacabelos, resulta especialmente grave que non se teñan en conta nin unha soa das demandas trasladadas durante anos á Xunta como o centro de saude

"Tampouco hai fondos para que Portos reforme a explanada do Corgo, malia a gravidade da súa situación, nin para a estrada do Lanzada a San Vicente (de competencia autonómica), nin moito menos para a rúa Luís A. Mestre, que segue sendo da Xunta de Galicia".

#hoxeenArousaPontevedraDíaaDía

#de12a1430

O Concello de Meis xa ten ideada unha proposta alternativa para sustituir á Cabalgata de Reis que, por motivos da crise sanitaria, non se vai celebrar.

En concreto, este ano preto de 400 nenos e nenas do municipio poderán falar cos Reis Magos a través de videoconferencia dende as súas casas.

Ademáis, o goberno municipal recupera para o Nadal o Banco de Alimentos do confinamento que, nesta ocasión será coordinado coas parroquias.

Nolo contaba esta mañá a alcaldesa Marta Giráldez.

#hoxeenArousaPontevedraDíaaDía

#de12a1430

O Concello de Meis pon en marcha varias iniciativas de apoio ao comercio e á hosteleria local para promover o consumo e as compras durante o Nadal.

Por unha banda, o goberno municipal destina unha partida total de 3.000 euros nunha campaña de sorteo de vales aos que os clientes optarán mediante as rifas que consigan mercando ou consumindo nos establecementos de Meis.

O sorteo efectuarase o día 13 de xaneiro ás 13 horas no Salón de Plenos do Concello e a cada gañador daráselle un listado dos establecementos participantes onde pode consumir os vales.

E por outra banda, tamén se pon en marcha, a través das redes sociais, o II Concurso de Decoración de Nadal de Escaparates e Locais.

Ambas iniciativas presentábaas esta mañá a alcaldesa de Meis, Marta Giráldez.

#hoxeenArousaPontevedraDíaaDía

#de12a1430

A Mancomunidade do Salnés únese coa Deputación de Pontevedra para a promoción do turismo, non só na comarca, senón en toda a provincia.

Así se acordou na reunión que a presidenta da entidade comarcal, Marta Giráldez, e o seu xerente, Ramón Guinarte, mantiveron coa presidenta provincial.

Deste encontro e da evolución da pandemia na comarca falamos hoxe coa presidenta da Mancomunidade, Marta Giráldez.

#hoxeenArousaPontevedraDíaaDía

#de12a1430

O Concello de Cambados iniciou as demandadas obras de mellora do vial de Tragove que da acceso ás depuradoras, cuxa execución se demorou máis do previsto por complicacións nos trámites administrativos.

A actuación, que saiu a licitación cun prezo de 98.000 euros con cargo ao Plan Concellos, foi adxudicada a empresa Nemesio Ordóñez por importe de 67.600 euros, ive engadido.

Segundo explica o Concelleiro de Obras e Servizos, Samuel Lago, a diferencia vaise destinar a outros asfaltados que se executarán en diversos viais do municipio.

O prazo de execución dos traballos é de 20 días pero o Concello estima que é previsible que rematen antes do período fixado.

"Os traballos prolongaranse durante varios días e provocarán pequenos cortes debtráfico que se faran de xeito escalonado para minimizar o seu efecto na medida do posible" indica o edil.

O asfaltado leva unha capa de aglomerado máis grosa do habitual e de alta resistencia debido a que o vial soporta un importante volume de tráfico de vehículos pesados.

Para o Concello é unha obra de gran importancia porque cumple cunha antiga demanda dos empresarios da zona, xa que o vial, ata agora de terra, poñíase impracticable coas chuvias do inverno, ademáis dos numerosos socavóns existentes.

Ademáis, deste xeito o goberno municipal aforrará un importante gasto en mantemento xa que non terá que estar acondicionando permanentemente o camiño con maquinaria.

#hoxeenArousaPontevedraDíaaDía

#de12a1430

O Concello de Cambados comezou as demandadas obras de mellora do vial de Tragove que da acceso ás depuradoras.

A actuación prolongarase durante varios días e provocará pequenos cortes de tráfico, tal como nos conta o concelleiro de obras e servizos Samuel Lago.

#hoxeenArousaPontevedraDíaaDía

#de12a1430

A VIII edicion do Programa Integrado de Emprego da Mancomunidade do Salnés, que está a punto de rematar, deu prioridade, no seu itinerario formativo, ao sector de novas tecnoloxías. 

A tendencia xa comezara nos primeiros plans pero co paso dos anos foi collendo relevancia coa introdución de novos contidos e a achega de tecnoloxía innovadora aplicable a diversos sectores empresariais.

Por eso, hoxe en día os cursos do Plan de Emprego da Mancomunidade ofrecen un amplo e completo abano neste ámbito.

De todo elo falamos coa Presidenta da Mancomunidade do Salnes, Marta Giraldez

#hoxeenArousaPontevedraDíaaDía

#de12a1430

As mesas de traballo que o Concello de Vilagarcía ven celebrando co sector empresarial da cidade estan xa dando os seus froitos.

Quince desempregados da cidade poderán formarse nun curso gratuito de 90 horas teórico-prácticas na empresa Fundivisa, ubicada no polígono de O Pousadoiro.

O proxecto plasmouse nun convenio asinado entre o Concello e compañía de fundición no que ademáis a empresa comprométese a contratar ao 30% dos participantes no curso.

A idea é que a formación se inicie o próximo 9 de novembro, de xeito que os interesados en participar poden xa trasladar os seus currúculums á oficina de Orientación Laboral do Concello.

O proceso de selección realizarase de forma conxunta entre a administración municipal e a empresa.

Os detalles nolos contaba esta mañá a Concelleira de Promoción económica Alba Briones.