#hoxeenArousaPontevedraDíaaDía

#de12a1430

O Concello de Vilanova deseñou un amplo programa de actividades dentro das Sonatas de Verán, que debido á pandemia, tamén se adapta as circunstancias.

A Festa da Conserva e a Festa do Mexillón, cos concertos de Budiño e A Roda, respectivamente será máis destacado dunha programación na que este ano se contará sobre todo con actuacións de grupos locais.

En todo caso, haberá actividades todas as fins de semana con iniciativas para todo tipo de público.

A programación foi presentada esta mañá polo Concelleiro de Cultura, Javier Tourís, acompañado do alcalde, Gonzalo Durán.

O Concello de Cambados inagurou hoxe as primeiras exposicións do programa de actividades culturais de verán, adaptadas á nova normalidade.

A Praza de Fefiñáns é o escenario, ata o 16 de agosto, dunha mostra singular de Manolo Paz na que se alonxa das súas esculturas e da forma aos “Mares do Mundo” a través de pezas creadas con redes.

Paralelamente, o Pazo de Torrado acolle dende hoxe ata setembro unha exposición do pintor xienense Santiago Ydáñez, a segunda ocasión na que se pode ver en Galicia o seu traballo.

A mostra é unha recopilación de parte das súas obras, con paisaxes andaluces e lienzos que plasman a súa estancia en Berlín.

Os detalles nolos contaba o Concelleiro de Cultura de Cambados, Tino Cordal, na inauguración das exposicións, acompañado polo pintor andaluz.

#hoxeenArousaPontevedraDíaaDía

#de12a1430

A Mancomunidade do Salnés continúa insertando alumnos do Plan de Emprego nas empresas da comarca.

Se primeiro foi o sector eólico, agora a entidade comarcal asinou esta mañá un convenio de colaboración coa empresa CCS, Construcciones y Canalizaciones Salnés, S.L.

Ao igual que ocorreu coa empresa eólica Galventus, a idea é que cinco alumnos, catro homes e unha muller, que se están formando no Plan de Emprego realicen as #prácticas en CCS, con posibilidad de contratación posterior en puestos de minipalistas / operarios de retroexcavadora.

Delo acabamos falamos hoxe coa presidenta da Mancomunidade e alcaldesa de Meis, Marta Giráldezque tamén nos contou as actividades de verán máis próximas no municipio.

#hoxeenArousaPontevedraDíaaDía

#de12a1430

A ambulancia medicalizada que comezou a funcionar o pasado outubro con base no Hospital do Salnés opera dende hoxe dende o centro de saúde de Baltar, en Sanxenxo.

Unha decisión da Xunta que causou sorpresa na comarca e sobre a que falabamos esta mañá con César Rajoy, delegado de persoal do servizo da ambulancia medicalizada, que nos conta cómo foron as primeiras horas do traslado.

Tanto o delegado de persoal como a CIG denuncian que o cambio faise "sen comunicación previa aos traballadores e as traballadoras, sen informar en que condicións, nin concretar durante canto tempo".

Deste xeito, afirman, "as 90.000 persoas que viven nos concellos de Vilagarcía, Cambados, Ribadumia, A Illa, Meis, Catoira, Vilanova e Caldas quedan outra vez sen ambulancia medicalizada e se hai que facer un servizo de urxencia (como un infarto, onde os tempos son vitais) terá que vir a ambulancia dende Sanxenxo, que está a máis de 30 minutos de Vilagarcía ou de Catoira".

Consideran que o traslado da do Salnés non atende a criterios sanitarios como defende a Fundación 061 senon que é "unha decisión claramente política” e mermará a calidade asistencial.

#hoxeenArousaPontevedraDíaaDía

#de12a1430

O goberno do Concello de Cambados, co apoio do BNG, levará a pleno un acordo consensuado co sector da industria do mar para que se modifique o artigo 18.4 do anteproxecto da #Lei_do_Cambio_Climático.

Conserveiras, confrarías, depuradoras, cocedeiros e bateeiros consideran con preocupación que a redacción do artigo xera #ambigüedade sobre as concesións da ocupación en terreos marítimo-terrestres e crea incerteza sobre o futuro das industrias

Por elo, o acordo consensuado en forma de declaración institucional inclúe diversas #enmendas ao anteproxecto que dean seguridade xurídica ao sector.

