#hoxeenArousaPontevedraDíaaDía

#de12a1430

O Concello de Meis pon en marcha dende hoxe unha iniciativa de axuda á poboación máis desfavorecida do municipio para que non pase frío este inverno.

Trátase dun roupeiro municipal que baixo o nome de “O Canto da Escudeira” proporcionará roupa doada ás familias que o necesiten.

A través deste proxecto, que é xestionado dende a Concellería de Servizos Sociais que dirixe María Sancho, o Concello habilitará un dos espazos da planta baixa da Casa do Escudeiro con probador e estantes onde se irán colocando as prendas que se reciban de doazóns.

“Son moitas familias, máis das que pensabamos, as que se puxeron en contacto co Concello cando empezamos a recollida de información, por eso, aceleramos o proxecto”, explicaba esta mañá a alcaldesa Marta Giráldez.

A través das redes sociais do Concello irase comunicando as tallas de vestiario que se precisan, así como outros elementos textís como sábanas ou mantas.

Todo elo debe estar en bo estado de uso.

A recollida das prendas farase de luns a venres de 9 a 13 horas na primeira planta do Edificio Multiusos.

Os doadores poderán residir en calquera concello pero as prendas serán destinadas únicamente ás persoas e/ou familias empadroadas en Meis con dificultade de acceso aos medios básicos.

#hoxeenArousaPontevedraDíaaDía

#de12a1430

O Concello de Vilagarcia lanzará no Nadal unha nova campaña dos Bonos Son da Casa.

Así o anunciaron o alcalde Alberto Varela e a Concelleira de Promoción Económica, Alba Briones, tras confirmar o éxito obtido na primeira edicion promovida para dinamizar o consumo nestes complicados momentos de pandemia.

Como resultado, puxéronse en circulación uns 200.000 euros distribuídos entre máis de 170 establecementos do comercio e a hostelelería local.

Ademais, a iniciativa espertou o interés doutros concellos tanto da contorna como doutros lugares de España como Granada.

Cara a campaña navideña, a segunda edición dos Bonos Son da Casa podería comezar a finais de novembro, coincidindo co prendido das luces de Nadal.

O sistema seguirá o mesmo funcionamento, mantendo a adquisición dixital pero reforzando algo máis a modalidade presencial.

Os detalles nolos contaba nesta entrevista a Concelleira de Promoción Económica, Alba Briones.

#hoxeenArousaPontevedraDíaaDía

#de12a1430

A Fundación Banco Médico Farmacéutico de Galicia, en colaboración co Concello de Ribadumia, ponse á disposición das familias do municipio que se encontren en situación de emerxencia para costear o pago dos fármacos e tratamientos que teñen prescritos.

Ademáis, a entidade asume o pago de gafas graduadas, audífonos e sistemas de monitorización de glucosa, co fin de que ningunha persoa teña que renunciar á saude por non dispoñer de recursos económicos.

Para informar de todo elo, un grupo de voluntarios/as asesora esta semana á veciñanza de 10 a 13 horas nas dependencias municipais, co fin de que as persoas que se encontren nestas circustancias poidan solicitar esta axuda, sempre cun informe social previo elaborado polos servizos sociais municipais.

Así o explicaban esta mañá a presidenta da Fundación, Paula Chapela, e o alcalde, David Castro, na presentación desta iniciativa.

#hoxeenArousaPontevedraDíaaDía

#de12a1430

A Mancomunidade do Salnés fixo balance esta mañá do primeiro semestre do Plan Integrado de Emprego.

Pois resulta que a cinco meses de que finalice o período formativo, o índice de empregabilidade xa é do 84%.

Unha porcentaxe moi próxima ao 86% que na anterior edición se alcanzou ao remate dos cursos.

Para analizar todo con mais detalle falamos coa Presidenta da Mancomunidade do Salnés, Marta Giráldez.

#hoxeenArousaPontevedraDíaaDía

#de12a1430

Os alcaldes do Salnés demandan á Xunta más información sobre os casos activos de covid nos seus respectivos concellos co fin de poder adoptar as medidas correspondentes.

Así o decidían conxuntamente nunha reunión convocada de urxencia pola presidenta da Mancomunidade, Marta Giráldez, nun encontro ao que acudiron todos os rexedores agás o de Vilanova, Gonzalo Durán.

De todo elo falamos coa presidenta da Mancomunidade, Marta Giráldez.

#hoxeenArousaPontevedraDíaaDía

#de12a1430

O comercio do Salnés disporá en breve dunha Plataforma de Venda Dixital para a comercialización dos seus productos.

Baixo a denominación de Salnés Clik, os establecementos adheridos poderán ofrecer os seus servizos e productos, que os clientes poderán poderán buscar e seleccionar a través dunha aplicación en TokApp.

A iniciativa parte dun acordo asinado entre a Mancomunidade do Salnés e o Consorcio do Comercio do Salnés que supuxo un investimento duns 14.000 euros financiados dentro do convenio de Turismo de Compras coa Axencia Galega de Turismo.

O obxetivo é aproveitar as posibilidades da venda on line para potenciar o comercio, as experiencias e a gastronomía da comarca chegando a milleiros de usuarios, xa que segundo os datos do Consorcio, nestes momentos o 92% das compras nos nove concellos da comarca siguen realizándose físicamente.

A idea de ambas entidades é que a plataforma estea en pleno funcionamento dentro duns meses pero dende agora os establecementos interesados en integrarse en Salnés Clik xa poden rexistrarse e ir estructurando o contido do seu perfil.

