Raqi’s Secret Files

Isang teenage mom ang napilitang mag-abroad para mabigyan ng mas magandang buhay ang kaniyang mga anak matapos malugmok sa problema ang kanyang partner. Sa ibang bansa, naranasan niya ang matinding hirap. Nang makauwi, imbes na guminhawa ang buhay, hinarap niya ang mas masakit na realidad, isang relasyong puno ng selos at pananakit. Sa kabila ng lahat, patuloy siyang lumalaban para sa mga anak.

Isang ama ang naiwan upang alagaan ang kanyang anak habang nasa abroad ang asawa. Sa gitna ng mga pagsubok, natuklasan niyang may iba nang buhay ang kanyang asawa. Sa kabila ng sakit, pinili niyang maging matatag at gampanan ang papel ng parehong ama at ina.

Ibinahagi ng sender ang kwento kung paano niya unti-unting nabunyag ang lihim ng asawa niya na yayanig sa matagal na nilang pagsasama. Sa bawat rebelasyon, mas lalong bumibigat ang tanong kung hanggang saan ang kaya niyang tanggapin sa likod ng lahat ng ito lalo na at hindi raw dapat ito malaman ng pamilya niya. Ito ang secret file ni Cecilia.

Ibabahagi ng ating sender ang kaniyang kwento tungkol sa kanyang pagbangon mula sa depresyon matapos siyang may makilalang babae na naging dahilan ng kaniyang muling pag-asa. Ngunit, sa kabila ng kaniyang pagmamahal at pagsisikap, nanatili lamang siyang kaibigan sa paningin nito. Ito ang secret file ni Yoshi.

Ibabahagi ng ating sender ang kaniyang kwento kung saan siya ay lumaki sa pamilyang puno ng away at pananakit mula sa kanilang Ama, hanggang sa tuluyan itong umalis at hindi na nagparamdam. Sa paglipas ng mga taon, ang kanilang Ina na lamang ang nagsumikap para sa kanilang pamilya. Ngunit, noong ma-diagnose ang kanilang Ina ng breast cancer, muling bumalik ang sakit ng nakaraan at ang sugat na iniwan ng amang matagal nang nawala.

Ibinahagi ng sender nating na parang wala raw pakialam ang Boyfriend niya sa importanteng araw para sa kaniya. Sa sobrang inis at tampo, muntik na siyang nakipaghiwalay, hanggang sa may nangyaring hindi niya inaasahan.

Gustong ikwento ng ating sender na isang ina sa Australia ang kaniyang kwento kung saan siya ay muling umibig matapos ang magulong pagsasama nila ng asawa. Pero, ang akala niyang tunay na pag-ibig ay may itinatagong lihim, isang katotohanang sisira sa kaniyang tiwala at magtuturo sa kaniya ng mahalagang aral tungkol sa pag-ibig at panlilinlang.

Ibinahagi ng ating sender ang mapait na karanasan nang malaman niyang pinagsabay siya at ang mama niya ng isang lalaki sa relasyon. Ang masakit na ugnayang ito ay nagdulot ng matinding pagkawasak ng kanilang pamilya na nauwi pa sa isang hindi inaasahang trahedya. Ito ang secret file ni Luna.

Ibibahagi ng ating sender kung paano nagsimula sa pagkakaibigan ang relasyon nila ng kanyang bestfriend na kalaunan ay naging greatest love niya. Dumaan muna sila sa hiwalayan at pananahimik bago muling nagtagpo. Ito ang secret file ni Ninya.

Ibabahagi ng ating sender ang kwento tungkol sa kaniyang relasyon. Iniwan siya ng kaniyang partner matapos niyang piliin na magtrabaho sa Davao at sila ay maging LDR. Nang magkaroon ng reunion kasama ang mga dati nilang kaklase, dito nangyari ang isang desisyon na hindi dapat.