#hoxeenArousaPontevedraDíaaDía

O goberno bipartito de Cambados comezou hoxe as reunións cos grupos da oposición para tentar acadar o seu apoio de cara a aprobación dos orzamentos para este ano, que se levarán ao pleno deste mes de marzo.

En concreto, as contas ascenden a 9,1 millóns de euros e segundo avanzaba o Concelleiro de Economía, Xurxo Charlín, darán prioridade ás persoas e colectivos máis danados pola pandemia.

Neste sentido, inclúen un aumento do 150% da partida destinada a Servizos Sociais ata chegar aos 200.000 euros.

Sen embargo, en principio, as liñas dos orzamentos elaborados polo goberno bipartito non son suficientes para obter o voto a favor do Partido Popular.

O portavoz da formación conservadora, Luis Aragunde, reclama a ampliación do persoal de Servizos Sociais e a realización de obras de mellora nas parroquias, que son, ao seu entender, as grandes esquecidas polo bipartito.

#hoxeenArousaPontevedraDíaaDía

#de12a1430

O conxunto de rúas que bordea o recinto feiral de Fexdega loce unha completa transformación despóis das obras de reforma integral da mobilidade e seguridade viaria nesta contorna realizadas ao abeiro do Plan DepoRemse da Deputación.

Os traballos, que supuseron un investimento de preto de 270.000 euros, permitiron humanizar e mellorar as condicións de comodidade e seguridade das rúas Limoeiro, Figueira e Nogueira, tanto para o paso de peóns como para a circulación viaria, tal como destacaron hoxe a presidenta provincial, Carmela Silva, e o alcalde de Vilagarcía, Alberto Varela, na súa visita á zona.

#hoxeenArousaPontevedraDíaaDía

#de12a1430

O sector marisqueiro de Carril realizou esta mañá unha chamada de auxilio á Xunta de Galicia tras constatar a mortandade de máis do 90% dos bivalvos, segundo os seus cálculos, debido á baixa salinidade provocada polas intensas chuvias deste inverno.

En concreto, solicitan á Consellería do Mar o dragado da zona dos Lombos e que habilite axudas directas.

Mariscadores e parquistas mantiveron esta mañá un encontro a pe de praia co alcalde de Vilagarcía, Alberto Varela, e o deputado socialista Julio Torrado, que levará a súa petición ao Parlamento de Galicia.

#hoxeenArousaPontevedraDíaaDía

#de12a1430

O goberno municipal ten xa elaborado o proxecto de orzamentos para este ano que, segundo avanza o Concelleiro de Economía, Xurxo Charlín, dará prioridade ás persoas e colectivos máis danados pola pandemia.

En concreto, as contas ascenden a 9,1 millóns de euros que inclúen un aumento do 150% da partida destinada a Servizos Sociais ata chegar aos 200.000 euros.

Asimesmo, “duplicase o investimento destinado a promoción económica e triplicase en educación no Plan Madruga ou na partida destinada a limpeza e desinfección de todos os centros de ensino, coa finalidade de reducir o risco de contaxio dos alumnos e do persoal”,

A maiores, o goberno municipal manterá as mesmas subvencións a clubes deportivos e asociacións culturais a pesar da limitación da pandemia, porque “é consciente da importante labor que fan”,

En canto aos ingresos, os impostos quedan conxelados e a taxa do lixo redúcese nun 5% tras solicitar a bonificación de Sogama por reciclaxe e reducción de resíduos.

E ainda que serán uns 50.000 euros menos de recaudación, aumentan as transferencias do Estado, que superan por primeira vez os tres millóns de euros,

Deste xeito, “Cambados fornécese neste 2021 con máis fondos doutras administracións que dos impostos que se lle cobran directamente polo Concello a veciñanza”, sinala Charlín.

#hoxeenArousaPontevedraDíaaDía

#de12a1430

A alcaldesa de Cambados, Fátima Abal, anunciou esta mañá as actividades organizadas polo Concello para a conmemoración do 8 M, o Día da Muller.

Este ano, todo será de forma telemática, non presencial, e o goberno municipal non participará en ningunha concentración ou manifestación que implique congregación de persoas.

#hoxeenArousaPontevedraDíaaDía

#de12a1430

A Protectora de Animais de Vilagarcía recibiu esta mañá a visita da conselleira de Medio Ambiente, Territorio e Vivenda, Ángeles Vázquez, para coñecer de primeira man as instalacións e contribuír á difusión do "gran traballo que se está a realizar nelas”.

Ademáis, aproveitou a ocasión para anunciar a nova convocatoria de axudas do seu departamento destinadas ao fomento das accións de protección animal.

Serán 440.000 euros coas que se pretende apoiar o traballo destas entidades que tamén viven momentos complicados a consecuencia da pandemia.

As dúas ordes de axudas estarán destinadas á compra de penso, ao microchipado e esterilización dos animais aloxados nos centros de recollida e os das colonias felinas e á compra de equipamentos e á realización de campañas de sensibilización por parte das asociacións protectoras.

En palabras da Conselleira, o Refuxio municipal de Pinar do Rei é "un dos mellores de Galicia", tanto pola calidade das súas instalacións como pola labor que realiza a Asociación Protectora á que o Concello ten encomendada a xestión do servizo.

A titular de Medio Ambiente foi recibida pola tenente de alcalde, Tania García, a concelleira de Benestar Animal, Matilde Laya, a presidenta da Protectora, Ángeles Cifuentes e directivos e persoal da mesma.

