Радыё Ўнэт | беларускае радыё ў Польшчы

У нашую студыю завіталі знакамітыя госці – Арцём і Яна, якія ў разгорнутай размове расказалі нам пра іх досвед супрацьстаяння рэжыму.

Яна вядомая як гераіня фоткі, на якой курыць цыгарэты ў час, калі АМАПаўцы вядуць яе ў аўтазак. Яна расказала падрабязней пра дэталі затрымання і тое, як адносіліся да яе сілавікі пасля вядомай фоткі.

Пра свае ўражанні ад гэтых падзей ды далейшы ўдзел у пратэстах расказаў таксама яе муж Арцём. У яго расказе мы даведаліся, як ён шукаў Яны і як урэшце ўдалося сысціся пасля затрымання на вядомай акцыі.

Пара расказала нашым калегам, што былі вымушаны пакінуць краіну і зараз знаходзяцца ў Польшчы. Канешне, як і ва ўсіх, так і ў нашых гасцей ёсць меркаванні наконт таго, што беларусам прынясе Новы год.

- Удзельнікаў Усебеларускага сходу ўнясуць у санкцыйны спіс.

- Каардынацыйная рада паспрабуе атрымаць афіцыйную рэгістрацыю ў Беларусі. Пра гэтую заяву прэсавага сакратара Рады Антона Раднянкова паведамляе БелаПАН.

- ByPol апублікаваў размову былога міністра ўнутраных спраў Беларусі Юрыя Караева, дзе той патрабуе злачынна захапіць Ціханоўскага.

- 29 снежня ў судзе Наваградскага раёну вынесены прысуд палітычным зняволеным Уладзіміру Гароху і Дзянісу Кірэшчанку.

- Упершыню пасля жнівеньскіх пратэстаў суд у Беларусі адмяніў рашэнне Следчага камітэту, які адмовіўся пачынаць крымінальную справу за катаванні. Прэцэдэнт здарыўся ў Маскоўскім раённым судзе сталіцы.

- Прэзідэнт Міжнароднай федэрацыі хакея Рэнэ Фазель заявіў журналістам, што пасля Новага года наведае Менск, каб абмеркаваць з Аляксандрам Лукашэнкам перспектывы правядзення ў Беларусі чэмпіянату свету па хакеі 2021 года.

- Беларусь дамовілася з Расеяй аб пастаўках нафты і газу на выгадных умовах.

- Наша Ніва прайграла суд амапаўцу Андрэю Бекішу і павінна заплаціць яму 1500 рублёў маральнай кампенсацыі.

- У Брэсце ў выдаўца незалежнага выдавецтва "Першы рэгіён" Паўла Дайліда быў праведзены ператрус.

- У больніцы ў Наваполацку памёр 81-гадовы Сцяпан Эмялянчык, былы намеснік генеральнага дырэктара заводу "Нафтан".

- Літоўскі бок наносіць прамую і відавочную шкоду "простым беларусам, за дабрабыт якіх яны, нібыта, выступаюць". Такім чынам дыпламат пракаментаваў захаванне рахункаў санаторыя "Беларусь" у літоўскім Друскінінкаі.

- Расейская вакцына, вырабленая ў Беларусі, павінна з'явіцца ў першым квартале 2021 года.

- З 1 студзеня ў Беларусі павысяць тарыфы на электраэнергію — для тых, у каго газавыя пліты ды электрычныя.

- Таксама з 1 студзеня беларусам давядзецца плаціць падатак з усёй сумы кэшбэка.

- Прэзідэнт Туркменістану Гурбангулы Бердымухамедаў выказаў здагадку, што корань салодкі можа быць эфектыўным лекам у барацьбе з каранавірусам.

- У Францыі ва ўзросце 98 гадоў памёр легендарны мадэльер П'ер Кардэн.

- Каля сталіцы Харватыі адбыўся землятрус сілай 6,3 бала.

- Еўрапейскі саюз заклікаў кітайскія ўлады неадкладна вызваліць групу жыхароў Ганконга, захопленых у моры.

- Палата прадстаўнікоў ЗША пераадолела права вета Дональда Трампа і зноў зацвердзіла абаронны бюджэт на 2021 год.

- Кіраўніцтву нямецкай выведкі забаронены ўезд у Расею.

- Іспанія паставіла Вялікабрытаніі ўльтыматум аб Brexit.

- Кампанія Novavax увайшла ў завяршальны этап даследаванняў сваёй вакцыны супраць каронавірусу ў ЗША.

Запрашаем на пастаянную рубрыку ад панядзелка да чацвярга з нашым менскім карэспандэнтам Аляксандрам Гардзеевым.

Запрашаем на інтэрв'ю са Сцяпанам Пуцілам - уладальнікам каналу НЕХТА.

- Прэзідэнт ЗША Дональд Трамп падпісаў Акт аб дэмакратыі для Беларусі. Акт увайшоў у закон пра федэральны бюджэт ЗША на наступны год, паведаміў намеснік прэс-сакратар Белага дома Джад Дзір. Сярод іншага дакумент заклікае да новых выбараў, вызвалення ўсіх палітычных зняволеных, а таксама прызнае Каардынацыйную раду законным інстытутам для ўдзелу ў дыялогу аб мірнай перадачы ўлады.

