Podcast Radio Cerna

Retomamos o espazo de Radio CERNA dos venres no que repasamos a actualidade galego no ámbito medioambiental. Preme para escoitar que pasou nos últimos días!

O cambio climático está a modificar as condicións das especies mariñas autóctonas e a favorecer a propagación de especies invasoras. Unha destas especies é o mexillón pigmeo de Nova Zelanda que xa está presente nas rías de Vigo e Pontevedra e que preocupa polo seu carácter invasor. Un estudo da Universidade de Vigo detecta un aumento destas poboacións invasoras nas rías baixas e fai unha primeira aproximación ás alteracións que están a provocar no ecosistema mariño galego e, nomeadamente, no mexillón autóctono de Galiza.

O enxeñeiro agrónomo Iván Díaz López deseñou un modelo de concentración agraria e recuperación de terras abandonadas que evita o impacto da concentración parcelaria e escapa dos cambios de titularidade dos terreos. O proxecto MARCOS avoga por destinar terreo agrario a quen o precisa favorecendo tamén aos titulares das terras. Se queres coñecelo, só tes que premer para escoitalo!

O abandono e perda das terras de cultivo ou da superficie agraria útil en Galiza é un problema cada vez máis acuciante. No último seminario de verán da USC sobre medio rural debatéronse as distintas formas que existen hoxe en día de recuperar terras agrarias para a produción sen alterar a titularidade dos terreos. Hoxe coñecemos algunhas destas extratexias co membro do Laboratorio do Territorio da USC, Eduardo Corbelle.

Na última década a fumigación das beiras das estradas, chegada a primavera, xa é unha práctica habitual que preocupa, e moito, aos grupos ecoloxistas e aos defensores da saúde ambiental e das persoas. Neste programa de Radio Cerna abordamos esta problemática ambiental e os impactos derivados da fumigación masiva de estradas, que en Galiza ten unha especial relevancia. Facémolo co biólogo Cosme Damián Romay Cousido.

O Museo do Mar de San Cibrao, dependente da rede museística da Deputación de Lugo, conserva a mellor colección de ósos desta especie xa extinguida. Neste espazo coñecemos a historia que envolve a balea vasca nos mares de Lugo, desde o século XIII, así como os vestixios que se conservan dese patrimonio nas instalacións do Museo do Mar.

Neste espazo Cerna facemos repaso das novas ambientais máis destacadas acontecidas en Galiza na última semana. Escóitanos!

Hoxe entra en vigor o polémico plan de conservación da praia das Catedrais que tamén tratará de regular o acceso de visitas ao monumento natural. Desde Radio Cerna quixemos coñecer mellor que implica este plan e cales son os seus defectos e virtudes coas dúas partes protagonistas na polémica xerada arredor da súa aprobación: a Consellaría de medio ambiente e o concello de Ribadeo. Por motivos que nos son alleos, ninguén da consellaría de medio ambiente atendeu ás reiteradas chamadas que Radio Cerna fixo no último mes, mais si o fixo o alcalde de Ribadeo, Fernando Suárez, a quen escoitamos neste espazo.

A capacidade de acollida de visitantes que teñen os espazos naturais protexidos convértese nun tema de actualidade con motivo da presión turística que están a sufrir enclaves naturais galegos como a Praia das Catedrais de Ribadeo. Neste espazo coñecemos a guía máis recente publicada no Estado español onde se determina o método e os aspectos a ter en conta para calcular a capacidade de acollida dos espazos naturais protexidos. Un dos seus autores explícanos que factores deben ter en conta neste cálculo os xestores públicos destes espazos.

Escoita unha nova xeira de actualidade no eido ambiental de Galiza. Neste espazo repasamos as novas ambientais da semana.