No internationalen Optrëtter war de Bilan dacks esou, datt eis Equipe zwar gutt gespillt hat, mee um Enn mam Fanger am Mond do stoung. Déi Zäite wieren eriwwer, hat ee gemengt.

Elo kann et sinn, datt d’Preparatioun ze kuerz war, an den Zäitpunkt och net ideal. Fakt ass awer, datt den Nationaltrainer Ken Diederich e scho bekannte Bilan gezunn huet.

CUT 1

Zypern, Montenegro an Island stinn op den 3 éischte Plazen. Wann een da bedenkt, datt Lëtzebuerg géint de Gewënner Zypern just op 4 Punkte verluer huet, da kann ee scho behaapten, et wier méi dra gewiescht.

Dat war bei den Dammen anescht. Si wollten hier 1. Plaz aus den zwou leschten Editiounen verdeedegen. Dat war awer net méiglech, gesteet  d’Cathy Schmit an.

CUT 2

Den Defizit bei béiden Equipen louch doran, datt een an decisive Phase versot huet.  Datt een eng Avance net geréiere konnt. Fir den COSL Sportdirekter Heinz Thews hunn do Féierungsspiller gefeelt. Spiller, déi mat Drock ëmgoe kënnen, wéi dat z.B. am Volleyball de Fall war.

CUT 3

Tëschent den Zeile kann een hei liesen, datt méi Basketspiller de Schratt an d’Ausland musse woen. Déi Routine, déi Cleverness, déi een op internationalem Niveau brauch, léiert een nëmmen do.  

Let’s talk about

Muer Samsdeg sollt déi 3. Editioun vum 3X3 Luxembourg Championships sinn. Déi ass awer aus technesche  Grënn ëm 1 Mount op Samsdes, den 8. Juli verréckelt ginn. Gespillt gët awer nach ëmmer zu Esch Belval op der Place de l’Académie.

Eppes Neies gëtt et awer. Bei den Erwuessenen gëtt et elo eng nei Kategorie “Open Mixtes”, wou pro Equipe 2 Spillerinnen a 2 Spiller ugemellt musse sinn.
Motivéiert a Loscht op e flotte Basketball Dag? Da mellt är Ekipp elo un. Bei den Umeldungen ënner 18 Joer, kennt Dir och op der Platz d’Ënnerschrëften noreechen.

Informatiounen iwwer d’Alterskategorien a weider Detailer fannt Dir um Umellungsformular um Internetsite vun der FLBB.

SPROCH VUN DER WOCH

Bei de Spiller vun de klenge Länner sinn net ëmmer déiselwecht Kompetitiounen um Programm. Zu San Marino war fir d’éischte Kéier Bouschéissen derbäi. Duerfir ass de Golf ewech gefall.

Fir den COSL-Sportdirektor Heinz THEWS war dat keen Nodeel:

CUT 4