#hoxeenArousaPontevedraDíaaDía

O tempo esgótase e non se da encontrado unha solución viable para evitar a disolución da conserveira de Thenaisie Provoté do Grove.

I e que nas últimas horas facíase pública a retirada da oferta de Conservas Dani, a única que se presentara formalmente para salvar a actividade da factoría meca.

Agora, os prazos do proceso concursal encamíñanse cara a subasta de activos que deben cubrir a débeda xerada polos antigos propietarios, o grupo rumano Scandia Food, cuxo importe podería ascender aos 9,5 millóns de euros.

Dende a CIG recoñecen que a situación é moi complicada pero todavía non tiran á toalla.

Segundo nos explica a representante do sindicato no comité de empresa de Thenaisie Provoté, Rosa Abuín, a central sindical mantén conversas con tres grupos inversores, dous galegos e un valenciano, que poderían salvar a situación no último momento.

#hoxeenArousaPontevedraDíaaDía

O tempo esgótase e non se da encontrado unha solución viable para evitar a disolución da conserveira de Thenaisie Provoté do Grove.

I e que nas últimas horas facíase pública a retirada da oferta de Conservas Dani, a única que se presentara formalmente para salvar a actividade da factoría meca.

Agora, os prazos do proceso concursal encamíñanse cara a subasta de activos que deben cubrir a débeda xerada polos antigos propietarios, o grupo rumano Scandia Food, cuxo importe podería ascender aos 9,5 millóns de euros.

Dende a CIG recoñecen que a situación é moi complicada pero todavía non tiran á toalla.

Segundo nos explica a representante do sindicato no comité de empresa de Thenaisie Provoté, Rosa Abuín, a central sindical mantén conversas con tres grupos inversores, dous galegos e un valenciano, que poderían salvar a situación no último momento.

#hoxeenArousaPontevedraDíaaDía

As obras do paseo marítimo a Vilaxoán estarán rematadas en mes e medio, segundo as estimación do goberno municipal, tras un investimento de preto de 800.000 euros.

O alcalde, Alberto Varela, acompañado doutros membros do seu goberno e do director da obra achegouse esta mañá á zona para comprobar o avance dos traballos de rexeneración desta franxa litoral, entre punta Ferrazo e o final da Praia de Canelas.

#hoxeenArousaPontevedraDíaaDía

A Xunta de Galicia proxecta a renovación das cubertas en tres edificios do IES de Vilalonga, cun orzamento de licitación previsto de 370.000€.

A Consellería de Educación abriu o proceso de adxudicación que foi anunciado esta mañá polo delegado territorial da Xunta en Pontevedra, Luis López, nunha visita realizada ao centro xunto ao alcalde, Telmo Martín, e o xefe territorial de Educación, César Pérez.

A intención, segundo avanzaba o responsable territorial, é adxudicar a obra nas vindeiras semanas para que os traballos se inicien a comezos de verán.

A actuación proxectada no IES de Vilalonga beneficiará ao edificio principal, a un inmoble que acolle un aulario e o salón de actos e ao recinto do ximnasio, cuxas cubertas presentan diversas patoloxías por mor do paso do tempo e do sistema construtivo empregado no seu día, que provocan desprendementos e filtracións.

Así mesmo, tense detectado que os sistemas de recollida de pluviais están deteriorados, producindo rebordamentos, goteos e vertidos de auga polas fachadas.

As obras consistirán na reparación e substitución destas cubertas, comezando polo recoñecemento previo do seu estado antes de proceder á súa desmontaxe, que se efectuará durante o período non lectivo do verán por cuestións de seguridade.

#hoxeenArousaPontevedraDíaaDía

O Concello de Cambados está traballando para adecuar e reorientar a plantilla municipal co fin de reforzar diferentes servizos e departamentos e facer fronte ás necesidades de persoal.

En concreto, segundo explica a alcaldesa Fátima Abal, os cambios afectarán a un amplo abano de postos, co obxetivo de reducir a interinidade, reforzar determinados servizos, cubrir vacantes, ou afrontar o relevo de traballadores xa xubilados.

Entre as modificacións, o Concello concluirá as promocións internas da Oferta Pública de Emprego de 2017 e 2019 relativas a cinco auxiliares administrativos que pasan a oficiais de administracións e, nalgúns casos, de laborais a funcionarios por necesidade do posto, por estar reservado ao funcionariado.

Asimesmo, dentro da OPE de 2019, cúbrese o posto de letrado asesor xurídico en propiedade, función que agora mesmo está sendo realizada por persoal laboral indefinido.

Pero ademáis das prazas consolidadas a través das ofertas de emprego público, o Concello pretende “solventar carencias estructurais en determinados departamentos, tal como nos explica Fátima Abal.

#hoxeenArousaPontevedraDíaaDía

O Salnés xa dispón do seu propio libro de recetas tradicionais da comarca.

Trátase dun recetario con 37 platos, elaborados polo alumnado do Obradoiro de Hostelería da Mancomunidade, baixo as propostas do seu docente Paco Caneda, con fotografías de Rafa Otero.

