លោក ញ៉ែម អេន អតីត​អ្នក​ថត​រូប​អ្នក​ទោស​នៅ​គុក​ទួល​ស្លែង កាល​ពី​ថ្ងៃ​ទី២២​ខែ​មេសា​ម្សិល​មិញ បាន​ដាក់​ពាក្យ​ទៅ​ក្រសួង​មហា​ផ្ទៃ ដើម្បី​ស្នើ​សុំ​លុប​ឈ្មោះ​គណបក្ស​របស់​លោក ដែល​មាន​ឈ្មោះ​ថា «គណបក្ស​ពលករ​រុង​រឿង» ចេញ​ពី​បញ្ជី ហើយ​លោក​ឈប់​ធ្វើ​នយោបាយ​ចាប់​ពី​ពេល​នេះ​តទៅ​។ ការ​ឈប់​ពី​ឆាក​នយោបាយ​របស់​លោក ញ៉ែម អេន ពេល​នេះ គឺ​ដោយ​សារ​នយោបាយ ធ្វើ​ឲ្យ​លោក​បាត់​បង់​តម្លៃ​រូប​ថត​ជា​ប្រវត្តិ​សាស្ត្រ ហើយ​លោក​ត្រូវ​ទៅ​ធ្វើ​សកម្មភាព​សង្គម ជា​ប្រធាន​អង្គការ​អភិវឌ្ឍន៍​តំបន់​ទេសចរណ៍​ប្រវត្តិសាស្ត្រ​អន្លង់​វែង​។ គោល​ដៅ​របស់​លោក ញ៉ែម អេន គឺ​ចង់​បង្ហាញ​អ្នក​ជំនាន់​ក្រោយ​ពី​ប្រវត្តិសាស្ត្រ​ខ្មែរ​ក្រហម និង​បង្កើត​សារៈ​មន្ទីរ​តាំង​ពិព័រណ៍​រូបថត​ដ៏​ច្រើន​សន្ធឹក​សន្ធាប់ ដែល​លោក​បាន​ថត​នៅ​ជំនាន់​វាល​ពិឃាត​នោះ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរ​ជាតិ​នារា​ត្រីនេះ គឺ​លោក​ ហ៊ុន ម៉ានី ប្រធាន​គណៈ​កម្មការ​ទី៧ នៃ​រដ្ឋ​សភា​។ គណៈ​កម្មការ​ទី៧​នៃ​រដ្ឋ​សភា សហការ​ជាមួយ​ក្រសួង​អប់រំ​យុវជន​និង​កីឡា នា​ថ្ងៃ​នេះ បាន​រៀប​ចំ​សិក្ខា​សាលា​ស្ដី​ពី​ការ​វិវត្ត​វិស័យ​អប់រំ ក្នុង​បរិបថ​ឌីជីថល ក្នុង​ក្រប​ខណ្ឌ​សកល​និង​កម្ពុជា​។ នៅ​ក្នុង​បទ​សម្ភាស​ជាមួយ​វិទ្យុ​បារាំង​អន្ដរ​ជាតិ លោក ហ៊ុន ម៉ានី បាន​គូស​បញ្ជាក់​ថា ការ​អប់​រំ​បរិបទ​ឌីជីថល​មាន​សារៈ​សំខាន់​និង​ចាំ​បាច់​ណាស់​សម្រាប់​កម្ពុជា ក្នុង​ពេល​ដែល​ពិភព​លោក​កំពុង​ធ្វើ​ដំណើរ​ឆ្ពោះ​ទៅ​កាន់​បដិវត្តន៍​ឧស្សាហ​កម្ម​ទី៤​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នា​រាត្រី​នេះ គឺ លោក​បណ្ឌិត គិន ភា ប្រធាន​វិទ្យាស្ថាន​ទំនាក់​ទំនង​អន្តរ​ជាតិ​កម្ពុជា​នៃ​រាជ​បណ្ឌិត្យ​សភា​កម្ពុជា​។ លោក​បណ្ឌិត គិន ភា ...

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ គឺ​លោក​អ៊ូ ច័ន្ទ​រ័ត្ន អតីត​អ្នកតំណាងរាស្ត្រ​របស់​អតីត​គណបក្ស​សង្គ្រោះ​ជាតិ។ ម្សិលមិញ លោក​អ៊ូ ច័ន្ទ​រ័ត្ន ត្រូវ​បង្ខំចិត្ត​មិន​ចូលរួម​វេទិកា​ប្រជាធិបតេយ្យ សិទ្ធិមនុស្ស និង សន្តិភាព​ដែល​រៀបចំឡើង​ដោយ​អង្គការ​នៃ​វេទិកា​សិទ្ធិមនុស្ស​និង​សន្តិភាព​អាស៊ី (AHPF)នៅក្នុង​ប្រទេស​កូរ៉េខាងត្បូង ដោយសារតែ​ក្រុម​ថ្នាក់ដឹកនាំ និង​សកម្មជន​អតីត​បក្សប្រឆាំង​ប្រកាស​មិន​គាំទ្រ​វត្តមាន​របស់លោក។ ទោះជា​បែបនេះ​ក្តី លោក​អ៊ូ ច័ន្ទ​រ័ត្ន អះអាងថា លោក​មិន​ខឹង​នឹង​ពួកគេ​ទេ គឺ​គ្រាន់តែ​ហួសចិត្ត​បន្តិច​ប៉ុណ្ណោះ។