Tras facer un percorrido polas mesmas e atender ás explicacións sobre o funcionamento e organización do servizo, a conselleira interesouse polas necesidades existentes e invitou aos responsables municipais e do colectivo a concorrer ás liñas de axudas que ofrece o seu departamento.

Ángeles Vázquez visitou o refuxio acompañada do delegado territorial da Xunta en Pontevedra, Luis López.

#hoxeenArousaPontevedraDíaaDía

#de12a1430

O proxecto de sustitución da tubaxe de subministro de auga a O Grove necesitará un investimento duns 3 millóns de euros.

Así llo comunicaron os técnicos de Augas de Galicia aos representantes da Mancomunidade do Salnés e do concello meco durante o encontro que mantiveron nas últimas horas.

A redacción do proxecto vai moi avanzado e queda só pendente de pequenos detalles. Posteriormente a Mancomunidade deberá iniciar a tramitación das autorizacións administrativas correspondentes.

Ademáis, tamén terá que buscar a forma de financiamento da actuacion, para o que serán fundamentais os fondos europeos e a colaboración da Xunta, tal como explicaban a Presidenta da Mancomunidade, Marta Giráldez, e o seu xerente, Ramón Guinarte.

#hoxeenArousaPontevedraDíaaDía

#de12a1430

O Sergas efectuará un cribado poboacional no centro de saúde de Mosteiro, no Concello de Meis, entre a tarde de mañá venres, día 19, e a mañá deste sábado día 20.

A Consellería de Sanidade atende así a petición realizada recentemente pola alcaldesa, Marta Giráldez, debido a que o municipio non acaba de reducir de forma notable os contaxios de covid e rexistra a día de hoxe 31 casos activos.

A rexedora manifesta a súa satisfacción “porque ata en dúas ou tres ocasións trasladamos ao Sergas a necesidade de realizar un cribado e ainda que hoxe temos seis contaxios menos que onte creemos que sigue sendo necesario levar a cabo este cribado”.

Coas probas de antíxenos preténdese detectar o maior número posible de portadores asintomáticos de covid, co fin de diminuir a cifra de contaxios de coronavirus na localidade.

O Sergas convocará gradualmente e vía SMS telefónico a 1.658 veciños e veciñas de Meis dentre 30 a 60 anos de idade con tarxeta sanitaria activa no centro de saúde deste Concello.

Os resultados negativos dos cribados serán comunicados por SMS mentres que os positivos notificaránse contactando directamente vía telefónica con cada persoa.

Para a realización do cribado, tres equipos de enfermaría estará en cada quenda, efectuando tarefas de control e cumprimento das medidas de seguridade, realización e procesado das tomas de mostras nasofarínxeas e información aos usuarios.

#hoxeenArousaPontevedraDíaaDía

#de12a14

A Deputación de Pontevedra apura os trámites para a adxudicación das obras que vai acometer nas estradas provinciais Corbillón-Tremoedo e Fefiñáns-Oubiña, en Cambados, ao seu paso polos lugares de Refoxos e Oubiña, cun orzamento global duns 70.000 euros.

As obras comezarán en breve dado que os prazos de presentación de ofertas xa remataron e nos próximos días abrirase a documentación das distintas empresas que concorren aos procedementos de licitación.

En ambos casos faranse obras que melloran o saneamento ou a drenaxe das augas pluviais coa instalación de novas tubaxes soterradas.

O acabado en superficie resolverase con cunetas tendidas.

Este modelo optimiza os sobrantes laterais e, dada a súa escasa pendente (apenas 10 centímetros de desnivel para canalizar a auga), permite camiñar, ademais do paso de vehículos agrícolas e, ao mesmo tempo, reduce o risco de accidente nos casos de saídas leves da vía.

Nolo explica a alcaldesa, Fátima Abal, que esta mañá, xunto ao concelleiro de Obras, Samuel Lago, acompañou aos deputados Gregori Agís e Manuel González na visita aos tramos afectados.

#hoxeenArousaPontevedraDíaaDía

#de12a14

A Presidenta da Mancomunidade do Salnés, Marta Giráldez, e o seu xerente, Ramón Guinarte, saíron hoxe en defensa do proxecto da Plataforma Salnés Click, cuestionado hai uns días polo alcalde de Vilanova.

A creación do Market Place está xa terceira e última fase do proxecto coa previsión de que se abra á cidadanía en Semana Santa.

O proceso responde a unha planificación estratéxica da posta en marcha dun market place.

“Se estivéramos facendo doutra forma estaríamos vendendo fume pero nos non nos dedicamos a eso. Nos dedicamos a facer unha xestión basada en resultados, que estamos dispostos a defender ante calquera”, indicou Guinarte.

O xerente tamén retou aos “que queren datos” a preguntar directamente e “podemos decirlle o que costa o servizo o retorno que ten. Somos das poucas administracións públicas que a nivel de servizos podemos competir co sector privado ao prezo máis económico”.

Un equipo de 20 persoas, integrantes do Obradoiro de Turismo da Mancomunidade, levan dende finais de decembro en contacto con cada un dos comerciantes da comarca para orientalos no uso da plataforma.

E agora, xa na terceira fase de implementación do proxecto, ponse en marcha a promoción de Salnés Click mediante fondos feder xestionados pola Cámara de Comercio de España.

Cun orzamento de 61.000 euros, realizaranse campañas de publicidade en medios de comunicación e en vallas e crearanse redes sociais propias da plataforma.

Ademáis, tamén se distribuirán entre os comerciantes do Consorcio do Salnés novo material promocional: 40.000 bolsas, 60.000 salvamanteis e 40.000 folletos.

Todo elo para que a Plataforma Salnés Click estea en pleno funcionamento en Semana Santa.