Tamén solicita que no momento en que se aborde a modificación da Lei de Costas se teña en conta a #opinión do sector do mar-industria de Galicia pola súa singularidade e relevancia socio-económica.

Segundo a alcaldesa, Fátima Abal, para a #elaboración do documento non se falou co grupo municipal do PP porque xa ten a sua propia moción ao respecto, que sera abordada no pleno #extraordinario convocado para este xoves.

En todo caso, a alcaldesa agarda que todos os grupos municipais o respalden.

Será o #primeiro acordo en relación a este asunto que se votará nun pleno municipal pero a intención do sector é que a iniciativa sexa secundada en todos os concellos costeiros de Galicia.

Para elo teñen de prazo ata o 15 de setembro.

#hoxeenArousaPontevedraDíaaDía

#de12a1430

A Xunta de Persoal do Hospital do Salnés denunciou esta mañá o que considera “mala xestión” da Xerencia da área sanitaria.

Culpana de total carencia de negociacion cos traballadores, falta de transparencia e de información e discriminación con respecto a Pontevedra.

Asimesmo, os traballadores do Hospital do Salnés aseguran que levan moito tempo con contratos precarios por días e que soportan unha gran sobrecarga de traballo ante a decisión da xerencia de non cubrir as vacacións do persoal.

Así nolo conta Celia Iglesias, representante dos sanitarios.

#hoxeenArousaPontevedraDíaaDía

#de12a1430

As ANPAS do colexio Magariños e da Escola Infantil da Pastora de Cambados mobilízanse “ante o anuncio da Consellería de Educación de que ambos centros van perder varias liñas de formación" en primaria no vindeiro curso.

Os proxenitores realizarán unha concentración, inicialmente prevista para hoxe pero que se apraza para mañá xoves, ás 20 horas diante do colexio Magariños.

Os motivos nolos contaba esta mañá o membro da Xunta Directiva da ANPA do colexio Magariños Julian Anca.

#hoxeenArousaPontevedraDíaaDía

#de12a1430

A Plataforma Sos sanidade Pública prepara unha concentración para este mércores en Meis en demanda da apertura do consultorio de Paradela.

A mobilización, que terá lugar ás 20.30 horas na Praza de España do Mosteiro, reivindica tamén o servizo de pediatría no municipio e un centro médico do século XXI.

Delo falabamos esta mañá coa alcaldesa de Meis, Marta Giráldez que nos explicaba os motivos da convocatoria

#hoxeenArousaPontevedraDíaaDía

#de12a1430

O Concello de Cambados renderá homenaxe este venres ao escultor cambadés Narciso Pérez en conmemoración do 90 aniversario do seu prematuro falecemento.

A vida do escultor quedou truncada aos 25 anos un 3 de xullo de 1930 tras un accidente de tráfico cando regresaba de Madrid, onde estudaba cunha beca concedida pola Deputación de Pontevedra.

Agora o Concello quere renderlle tributo cunha placa conmemorativa na súa casa natal do barrio de San Tomé e amosando unha pequena parte do seu traballo nunha exposición permanente no Pazo Torrado.

Segundo explicaba esta mañá o Concelleiro de Cultura, Tino Cordal, ao falecer a tan temprana idade o seu legado é reducido e descoñecido en moitos casos o seu destino.

Dúas das súas obras máis significativas de Narciso Pérez poden contemplarse no Museo de Pontevedra: o “Guerreiro Celta” e o “San Ero da Armenteira

En Cambados son da súa autoría a fonte da Praza Alfredo Brañas, a segunda fase da fachada da Casa dos Pomares, iniciada polo seu pai en 1915, e os elementos decorativos da fachada da Confraría de Pescadores.

Na exposición permanente que se inaugura o venres no Pazo Torrado poderanse contemplar seis pezas da representación dun bautizo e varias tallas de madeira.

#hoxeenArousaPontevedraDíaaDía

#de12a1430

A candidata nº 2 de lista do #BNG por Pontevedra, Montse Prado, mantivo esta mañá na sede nacionalista de Vilagarcía un encontro cos técnicos de emerxencias sanitarias para analizar a situación actual do servizo.

A formación nacionalista #comprométese a facer súas as reivindicacións do persoal de emerxencias.