Franky, muss ech der kuerz erklären em wat et beim Basket geet oder mengs de du kriss dat hei hinn.

Also wann de Jang des ganz Woch um Tennis op der Kockelscheier ka sinn wäert ech dat hei jo och iwwer d'Bühn kréien.

Dat teste mer dann elo mol, fänke mer mam Häre Championnat un, do gëtt et jo den Ament eng kleng Iwwerraschung un der Tabellespëtzt.

De Basket Esch huet vun den éischte 5 Matcher der 4 gewonn an wéist schonns ganz frei an der Saison datt een e Wiertchen well matschwätzen.

De Joe Biever well trotzdem mat de Féiss um Buedem bleiwen an huet aus de leschte Joren geléiert wéi séier et ka schif goen.

CUT

No 5 Matcher huet den Opsteiger Racing schonns 3 mol gewonn, allerdéngs déi lescht 2 elo verluer.

De Max Hilger hofft datt elo net eng richteg Serie doraus gëtt.

Allerdéngs gëtt et de Weekend géint den T71 relativ schwéier, well déi Diddelenger no der Victoire géint Steesel voller Confiance sinn, sou de Racing Spiller.

CUT

Bei der Amicale Steesel hofft een geschwënn op ee Retour vum Samy Picard deen de leschte Weekend wéinst enger Seenenentzündung am Fouss gefeelt huet an och muer net wäert spillen.

Bei den Dammen gesäit d'Situatioun praktesch wéi gewinnt aus, ganz vir steet nees d'Amicale Steesel déi no 5 Matcher nach ongeschloen ass.

Do hannendrun kommen awer direkt Esch an Konter. Um Wupp vun der Tabell huet Hesper bis elo nach kee Match gewonn.

Spotlight Jingle

An der Woch war den Optakt vun der NBA, der beschter Basketliga op der Welt.

Och des Saison sinn d'Golden State Warriors nees de grousse Favorit, an och mat Cleveland ass nees ze rechnen.

Ma och aner Equipe, wéi Oklahoma City, Houston oder Boston hunn zolidd akaf, eppes wat awer och dozou gefouert huet datt hannert deenen 7-8 gudden Equipen laang näischt méi kennt, mengt den RTL Expert Ken Diederich.

CUT

Wat opfällt ass och datt déi grouss Traditiounsclibb, wéi d'Chicago Bulls, d'LA Lakers an d'New York Knicks déif am Keller stiechen.

Just Boston huet sech an de leschten Joren nees aus dem Keller erop geschafft.

CUT

Sproch vun der Woch Jingle

Eise Jang huet d'lescht Woch am Interview mam Ken Diederich fonnt datt et flott wier datt de Championnat nees mei ausgeglach ass.

CUT