A nova plataforma foi presentada esta mañá na sede da Mancomunidade do Salnés pola presidenta comarcal, Marta Giráldez, o xerente da entidade, José Ramón Guinarte, o presidente do Consorcio do Comercio do Salnés, Amancio Gondar, o responsable da creación da plataforma e o presidente de Cambados Zona Centro Juan Rey.

#hoxeenArousaPontevedraDíaaDía

#de12a1430

#hoxeenArousaPontevedraDíaaDía

#de12a1430

A empresa Coinba manterá a súa actividade en Vilaxoán.

O grupo Vinova, que se instalará próximamente no polígono industrial de Baión, en Vilanova chegou a un acordo co administrador concursal para a compra da firma vilagarciá co mantemento de todos os postos de traballo.

Unha boa nova que nos confirmaba esta mañá a portavoz da CIG, Rosa Abuín, asegurando que nas negociacións primaron os intereses para manter o tecido industrial ante os económicos, “algo que é de agradecer aos accionistas da empresa”.

A pesar de que serán necesarias inversións, Abuín aventura que posiblemente Coinba, inmersa actualmente en concurso de acreedores, reanude a súa actividade nas vindeiras semanas “ e mesmo poderían incrementar a plantilla dado o volume de facturación do grupo Vinova e a súa fase de expansión”.

A situación contrasta co que se está a vivir na conserveira grovense de Thenaisie Provoté .

Os 125 traballadores da fábrica meca comezaron esta mañá seis xornadas de folga para forzar unha solución que evite o peche da empresa, actualmente tamén en concurso de acreedores.

A convocatoria foi seguida pola totalidade dos empregados que reclaman que a Xunta de un paso ao frente co fin de que o grupo rumano propietario, a firma Scandia Food, se bote a un lado.

Os traballadores piden que sexa a Xunta quen negocie directamente cos posibles inversores interesados na compra da empresa", xa que pensan que os propietarios "están boicoteando o proceso de venda” co fin de que todo acabe na liquidación da mesma.

Os detalles de ambos casos, o mantemento de Coinba e a folga en Thenaise Provoté, nolos explicaba esta mañá a portavoz da CIG no comité de empresa Rosa Abuín.

#hoxeenArousaPontevedraDíaaDía

#de12a1430

O Concello de Cambados avanza no Plan de Mobilidade Urbanístico Sostible, (PMUS), que deseña estratexias para conseguir espazos máis seguros para os peóns, e o uso de métodos de transporte alternativos aos vehículos

O obxectivo é facer un Cambados máis accesible e peonil onde teña cada vez máis cabida a bicicleta e menos o coche.

Os concelleiros de Mobilidade, Obras e Servizos e Urbanismo, Tino Cordal, Samuel Lago e Xurxo Charlín, están xa mantendo as primeiras reunións técnicas coa empresa Terravanza, designada para elaborar a redacción do informe de diagnose.

Ademáis de deseñar a ordenación vial e as actuacións a desenvolver a medio e longo plazo, o documento, cuxa redacción supón un importe duns 14.000 euros, tamén será unha ferramente base para presentar ante as demáis administracións no momento de optar a axudas.

Ainda que de momento estase na fase inicial, os concelleiros Tino Cordal e Samuel Lago, Xurxo Charlín, e o responsable da empresa redactora, Gael Sánchez, avanzaban algúns detalles de cómo pode ser o Cambados do futuro.

A idea é limitar o impacto do automóvil mediante a implantación de formas de desplazamento máis sustentable.

Para elo, proxéctase potenciar o transporte a demanda, crear itinerarios escolares, en principio para os colexios Magariños e San Tomé, e establecer zonas de prioridade peonil no casco histórico.

Para Fefiñáns, pénsase en convocar un concurso de ideas para a humanización do arborado.

O goberno municipal agarda que a redacción do Plan de Mobilidade estea rematada na vindeira primavera co fin de empezar coas primeiras actuacións financiadas con fondos propios.

Pero demáis, o Concello pretende que os cambios se axusten a un proceso participativo coa veciñanza.

Por tal motivo, realizaranse reunións parroquiais e cos diferentes sectores sociais e porase en marcha unha enquisa sobre mobilidade a través da web municipal e as redes sociais.

#hoxeenArousaPontevedraDíaaDía

#de12a1430

A Mancomunidade do Salnés mantén todas as esperanzas en que o Xacobeo 2021 encha de peregrinos as tres rutas de peregrinaxe que percorren a comarca: a Variante Espiritual, a Ruta do Padre Sarmiento e a peregrinaxe por mar a vela Navegando o Camiño.

Por elo, consciente da importancia do Salnés dentro do Camiño de Santiago, a entidade comarcal está realizando este ano a maior inversión para a promoción turística das tres rutas, con diferentes estratexias e campañas.

Sobre todo elo falamos coa Presidenta da Mancomunidade, Marta Giráldez.

#hoxeenArousaPontevedraDíaaDía

#de12a1430

A Mancomunidade do Salnés deseñou unha nova iniciativa de promoción da Variante Espiritual,

Nesta ocasión, será a través dun percorrido que realizará a partir do xoves un especialista en márketing dende o inicio da Variante en Ponte da Lima.

Felipe realizará as sete etapas da ruta realizando reparto de folletos, tanto en albergues públicos como privados, e deixará información da Variante nos establecementos que se encontre ao seu paso.

Asimesmo, irá publicando cada día nas redes sociais as súas experiencias da viaxe con vídeos e fotografías.

Todo elo servirá, ao tempo, para que a Mancomunidade cree unha base de datos que se poidan utilizar en futuras accións promocionais.

Os detalles nolos contaba esta mañá a presidenta da Mancomunidade, Marta Giraldez, na presentación desta acción promocional, acompañada do especialista en márketing e o xerente da entidade, José Ramón Guinarte.