#hoxeenArousa

O Concello de Cambados incia a restauración integral do Cruceiro de Terra Santa, deteriorado polo paso de tempo e pola acción do vento.

As obras supoñen un investimento de 12.000 euros, financiados nun 80% pola Deputación de Pontevedra, segundo explicaba esta mañá o Concelleiro de Obras e Servizos, Samuel Lago.

A previsión do goberno local é que os traballos queden rematados no prazo dun mes.

O elemento relixiososo está considerado Ben de Interese Cultural e forma parte dos cruceiros instalados en 1.750 para establecer os límites xurisdiccionais, neste caso entre Cambados e Fefiñáns.

Por tal motivo, dende o punto de vista patrimonial, para o Concello é importante a recuperación do Cruceiro de Terra Santa “porque forma parte da historia viva de Cambados”, sinalou o concelleiro de Patrimonio Xurxo Charlín.

A actuación consistirá nunha restauración da totalidade da peza arquitectónica, que xa foi obxecto de varias intervencións ao longo do pasado século sen que os resultados foran perdurables.

Actualmente, leva dous anos sen cruz nin crucifixo, que rompeu a consecuencia dun temporal.

Desta volta, a idea do goberno local é que as obras permitan a conservación do elemento arquitectónico para que forme parte do patrimonio de Cambados.

A maiores, o Concello prevé realizar unha actuación semellante no Cruceiro de Castrelo, derrubado o pasado inverno polos efectos do vento.

A idea é seguir o mesmo procedemento, solicitando unha nova subvención á Deputación de Pontevedra.

#hoxeenArousa

Máis de 250 módulos fotovoltaicos de última xeración aportarán enerxía solar á ETAP do Salnés mediante un unha actuación valorada en 120.000 euros, que foi presentada esta mañá pola presidenta da Mancomunidade, Marta Giráldez, acompañada de alcaldes da comarca.

O proxecto está en fase de licitación e a previsión é que a planta solar entre en funcionamento no mes de outubro.

A actuación será financiada nun 70% polo Fondo de Compensación Medioambiental da Xunta de Galicia e a entidade comarcal aportará o 30% restante.

De momento, nove empresas presentaron xa as súas ofertas para a instalación da planta fotovoltaica, que se ubicará na parte alta da infraestructura, de xeito que o seu impacto visual será mínimo.

Segundo as explicacións do inxenieiro, a planta fotovoltaica aportará máis do 52% do consumo enerxético da Estación de Tratamento, permitindo un aforro duns 20.000 euros ao ano, tendo en conta que actualmente o gasto é de entre uns 50.000 ou 60.000 euros anuais.

Por todo elo, segundo os datos da Mancomunidade, a inversión comarcal amortizarase en ano e medio.

A maiores os módulos solares posibilitarán a reducción das emisións de gases de efectdo invernadoiro nun total de 67.000 kilos de Co2 ao ano.

#hoxeenArousa

“Que corra o aire”, o lema das Festas de San Roque 2020 de Vilagarcía reflexa a declaración de intencións do goberno local para a celebración duns eventos que estarán marcados pola crise sanitaria.

O alcalde, Alberto Varela, e a concelleira de Cultura, Sonia Outón presentaron esta mañá o programa das festas patronais no que o prioritario será a seguridade contra o covid.

O goberno local non quixo renunciar ás celebracións pensando en cumprir cunha obriga cara á cidadanía, tras duros meses de confinamento, nun compromiso pola dinamización da economía local e polo sector cultural e nunha aposta polo talento local.

O Concello de Vilagarcía investirá este ano arredor de 230.000 euros na organización dos festexos, dos que 30.000 estarán destinados a implementar as medidas de seguridade contra o covid.

Precisamente, dada a situación creada pola crise sanitaria, o goberno local decidiu que nesta ocasión os pregoeiros sexan profesionais do centro de saúde de San Roque e do Hospital do Salnés, a xeito de homenaxe de toda a cidadanía pola súa labor nos momentos máis críticos da pandemia, pero tamén agora, cando hai que seguir alerta ante os rebrotes.

