Giusep Maissen è naschì ils 24 d'october 1906 a Mustér e mort ils 8 da december 1963 a Cuira. Il 1928 ha el terminà il seminari da magisters cun la patenta da scolast e survegnì l'atun 1929 ina plazza en la scola da la curt a Cuira. Ses grond hobi è però stà la musica, en spezial il chant da chors. Per ses displaschair n'han las finanzas betg tanschì da cumenzar per propi in studi da musica. El ha dentant chattà il plaschair da cumponer, ed ha stgaffì intginas chanzuns nunemblidaivlas sco per exempel "Reminiscenzas" u "Mia steila".