Surya Grahan Shanti Parihar सूर्य ग्रहण शान्ति परिहार ★

शान्ति श्लोकाः –

इन्द्रोऽनलो दण्डधरश्च रक्षः प्राचेतसो वायु कुबेर शर्वाः ।

मज्जन्म ऋक्षे मम राशि संस्थे सूर्योपरागं शमयन्तु सर्वे ॥

★

ग्रहण पीडा परिहार ★

योऽसौ वज्रधरो देवः आदित्यानां प्रभुर्मतः ।

सहस्रनयनः शक्रः ग्रहपीडां व्यपोहतु ॥ १

मुखं यः सर्वदेवानां सप्तार्चिरमितद्युतिः ।

चन्द्रसूर्योपरागोत्थां अग्निः पीडां व्यपोहतु ॥२

यः कर्मसाक्षी लोकानां यमो महिषवाहनः ।

चन्द्रसूर्योपरागोत्थां ग्रहपीडां व्यपोहतु ॥ ३

रक्षो गणाधिपः साक्षात् प्रलयानलसन्निभः उग्रः

करालो निऋतिः ग्रहपीडां व्यपोहतु ॥ ४

नागपाशधरो देवः सदा मकरवाहनः ।

वरुणो जललोकेशो ग्रहपीडां व्यपोहतु ॥ ५

यः प्राणरूपो लोकानां वायुः कृष्णमृगप्रियः ।

चन्द्रसूर्योपरागोत्थां ग्रहपीडां व्यपोहतु ॥ ६

योऽसौ निधिपतिर्देवः खड्गशूलधरो वरः ।

चन्द्रसूर्योपरागोत्थां कलुषं मे व्यपोहतु ॥ ७

योऽसौ शूलधरो रुद्रः शङ्करो वृषवाहनः ।

चन्द्रसूर्योपरागोत्थां दोषं नाशयतु द्रुतम् ॥ ८

ॐ शान्तिः शान्तिः शान्तिः ।

Pashupatastra Stotram पाशुपतास्त्र स्तोत्रम् ◆ यह स्तोत्र अग्नि पुराण के 322 वें अध्याय से लिया गया है। यह अत्यन्त प्रभावशाली व शीघ्र फलदायी प्रयोग है। यदि मनुष्य इस स्तोत्र का पाठ करे तो अवश्य फायदा मिलेगा। शनिदेव शिव भक्त भी हैं और शिव के शिष्य भी हैं। शनि के गुरु शिव होने के कारण इस अमोघ प्रयोग का प्रभाव और अधिाक बढ़ जाता है। यदि किसी साधारण व्यक्ति के भी गुरु की कोई आवभगत करें तो वह कितना प्रसन्न होता है। फिर शनिदेव अपने गुरु की उपासना से क्यों नहीं प्रसन्न होंगे। इस स्तोत्र के पाठ से भगवान शिव शीघ्र प्रसन्न होते हैं और शिव की प्रसन्नता से शनिदेव खुश होकर संबंधित व्यक्ति को अनुकूल फल प्रदान करते हैं।

ईश्वर उवाच

वक्ष्ये पाशुपतास्त्रेण शान्तिजापादि पूर्वतः ।

पादतः पूर्वनाशो हि फडन्तं चापदादिनुत् ॥

ॐ नमो भगवते महापाशुपतायातुलबलवीर्यपराक्रमाय त्रिपञ्चनयनाय नानारूपाय नानाप्रहरणोद्यताय (नानाप्रहरणयोग्यताय) सर्वाङ्गरक्ताय भिन्नाञ्जनचयप्रख्याय श्मशानवेतालप्रियाय सर्वविघ्ननिकृन्तनरताय (सर्वविघ्ननिकृन्तनाय) सर्वसिद्धिप्रदाय भक्तानुकम्पिने असङ्ख्यवक्त्रभुजापादाय तस्मिन्सिद्धाय वेतालवित्रासिने शाकिनीक्षोभजनकाय व्याधिनिग्रहकारिणे पापभञ्जनाय सूर्यसोमाग्निनेत्राय विष्णुकवचाय खड्गवज्रहस्ताय यमदण्डवरुणापाशाय रूद्रशूलाय ज्वलज्जिह्वाय सर्वरोगविद्रावणाय ग्रहनिग्रहकारिणे दुष्टनागक्षयकारिणे ।

