ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​ថ្ងៃ​នេះ គឺ លោក​ស្រី ខៃ ចិន្តា ស្ថាបនិក​និង​ជា​ប្រធាន​សមាគម​មូលនិធិ​អភិរក្ស​ដំរី​ខ្មែរ អៃរាវត្តា។ មូលនិធិ អៃរាវត្តា នឹង​រៀបចំ​កម្មវិធី​រាត្រីសមោសរ​មួយ​នៅ​ថ្ងៃ​អាទិត្យស្អែកនេះ ដើម្បី​រៃ​អង្គាស​ថវិកា​ជួយ​ដល់​ការ​អភិរក្ស​ដំរី​ខ្មែរ​។ បើ​តាម​លោក​ស្រី ខៃ ចិន្តា ការ​អភិរក្ស​សត្វ​ដំរី​គឺ​ជា​រឿង​ចាំ​បាច់ ខណៈ​ចំនួន​សត្វ​ដំរី​នៅ​ស្រុក​ខ្មែរ បានថយចុះពីមួយឆ្នាំទៅមួយឆ្នាំ។ លោក​ស្រី​លើកឡើងថា ដំរី​ជាស​សរ​ទ្រូង​នៃ​ប្រទេស​ជាតិ​យើង​ដែរ គួរ​តែ​គាំ​ទ្រ​ថវិកា​ដើម្បី​អភិរក្សដំរី ​ឲ្យ​មាន​និរន្ដរភាព។

នៅ​ថ្ងៃទី ២៩ មីនា នេះ លោក​នាយក​រដ្ឋ​មន្ត្រី ហ៊ុន សែន បាន​បើក​វេទិការ​ជួប​ជាមួយ​ផ្នែក​ឯកជន ដោយ​បាន​ដាក់​ចេញ​នូវ​កញ្ចប់​វិធាន​ការ​កែរ​ទម្រង់​សេដ្ឋកិច្ច​កម្ពុជា​លើក​ទី០១ ដើម្បី​ពង្រឹង​ភាព​ប្រកួត​ប្រជែង និង​កំណើន​សេដ្ឋកិច្ច​កម្ពុជា ដោយ​លុប​ចោល​ថ្លៃ​សេវាកម្ម​ផ្សេងៗ ដើម្បី​កាត់​បន្ថយ​ការ​ចំណាយ​របស់​វិនិយោគ​ទុន​នៅ​កម្ពុជា ដោយ​ថា ក្រោយពី​ការ​ដាក់​ចេញ​នូវ​វិធាន​ការ​នេះ​ទៅ​ វិស័យ​ឯកជន​នឹង​កាត់​បន្ថយ​ការ​ចំណាយ​ប្រាក់​ជាង​៤០០​លាន​ឯណោះ​។ លោក​ ង៉ែត ជូ អ្នក​ពិគ្រោះ​និង​ផ្តល់​យោបល់​ជាន់​ខ្ពស់​ផ្នែក​ទីផ្សារ ហៅ​កាត់​ថា EMC ក្នុង​នាម​ជា​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ RFI បាន​ចាត់​ទុក​ថា វិធាន​ការ​កែរ​ទម្រង់​សេដ្ឋកិច្ច​របស់​កម្ពុជា នេះ នឹង​ជួយ​សម្រាល​ស្ថាន​ការណ៍​បាន​ខ្លះ បើ​កម្ពុជា​បាត់​បង់ EBA ។

នៅ​ថ្ងៃ​ព្រហស្បតិ៍​នេះ ប្រទេស​កម្ពុជា​បាន​ប្រារព្ធ​ពិធី​អបអរ​ខួប​១០០​ឆ្នាំ នៃ​ការ​បង្កើត​អង្គការ​អន្តរជាតិ​ខាង​ការងារ (ILO) និង​ជា​ការ​ប្រារព្ធ​ខួប​៥០​ឆ្នាំ នៃ​សមាជិក​ភាព​កម្ពុជា​នៅ​ក្នុង​អង្គការ​អន្តរ​ជាតិ ILO ផង​ដែរ​។ លោក ទុន សុភ័ណ នាយក​ប្រចាំ​ប្រទេស​នៃ​អង្គការ​អន្តរជាតិ​ខាង​ការងារ​ថ្លែង​ថា រយៈ​ពេល​៥០​ឆ្នាំ​កន្លង​ទៅ​នេះ កំរិត​នៃ​ការ​អនុវត្ត​បទ​ដ្ឋាន​ការងារ​គឺ​បាន​ល្អ​ប្រសើរ ក៏​ប៉ុន្តែ​កម្ពុជា​ត្រូវ​បាន​ជម្រុញ និង​លើក​ទឹក​ចិត្ត​ឲ្យ​ផ្តល់​សច្ចាប័ន​លើ​អនុ​សញ្ញា​អន្តរជាតិ​បន្ថែម​ទៀត ខណៈ​បច្ចុប្បន្ន​ប្រទេស​នេះ បាន​ផ្តល់​សច្ចាប័ន​លើ​អនុសញ្ញា​ការងារ​អង្គការ ILO ចំនួន​១៣​ហើយ​។