Neste sentido, o alcalde insitiu en apelar á responsabilidade individual e colectiva para evitar calquera incumprimento das normas co fin de evitar a propagación de novos contaxios.

O programa está organizado por espazos para poder cumprir cos protocolos de seguridade sanitaria.

Os aforos estarán limitados, no caso da Xunqueira será de 500 persoas, de xeito que na maior parte dos casos será necesario reserva previa a través da web http://www.wowtick.es .

Nos espazos con aforo inferior a 120 espectadores non será necesario.

Todos os espectáculos son de balde e en todos haberá que permanecer sentados.

O programa de San Roque 2020 ábrese o venres 14 de agosto co e finalizará o día 29.

Durante todo este tempo haberá espectáculos para todos os gustos nos diferentes espazos habilitados.

#hoxeenArousaPontevedraDíaaDía

#de12a1430

O Campamento Internacional de Voluntariado que cada ano promove a Xunta de Galicia dende o albergue de As Sinas tamén se veu afectado pola pandemia, cunha menor presencia de participantes, que nesta ocasión son todos de Galicia.

Pese a todo, mantense o programa previsto, tal como nos explica o coordinador do campamento Julián Montoto.

#hoxeenArousaPontevedraDíaaDía

#de12a1430

Os nenos e nenas de Cambados que participan nas Escolas de Verán e Ludotecas involúcranse na #compostaxe a través dos obradoiros promovidos polo Plan Revitaliza da Deputación de Pontevedra, a través do CEIDA (Centro de Extensión Universitaria e Divulgación Ambiental de Galicia).

No seu inicio, estaban deseñadas para realizarse en horario lectivo pero, por mor da #pandemia, pospuxeronse para o verán a desenvolver en grupos de entre 8 e 10 nenos e seguindo o #protocolo establecida polas autoridades sanitarias e escolares.

As actividades inclúen #xogos como “De miñoca a miñoca”, #charlas sobre o tratamento dos resíduos e visitas a #composteiros comunitarios do municipio.

A iniciativa, destinada a menores de entre 4 e 11 anos , comezou esta mañá nas Ludoteca da Casa de Cultura de #Corvillón e de #Castrelo e continuará durante o verán noutros centros.

O contido inclúe unha parte teórica e outra práctica co fin de que os nenos aprendan a coñecer a compostaxe dunha maneira #lúdica, tal como nos explicaba esta mañá a Concelleira de Medio Ambiente, #CruzLeiro, durante unha visita á Ludoteca de Corvillón.

#hoxeenArousaPontevedraDíaaDía

#de12a1430

O Capítulo Serenísimo do Albariño presentou esta mañá os actos previstos para esta edición que tamén estará marcada polas circunstancias da pandemia.

Non só porque estará #adaptada ás restriccións de aforo e medidas de seguridade contra o covid senon tamén porque os nomeamentos serán este ano moitos menos, -non haberá Damas, nin Xóvenes Albariñenses nin Follas de Prata-, e converteranse nun #homenaxe ás persoas que estiveron en primeira liña durante a crise sanitaria do covid, é dicir, os sanitarios e as forzas de seguridade.

En concreto, como recoñecemento os sanitarios, os novos #Cabaleiros deste ano serán o investigador José Manuel Martínez Costas e o Conselleiro de Sanidade, Jesús Vázquez Almuiña.

Igualmente, recibirán as mencións de #Albariñenses de Honra, a Garda Civil, a Brilat de Pontevedra, as policías locais, nacional e autonómica, a Axencia Galega de Emerxencias, os Bombeiros, e a Asociación de Médicos de Urxencias.

