Podcast Radio Cerna

Recentemente constituíuse en Galiza a Asociación de Resineiros Galegos (AREGA) co obxectivo de poñer en valor e promover o aproveitamento da resina dos piñeiros como recurso ambiental, económico e social. A recuperación desta vella práctica, perdida nos montes do sur, alá polos anos sesenta, volta en pleno século XXI para agromar como alternativa a outros usos do monte menos sostibles.

A Universidade de Santiago de Compostela impulsa unha nova iniciativa para combater o cambio climático desde a vida cotiá. O proxecto "Descarboniza, que non é pouco!" diríxese a entidades ou grupos de persoas que a través da relación interpersoal descubran novas formas de enfrontarse aos cambios derivados da mudanza climática. Neste programa, coñeceremos a iniciativa.

Queres coñecer as novas máis destacadas do medio ambiente galego? Este é o teu espazo. Preme e escoita!

Hoxe é o Día Mundial da Auga. Neste ano, 2017, a ONU insta aos gobernos, industrias e cidadáns a reutilizar as augas residuais, como unha das fórmulas máis urxentes para reducir o consumo deste recurso limitado tan valioso para a vida. ADEGA aproveita esta efeméride para lanzar varios consellos que axudarán a evitar o consumo innecesario de auga.

Eucalipto cero, como en Europa!... Así se titula o manifesto que encabezará a campaña da plataforma galega "Cousa de Raíces" en contra da eucaliptización masiva do país e a favor do bosque autóctono. A iniciativa, apoiada por máis de 60 colectivos e entidades galegas de diversa índole, será presentada oficialmente mañá, Día Mundial do Bosque. O manifesto avoga por unha moratoria para as novas plantacións de eucalipto, a prohibición expresa da variedade nitens, unha ecotaxa sobre este tipo de cultivos e incentivos para os produtores ou propietarios que diversifiquen os usos do monte ou contribúan a conservar os bosques naturais.

Compartimos contigo as novas máis destacadas do eido ambiental galego acontecidas nos últimos días.

Un grupo de produtores/as de agroecoloxía do sur do país promoven a creación dun novo medio de comunicación sobre o sector en galego e para Galiza. O novo voceiro tamén pretende poñer en valor todas as iniciativas de redes ou espazos autoxestionados que se están a desenvolver nos últimos tempos.

A Universidade da Coruña participa, xunto con outras 28 entidades, no proxecto europeo Connecting, que intenta impulsar un novo modelo de cidades baseadas en criterios sostibles e nos mecanismos da Natureza. A instituciíon galega será a encargada de establecer os parámetros de avaliación dos resultados deste proxecto que pretende ter eco internacional e que se desenvolverá nos vindeiros anos. Dentro deste marco, A Coruña será a única cidade do Estado que participará deste proceso de "naturalización" sobre o que nos fala Adina Dumitru da UDC.

Ante a proliferación de certos mitos sobre a situación de conservación e xestión do lobo en Galiza, ADEGA publica un informe no que desmente gran parte dos argumentarios que, na súa opinión, só contribúen a agravar a conflitividade social e o odio contra a especie. O colectivo tamén propón unha serie de medidas para minimizar esta conflitividade e ao mesmo tempo non atentar contra a especie. Entrevistamos ao autor do informe e volga de biodiversidade en ADEGA, Martiño Nercellas.

O informe de Proxecto Ríos do ano 2016 revela que se mantén unha tendencia negativa no estado de conservación do bosque de ribeira dos ríos analizados polo voluntariado fluvial. Neste espazo avaliamos este e outros parámetros medidos polo voluntario galego en 140 ríos durante o ano pasado.