RADIO NOVA

Entrevista a Arantxa Esperón, sobre a Feira Artesanal de Caldelas que se celebrará en novembro

O programa MUNDO DEPORTIVO DO VERDUGO-OITAVÉN tivo entre os seus convidados a Javier, adestrador do equipo feminino de fútbol de Ponte Caldelas con quen Alberto Rodríguez analizou a marcha do equipo que se enfronta este domingo, a partir das 17 horas no Chan da Barcia, co Tomiño, líder do campionato.

Alberto Rodríguez entrevistou a Carlos Silvoso, dianteiro do equipo de veteranos de Ponte Caldelas El Puente que xogan esta fin de semana contra o Terra de Montes en Forcarei. Repasaron a traxectoria do equipo desde a súa conformación e tamén a importancia que ten a práctica deportiva.

Raquel Touriño entrevistou na súa sección OS FOGÓNS DE COTOBADE Inés Vidal e Inés Cuíñas propietarias de CASA INÉS en Carballedo especializada na comida de temporada, sobre todo de caza. Este establecemento hosteleiro está a piques de cumprir 100 anos de servizo público e a súa actual xestora afirma que o xabaril é un dos seus pratos característicos que hai que comer por encarga, polo menos con 4 días de antelación para poder comezar cos seus preparativos para garantir un sabor esquisito.

Hoxe recibimos a visita de Milagros Domínguez García, administradora do grupo de facebook NUEVO PONTE CALDELAS e que é un dos principais lugares de encontro para os internautas deste municipio e dos seus arredores. Milagros Domínguez falou dos perigos da internet pero tamén das enormes vantaxas que presenta como ferramenta de comunicación global entre as persoas e como vehículo para a solidariedade ou a protesta ante situacións inxustas. Milagros Domínguez aceptou a invitación para dirixir e presentar un novo programa que favorecerá a participación cidadá en RADIO NOVA.

Entrevista a Irenee Silva Xiráldez, sobre a súa exposición de arte en Ponte Caldelas

Declaracións de Lina Garrido, voceira do PSOE en Cotobade

Declaracións de Jorge Cubela, presidente da nova Xestora do Concello Cerdedo-Cotobade

Discurso Jorge Cubela, presidente da Xestora do Concello Cerdedo-Cotobade

Alberto Rodríguez entrevistou no programa MUNDO DEPORTIVO DO VERDUGO-OITAVÉN a Óscar Parada, adestrador do Caroi, equipo que está a piques de cumprir 40 anos e que milita na Terceira Autonómica de fútbol. Parada sinalou que o seu proxecto era a medio prazo e que un dos inconvintes que están tentando superar é a conformación dun equipo sin tempo para prepararse e facer pretemporada. Espera ofrecer á afección unha boa imaxe e bo fútbol.