A Lama, S.D. impúxose ao San Adrián por 1-0 nun emocionante partido xogado en Racelo onde o equipo local, despois de sufrir un acoso por parte do ata o momento líder da categoría, recuperou o seu bo xogo na segunda parte e apabullou por compleo ao San Adrián e venceu o partido grazas a un gol de Fran. Na narración do partido, por erro atribuímoslle o gol erróneamente a David en lugar de Fran, polo que lle pedimos disculpas.

Miguel Ángel Santiago, presidente do Clube Ciclista de Fornelos de Montes, formado entre outros deportistas pola campiona de España de Enduro, Desirée Duarte Castro, conversou con Alberto Rodríguez sobre as actividades que organiza o clube entre as que destacan a participación en probas de BTT así como en circuitos deportivos que preparan para os seus socios.

Alberto Rodríguez entrevistou no programa MUNDO DEPORTIVO DO VERDUGO-OITAVÉN a Desiree Duarte Castro, unha xoven ciclista que acaba de proclamarse esta fin de semana campiona de España de Enduro. Desiree foi felicitada e comentou que o seu seguinte obxectivo era facer un bo papel nos campionatos de ciclocross que están a piques de comezar.

Raquel Touriño entrevista a Sheila Darriba, unha das organizadoras da V Ruta Cabalar de Augasantas (Cotobade) que vai ter lugar mañá mércores e que percorrerá, ademais desta parroquia cotobadense, tamén as de Valongo e Loureiro. Con esta iniciativa pretenden poñer en valor os distintos enclaves paisaxísticos do municipio ao tempo que cultivan a súa afeción ao mundo do cabalo.

Entrevistamos esta mañá nos estudios de RADIO NOVA a Francisco Javier Márquez, sarxento primeiro xefe do posto da Garda Civil en Ponte Caldelas, que falou dos actos conmemorativos da patrona da Benemérita, a Virxe do Pilar, que terán lugar mañá cunha misa na igrexa do Sagrado Corazón de Ponte Caldelas e un ágape na churrasquería A Fonte. Tamén tratamos o baixo nivel de delincuencia na bisbarra e da importancia da colaboración cidadá coa Garda Civil non só para poñer aos responsables dalgún delicto ante a Xustiza senón como xeito de previlos.

Alberto Rodríguez entrevistou a Gonzalo Ogando, delegado do Monte Porreiro Xuvenil, e pai do xogador David Ogando que sufriu un percance durante o partido xogado o sábado en Chan da Barcia frente ao Pontecaldelas xa que nunha disputa dun balón aéreo ante Miguel Mouriño Sestelo, caiu mal e déuselle a volta a lingua ocluído as vías respiratorias que provocaron que convulsionara ante a alarma entre o público presente no campo. Foi evacuado en ambulancia ao Hospital Domínguez e o partido foi suspendido. Miguel, moi afectado, foi a visitalo ao hospital na compaña do seu pai. O xogador xuvenil do Monte Porreiro, David Ogando, foi dado de alta esta mañá.

Coñecimos o programa de festas na honra da Virxe do Pilar que celebrarán os días 11, 12 e 16 de outubro no lugar de Parada (Ponte Caldelas) a través dunha conversa mantida con Teresa Pérez, unha das membros da comisión de festas. O martes haberá unha verbena amenizada polas orquestras Palladium e Miramar, o mércores 12, que é o día grande, terá lugar un pasarrúas a cargo de Nós Tamén Imos, misa solemne, a partir das 13 horas, e despois da procesión as tradicionas poxas. O domingo 16 celebrarase o Pilar Pequeno, con pasarrúas a cargo dos gaiteiros Os Centellas, misa á unha e procesión. Se quedan poxas tamén se celebrarán na porta da igrexa despois da procesión.

Falamos con Manuel Martínez, presidente da Coral Valdarrosa de Ponte Caldelas que se atopa de excursión un grupo de veciños deste municipio por terras valencianas. No momento de manter a conversa estaban tomando un vermouth nunha terraza de Benicasim e o que máis lle gustou da viaxe, polo momento, é o pobo de Peñíscola. Esta tarde contan con percorrer unha das moitas praias que hai na Comunidade Valenciana e bañarse no Mediterráneo desafiando ao mes de outubro e a este outono veraniego.

Falamos coa nosa compañeira en Cotobade, Raquel Touriño, quen nos comentou os pormenores do proxecto que leva a cabo o Concello de Cotobade para promociona-los seus espazos naturais e animar á lectura ao tempo que tentan converter ao municipio na biblioteca máis grande do mundo. Baixo o nome xenérico de FOLLAS NO AIRE un total de 10 urnas de metacrilato albergarán en cada un deses lugares onde van instaladas un libro dunha escritora ou un escritor galego así como outro exemplar de literatura infantil. As urnas serán estancas para evitar que a choiva ou a humidade danen os exemplares alí introducidos.

Entrevistamos ao alcalde de A Lama, Jorge Canda Martínez, que vai ao fronte da excursión que un grupo de 56 veciños e veciñas da Lama realizan a Lisboa, Cascais, Estoril e Sintra dentro do programa A LAMA EN RUTA, que desde hai anos impulsa o Concello da Lama a través da OMIX e que permite a moitos veciños e veciñas deste municipio facer tursimo cultural e de lecer.