ជា​ថ្មី​ម្ដង​ទៀត នៅ​ថ្ងៃ​ពុធ​ទី​២៧​មីនា​នេះ លោក​ស្រី ឡុង គឹមហ៊ាង បាន​បន្ត​លើក​បដា​តវ៉ា​នៅ​មុខ​ស្ថានទូត​រុស្ស៊ី ឲ្យ​មាន​ការ​ដោះ​លែង​ស្វាមី​របស់​លោក​ស្រី គឺ​លោក រ៉ាត់ រ័ត្នមុនី​។ លោក រ៉ាត់ រ័ត្នមុនី ត្រូវ​បាន​តុលាការសម្រេច​ឃុំ​ខ្លួន ​ក្រោម​បទ​ចោទ​ប្រកាន់ ញុះញង់​ឲ្យ​មាន​ការ​រើស​អើង ក្រោយ​ពី​លោក​ធ្វើ​ការ​បក​ប្រែឲ្យ​បណ្ដាញ​ព័ត៌មាន​រដ្ឋ​រុស្ស៊ី RT ក្នុង​ការ​ផលិត​ឯកសារ​វីដេអូ​ក្រោម​ចំណង​ជើង​ថា ម្ដាយ​ខ្ញុំ​លក់​ខ្ញុំ​។ ប្រសិន​បើ​នៅ​តែ​គ្មាន​ចម្លើយ​ពី​ស្ថានទូត​រុស្ស៊ីទៀត ​លោក​ស្រី ឡុង គឹមហ៊ាង នឹង​បង្កើន​ការ​តវ៉ា​ពី​មួយ​សប្ដាហ៍​ម្ដង ទៅ​ធ្វើ​ការ​តវ៉ា​ជា​រៀង​រាល់​ថ្ងៃ។ សម្រាប់​លោក​ស្រី ការ​ចោទ​ប្រកាន់​លោក រ៉ាត់ រ័ត្នមុនី ពី​សំណាក់​តុលាការ​ខ្មែរ គឺ​ជា​រឿង​អយុត្តិធម៌​បំផុត​​។

សន្និសីទ​ចក្ខុ​វិស័យ​ប្រទេស​កម្ពុជា​ប្រចាំ​ឆ្នាំ​លើក​ទី១៣ ក្រោម​ប្រធាន​បទ​ស្តីពី«ការ​ប្រែ​ក្លាយ​ផ្នែក​ឌីជីថល ឆ្ពោះ​ទៅ​កាន់​ឧស្សាហ​កម្ម​៤.០» ត្រូវ​បាន​ធ្វើ​ឡើង​ក្រោម​អធិបតី​ភាព​លោក​នាយក​រដ្ឋ​មន្ត្រី ហ៊ុន សែន​។ លោក​បណ្ឌិត ម៉ី កល្យាណ ប្រធាន​ក្រុម​ប្រឹក្សា​ភិបាល​នៃ​វិទ្យា​ស្ថាន​បណ្តុះ​បណ្តាល និង​ស្រាវ​ជ្រាវ ដើម្បី​អភិវឌ្ឍន៍​កម្ពុជា(CDRI) លើកឡើងថា កម្ពុជា​បាន​យល់​ពី​ឧស្សាហ​កម្ម​ទី៤ ដែល​កម្ពុជា​ត្រូវ​រួម​គ្នា​ដោះ​ស្រាយ និង​ត្រៀម​ខ្លួន​ឲ្យ​បាន​ល្អ​ក្នុង​ការ​ទទួល​យក និង​ការ​ប្រឈម ខណៈ​កម្ពុជា​ទើប​តែ​មាន​ការ​ចាប់​ផ្តើម​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​នៅ​រាត្រី​នេះ គឺ​លោក​ អ៊ូ ច័ន្ទរ័ត្ន ​អតីត​តំណាង​រាស្ត្រ​គណបក្សសង្រ្គោះជាតិ​។ ​លោក​ គឺ​ជា​មនុស្ស​ម្នាក់​ក្នុង​ចំណោម​សមាជិក​អតីត​គណបក្ស​សង្រ្គោះជាតិ​ចំនួន​៥​រូប​ចុងក្រោយ​ ដែល​ទើប​ទទួល​បាន​សិទ្ធិ​ធ្វើ​នយោបាយ​ឡើងវិញ​។​ បើ​តាម​លោក ​អ៊ូ ច័ន្ទរ័ត្ន​ ការ​សម្រេច​ចិត្ត​សុំ​សិទ្ធិធ្វើ​នយោបាយ​ឡើង​វិញ​ គ្មាន​រង​សម្ពាធ​ពី​ខាង​ណានោះ​ទេ​ ប៉ុន្តែ​មក​ពី​ការ​រង​ចាំដំណោះ​ស្រាយ​អូស​បន្លាយ​យូរពេក​នៅ​តែ​មិន​អាច​រក​ច្រក​ចេញ​បាន​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរ​ជាតិ​នារាត្រី​នេះ គឺ​លោក នួន ស៊ីដារ៉ា អ្នក​សម្រប​សម្រួល​​គម្រោង​និន្នការ​ភេទ និង​អត្ត​សញ្ញាណ​យែនឌ័រ​នៃ​មជ្ឈមណ្ឌល​សិទ្ធិ​មនុស្ស​កម្ពុជា​(CCHR)​។ លោក នួន ...