- Еўрапейскі саюз гатовы цалкам спыніць супрацу з беларускім рэжымам. Пра гэта ў інтэрв'ю тэлеканалу Белсат заявіў кіраўнік еўрапейскай дыпламатыі Жузэп Бурэль. Дыпламат заявіў, што ЕС плануе падпісаць з новымі ўладамі Беларусі шэраг узаемавыгадных пагадненняў, каб Менск актыўна інтэграваўся ў агульнаеўрапейскі працэсы.

- Крымінальную справу супраць пяці супрацоўнікаў «Прэс-клуба Беларусь» перадалі ў Следчы камітэт. Адвакатаў падазроных ужо сёння выклікалі на допыты. Пра гэта ў сваім Фэйсбуку паведаміла Аляксандра Слуцкая, дачка кіраўніцы «Прэс-клуба» Юліі Слуцкай.

- Генадзь Шутаў быў забіты стрэлам у патыліцу 11 жніўня ў Берасці. Некалькі дзён ён правёў у мясцовай рэанімацыі, затым яго на верталёце даставілі ў ваенны шпіталь у Менску. Шутаў памёр 19 жніўня. Сведку смерці Генадзя Шутава, Аляксандра Кардзюкова, абвінавацілі ў замаху на забойства. Следства па яго справе ўжо завершанае. Калі Аляксандра Кардзюкова ў судзе прызнаюць вінаватым, яму можа пагражаць нават смяротнае пакаранне.

- У панядзелак у Жлобіне пачаліся суды над удзельнікамі страйку 17 жніўня на Беларускім металургічным заводзе: Ігарам Поваравым, Аляксандрам Бабровым і Яўгенам Говарам. Пратэстуючы супраць фальсіфікацыі выбараў і міліцэйскага гвалту, яны з іншымі рабочымі БМЗ перакрылі дарогу транспарту на заводзе.

- Следчы камітэт адмовіўся выпускаць журналістку Белсата Дарʼю Чульцову пад асабістыя паручальніцтвы. Пра гэта паведамляе прэс-служба Беларускай асацыяцыі журналістаў. Таксама ў Следчы камітэт накіравалі паручальнцітвы за вызваленне другой журналісткі Белсата – Кацярыны Андрэевай. Кацярыну Андрэеву і Дар’ю Чульцову затрымалі 15 лістапада пасля стрыму з «Плошчы Перамен».

- Берасцеец Андрэй Прыстаўка, інжынер-праграміст, які пафарбаваў валасы ў бела-чырвона-белы колер, атрымаў 15 сутак арышту. Мужчыну асудзілі за адзіночны пікет. Андрэя затрымалі 24 снежня.

- Вядомы спартовы журналіст Сяргей Шчурко пакідае «Прессбол». Пра гэта ён паведаміў у Фэйсбуку. «Прессбол» выдаецца са студзеня 1991 года.

- Міністэрства фінансаў не бачыць праблем з пагашэннем дзяржаўнага доўгу ў 2021 годзе. Па словах міністра фінансаў Юрыя Селівестава, сёлета на пагашэнне дзяржаўнай пазыкі выдаткавалі каля 6,5 млрд рублёў, у наступным годзе выдзяляць амаль 5 млрд.

- Нацыянальны банк Украіны не дазволіў прадаваць мясцовы «БТА Банк» беларускаму бізнесоўцу Мікалаю Варабʼю, які трапіў у «чорны спіс» Еўрасаюза. У санкцыйны спіс Еўрасаюза ён патрапіў за сувязь сваіх бізнесаў з рэжымам Лукашэнкі.

- У Беларусі яшчэ два чалавекі прызнаныя палітвязнямі: журналіста інтэрнэт-выдання «Першы рэгіён» Сяргея Гардзіевіча затрымалі 22 снежня па дарозе з Драгічына ў Берасце, былога міліцыянта Дзмітрыя Кулакоўскага затрымалі 4 снежня, калі ён спрабаваў выехаць за мяжу. 25 снежня Гардзіевіча перавялі пад хатні арышт, Кулакоўскі знаходзіцца ў жодзінскім ізалятары. На сённяшні дзень у Беларусі налічваецца ўжо 169 палітвязняў.

- Беларуска Наіда Абановіч перамагла ў другім сезоне шоў La Voz Senior. Гэта гішпанскі аналаг тэлевізійнага конкурсу «Голас 60+».

Запрашаем на падсумаванне нядзелі 27.12, разам з кіеўскай студыяй Радыё Ўнэт!

Ад гэтай размовы хочацца марыць і дасягаць усё новых поспехаў!. У нашай студыі Вадзім Пракоп’еў разважае аб беларускай Рэвалюцыі: як яна наспела і ў якім кірунку нам варта рухацца. Размаўляем пра методыку барацьбы, пра мары і будучыню беларусаў.

Палітолаг Валер Карбалевіч падзяліўся меркаваннем пра нядаўна створаны спіс удзельнікаў несанкцыянаваных масавых мерапрыемстваў. Таксама распавёў пра магчымае пашырэнне санкцый у адносінах да Беларусі пры адміністрацыі Джо Байдана і назваў магчымыя прычыны закрыцця беларускіх межаў.

У нас у студыі публіцыст, перакладчык, у свой час вядоўца моўных курсаў “Мова нанова” у Варшаве Стась Раманчук. З нашым экспертам мы пагутарылі пра праблемы, крыўды і мары беларускай мовы і беларускамоўных людзей, і якія ў нас шляхі развіцця на будучыню.

Запрашаем на выпуск вечаровых навін 22 снежня ў эфіры Радыё Ўнэт.

Сённяшнія тэмы: