#hoxeenArousaPontevedraDíaaDía

#de12a14

As novas restriccións acordadas polo comité clínico esta pasada noite entran en vigor o xoves, de xeito que a partir dese momento, os concellos de Pontevedra, Meis, Moraña, Catoira, A Lama e Forcarei suben ao máximo nivel.

Todos eles pasarán a ter #peches_perimetrais individuais e a #hostelería só poderá servir no exterior cun aforo do 50%.

E a maiores destas medidas, con carácter xeral, suspéndense as competicións no deporte federado a nivel autonómico, os adestramentos deben ser individuais ou nun máximo de catro persoas e deben adaptarse ao peche perimetral e ao toque de queda.

Son parte das novas restriccións que esta mañá detallaba o Conselleiro de Sanidade, Julio García Comesaña, adoptadas polo comité clínico ante o rápido crecemento de ocupación tanto das ucis como da hospitalización en planta.

Segundo o Conselleiro, ainda que Galicia está nunha porcentaxe privilexiada, a situación é preocupante, xa que nos últimos 10 días a carga asistencial está incrementándose paralelamente ao número de casos positivos.

García Comesaña tamén amosou a súa preocupación polo cumprimento dos aforos nas terrazas de hostelería e posicionouse a favor de adiantar o toque de queda ás 20 horas.

#hoxeenArousaPontevedraDíaaDía

#de12a14

A Deputación comezará en breve as obras que rematen coas frecuentes inundacións que sufre a estrada provincial EP-9402 Mosteiro-Barrantes

Trátase dun investimento conxunto entre a administración provincial e o Concello de 311.000 euros para dar solución ao grave problema de asolagamentos ao tempo que permitirá a humanización do primeiro tramo da estrada.

A Deputación vén de sacar a licitación a súa parte do convenio asinado o pasado mes de outubro.

As empresas interesadas teñen ata o próximo día 26 para presentar ofertas ás obras de seguridade viaria, valoradas en 217.606 euros.

Pola súa banda, o Concello xa acometeu a súa parte das obras que, por importe duns 93.000 euros, canalizan as augas pluviais.

A actuación complementarase co proxecto municipal de integración da praza de abastos na Praza de España, creando un espazo aberto no que se poidan realizar actividades.

Os detalles de ambas obras nolos contaban esta mañá o Deputado de Infraestructuras, Gregorio Agis, e a alcaldesa de Meis, Marta Giráldez, durante unha visita á zona.

#hoxeenArousaPontevedraDíaaDía

#de12a14

Finalmente, non todos os concellos de Galicia quedarán pechados perimetralmente como se avanzaba onte dende a reunión do comité clínico.

O presidente da Xunta, Alberto Núñez Feijóo, concretou esta mañá o alcance das novas restriccións acordadas a pasada noite, que establecen a limitación de mobilidade únicamente para os municipios que se situen no nivel máximo de restriccións.

No relativo ás nosas comarcas, quedan nesta situación Pontevedra, Poio, Bueu, Vilagarcía, Vilanova, A Illa, Ribeira, Pobra, Boiro, Rianxo, Pontecesures, Caldas, Cuntis e Valga.

Os demáis municipios veranse sometidos ao nivel medio alto, o que supón que se levantan os peches perimetrais que ata hoxe estaban en vigor en Cambados, Sanxenxo, O Grove e Barro.

En calquera caso, a hostelería deberá pechar en toda Galicia ás 18:00 e as reunións deberán de ser dun máximo de catro personas non convivintes.

As novas medidas entrarán en vigor esta medianoite e prolongaranse prolongarán, en principio, ata mediados de febreiro

Ademáis, o toque de queda adiántase ás 22:00. También se prohíben as reunións de non convivintes en domicilios a partir das 18:00, o mesmo horario que rixe para a hostelería.

Así o explicaba todo elo o presidente da Xunta, Alberto Núñez Feijoo.

#hoxeenArousaPontevedraDíaaDía

#de12a14

A Mancomunidade do Salnés reuniu hoxe aos alcaldes e representantes dos goberno municipais para poñer en valor o parque maquinaria que da servizo aos 9 concellos da comarca.

Son máis dunha vintena de vehículos que funcionan cun estricto plan de traballo executado por 16 traballadores.

Así nolo explicaban a presidenta da Mancomunidade, Marta Giraldez, e o xerente, José Ramón Guinarte, nun acto desenvolvido no Polígono de Sete Pías de cambados.