O acto capitular terá lugar o #domingo 2 de agosto no Patio de Armas do Pazo de Fefiñáns a partir das 12 horas, coa presencia de Alberto Núñez Feijoo, en calidade de Gran Mestre da orde.

Asimesmo, este ano non haberá o tradicional desfile de confrarías e somente se realizará un acto de #irmanamento coa Confraría Gastronómica do Viño do Rabelo, de San Xoao de Pesqueira, do Douro, en Portugal.

Será o #sábado día 1 ás 12.30 horas e únicamente coa presencia de dous representantes da confraría e un gaiteiro para dignificar o acto.

Posteriormente, no mesmo Patio de Armas de Fefiñáns celebrarase un #showcooking ao que só se pode acceder con invitación.

O secretario do Capítulo Serenísimo, #PedroPiñeiro, anunciaba esta mañá todos os detalles no Parador de Cambados, acompañado dos demáis representantes da orde.

#hoxeenArousaPontevedraDíaaDía

#de12a1430

A recén creada Asociación de Empresarios da Illa de Arousa puxo en marcha unha campaña de fidelización do comercio e a hostelería local, en colaboración co Concello.

Dende este mes de xullo e ata decembro, os comercios asociados distribuirán un total 4.800 euros en vales compra, 800 euros por mes, nunha campaña que leva a imaxe dunha das persoaxes do recoñecido dibuxante LuisDavila.

Os pormenores da iniciativa nolos contan o presidente da Asociación de Empresarios, Amancio Gondar, e o alcalde, Carlos Iglesias.

#hoxeenArousaPontevedraDíaaDía

#de12a1430

A Mancomunidade do Salnés pon en marcha unha nova acción formativa dentro do Programa Integrado de Emprego.

Desta volta, trátase do primeiro curso de elaboración de viños, no que se forman 12 alumnos na adega Pazo Baión.

De todo elo falamos coa presidenta da Mancomunidade, Marta Giráldez.

#hoxeenArousaPontevedraDíaaDía

#de12a1430

A alcaldesa de Cambados, Fátima Abal, e o presidente do Consello Regulador Rías Baixas, Juan Gil de Araujo, asinaron esta mañá o convenio do Albariño 2020.

Un evento do que este ano ambas entidades decidiron eliminar a denominación de “Festa” para evitar que sexa un reclamo a actos multitudinarios que esta edición non vai ter.

I é que, o Albariño 2020 limitarase únicamente ás dúas actividades organizadas pola D.O Rías Baixas, porque o Consello Regulador considera que “é importante que a promoción continúe pois delo depende, ao final, o benestar de moitas familias”.

A primeira será a cata-concurso para elexir ao mellor albariño do ano, que terá lugar o xoves 30 de xullo e o venres 31 no Parador de Cambados.

E a segunda, o Túnel do Viño, que se desenvolverá no Salón Peña, unha vez que Portos de Galicia, alomenos extraoficialmente, modificou o Plan de Usos e permitirá a celebración de eventos non relacionados co mar.

Os pormenores nolos explicaban esta mañá a alcaldesa Fátima Abal e o presidente do Consello Regulador, Juan Gil de Araujo.

#hoxeenArousaPontevedraDíaaDía

#de12a1430

Ante o temor de que as celebracións canceladas da Festa do Albariño se sustituan por actos privados, o Concello emitiu un bando da Alcaldía para reducir ao máximo posible os riscos de contaxios por coronavirus.

O goberno municipal recomenda á poboación en xeral e aos propietarios de fincas e locais particulares que se evite a organización de festas privadas.

Asimesmo, indica que a ocupación da vía pública está prohibida, agás no caso das licencias de hostelería, que, ainda así, deben cumprir as normas de aforo.

O Concello xa anuncia que se reforzarán a vixiancia e os controis e advirte que tanto a Policía Local como a Guardia Civil “van inspeccionar e sancionar a todos aqueles locais que non cumpran os aforos”.

Nolo conta a alcaldesa Fátima Abal.