RADIO NOVA

José Fernandez, Josiño, xogador do Caroi Veteranos en MUNDO DEPORTIVO

Alberto Rodríguez desprazouse ata Chan da Barcia para entrevistar aos membros do equipo Pre-Benxamín de Pontecaldelas que van líderes na súa categoría. Os cativos disfrutaron dun momento de protagonismo en RADIO NOVA.

Entrevistamos a Ángeles Pazos, voceira da Axencia de Doazón de Órganos e Sangue de Galicia, organismo que substitúe ao antigo Centro de Transfusión de Galicia con motivo dunha nova campaña de doazón de sangue que tivo a unha Unidad Móbil de recollida de sangue na Alameda de Ponte Caldelas. Con ela falamos de quen pode doar, que tipo de sangue é a máis demandada, etc.

Manuel Anxo Bugallo, arquitecto de Xesta (A Lama) e un dos impulsores do proxecto O SUIDO falou sobre a importancia de poñer en valor o patrimonio etnográfico, arquitectónico, cultural material e inmaterial da Serra do Suído e convidou aos oíntes a participar nesta iniciativa que pretende ser compartida co maior número posible de persoas. Pódese seguir este proxecto en internet www.osuido.org

Arturo Vaqueiro é un gandeiro e presidente da Comunidade de Montes de Xende (A Lama) quen avogou por esta actividade económica como xeito de gañarse a vida e fixar poboación no rural. Vaqueiro ten unha explotación con máis de 80 vacas, ovellas, cinco mastíns para axudalo a xuntar o gando e protexelo dos lobos e falou tamén das axudas da Xunta para que os mozos e mozas podan establecer a súa explotación agrogandeira. A súa explotación é familiar xa que con el traballa a súa muller e varios familiares.

RADIO NOVA colaborou con esta iniciativa educativa cun programa en directo desde as 12 ata as 13:45 horas cun amplio despliegue técnico e humano. Durante a emisión entrevistamos a diversos rapaces e mestres que facían obradoiros na Alameda e incluso aproveitamos para facer un concurso cos máis pequenos para ver si recoñecían, polo son, a moitos dos animais que poboan os nosos montes.

Paco Couselo no programa "ESPECIES EN EQUILIBRIO" na Alameda

Mercedes Fernández no programa "ESPECIES EN EQUILIBRIO"

Recibimos a visita de Miguel García, axente medioambiental da Xunta de Galicia, que fai o seu labor nos montes da contorna e comentounos que vixían para evitar a aparición de furtivos que maten animais salvaxes indiscriminadamente. Tamén o seu papel está ligado ao coidado dos ríos e á prevención e loita contra os incendios. García díxolle aos rapaces que era moi importante conservar o medio natural como xeito de garantir unha mellor calidade de vida para o futuro.

Entre o público asistente ao noso programa en directo desde a Alameda da Lama estaba a bisavoa dunha nena do colexio, Esther Carreiro Diz, quen lembrou os tempos da fame e o diferente que era para os cativos do seu tempo acceder á educación. Dona Esther recomendoulle aos rapaces que estudiaran e felicitou aos mestres por esta iniciativa que “nos meus tempos non se facía nin nada parecido”.