O libro de cociña estará integrado na plataforma Salnés Click, que por certo se porá en marcha a vindeira semana, e será unha forma máis de promover o turismo gastronómico.

Os detalles nolos contaban esta mañá a presidenta da Mancomunidade, Marta Giráldez, e o docente do Obradoiro, Paco Caneda, na presentación da iniciativa.

#hoxeenArousaPontevedraDíaaDía

Un grupo de oito veciños de San Miguel de Deiro, en Vilanova, fixeron pública esta mañá a súa protesta polo "despropósito" das obras da senda peonil e ciclista executada pola Xunta entre a rotonda e a ponte da Illa.

I é que, tal como aseguran, a senda deixou unha cuneta de gran desnivel entre a rúa e a entrada das súas vivendas que dificulta notablemente os accesos cos seus vehículos, xa que en moitas ocasións rozan co asfalto.

Os afectados trasladaron o problema ante o Concello e a Xunta pero a única solución que lle ofrecen é que soliciten o permiso para colocar unha reixa de ferro que sirva de rampa, pero, de ser así se preguntan quen se responsabiliza se a estructura provoca danos a persoas ou outros vehículos.

#hoxeenArousaPontevedraDíaaDía

A alcaldesa de Cambados, Fátima Abal, presentou esta mañá ante a Garda Civil unha denuncia polos actos vandálicos rexistrados no campo de fútbol Beiramar de Castrelo.

Os supostos autores están xa localizados e identificados. Son os seis integrantes do grupo de trap de O Grove De La Ría Squad que utilizaron o campo de futbol de Castrelo para grabar un videoclip e publicalo despóis na canle de youtube.

A peza audiovisual contén imaxes nas que realizan pintadas con spray do nome do grupo nun dos muros das instalacións deportivas.

A rexedora considera na súa denuncia que estes feitos poderían ser constitutivos de delito porque o grupo accedeu ao campo de fútbol sen autorización e ainda que a titularidade do espazo é de Costas, é o Concello o responsable do mantemento e da reparación dos danos.

O Concello pedirá compensacións polos danos e perxuizos ocasionados ainda sen valorar.

#hoxeenArousaPontevedraDíaaDía

O Concello de Cambados ven de presentar ante Portos de Galicia a solicitude para a desafectación dos terreos portuarios.

Son un total de 36.000 metros cadrados duns espazos que xa nos anos 80 foran #cedidos á Xunta por parte de Costas do Estado pero que, como sinala o Concelleiro de Urbanismo, Xurxo Charlín, xa formaban parte da vida cotiá da veciñanza cambadesa.

Son #emprazamentos como o Paseo da Calzada, o entorno do Centro de Saúde, a Estación de Autobuses, a Praza de Abastos, o Salón Peña ou a escalinata de Santo Tomé.

Espazos que, segundo matiza o Concelleiro de Urbanismo, Xurxo Charlín, na última DEUP pasaron a ser consideradas "zonas de #non_estricto uso portuario", de xeito que a súa desafectación non influirá no desenrolo do porto.

Tendo esto en conta, o goberno municipal xustifica a petición argumentando que o Concello está asumindo o #mantemento e #alumeado dos espazos cuns custes duns 80.000 euros ao ano, que van máis aló ao sumar o tratamento contra o picudo vermello que se realiza no Paseo das Palmeiras.

Pero ademáis, a alcaldesa Fátima Abal lembra as #taxas que o Concello debe pagar a Portos polo #uso dos espazos portuarios e que, segundo os cálculos municipais, poden ascender a uns 100.000 euros anuais.

Unha vez presentada a solicitude, Portos tramitará a #petición de Cambados xunto coa doutros concellos de Galicia presentadas a través da Fegamp

No caso da vila do albariño, Portos #revertirá de novo os terreos a Costas do Estado e posteriormente o organismo estatal concederá a #titularidade #municipal.

Precisamente, ante Costas do Estado o Concello de Cambados xestiona tamén a desafectación do #complexo deportivo de #OPombal.

O executivo municipal mantivo xa unha primera reunión co responsable provincial que lle indicou os #primeiros_pasos a seguir no que seguramente tamén será unha longa tramitación.

#hoxeenArousaPontevedraDíaaDía

A #moción de #confianza vinculada á aprobación dos orzamentos presentada pola alcaldesa de Cambados, Fátima Abal, foi rexeitada no pleno extraordinario celebrado esta pasada noite.

Tal como era previsible, PP, BNG e Cambados Pode, votaron en contra da iniciativa, de xeito que agora ábrese un mes de prazo para que a #oposición presente unha #moción de #censura.

Unha #opción remota xa que os nacionalistas xa anunciaron que nin proporán nin apoiarán tal medida.

De ser así, o #orzamento quedará aprobado automáticamente ao cabo dun mes e a socialista Fátima Abal seguirá ao frente do goberno bipartito con Somos Cambados.

A alcaldesa califica de decepcionante e de bloqueo institucional a postura do BNG.