Podcast Radio Cerna

Un estudo da UNEF analiza algunhas das campañas publicitarias das grandes compañías eléctricas españolas e detecta unha manipulación nos datos dirixidos á opinión pública. A finalidade non semella ser outra que desvincularse de toda responsabilidade na suba continuada da factura da luz. Escoitamos as conclusións deste estudo da man dun responsable da UNEF.

Neste espazo informamos das novas ambientais máis destacadas da semana. Preme e escoita!

ADEGA conclúe o seu proxecto de custodia fluvial nas bacías Ulla, Umia e Lérez tras tres anos de traballo. Neste espazo coñecemos cales foron os resultados e o seu impacto no territorio. Todas estas actuacións están recollidas nunha publicación recentemente editada pola organización que pretende servir de referencia para outras iniciativas de custodia fluvial.

Neste ano 2014, dedicado á Agricultura familiar pola ONU, preguntamos a un dos investigadores galegos especializados neste eido cales son as claves de éxito deste tipo de agricultura en Galiza, onde máis do 90% desta é familar. Carlos Ferrás compara o caso galego co irlandés e tamén os analiza desde o punto de vista social e ambiental.

Este venres recollemos no espazo Cerna todas as novas máis destacadas do eido ambiental galego na última semana. Isto foi o que o ambiente galego viviu nos últimos días...

As costas galegas están a recibir numerosos esxemplares de mamíferos mariños, cetáceos, golfiños,... pero quizais máis inusitada é a chegada de tantos lobos mar¡ños. Falamos coa CEMMA para saber en que estado se atopan e cal é o motivo desta chegada masiva de focas grises ao litoral galego.

As queimas controladas tamén poden supoñer un risco elevado para a erosión do solo fértil de Galiza. Unha investigación do CSIC pon este dato de relevancia ante a consideración xeralizada de que os lumes de baixa intensidade producen baixo impacto no solo. O estudo estima que os incendios de categoría menor poderían supoñer a perda de 2,5 toneladas/ hectárea e por ano en Galiza, polo que habería que extremar as precaucións e favorecer a prevención dos lumes, en calquera dos seus rangos.

Descobre o que deparou a actualidade ambiental da última semana aquí en Radio CERNA. A información ambiental máis actual!

O río Gafos está a un paso de converterse en Espazo Natural de Interese local. A Xunta vén de aprobar provisionalmente a súa candidatura, á agarda de que o concello de Pontevedra presente un Plan de conservación para o espazo. Hoxe coñecemos a valoración deste recoñecemento ambiental por parte da asociación impulsora do proxecto que leva máis de 10 anos traballando pola conservación do río Gafos, o colectivo Vaipolorío.

Preto de 200 concellos en todo o Estado xa están facer uso da liña verde para facer consultas ambientais on-line ou denunciar unha deficiencia no medio natural a través de aplicación móbil, de xeito inmediato e directo. Recentemente, o concello de Lugo converteuse na primeira cidade galega que pon a disposición dos seus cidadáns este servizo, a través da plataforma www.lineaverdelugo.org.