Radio Candid

कोरोनाको दोस्रो भेरियन्ट सुरु भए सगैँ गत बैशाख १३ गते सोमवारबाट कोरोना नियन्त्रण र रोकथामका लागि सरकारले देशभरिका सबै विद्यालय बन्द गर्ने निर्णय गरेको थियो । त्यसयता इन्टरनेट वा अन्य वैकल्पिक माध्यमबाट विद्यालयको पठनपाठन गरिएको भए पनि भौतिक रूपमा भने अधिकांश विद्यालयहरू औपचारिक रूपमा खुलेका छैनन् ।

पछिल्लो समय बालबालिकामा इन्टरनेटको लत नै बसेको छ । बालबालिकामा बढ्दो प्रविधिको प्रयोगले मानसिक समस्या देखिन थालेको छ भने उनीहरुको सर्वांङगीण विकासमा समेत उत्तिकै खतरा बढ्दै गएको छ । 

दुई दशक बढीको मेहेनतपछि गत चैत २० गते मेलम्चीको खानेपानी काठमाण्डौ उपत्यकाबासीका लागि वितरण गरियो । तर, असार १ गते र साउन १६ गते सिन्धुपाल्चोकको मेलम्चीमा आएको बाढीले आयोजनालाई फेरि अनिश्चित बनाई दियो । आयोजना प्रभावित हुँदा उपत्यकावासी फेरि खानेपानीको पुरानै समस्या झेल्न बाध्य भएका छन् ।

गत बैशाख १६ गतेदेखि काठमाडौँ उपत्यकामा जारी गरिएको निषेधाज्ञा गत बुधबार हटाइएसँगै ठप्प रहेका सबै क्षेत्र चलायमान हुन थालेका छन् । पाँच महिनापछि निषेधाज्ञा हट्दा चलचित्र हलहरु पनि सञ्चालनमा आएका छन् । लामो समयदेखि बन्द रहेका हलहरु सञ्चालनमा आएपछि चलचित्रकर्मीहरु उत्साहित छन् । तर, कोरोना महामारी अझै नियन्त्रणमा आइनसकेको अवस्थामा चलचित्र क्षेत्रले कसरी गति लेला भन्ने चिन्ता पनि उत्तिकै छ ।

रेडियो क्यान्डिडको प्रस्तुति “क्यान्डिड टक’’ मा पूर्व प्रधानमन्त्री एवं नेकपा एकीकृत समाजवादीका वरिष्ठ नेता झलनाथ खनालसँगको कुराकानी 

नेपाल भारतको मैत्रीपूर्ण फुटबल खेल भोलि दर्शकको उपस्थितिमा हुने भएको छ । काठमाडौंको त्रिपुरेश्वरस्थित दशरथ रंगशालामा हुने खेलमा कोभिड १९ संकट व्यवस्थापन केन्द्र सीसीएमसीको मापदण्डअनुसार ५ हजार १ सय दर्शकको उपस्थितिमा हुने अखिल नेपाल फुटबल संघ एन्फाका अध्यक्ष कर्मा छिरिङ शेर्पाले जानकारी दिए । साधारण तर्फ एक हजार र भीआईपीका लागि २ हजार टिकट तोकिएको एन्फाले जनाएको छ । 

वस्तु वा सेवाको मूल्य, परिमाण, शुद्धता, गुणस्तरबारे सूचित हुन पाउने उपभोक्ताको अधिकार हो । तर, बजार अनुगमन प्रभावकारी नहुँदा उपभोक्ताले म्याद नाघेका तथा गुणस्तरहीन खाद्य वस्तु उपभोग गर्न बाध्य भएका छन् । सरोकारवाला निकाय मुनाफा कमाउन उद्योगी:व्यापारीले गर्ने बदमासीको मुख दर्शक बन्दा उपभोक्ता भने ठगिदै आएका छन् । म्याद नाघेका खाद्य वस्तुमा रिबेलिङ अर्थात नयाँ मिति राखेर उद्योगले बिक्रीवितरण गर्दा पनि सम्बन्धित निकायको ध्यान जान सकेको देखिँदैन ।। 

कोरोना विरुद्धको दुवै डोज लगाएका व्यक्तिमा पनि संक्रमण देखिन थालेको छ । नेपालमा हालसम्म भेरोसेल, कोभिशिल्ड, जोनसन एण्ड जोनसन र एस्ट्राजेनेकाको खोपलाई प्रयोग गरिएको छ । खोपको पूर्ण मात्रा लगाएपछि संक्रमित नहुने आम मानिसमा विश्वास थियो । तर, खोप लगाएकाहरु पनि संक्रिमत भइरहेका छन् ।

नेकपा एकीकृत समाजवादीले सिंहदरबारबाट संसदीय दलको कामकारवाही सुरु गरेको छ । संसद सचिवालयले दलको कार्यालय उपलव्ध गराए लगतै नेकपा एकीकृत समाजवादीले सिंहदरबारबाट दलको कामकारवाही सुरु गरेको हो । निर्वाचन आयोगबाट दलको मान्यता पाएपछि दलको कार्यालय लगाएतका सेवा सुविधा उपलव्ध गराएको सचिवालयले जनाएको छ । नेकपा एकीकृत समाजवादी पाटीले यसअघि नै संसदीय दलका नेतामा माधवकुमार नेपाल र राष्ट्रिय सभा दलको कार्यालयमा बेदुराम भुसाललाई चयन गरिसकेको छ । 

हामीले राजनीतिक विश्लेषक डा.सुरेन्द्र लाभलाई नेपालमा राजनीतिक दलहरुबीच बिभाजन किन आउँछ भनेर सोधेका छौं ।