ភ្ញៀវប្រចាំថ្ងៃ​របស់​វិទ្យុបារាំង​អន្តរជាតិRFIនៅរាត្រីនេះ គឺ លោក សួន សេរីរដ្ឋា អតីត​ប្រធាន​​គណបក្ស​អំណាច​​ខ្មែរ​។ គណ​​បក្ស​​អំណាច​​ខ្មែរ ដែល​បច្ចុប្បន្ន​កំពុង​ស្ថិត​​ក្រោម​​ការ​​គ្រប់​​គ្រង​​របស់ ​សួង ​សុភ័ណ្ឌ​ តាំង​ពីពេល​​លោក ​សួន ​សេរី​រដ្ឋា​ ជាប់​ពន្ធនា​គារ​ចុង​ឆ្នាំ​២០១៧​។​ ប៉ុន្តែ​លោក ​សួន ​សេរីរដ្ឋា ​អះអាងថា ​លោកមិន​ទៅ​បង្កើត​​គណបក្ស​ថ្មី​នោះទេ​​គឺ​គ្រាន់​តែ​ស្នើ​ទៅក្រសួង​មហា​ផ្ទៃ​ ដើម្បី​ដូរ​ឈ្មោះគណ​បក្ស​ចាស់​ទៅជា​គណបក្ស​ថ្មី​មួយ​​ទៀតប៉ុណ្ណោះ​ ។

នៅ​ថ្ងៃ​សុក្រ​នេះ ក្រសួង​បរិស្ថាន​បាន​ចុះ​ហត្ថ​លេខា​លើ​កិច្ច​ព្រម​ព្រៀង​ដំណាក់​កាល​ទី២​ស្តី​ពី​គម្រោង​ព្រៃ​ឡង់​បៃតង​ជាមួយ​នឹង​អង្គ​ការ Tetra Tech ARD ក្រោម​គម្រោង​ជំនួយ​របស់​អង្គ​ការ USAID ដែល​មាន​ទឹក​ប្រាក់​ជាង​២១​លាន​ដុល្លារ សម្រាប់​ឆ្នាំ​២០១៨​ដល់​ឆ្នាំ​២០២៣​។ លោក សៅ សុភាព រដ្ឋ​លេខា​ធិការ​ក្រសួង​បរិស្ថាន​ថ្លែង​ថា តាម​រយៈ​គម្រោង​ព្រៃ​ឡង់​បៃ​តង​នេះ នឹង​ធ្វើ​ឲ្យ​មាន​ការ​ប្រសើរ​ឡើង​ដល់​ការ​ងារ​ល្បាត​របស់​មន្ត្រី​ឧទ្យានុរក្ស និង​ការងារ​អនុវត្ត​ច្បាប់ នៅ​តំបន់​ព្រៃ​ឡង់​ជា​ពិសេស​ចំនូន​៤ខេត្ត គឺ​ខេត្ត​ព្រះវិហារ កំពង់ធំ ស្ទឹងត្រែង និង​ខេត្ត​ក្រចេះ​។

ក្រោម​ប្រធាន​បទ «សូម​និយាយ​ភាសា​បារាំង​មក​កាន់​ខ្ញុំ» ក្រសួង​អប់រំ យុវជន និង​កីឡា​នៅ​ថ្ងៃ​សុក្រ​ស្អែក​នេះ នឹង​រៀប​ចំ​ពិធី​បុណ្យ ហ្វ្រង់​កូហ្វូនី ថ្នាក់​ជាតិ នៅ​វិទ្យា​ស្ថាន​បច្ចេក​វិទ្យា​កម្ពុជា។

លោក រស់​ សុវាចា អ្នក​នាំ​ពាក្យ​ក្រសួង​អប់រំ យុវជន និងកីឡា ថ្លែង​ថា​ប្រធាន​បទ​បុណ្យ​ហ្វ្រង់​កូហ្វូនី​នៅ​ឆ្នាំ​នេះ មាន​លក្ខណៈ​លើក​តំកើង​តម្លៃ​ភាសា​បារាំង ដែល​ភាសា​នេះ​បាន​ជួយ​ពង្រឹង​សមត្ថភាព​សិស្ស និស្សិត និង​ការ​សិក្សា​ស្រាវ​ជ្រាវ​នៅ​កម្ពុជា ក៏​ដូច​ជា​នៅ​បណ្តា​ប្រទេស​ដែល​ប្រើ​ប្រាស់​ភាសា​បារាំង​។