ॐ कृष्णपिङ्गलाय फट् । हूङ्कारास्त्राय (क्रूराय) फट् । वज्रहस्ताय फट् । शक्तये फट् । दण्डाय फट् । यमाय फट् । खड्गाय फट् । नैरृताय फट् । वरुणाय फट् । वज्राय फट् । पाशाय फट् । ध्वजाय फट् । अङ्कुशाय फट् । गदायै फट् । कुबेराय फट् । (कुवेशाय फट्) त्रिशूलाय फट् । मुद्गराय फट् । चक्राय फट् । पद्माय फट् । नागास्त्राय फट् । ईशानाय फट् । खेटकास्त्राय फट् । मुण्डाय फट् । मुण्डास्त्राय फट् । कङ्कालास्त्राय फट् । पिच्छिकास्त्राय फट् । क्षुरिकास्त्राय फट् । ब्रह्मास्त्राय फट् । शक्त्यस्त्राय फट् । गणास्त्राय फट् । सिद्धास्त्राय फट् । पिलिपिच्छास्त्राय फट् । गन्धर्वास्त्राय फट् । पूर्वास्त्रायै (मूर्वास्त्राय) फट् । दक्षिणास्त्राय फट् । वामास्त्राय फट् । पश्चिमास्त्राय फट् । मन्त्रास्त्राय फट् । शाकिन्यस्त्राय फट् । योगिन्यस्त्राय फट् । दण्डास्त्राय फट् । महादण्डास्त्राय फट् । नागास्त्राय (नमोऽस्त्राय नानास्त्राय नामास्त्राय) फट् । शिवास्त्राय फट् । ईशानास्त्राय फट् । पुरुषास्त्राय फट् । अघोरास्त्राय (वामदेवास्त्राय) फट् । सद्योजातास्त्राय फट् । हृदयास्त्राय फट् । महास्त्राय फट् । गरुडास्त्राय फट् । राक्षसास्त्राय फट् । दानवास्त्राय फट् । क्षौं नरसिंहास्त्राय फट् । त्वष्ट्रास्त्राय फट् । सर्वास्त्राय फट् । (खः फट् ।) नः फट् । वः फट् । पः फट् । (फः फट् ।) मः फट् । श्रीः फट् । फेः फट् । भूः फट् । भुवः फट् । स्वः फट् । महः फट् । जनः फट् । तपः फट् । (सत्यं फट् ।) सर्वलोक फट् । सर्वपाताल फट् । सर्वतत्त्व फट् । सर्वप्राण फट् । सर्वनाडी फट् । सर्वकारण फट् । सर्वदेव फट् । ह्रीं फट् । श्रीं फट् । हूं फट् । स्त्रुं फट् । स्वां फट् । लां फट् । वैराग्याय फट् । मायास्त्राय फट् । कामास्त्राय फट् । क्षेत्रपालास्त्राय फट् । हूङ्कारास्त्राय फट् । भास्करास्त्राय फट् । चन्द्रास्त्राय फट् । विघ्नेश्वरास्त्राय फट् । (गौः गां फट् ।) ख्रों ख्रौं फट् । ह्रौं ह्रों फट् । भ्रामय भ्रामय फट् । (सन्तापय सन्तापय फट् ।) छादय छादय फट् । उन्मूलय उन्मूलय फट् । त्रासय त्रासय फट् । सञ्जीवय सञ्जीवय फट् । विद्रावय विद्रावय फट् । सर्वदुरितं नाशय नाशय फट् ।

सकृदावर्तनादेव सर्वविघ्नान् विनाशयेत् ।

शतावर्तेन चोत्पातान्रणादौ विजयी भवेत् ॥ ३२२.२ ॥

घृतगुग्गुलहोमाच्च आसाध्यानपि साधयेत् ।

पठनात्सर्वशान्तिः स्याच्छस्त्रापाशुपतस्य च ॥ ३२२.३ ॥

इत्यादिमहापुराणे आग्नेये पाशुपतशान्ति: ।

नाम द्वाविंशत्यधिकत्रिशततमोऽध्यायः ॥

◆

इति पाशुपतास्त्रस्तोत्रम् सम्पूर्णम् ।

◆

Stambhan Mantra स्तम्भन मन्त्र

★ ऊँ ह्रां अर्हंद्भ्यः ठः ठः, ऊँ ह्रीं सिद्धेभ्यः ठः ठः, ऊँ ह्रूं आचार्येभ्यः ठः ठः, ऊँ ह्रौं पाठकेभ्यः ठः ठः, ॐ ह्रः सर्वसाधुभ्यः ठः ठः। ★

विधि : कार्यसिद्धि तक प्रतिदिन १०८ बार जपें।

Ganapati Namashtakam Stotram गणपति नामाष्टक स्तोत्रम् ◆.

गणेशमेकदन्तं च हेरम्बं विघ्ननायकम् I

लम्बोदरं शूर्पकर्णं गजवक्त्रं गुहाग्रजम् I

नामाष्टार्थ च पुत्रस्य श्रुणु मातर्हरप्रिये I

स्तोत्राणां सारभूतं च सर्वविघ्नहरं परम् II १ II

ज्ञानार्थवाचको गश्च णश्च निर्वाणवाचकः I

तयोरीशं परं ब्रह्म गणेशं प्रणमाम्यहम् I

एकशब्दः प्रधानार्थो दन्तश्च बलवाचकः I

बलं प्रधानं सर्वस्मादेकदन्तं नमाम्यहम् II २ II

दिनार्थवाचको हेश्च रम्बः पालकवाचकः I

परिपालकं दिनानां हेरम्बं प्रणमाम्यहम् I

विपत्तिवाचको विघ्नो नायकः खण्डनार्थकः I

विपत्खण्डनकारकं नमामि विघ्ननायकम् II ३ II

विष्णुदत्तैश्च नैवेद्यैर्यस्य लम्बोदरं पुरा I

पित्रा दतैश्च विविधैर्वन्दे लम्बोदरं च तम् I

शूर्पाकारौ च यत्कर्णौ विघ्नवारणकारणौ I

सम्पद्दौ ज्ञानरुपौ च शूर्पकर्णं नमाम्यहम् II ४ II

विष्णुप्रसादपुष्पं च यन्मूर्ध्नि मुनिदत्तकम् I

तद् गजेन्द्रवक्त्रयुतं गजवक्त्रं नमाम्यहम् I

गुहस्याग्रे च जातोSयमाविर्भूतो हरालये I

वन्दे गुहाग्रजं देवं सर्वदेवाग्रपूजितम् II ५ II

एतन्नामाष्टकं दुर्गे नामभिः संयुतं परम् I

पुत्रस्य पश्य वेदे च तदा कोपं तथा कुरु I

एतन्नामाष्टकं स्तोत्रं नानार्थसंयुतं शुभम् I

त्रिसंध्यं यः पठेन्नित्यं स सुखी सर्वतो जयी II ६ II

ततो विघ्नाः पलायन्ते वैनतेयाद् यथोरगाः I

गणेश्वरप्रसादेन महाज्ञानी भवेद् ध्रुवम् I

पुत्रार्थी लभते पुत्रं भार्यार्थी विपुलां स्त्रियम् I

महाजडः कवीन्द्रश्च विद्दावांश्च भवेद् ध्रुवम् II ७ II

II इति श्रीब्रह्मवैवर्ते गणपतीखण्डे श्रीविष्णुर्प्रोक्तं गणपति नामाष्टकं संपूर्णं II

◆

Jain Navgrah Shanti stotra जैन नवग्रह शांति स्तोत्र (संस्कृत) ★

जगद्गुरुं नमस्कृत्यं, श्रुत्वा सद्गुरुभाषितम् |

ग्रहशांतिं प्रवचयामि, लोकानां सुखहेतवे ||

जिनेन्द्रा: खेचरा ज्ञेया, पूजनीया विधिक्रमात् |

पुष्पै- र्विलेपनै – र्धूपै – र्नैवेद्यैस्तुष्टि – हेतवे ||

पद्मप्रभस्य मार्तण्डश्चंद्रश्चंद्रप्रभस्य च |

वासुपूज्यस्य भूपुत्रो, बुधश्चाष्टजिनेशिनाम् ||

विमलानंत धर्मेश, शांति-कुंथु-अरह-नमि |

वर्द्धमानजिनेन्द्राणां, पादपद्मं बुधो नमेत् ||

ऋषभाजितसुपाश्र्वा: साभिनंदनशीतलौ |

सुमति: संभवस्वामी, श्रेयांसेषु बृहस्पति: ||

सुविधि: कथित: शुक्रे, सुव्रतश्च शनैश्चरे |

नेमिनाथो भवेद्राहो: केतु: श्रीमल्लिपार्श्वयो: ||

जन्मलग्नं च राशिं च, यदि पीडयंति खेचरा: |

तदा संपूजयेद् धीमान्-खेचरान् सह तान् जिनान् ||

आदित्य सोम मंगल, बुध गुरु शुक्रे शनि:।

राहुकेतु मेरवाग्रे या, जिनपूजाविधायक:।।

जिनान् नमोग्नतयो हि, ग्रहाणां तुष्टिहेतवे |

नमस्कारशतं भक्त्या, जपेदष्टोतरं शतं ||

भद्रबाहुगुरुर्वाग्मी, पंचम: श्रुतकेवली |

विद्याप्रसादत: पूर्ण ग्रहशांतिविधि: कृता ||

य: पठेत् प्रातरुत्थाय, शुचिर्भूत्वा समाहित: |

विपत्तितो भवेच्छांति: क्षेमं तस्य पदे पदे ||

Tension Relieving Mantra तनाव मुक्ति मन्त्र ■

हर टेंशन को दूर भगाएगा ये मंत्र

★ ॐ विश्वकर्मणे नमः ॥ ★

Narayan Paad Pankajam Stotram नारायण पादपङ्कजम् स्तोत्रम् ◆

नमामि नारायणपादपङ्कजं करोमि नारायणपूजनं सदा I

वदामि नारायणनाम निर्मलं स्मरामि नारायणतत्वमव्ययम् II १ II

श्रीनाथ नारायण वासुदेव श्रीकृष्ण भक्तप्रिय चक्रपाणे I

श्रीपद्मनाभाच्युत कैटभारे श्रीराम पद्माक्ष हरे मुरारे II २ II

अनन्त वैकुण्ठ मुकुन्द कृष्ण गोविन्द दामोदर माधवेति I

वक्तुं समर्थोSपि न वक्ति कश्र्चिदहो जनानां व्यसनाभिमुख्यम् II ३ II

ध्यायन्ति ये विष्णुमनन्तमव्ययं हृत्पद्ममध्ये सततं व्यवस्थितम् I

समाहितानां सतताभयप्रदं ते यान्ति सिद्धिं परमां च वैष्णवीम् II ४ II

क्षीरसागरतरन्गशीकरासारतार चितचारुमूर्तये I