#hoxeenArousaPontevedraDíaaDía

#de12a1430

Remataron as obras de mellora no centro de saúde de Cambados executadas en paralelo polo Sergas e o Concello.

En concreto, foi unha inversión total de 100.000 financiados ao 50% por cada administración no que supón a reforma máis importante realizada no centro médico cambadés dende a súa construcción hai 30 anos.

As obras, realizadas pola Constructora e Ingeniería Messi, S.L, incluíeon traballos en albaneleria, carpintería interior e exterior, instalación de alumeado, melloras na calefacción e acondicionamento nas zonas de aseos.

Agora, quedan algunhas deficiencias trasladadas xa polo persoal do centro, que serán asumidas ao longo da lexislatura, tal como explicaban os concelleiros de obras e Sanidade, Samuel Lago e Tino Cordal, durante unha visita de supervisión dos traballos.

#hoxeenArousaPontevedraDíaaDía

#de12a1430

O Concello de Cambados elaborou un programa de nadal con actividades alternativas nas que non faltará a presencia de Papá Noel e os Reis Magos,

O primeiro percorrerá en camión as parroquias e o centro urbano e as Súas Maxestades de Oriente farán o mesmo pero en tren.

Nolo contaba esta mañá o Concelleiro de Cultura, Tino Cordal.

#hoxeenArousaPontevedraDíaaDía

#de12a1430

A Fundación Amigos do Belén, creada hai un ano para recuperar esta tradición como referente na comarca, xa ten preparada a composición deste ano, en colaboración co Concello.

O Belén de Vilanova, que abrangue xa o doble de amplitud que nos seus inicios, abrirase ao público este domingo na Igrexa da Pastoriza.

Entre os elementos novidosos deste ano, destacan un volcán con efectos de son e luz, un deserto co seu oasis e novas figuras como elefantes.

Así nolo conta o portavoz da Fundación Amigos do Belén de Vilanova, Emilio Fariña.

#hoxeenArousaPontevedraDíaaDía

#de12a1430

A plataforma de venda dixital da comarca do Salnés empezará a estar operativa a principios do vindeiro ano.

Son as datas estimativas da Mancomunidade e do Consorcio do Comercio do Salnés que pretenden que Salnésclick sexa unha gran cntro comercial virtual onde se oferten o comercio, gastronomía e experiencias da comarca.

De principio, para difundir a existencia da plataforma distribuiranse entre os establecementos asociados do Consorcio 20.000 bolsas co nome da mesma e 60.000 salvamanteis que tamén levan impresas as rutas turísticas da comarca.

Así o explicaba esta mañá a presidenta da Mancomunidade, Marta Giráldez.

#hoxeenArousaPontevedraDíaaDía

#de12a1430

Ribadumia pon en marcha unha nova Asociación de Comerciantes co obxetivo de reforzar o pequeno comercio e o turismo local pero tamén involucrar á totalidade do tecido empresarial do municipio.

Para tal fin, unha nova directiva formada por sete comerciantes e empresarios levan meses traballando no novo proxecto que nace baixo o nome de Ribadumia Agárdate.

A primeira actividade será a campaña de nadal en colaboración co Concello que detallaba esta mañá o presidente da Asociación Rubén Cores.

#hoxeenArousaPontevedraDíaaDía

#de12a1430

A presidenta da Mancomunidade do Salnés, Marta Giráldez, respondeu hoxe ás declaracións do alcalde de Vilanova, Gonzalo Durán, nas que acusaba á entidade comarcal de non ser solidaria.

Facíao a raíz da negativa á facerse cargo das expropiacións necesarias para o proxecto de senda peonil entre Vilanova e Cambados, incluida nos orzamentos da Xunta

Hoxe, a presidenta comarcal reafirmábase na imposibilidade de mercar os terreos por inviabilidade económica e tamén por xustiza con Cambados, que xa anunciou que asumirá a parte que lle corresponde no proxecto.

Ademáis, Marta Giráldez incidiu en que Vilanova ten a maior débeda pendente de todos os concellos que integran a mancomunidade e ainda non presentou o plan de pagos correspondente, acordado unánimemente na comisión executiva de alcaldes no que se da de plazo ata o 10 de decembro.

Neste contexto, a presidenta comarcal acusaba ao alcalde vilanovés de ter como obxetivo dende hai ano e medio quebrar a mancomunidade.