នៅ​ក្នុង​ឱកាស​បុណ្យ​ចូល​ឆ្នាំ​ថ្មី ឆ្នាំ​កុរ ឯកស័ក ព.ស ២៥៦៣ ដែល​នឹង​ឈាន​ចូល​មក​ដល់​នៅ​ថ្ងៃ​អាទិត្យ​ទី១៤​ខែ​មេសា​នេះ បញ្ហា​សំរាម​គឺ​ជា​កង្វល់​ដ៏​ធំ​មួយ​នៅ​ក្នុង​រាជធានី​ភ្នំពេញ​។ កាល​ពី​ពេល​ថ្មីៗ​នេះ សាលា​រាជធានី​ភ្នំពេញ​ក៏​បាន​ចេញ​សេចក្តី​ប្រកាស​ដែរ​ថា ការ​ផ្តល់​សេវា​សម្អាត ប្រមូល និង​ដឹក​ជញ្ជូន​សំរាម នឹង​អនុវត្ត​មិន​បាន​ពេញ​លេញ​ទេ នៅ​ក្នុង​រយៈ​ពេល​៤ថ្ងៃ គឺ​ចាប់​ពី​ថ្ងៃទី១៤​ដល់​ថ្ងៃ១៧​ខែ​មេសា​ខាង​មុខ ដោយ​សារ​តែ​កម្មករ-កម្មការិនី​ក្រុម​ហ៊ុន ស៊ីន​ទ្រី បាន​ឈប់​សម្រាក​នៅ​ក្នុង​ឱកាស​បុណ្យ​ចូល​ឆ្នាំ​នេះ​។ លោក​ ហៀប សាគន្ធ តំណាង​អ្នក​ប្រតិបត្តិ​ការ​សម្អាត​ក្រុង ​នៃ​ក្រុមហ៊ុន​ស៊ីន​ទ្រី ​ថ្លែង​ប្រាប់​វិទ្យុ​បារាំង RFI ថា​ក្រុម​ហ៊ុន មាន​ផែន​ការ​រួច​ហើយ ក្នុង​ការ​ត្រៀម​ផ្តល់​សេវា​ប្រមូល​សំរាម​មិន​ពេញ​លេញ​នេះ ដល់​ប្រជាពលរដ្ឋ​។

ពិធី​បុណ្យ​ចូល​ឆ្នាំ​ខ្មែរ​ប្រពៃណី​ជាតិ​ឆ្នាំ​កុរ ឯកស័ក ព.ស ២៥៦៣ នឹង​ឈាន​ចូល​មក​ដល់​នៅ​ថ្ងៃ​អាទិត្យ​ទី១៤​ខែ​មេសា​ខាង​មុខ​នេះ​។ ឆ្លៀត​ក្នុង​ឱកាសនេះ លោក អ៊ឹម បុរិន្ទ អគ្គ​លេខាធិការ​រង គណៈ​កម្មការ​រៀប​ចំ​បុណ្យ​ជាតិ-អន្តរ​ជាតិ និង​ជា​អ្នក​ដឹក​នាំ​គណៈ​កម្មាធិការ​ស្រាវ​ជ្រាវ​វិជ្ជា​ហោរា​សាស្ត្រ និង​ប្រពៃណី​ទំនៀម​ទំលាប់​ខ្មែរ បាន​ថ្លែង​ថា ក្រៅ​ពី​ទំនាយ​ថា​អំបិល​ឡើង​ថ្លៃ ទំនាយ​ក៏​បាន​ទាយ​ដែរ​ថា​ជំទាវ​ឃុន​ណាង​ក្តៅ​ក្រហាយ​ចិត្ត តែ​នាម៉ឺន មន្ត្រី​រាជការ​នឹង​បាន​សុខ​សប្បាយ​។

នៅ​ព្រឹក​ថ្ងៃ​អាទិត្យ​នេះ សមាគម​អ្នក​និពន្ធ​ខ្មែរ បាន​ធ្វើ​សន្និសីទ​មួយ ដើម្បី​ពន្យល់​ពី កម្មវិធី​ត្រួត​ពិនិត្យ​អក្ខរា​វិរុទ្ធ​តាម​ប្រព័ន្ធ​ឌីជីថល​។ ដូច្នេះ​ភ្ញៀវ​ប្រចាំ​ថ្ងៃ របស់​វិទ្យុ​បារាំង​អន្តរជាតិ​នៅ​រាត្រី​នេះ គឺ លោក ប៉ា ចន្ទ​រឿន អ្នក​ស្រាវជ្រាវ​ប្រឹក្សា​យោបល់​ទស្សនៈ​វិជ្ជា និង​ការ​អភិវឌ្ឍន៍ និង​ជា​ទី​ប្រឹក្សា​កម្មវិធី​ត្រួត​ពិនិត្យ​អក្ខរាវិរុទ្ធ​តាម​ប្រព័ន្ធ​ឌីជីថល​។

