Kuştin û tûndiya beramber jinan berdewam dike. Bi taybetî destdirêjiya karmendên dewletê beramber keç û jinên kurd li bajarên Bakurê Kurdistanê êdî bûye diyardeyek. Rojnameger Perîhan Kaya derbarê destdirêjî û tûndiya li ser jinan podcastek amade kiriye.

Li Tirkiyê di heyama 6 mehên sala 2020an de 124 jin hatine qetilkirin. 86 mirinên bi guman wekî "xwekuştin" derbasî qeydan edlî bûne û faîlên wan nehatine dîtin. Di meha Tirmehê de 36 jin hatin qetilkirin. Di meha borî de li Amed, Agirî, Mêrdîn û gelek bajarên din mirinên biguman yên jinan pêk hatin û piranî di bin navê întîxarê de derbasî dosyayan bûn.

Pabendnebûna Tirkiyê ya ya rêkeftinên navdewletî yên li ser jinan û bicîneanîna yasayan yên parastina mafên jinan jî li rojeva Tirkiyê ne. Rêbazên vekişîna ji peymana Stenbolê û yasaya jimareya 6.284 ya destûrê jî nayê bi cî anîn.

Ajaldarên Wanê bi hatina biharê re pez û ajalên xwe dibin nava mêrg û çêmenên peravên hêşîn ê behra Wanê û wan di behrê de dişon. Ligel şuştina ajalan dengbêjiyê dikin. M. Salih Bedirxan dengên perav û gavanên Wanê di podcastekê de tomar kiriye.

Her diçe rêjeya mamosteyên kurdî zêde dibe û ligel kurdan biyanî jî eleqeyekê ji bo zimanê kurdî nîşan didin. Gelo kurdî dikare bibe derfetek ji bo debarê? Ji bilî kurdan kî fêrî kurdî dibe û profîla xwendekaran çawa ye? Mevlüt Oğuz li dor van pirsan sohbetek bi dilsoz û mamosteyê Kurdî Rifat Yildiz re kir.

Malbeteke rojnameger a ji Rojhilatê Kurdistanê ji ber êş û azara li ser wan neçar dibin wetenê xwe terk dikin. Malbat,7 sal e li Wanê yê û li Wanê jî rastî gelek zehmetî û azaran tên. Ruşen Takva podcastek li ser çîroka wê malbatê amade kiriye.

‏‪Rojnameger Zozan Yaşar û M.Salih Bedirxan podcastan û armanca Kurdish Women Podcastê amade kirine.Yaşar dibêje armanca Kurdish Women Podcastê belavkirina dengê jinan û destnîşankirina rola jinên kurd e, di nava komelgeha navdewletî de.

Komara Îslamî ya Îranê dîsan dest bi li sêdaredana girtiyan, girtina çalakavanên medenî û kuştina kolberên kurd kiriye. Di nava mehekê de 10 girtî hatine îdamkirin û bi dehan kolber jî hatine kuştin. @Bedirxansalih û rojnameger Îskender Caferî behsa binpêkirinên mafê mirovan li Rojhilatê Kurdistanê kirine.

6 sal bi ser Komkujiya Şingalê derbas bû û hîn jî birîna xelkê Şingalê sarêj nebûye. Herwiha hêzên ne meşrû jî wêrankirina bajêr berdewam dikin. Qeymeqamê Şingalê Mehma Xelîl rewşa xelkê êzdî yê Şingalê qonaxa jenosîd nasadina komkujiyê ligel @Bedirxansalih gotûbêj kir.

Spot/ Rojane bi sedan penaber ji ber şer û bêîstîkrariya li welatên xwe berê xwe didin Wanê. Di wê rêya penaberiyê de bêyî ku bigihên dawiya wan xeyalên xwe li nava sînorên Wanê koça dawî dikin. @BedirxanSalih û @RusenTakva behsa rêwîtiya penaberan bo Wanê dikin.

Civat xweş e bi sê tiştan: ya bi sotin, ya bi gotin, yan jî kotin. @rozasiera di bernameya Tûrikê de bi çiroka Gundê Kerran ku li ser metefora 'fikrê te çibe zikrê te jî ew e' pêşberî we ye. Guhdarên podcastkurdîyê kerem bikin em vê çiroka kurt û kurmancî guhdar bikin.

@Bedirxansalih di vê xelka Rabêjê de geşadanên welatan bo peydakirina aşiya vîrusa Koronayê, zêdebûna vîrusa Koronayê li Başûr, Bakur û Rojhilatê Kurdistanê ligel akademîsyen û piporê mîkrobîyolojiyê li Swêdê Dr. Hişyar Yuksel re axivî.