Podcast Radio Cerna

Neste espazo repasamos as novidades da actualidade ambiental desta semana no territorio galego. Non o perdas!

O anteproxecto da nova Lei de Voluntariado de España xa chegou ao Congreso. Esta proposta substituiría, de ser aprobada, a antiga normativa procedente de 1996. Pese a que é un cambio moi demandado pola sociedade e o terceiro sector, principalmente, sufriu cambios con respecto ao borrador orixinal que resultan discriminatorios e confusos, segundo os colectivos sociais. Hoxe falamos coa entidade que encabeza esta protesta, coa Plataforma de Voluntariado de España, que acoller máis de 29.000 entidades que fan voluntariado.

Os días 6, 7 e 8 de xuño terá lugar a IV limpeza simultánea de praias que cada ano, desde hai catro, convoca ADEGA con motivo do Día dos Océanos. O obxectivo é concienciar á sociedade sobre a necesidade de manter limpos os areais de residuos, os cales que constitúen unha ameaza para a biodiversidade dos mares e océanos, ademais de poñer en risco a supervivencia dalgunhas especies protexidas que habitan nas dunas e praias.

Neste programa CERNA facemos repaso da actualidade ambiental da última semana.

Vense de publicar a primeira guía do feísmo en Galiza na que se establecen ata 34 tipoloxías diferentes de exemplos que perturban a paisaxe galega. Os promotores desta publicación dixital (Horreum, IBADER e o Observatorio Galego do Territorio) tentan concienciar á cidadanía sobre os impactos que determinadas intervencións humanas xeran no territorio, mesmo aquelas que foron presentadas por administracións públicas ou entidades privadas como iconas do progreso. Entrevistamos a un dos autores do documento para coñecelo máis de primeira man.

O documento pódese descargar en: http://ibader.org/archivos/docs/2015-Guia-Feismo-Galicia.pdf

O Ministerio de Medio ambiente autoriza aos propietarios forestais fumigar cun tóxico perigos para as abellas a todos os eucaliptais afectados coa praga do gorgullo das provincias da Coruña, Pontevedra e nas comarcas do Ribeiro e a Mariña luguesa. Ecoloxistas e apicultores advirten dos perigos deste principio activo (taufluvalinato) para a cabana apícola,a contaminación ambiental e a saúde pública. Tras tres anos de intentos fallidos, a patronal pasteira (Aspapel) e a Xunta acadan esta resolución do Ministerio que se pode facer efectiva ata o 6 de agosto.

A actualidade ambiental da semana en Galiza nun só clic! Escóitanos!

ADEGA convoca unha nova edición dos Concursos polo Territorio dentro da campaña "Ponte no medio. Móvete polo territorio". Trátase da V edición do certame de fotografía e relato e da IV de curtametraxes. A través destes certames, ADEGA convida á sociedade galega a retratar o territorio por medio da palabra e da imaxe.

Neste espazo Cerna achegamos algunhas das claves que necesitas saber se queres reducir gastos na túa factura da luz. Alén de minimizar o teu consumo eléctrico diario, podes mudar algunhas das condicións contratadas co teu proveedor de enerxía eléctrica para que o recibo sexa máis barato. O asesor e consultor enerxético, Xosé Manuel Golpe Acuña, fai as seguintes recomendacións...

Repasa con nós a actualidade ambiental da semana en Galiza, aquí en Radio Cerna!