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោក​ទី ហ្សា​និ​ត ប្រធាន​សមាគម​សាលា​ត្រាជូ។ សមាគម​សាលា​ត្រាជូ កាលពីដើម​ខែមេសា​នេះ បានដាក់​ឱ្យ​ដំណើរការ​កម្មវិធី​ទូរស័ព្ទ​ថ្មី​ឈ្មោះថា «វាក្យសព្ទ​ច្បាប់​អេឡិចត្រូនិក» ឬ «Traju Lexicon»។ សម្រាប់​លោក​ទី ហ្សា​នី​ត កម្មវិធី​ទូរស័ព្ទ​ថ្មី​នេះ នឹង​កាន់តែ​ផ្តល់​ភាពងាយស្រួល លឿន​រហ័ស​បន្ថែមទៀត​ដល់​សាធារណជន​ដែល​ចង់​ស្វែងយល់​ពី​ពាក្យ​បច្ចេកទេស​ច្បាប់។ តទៅ​នេះ សូម​ស្តាប់​បទសម្ភាសន៍​រវាង​វណ្ណ សុគន្ធា និង លោក​ទី ហ្សា​និត៖

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​RFI​នៅរាត្រីនេះ គឺ​លោក ស៊្រុន ពៅ ប្រធាន​សមាគម​អ្នក​ចិញ្ចឹម​សត្វកម្ពុជា​។​ សមាគម​នេះ​ដែល​កំពុង​មាន​ក្តី​បារម្ភពី​ការ​ឆ្លង​រីក​រាល​ដាល​នៃ​ជំងឺ​ប៉េស្ដ​ជ្រូក​អាហ្រ្វិក ​ដែល​ត្រូវ​បាន​រក​ឃើញ​កើត​មាន​ជា​លើក​ដំបូង​នៅ​កម្ពុជា​ បន្ទាប់​ពី​​សត្វ​ជ្រូក​​ប្រហែល​ ៤០០​ ក្បាលបាន​ងាប់​កាល​ពី​ថ្ងៃទី​ ២២ ​ខែ​មីនា នៅ​ឃុំ​សោម​ធំ​ ស្រុក​អូរយ៉ាដាវ ​ខេត្ត​រតន​គិរី។ ​បើ​តាម​ លោក​ ស៊្រុន​ ពៅ ​ជំងឺ​ប៉េស្ដ​ជ្រូក​អាហ្រ្វិក​នេះ ឆ្លង​មក​កម្ពុជា​តាម​រយៈ​ការ​លួច​នាំ​ជ្រូក​ចូល​ពី​វៀតណាម​។

សហភាព​អឺរ៉ុប​កាល​ពី​ថ្ងៃ​ទី០២​ខែ​មេសា​កន្លង​ទៅ​នេះ សម្រេច​ទទួល​ស្គាល់​ស្ករត្នោត​កម្ពុជា​ជា​ពិសេស​ស្ករត្នោត​កំពង់ស្ពឺ ថា​ជា​ផលិតផល​សម្គាល់​ភូមិ​សាស្ត្រ​។ ស្ករ​ត្នោត​កំពង់​ស្ពឺ​គឺជា​ផលិត​ផល​ទី២​ហើយ ដែល​ទីផ្សារ​អឺរ៉ុប​ទទួល​ស្គាល់​បន្ទាប់​ពី​ផលិតផល​ម្រេច​កំពត​។ លោក ហ៊ឹម ពិសិដ្ឋ អគ្គនាយក​រង​នៃ​ក្រុមហ៊ុន​Confirel និង​ជា​អនុ​ប្រធាន​សមាគម​លើក​កម្ពស់​ស្ករ​ត្នោត​កំពង់​ស្ពឺ ថ្លែង​ថា​ការ​ទទួល​ស្គាល់​ស្ករ​ត្នោត​កំពង់​ស្ពឺ​ដោយ​អឺរ៉ុប​ជា​ទំនិញ​សម្គាល់​ភូមិ​សាស្ត្រ គឺជា​កិត្តិយស​របស់​ប្រទេស​កម្ពុជា​ទាំង​មូល និង​ជា​ដំណឹង​ដ៏វិជ្ជមាន​សម្រាប់​កសិករ​ក្នុង​ការ​ផលិត​ស្ករ​ត្នោត​បំរើ​ឲ្យ​តម្រូវ​ការ​ទីផ្សារ​អឺរ៉ុប​។

