Podcast Radio Cerna

A Coordinadora para o Estudo dos Mamíferos Mariños (CEMMA) cumpre 25 anos. O seu papel ao longo deste tempo foi fundamental para a conservación e recuperación dos mamíferos marñios varados nas costas galegas. Repasamos co seu presidente, Xosé Martínez Cedeira, os logros conseguidos e tamén as metas que quedan por acadar nesta difícil e necesaria tarefa.

Queres saber que novas ambientais destacaron en Galiza nesta semana? Escoita este espazo de Radio Cerna. Só tes que premer!

As tres universidades galegas, xunto co centro de investigacións agrarias de Mabegondo, veñen de crear unha agrupación estratéxica para a investigación do territorio galego chamada BETA +. A idea é dar resposta aos grandes retos de Galiza con respecto á transformación cara a bioeconomía, o aproveitamento dos recursos naturais, o medio rural, o emprego ou a relación dos galegos e galegas co territorio e o medio ambiente.

Rapasa con Radio Cerna a actualidade ambiental galega. Preme e escoita!

Fisterra é o primeiro concello do litoral galego que se lanza á creación de 5 microrreservas de flora para conservar, recuperar e poñer en valor tres especies de plantas ameazadas. Membros da Universidade de Compostela e da entidade ecoloxista ADEGA encargaranse de levar a cabo este proxecto aberto á participación da veciñanza local e de voluntariado.

"Cambio climático no medio mariño español: impactos, vulnerabilidade e adaptación" é un estudo promovido polo Miniserio de Medio Ambiente que dá resume os impactos que están a sufrir os mares polo cambio climático. Este traballo vén a confirmar os peores pronósticos relativos á mudanza climática nos océanos. Neste espazo coñecemos co principal autor, Diego Kersting, as alteracións que o clima está a provocar nos mares galegos.

Escoita o espazo de Radio Cerna de hoxe e coñece en poucos minutos que novas destacaron esta semana da actualidade ambiental galega.

ADEGA consegue, a través dos tribunais, forzar á Xunta a iniciar o expediente para declarar a Cova Eirós de Triacastela, como Ben de Interese Cultural (BIC). O pasado 10 de abril, a Xunta iniciaba os trámites formais para conquerir esa categoría de protección para o xacemento galego máis importante, probablemente do Paleolítico e único en Galiza con arte rupestre. ADEGA considera que esta resolución tivo lugar en vista de evitar unha sentenza condenatoria do Tribunal Superior de Xustiza á raíz dun recurso contencioso interposto polo colectivo ecoloxista.

Coñece cales foron as novas máis importantes desta semana sobre o medio ambiente e a ecoloxía en Galiza.

Nesta semana púxose a funcionar a primeira adega experimental de todas as universidades galegas no Campus Terra de Lugo. A Escola Politécnica Superior promove por primeira vez en Galiza un proxecto destas características para favorecer a investigación no sector vinícola galego, un sector que cada vez ten máis expectativas de futuro no noso territorio. Existen factores internos e tamén externos, como o cambio climático, que están a xerar cada vez máis demanda de materias académicas e universitarias relacionadas coas vides, a sidra, coa elaboración de licores a través da fermentación ou coa experimentación de novos mercados, como o ecolóxico. Este proxecto tamén analizará a calidade da madeira do noso carballo para a elaboración das cubas dos mellores caldos.