Радыё Ўнэт | беларускае радыё ў Польшчы

Запрашаем на аўтарскую перадачу "Беларусь будущего"! У сённяшнім эфіры мы абмяркоўвалі галадоўку Ігара Лосіка, лёс Чэмпіянату свету па хакеі 2021, затрыманне Аляксея Навальнага аб якім нам распавяла Марыя Белкіна.

Наш госць у студыі спартыўны аглядальнік Аляксандр Пуціла. З ім мы размаўлялі пра лёс Чэмпіянату свету па хакеі 2021.

Навіны на Радыё Ўнэт 19 студзеня:

- 22 студзеня пройдзе анлайн-пасяджэнне Савета бяспекі ААН аб свабодзе СМІ ў Беларусі. Чакаецца выступленне Святланы Ціханоўскай.

- Напярэдадні Ціханоўская прапанавала АБСЕ ўзяць на сябе арганізацыю дыялогу для вырашэння палітычнага крызісу ў Беларусі, а таксама заклікала міжнародныя арганізацыі дапамагчы ў арганізацыі бяспечнага вяртання дадому для яе і іншых лідараў дэмакратычных сіл.

- Старшыня Арганізацыі бяспекі і супрацоўніцтва ў Еўропе, міністр замежных справаў Швецыі Ан Ліндэ заявіла, што ў рамках г. зв. маскоўскага мэханізму разглядаецца каля 80 прапаноў, каб дапамагчы вырашыць палітычны крызіс у Беларусі.

- Сёння дзень салідарнасці са страйкоўцамі. Падтрымаць тых, хто знаходзіцца ў страйку, заклікалі па-рознаму.

- Даследаванне пецярбургскай «Крыміналістычнай лабараторыі аўдыявізуальных дакументаў» пацвердзіла сапраўднасць аўдыязапісу, на якім кіраўнік КДБ Беларусі ў 2008–2012 гадах Вадзім Зайцаў гаворыць аб планаванні серыі палітычных забойстваў.

- Першы спіс са 137 чалавек, якія маюць дачыненне да парушэнняў закона пры падрыхтоўцы «Усебеларускага сходу», накіраваны ў Адзіную кнігу рэгістрацыі злачынстваў.

- Расейскі эканаміст Сяргей Алексашанка: «Расея працягне аказваць фінансавую дапамогу Лукашэнку, але будзе трымаць яго на кароткім ланцужку».

- Беларускія арганізатары атрымаюць кампенсацыю ад Міжнароднай федэрацыі хакея за тое, што Менск быў пазбаўлены права правесці чэмпіянат свету па хакеі 2021 года.

- Улады Літвы дазволілі ўехаць у краіну па гуманітарных прычынах амаль 800-стам беларусам. Большасць аддае перавагу кароткатэрміноваму прыезду ў надзеі вярнуцца ў сваю краіну.

Самы вядомы беларус Прыбайкалля Алег Рудакоў раскажа, як сёлета нашыя суайчыннікі адсвяткавалі ў Іркуцку беларускія Каляды.

Павел Дабравольскі - журналіст парталу Навіны.бай сёння падзеліцца з намі сваімі ўспамінамі аб затрыманні, пра сукамернікаў і дзе адбываць содні прыемней.

Знакаміты беларускі і польскі піяніст, лаўрэат пятнаццаці міжнародных конкурсаў Кірыл Кедук - з ім размаўляем пра музычную класіку беларускіх пратэстаў.

Навіны на Радыё Ўнэт 18 студзеня:

- Сёння члены Савета IIHF Міжнароднай федэрацыі хакея прынялі канчатковае рашэнне: матчы чэмпіянату свету па хакеі 2021 будуць перанесены з Менска. Беларуская федэрацыя хакея зараз чакае тлумачэнняў ад МФХ.

- Суд арыштаваў Навальнага на 30 сутак, гэта значыць да 15 лютага. Лідары Еўрапейскага Звязу, прадстаўнікі Вашынгтона, а таксама краіны Балтыі – Латвія, Літва і Эстонія – у сумеснай заяве асуджаюць затрыманне Аляксея Навальнага і патрабуюць ад уладаў Расеі неадкладна вызваліць палітыка.

- Стан і перспектывы адносін паміж Еўразвязам і Беларуссю абмеркавалі сёння ў знешнепалітычным ведамстве Беларусі. Пасол ЕЗ Дзірк Шубель: неабходна вызваліць усіх затрыманых у Беларусі, у тым ліку палітычных зняволеных і работнікаў СМІ.