អង្គ​ការ Save the Children នៅ​ថ្ងៃ​ពុធ​នេះ បាន​ប្រកាស​ចាប់​ផ្តើម​អនុវត្ត​គម្រោង​ថ្មី​មួយ ដែល​គាំទ្រ​ដោយ​ថវិកា​សហភាព​អឺរ៉ុប​ចំនួន​៣​លាន​អឺរ៉ូ ដែល​គម្រោង​នេះ​មាន​ឈ្មោះ​ថា«ឆ្លើយ​តប​ដោយ​ប្រសិទ្ធ​ភាព ដើម្បី​ឲ្យ​ប្រសើរ​ឡើង​នូវ​ប្រព័ន្ធ​សុខុមាល​ភាព​កុមារ» ឬ​គម្រោង React។ លោកស្រី លន់ បរមី ប្រធាន​គម្រោង React នៃ​អង្គការ Save the children ថ្លែង​ថា តាម​រយៈ​គម្រោង​នេះ ធានា​ថា​កុមារ ដែល​មាន​ការ​ប្រឈម ឬ​ក៏​បាន​បែក​បាក់​ពី​គ្រួសារ នឹង​ទទួល​បាន​ការ​ការពារ​ដោយ​ក្រប​ខណ្ឌ​ច្បាប់​ ព្រម​ទាំង​ទទួល​បាន​នូវ​សេវា​ប្រកប​ដោយ​គុណភាព​។

នៅ​ថ្ងៃ​ទី​០២ ខែ​មេសា​នេះ ​គឺ​ជា​ទិវា​អូទីស្សឹម​និង​ដោន​សាំង​ដ្រូម​ ឬ​ហៅថា​ ទិវា«ជន​ខ្សោយ​សតិ​បញ្ញា»។​ នៅ​កម្ពុជា ទិវា​នេះ​ត្រូវ​បាន​ប្រារព្ធ​ឡើង​ជា​លើក​ទី​៦​ហើយ​។​ លោក ឯម ច័ន្ទមករា អគ្គលេខាធិការ​ នៃ​អគ្គលេខាធិការ​ដ្ឋាន​ក្រុម​ប្រឹក្សា​សកម្មភាព​ជន​ពិការ​ បាន​ថ្លែង​ថា​ នៅ​កម្ពុជា​មិន​ទាន់​មាន​តួរលេខ​ជាក់​លាក់​នៃចំនួន​«ជន​ខ្សោយ​សតិបញ្ញា»​នេះ​ទេ​ ប៉ុន្តែ​លោក​អះអាងថា​ រដ្ឋាភិបាល​បាន​ផ្តល់​សេវា​ថែ​ទាំ​ពួកគេ​មិន​តិចជាង​ប្រាំពាន់​នាក់​នោះ​ទេ​។​ បើ​តាម​ លោក ឯម ច័ន្ទមករា​ ជំងឺ​ខ្សោយ​សតិបញ្ញា​នេះ​ពិភព​លោក​នៅ​មិន​ទាន់​រក​ឃើញ​ថ្នាំ​ព្យាបាល​ឬ​វិធី​បង្កា​នៅឡើយ​។

មជ្ឈមណ្ឌល​រូបថតកម្ពុជា ​ដែល​បង្ហាញ​អំពី​ដំណើរ​ប្រវត្តិសាស្ត្រ​របស់​កម្ពុជា​នៅ​ក្នុង​៥សម័យ​កាល​ចុង​ក្រោយនេះ នឹង​ត្រូវ​សម្ពោធ​ដាក់​ឲ្យ​មហាជន​ចូល​ទស្សនា​ដោយ​ឥត​គិត​ថ្លៃ ចាប់​ពីថ្ងៃទី ០៤ មេសា ខាង​មុខ​នេះ ក្រោម​អធិបតី​ភាព​របស់​លោក ខៀវ កាញារិទ្ធ រដ្ឋ​មន្ត្រី​ក្រសួង​ព័ត៌មាន​កម្ពុជា។ មជ្ឈមណ្ឌល​នេះ​មាន​ទីតាំងស្ថិត​នៅក្នុង​បុរី​មហា​សែន​សុខ សង្កាត់​ក្រាំងធ្នង់ ខណ្ឌ​សែន​សុខ ខាងជើង​អាកាសយានដ្ឋាន​អន្តរជាតិ​ភ្នំពេញ ចម្ងាយ​ប្រមាណ​២​គីឡូម៉ែត្រ។ លោក ឆាយ សុផល អតីត​អ្នក​សារព័ត៌មាន​នៅ​កម្ពុជា គឺ​ជា​ស្ថាបនិក​មជ្ឈមណ្ឌល​រូបថត​នេះ បាន​អះអាង​ថា ការ​បង្កើត​មជ្ឈមណ្ឌល​រូប​ថត​កម្ពុជា​នេះ​ឡើង គឺ​ដើម្បី​ផ្តល់​ចំណេះ​ដឹង​បន្ថែម​ទៀត​ដល់​និស្សិត​និង​មហាជន​ទូទៅ តាម​រយៈ​រូបថត​រាប់​ពាន់​សន្លឹក​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នារា​ត្រីនេះ គឺ​លោក ហុក សុទ្ធិ ប្រធាន​អង្គការ​ស៊ីប៉ា។ ឆ្លើយ​នឹង​សំនួរ​របស់​វិទ្យុ​បារាំង​លោក ហុក សុទ្ធិ ...