De Championnat 2017- 2018 versprécht eng spannend Saison ze ginn. No 2 Spilldeeg ass nëmme méi 1 Equipe ongeschloen, an dat ass den Opsteiger aus der Stad.

De Racing huet all Previsiounen iwwer de Koup gehäit. Kee schwätzt méi vun  engem Ofstiigskandidat. Wa si den Owend géint Konter untrieden, da maachen de  Max Hilger a seng Coequipieren dat mat ganz vill Confiance :
CUT 1 Max
Nom Racing huet och deen aneren Opsteiger fir Schlagzeile gesuergt. Hiefenech konnt sech géint de Vize-Champion vun der Musel behaapten. Dat koum och fir den Tim Schomer iwwerraschend:
CUT 2 Tim
Déi 2 Géigner heeschen haut Basket Esch an e Sonndeg Résidence Walfer. Hiefenech trëtt do mam neien Amerikaner Matt Bingaya un. Domat stinn hier Chancen op e weideren Exploit net schlecht.
Als eenzeg Equipe nach ouni Erfolleg ass d’Résidence vu Walfer. En éischt positiivt Resultat ass den Owend géint den Noper vu Steesel kaum ze erwaarden. Och wann de Patrick Arbaut dat méi optimistesch ugeet:
CUT 3 Arbaut
Interessant sinn och déi aner 2 Matcher. D’Musel Pikes wëllen  sech doheem géint d’Sparta erëm kafen.
A bei Diddeleng géint Ettelbréck sinn zwee Verléierer vum leschte Weekend ënnert sech.
Magic NUMBER

Respekt virum Arbiter, dat kennt net jiddereen.
567 Fautes Techniques goufen d’lescht Saison gepaff. Woubäi ee muss ervirsträichen, datt d’Meedercher sech besser am Grëff hunn, wéi d’Jongen. Nëmmen 73 mol gouf géint si gepaff, iwwerdeems d’Jongen sech 494 mol dernieft beholl hunn.
Dat kascht natierlech och eppes. D’Kordallsteelers hu fir hiert schlecht Behuelen 1275.- Euro Strof bezuelt. Konter kënnt direkt hannendrun mat 1250.- Euro

De béise Fanger maache mir hei dem Kevin Magdowski. Deen hält mat 9 Fautes techniques en traurege Rekord .

SPROCH VUN DER WOCH

Bei der Famill Schomer wossten déi 2 Bridder Tim an Tom, datt si um Weekend géinteneen untriede géifen.
Vu datt dee Klengen, den Tom vum Vize Meeschter Musel Pikes, kloere Favoritt war, géint den Tim vum Opsteiger Hiefenech, huet deen säi Brudder an der Woch natierlech e bësse gestëppelt.
Du koum awer alles anescht an den Tim huet mat Hiefenech gewonnen. Duerfir kritt den Tom elo alles zréck bezuelt:
CUT 4 Tom