भोगिभोगशयनीयशायिने माधवाय मधुविद्विषे नमः II ५ II

◆

II इति श्री नमामि नारायण पादपङ्कजं स्तोत्रम् संपूर्णं II

Tripursundari Stotra त्रिपुरसुन्दरी स्तोत्र ★

कदंबवनचारिणीं मुनिकदम्बकादंविनीं,

नितंबजितभूधरां सुरनितंबिनीसेविताम् |

नवंबुरुहलोचनामभिनवांबुदश्यामलां,

त्रिलोचनकुटुम्बिनीं त्रिपुरसुंदरीमाश्रये ॥|1|

कदंबवनवासिनीं कनकवल्लकीधारिणीं,

महार्हमणिहारिणीं मुखसमुल्लसद्वारुणींम् |

दया विभव कारिणी विशद लोचनी चारिणी,

त्रिलोचन कुटुम्बिनी त्रिपुर सुंदरी माश्रये ॥|2|

कदंबवनशालया कुचभरोल्लसन्मालया,

कुचोपमितशैलया गुरुकृपालसद्वेलया |

मदारुणकपोलया मधुरगीतवाचालया ,

कयापि घननीलया कवचिता वयं लीलया ॥|3|

कदंबवनमध्यगां कनकमंडलोपस्थितां,

षडंबरुहवासिनीं सततसिद्धसौदामिनीम् |

विडंवितजपारुचिं विकचचंद्रचूडामणिं ,

त्रिलोचनकुटुंबिनीं त्रिपुरसुंदरीमाश्रये ॥|4|

कुचांचितविपंचिकां कुटिलकुंतलालंकृतां ,

कुशेशयनिवासिनीं कुटिलचित्तविद्वेषिणीम् |

मदारुणविलोचनां मनसिजारिसंमोहिनीं ,

मतंगमुनिकन्यकां मधुरभाषिणीमाश्रये ॥|5|

स्मरेत्प्रथमपुष्प्णीं रुधिरबिन्दुनीलांबरां,

गृहीतमधुपत्रिकां मधुविघूर्णनेत्रांचलाम्‌ |

घनस्तनभरोन्नतां गलितचूलिकां श्यामलां,

त्रिलोचनकुटंबिनीं त्रिपुरसुंदरीमाश्रये ॥|6|

सकुंकुमविलेपनामलकचुंबिकस्तूरिकां ,

समंदहसितेक्षणां सशरचापपाशांकुशाम् |

असेष जनमोहिनी मरूण माल्य भुषाम्बरा,

जपाकुशुम भाशुरां जपविधौ स्मराम्यम्बिकाम ॥|7|

पुरम्दरपुरंध्रिकां चिकुरबंधसैरंध्रिकां ,

पितामहपतिव्रतां पटुपटीरचर्चारताम्‌ |

मुकुंदरमणीं मणिलसदलंक्रियाकारिणीं,

भजामि भुवनांबिकां सुरवधूटिकाचेटिकाम् ॥|8|

इति श्रीमत्परमहंसपरिव्राजकाचार्य श्रीमच्छंकराचार्य विरचितं त्रिपुरसुन्दरीस्तोत्रं संपूर्णम् ।

Garbh Chandi Paath गर्भ चण्डी पाठ ★

विनियोगः- ॐ अस्य श्रीगर्भचण्डीमाला मन्त्रस्य श्रीब्रह्मा विष्णु महेश्वरादि ऋषयः । गायत्र्युष्णिगनुष्टुप् छंदांसि । श्रीशक्तिस्वरुपिणी महाचण्डी देवता । ऐं बीजं । ह्रीं कीलकं । क्लीं शक्तीः । मम चतुर्विध पुरुषार्थ सिद्धयर्थे जपे विनियोगः ।