- Генеральная пракуратура накіравала ў Нацыянальнае цэнтральнае бюро Інтэрпола ў Беларусі пакет дакументаў, неабходных для абвяшчэння Паўла Латушкі ў міжнародны вышук.

- Сёння да спісу далучылі журналіста і медыяменеджара Андрэя Аляксандрава і яго дзяўчыну Ірыну Злобіну. Беларускія праваабаронцы прызналі палітвязнямі 187 чалавек.

- Прэм’ер-міністр Украіны Дзяніс Шмыгаль заяўляе, што неабходнасці працягваць узмоцненыя каранцінныя меры пасля 24 студзеня няма. Украіна вернецца да абмежаванняў «аранжавай зоны».

- Міністэрства замежных спраў Літвы прапануе забараніць уезд у краіну расейскаму выканаўцу Філіпу Кіркораву. Сцвярджаецца, што Кіркораў «свядома адмаўляў тэрытарыяльную цэласнасць і суверэнітэт Украіны і такім чынам незаконна апраўдваў агрэсіўныя дзеянні Расейскай Федэрацыі».

- Тры ночы запар на беларускіх метэастанцыях абнаўляюцца рэкорды холаду. Было зафіксавана 11 новых мінімумаў у Віцебскай, Менскай, Магілёўскай, Брэсцкай і Гродзенскай абласцях.

Рыгор Фекаліс - гэта сатырычная перадача, у якой нашы слухачы пазнаюць  універсальныя рысы прапагандысцкага стылю. Таварыш Фекаліс вельмі  сур’ёзны ў сваіх высновах, але будзьма з ім асцярожныя і ўспрымайма яго з  усмехам.

Як  кожную пятніцу можаце паслухаць праграму Вэллы Фокс, нашай  карэспандэнткі ў Літве. 15 студзеня яна паразмаўляла з Андрэем Стрыжаком, аўтарам праекта BYSOL, i Народнай Амбасадай Беларусі ў  Іспаніі. 

Навіны на Радыё Ўнэт 15 студзеня:

- Ініцыятыва BYPOL сёння апублікавала чарговы аўдыё запіс, на якім чалавек з голасам, падобным да голасу намесніка кіраўніка МУС Мікалая Карпенкова, распавядае аб новых відах спецыяльных сродкаў, якія паступілі на ўзбраенне і павінны прымяняцца ў дачыненні да грамадзян.

- Пяць дзяржаў-партнёраў Еўрапейскага Звязу далучыліся да санкцый супраць Беларусі: Албанія, Паўночная Македонія і Чарнагорыя, а таксама Ісландыя і Нарвегія.

- Еўразвяз прыпыніў прадстаўленне Беларусі каля паловы аб'ёму двухбаковай дапамогі ў рамках Еўрапейскага інструмента суседства.

- Латвія пагадзілася правесці чэмпіянат свету па хакеі самастойна. Першапачаткова турнір павінен быў прайсці ў Менску і Рызе з 21 мая па 6 чэрвеня. Канчатковае рашэнне павінна быць прынята на савеце Федэрацыі, які запланаваны на канец студзеня.

- Кампанія Нівея адмовілася быць спонсарам чэмпіянату свету па хакеі, калі ён пройдзе ў Менску. Кампанія выступае за павагу, адзінства і выступае супраць усіх форм дыскрымінацыі і гвалту.

- Беларуская дыяспара ў Іспаніі дабілася закрыцця ганаровага консульства Беларусі ў Барсэлоне.

- З канца студзеня ўсе жадаючы атрымаюць магчымасць падаць заяву на электроннае грамадзянства Літвы. З дапамогай электроннага грамадзянства будзе можна анлайн рэгістраваць кампаніі ў Літве, адкрываць банкаўскія рахункі, плаціць падаткі і ўнёскі, падпісваць дамовы электронным подпісам.

- Кіраўніцтва маскоўскага аэрапорту Унукава, куды 17 студзеня мусіць прыляцець з Берліна апазіцыянер Аляксей Навальны, не дазволіла журналістам ажыццяўляць фота і відэаздымку гэтай падзеі.

- 29 снежня Следчы камітэт Расеі распачаў супраць Навальнага крымінальную справу аб махлярстве.

- Камітэт Сусветнай арганізацыі аховы здароўя па надзвычайнай сітуацыі выступіў супраць увядзення патрабавання абавязковай вакцынацыі або наяўнасці імунітэту ад каронавіруса пры міжнародных паездках.

- У Беларусі працягваецца вылучэнне дэлегатаў на Усебеларускі народны сход, які пройдзе ў Менску 11-12 лютага.