।।ध्यानम्।।

शुद्ध स्फटिक संकाशां रवि विम्बाननां शिवाम् ।

अनेक शक्तिसंयुक्तां सिंहपृष्ठे निषेदुषीम् ।।

अंकुशं चाक्षसूत्रं च पाशपुस्तक धारिणीम् ।

मुक्ताहार समायुक्तां चण्डीं ध्याये चतुर्भुजाम् ।।

सितेन दर्पणाब्जेन वस्त्रालंकार भूषितम् ।

जटाकलाप संयुक्तां सुस्तनीं चन्द्रशेखराम् ।।

कटकैः स्वर्ण रत्नाढ्यैर्महावलय शोभिताम् ।

कम्बुकण्ठीं सु ताम्रोष्ठीं सर्पनूपुरधारिणीम् ।।

केयुर मेखलाद्यैश्च द्योतयंतीं जगत्-त्रयम् ।

एवं ध्याये महाचण्डीं सर्वकामार्थ सिद्धिदाम् ।। ॐ ऐं ह्रीं क्लीं नमः ब्रह्मोवाच मः न क्लीं ह्रीं ऐं ॐ ।। १ ।।

ॐ ऐं ह्रीं क्लीं नमः यच्च किञ्चित् क्वचिद् अस्तु सदसद् वाखिलात्मिके ।

तस्य सर्वस्य या शक्तिः सा त्वं किं स्तूयसे तदा । मः न क्लीं ह्रीं ऐं ॐ ।। २ ।।

ॐ श्रीं नमः सम्मानिता ननादौच्चैः साट्टहासं मुहुर्मुहुः ।

तस्या नादेन घोरेण कृत्स्नमापूरितं नमः । मः न श्रीं ॐ ।। ३ ।।

ॐ श्रीं नमः अर्द्धनिष्क्रान्तः एवासौ युध्यमानो महाऽसुरः ।

तया महाऽसिना देव्या शिरश्छित्वा निपातितः । मः न श्रीं ॐ ।। ४ ।।

ॐ श्रीं नमः दुर्गे स्मृता हरसि भीतिमशेष जन्तोः

स्वस्थै स्मृता मतिवमतीव शुभां ददासि ।

दारिद्रय दुःख भय हारिणि का त्वदन्या

सर्वोपकार करणाय सदाऽऽर्द्रचित्ता । मः न श्रीं ॐ ।। ५ ।।

ॐ क्लीं नमः इन्द्रियाणामधिष्ठात्री भूतानां चाखिलेषु या ।

भूतेषु सततं तस्यै व्याप्तिदेव्यै नमो नमः । मः न क्लीं ॐ ।। ६ ।।

ॐ क्लीं नमः इत्युक्तः सोऽभ्यधावत् तामसुरो धूम्रलोचनः ।

हुंकारेणैव तं भस्म सा चकाराम्बिका ततः । मः न क्लीं ॐ ।। ७ ।।

ॐ क्लीं नमः भृकुटी कुटिलात् तस्याः ललाटफलकाद् द्रुतम् ।

काली कराल वदना विनिष्क्रान्ताऽसि पाशिनी । मः न क्लीं ॐ ।। ८ ।।

ॐ क्लीं नमः ब्रह्रेश गुहविष्णुनां तथेन्द्रस्य च शक्तयः ।

शरीरेभ्यो विनिष्क्रमय तद्रुपैश्चण्डिकां ययुः मः न क्लीं ॐ ।। ९ ।।

ॐ क्लीं नमः अट्टाट्टहासमशिवं शिवदूती चकार ह ।

तैः शब्दैरसुरास्त्रेसुः शम्भुः कोपं परं ययौ । मः न क्लीं ॐ ।। १० ।।

ॐ क्लीं नमः एकैवाहं जगत्यत्र द्वितीया का ममापरा ?

पश्यैता दुष्ट मय्येव विशन्त्यो मद्विभूतयः । मः न क्लीं ॐ ।। ११ ।।

ॐ क्लीं नमः सर्वस्वरुपे सर्वेशे सर्व-शक्ति-समन्विते ।

भयेभ्यस्त्राहि नो देवि दुर्गे देवि नमोस्तुऽते । मः न क्लीं ॐ ।। १२ ।।

ॐ क्लीं नमः देव्युवाच मः न क्लीं ॐ ।। १३ ।।

ॐ क्लीं नमः सर्वाबाधा विनिर्मुक्तो धन-धान्य सुतान्वितः ।

मनुष्यो मत्-प्रसादेन भविष्यति न संशयः । मः न क्लीं ॐ ।। १४ ।।

ॐ क्लीं नमः यत् प्रार्थ्यते त्वया भूप त्वया च कुलनन्दन ।

मत्तस्तत् प्राप्यतां सर्वं परितुष्टा ददामि तत् । मः न क्लीं ॐ ।। १५ ।।

।। जय जय श्रीमार्कण्डेय पुराणे सावर्णिके मन्वन्तरे देवी महात्म्ये सत्याः सन्तु मनसः कामाः ।। ★

Himalaya Krit Shiv Stotram हिमालय कृत शिव स्तोत्रम् ★

त्वं ब्रह्मा सृष्टिकर्ता च त्वं विष्णुः परिपालकः I

त्वं शिवः शिवदोSनन्तः सर्वसंहारकारकः II १ II

त्वमीश्र्वरो गुणातीतो ज्योतीरूपः सनातनः I

प्रकृतिः प्रकृतीशश्र्च प्राकृतः प्रकृतेः परः II २ II

नानारूपविधाता त्वं भक्तानां ध्यानहेतवे I

येषु रूपेषु यत्प्रीतिस्तत्तद्रूपं बिभर्षि च II ३ II

सूर्यस्त्वं सृष्टिजनक आधारः सर्व तेजसाम् I

सोमस्त्वं शस्य पाता च सततं शीतरश्मिना II ४ II

वायुस्त्वं वरुणस्त्वं च त्वमग्निः सर्वदाहकः I

इन्द्रस्त्वं देवराजश्र्च कालो मृत्युर्यमस्तथा II ५ II

मृत्युञ्जयो मृत्युमृत्युः कालकालो यमान्तकः I

वेदस्त्वं वेदकर्ता च वेदवेदाङ्गपारगः II ६ II

विदुषां जनकस्त्वं च विद्वांश्र्च विदुषां गुरुः I

मंत्रस्त्वं हि जपस्त्वं हि तपस्त्वं तत्फलप्रदः II ७ II

वाक् त्वं वागधिदेवि त्वं तत्कर्ता तद्गुरुः स्वयम् I

अहो सरस्वतीबीजं कस्त्वां स्तोतुमिहेश्र्वरः II ८ II

इत्येवमुक्त्वा शैलेन्द्रस्तस्थौ धृत्वा पदाम्बुजम् I

तत्रोवास तमाबोध्य चावरुह्य वृषाच्छिवः II ९ II

स्तोत्रमेतन्महापुण्यं त्रिसंध्यं यः पठेन्नरः I

मुच्यते सर्वपापेभ्यो भयेभ्यश्र्च भवार्णवे II १० II

अपुत्रो लभते पुत्रं मासमेकं पठेद् यदि I

भार्याहिनो लभेद् भार्यां सुशीलां सुमनोहराम् II ११ II

चिरकालगतं वस्तु लभते सहसा ध्रुवम् I

राज्यभ्रष्टो लभेद् राज्यं शङ्करस्य प्रसादतः II १२ II

कारागारे श्मशाने च शत्रुग्रस्तेSतिसङ्कटे I

गभीरेSतिजलाकीर्णे भग्नपोते विषादने II १३ II

रणमध्ये महाभीते हिन्स्रजन्तुसमन्विते I

सर्वतो मुच्यते स्तुत्वा शङ्करस्य प्रसादतः II १४ II

★

II इति श्री ब्रह्मवैवर्तपुराणे हिमालयकृतं शिवस्तोत्रं सम्पूर्णं II