ពលរដ្ឋ​ដែល​មាន​ទំនាស់​ដីធ្លី​បាន​នាំ​គ្នា​បិទ​កំណាត់​ផ្លូវ​ជាតិ​លេខ​៤ នៅឃុំ​បិត​ត្រាំង​ ស្រុក​ព្រៃនប់ ខេត្ត​ព្រះសីហនុ ចំនួន​ពីរ​ថ្ងៃ​ជាប់ៗ​គ្នា ធ្វើ​ឲ្យ​មាន​ការ​ស្ទះ​ចរាចរណ៍​ជា​ច្រើន​ម៉ោង​។ ប៉ុន្តែ​ជាវិធានការ​បន្ទាន់​សមត្ថកិច្ច​បានឃាត់ខ្លួន​មនុស្ស​ចំនួន​៨នាក់ ដែល​ពាក់​ព័ន្ធ​នឹង​ការ​បិទ​ផ្លូវ​នេះ​។ ​តែ​ជាមួយ​គ្នា​នោះ កម្លាំង​សមត្ថ​កិច្ច​ចំនួន៦​ ត្រូវ​រងរបួស​ ដោយសារ​ការគប់ដំថ្ម។ នេះជាការ​អះអាង​របស់ លោកឧត្តម​សេនីយ៍ទោ ជួន ណារិន ស្នងការនគរបាលខេត្តព្រះសីហនុ។

ភ្ញៀវប្រចាំថ្ងៃ​របស់​វិទ្យុ​បារាំង​អន្តរជាតិ​RFI​នៅរាត្រី​នេះ គឺ លោក​បណ្ឌិត គិន ភា ប្រធាន​វិទ្យាស្ថាន​ទំនាក់​ទំនង​អន្តរជាតិ​នៃរាជ្យ​បណ្ឌិត​សភា​កម្ពុជា។ លោក គិន ភា បានចូលខ្លួន​មក​បក​ស្រាយ​ពីមូល​ហេតុ​សំខាន់ៗពីរ​យ៉ាង​ដែល​ធ្វើ​ឲ្យ​ពួកខ្មែរ​ក្រហម​ទទួល​បាន​ជ័យ​ជំនៈ​នៅថ្ងៃ​​ទី​១៧ ខែ​មេសា ឆ្នាំ​១៩៧៥ ​ពោលកាលពី​៤៤​ឆ្នាំមុន។ ​៤៤ឆ្នាំមុន ​ដែល​ខ្មែរ​ក្រហម​​បណ្តេញ​ប្រជាពលរដ្ឋ​ខ្មែរ​ឲ្យ​ចាក​ចេញ​ពី​ទី​ក្រុង​ភ្នំពេញ ទៅ​កាន់​ទី​ជន​បទ ធ្វើ​ស្រែ​ចំការ ​និង​ធ្វើ​ឲ្យ​ស្លាប់​រាប់លាន​នាក់​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ ​RFI ​នៅ​រាត្រី​នេះ ​គឺ​អ្នក​ស្រី ​ឆាយ ​ស៊ីវ​លីន​ ប្រធាន​​សមាគមន៍​​ទីភ្នាក់ងារ​​ទេសចរណ៍​​កម្ពុជា​។ ​ក្នុង​នាម​ជា​ប្រធាន​សមាគមន៍​ទីភ្នាក់ងារ​ទេសចរណ៍​កម្ពុជា ​អ្នកស្រី​បាន​វាយ​តម្លៃ​ថា ​ប្រជាពលរដ្ឋ​ខ្មែរ​បាន​ចេញ​ដើរ​លេង​កំសាន្ត​ច្រើន​នៅ​ក្នុង​ឱកាស​៣​ថ្ងៃ​ នៃពិ​ធី​បុណ្យ​ចូលឆ្នាំខ្មែរ​ដែល​បិទ​បញ្ចប់​ទៅ​នៅ​ថ្ងៃទី ​១៦​ មេសា​នេះ​។ ​ក្នុង​នោះ ​ខេត្ត​សៀមរាប​ នៅ​តែ​ជា​ខេត្ត​ដែល​ទាក់ទាញ​ភ្ញៀវ​ទេសចរណ៍​បាន​ច្រើន​ជាង​គេ ​បន្ទាប់​មក​ខេត្ត​ស្វាយរៀង​ ខេត្ត​បាត់ដំបង​ និង​ខេត្ត​ព្រះសីហនុ​។ ​អ្នកស្រីថា​ កត្តាជីវភាព​ធូធា ​បាន​ជម្រុញ​ឲ្យ​ប្រជាពលរដ្ឋ​ខ្មែរ​ដើរ​លេង​កំសាន្ត​ច្រើន​ នៅ​ក្នុង​ឱកាស​បុណ្យ​ចូល​ឆ្នាំ​ថ្មី​នេះ​។

នៅ​ថ្ងៃ​ទី​១៤​មេសា​ម្សិលមិញ​នេះ បុរសជាអ្នក​បើកបរ​រថយន្ត ដែល​ប្រើ​ប្រាស់​អំពើ​ហិង្សា​ទះ​កំភ្លៀង​នារី​ម្នាក់​ឲ្យ​ដួល​ទៅ​លើ​ថ្នល់​នៅ​សង្កាត់​ផ្សារ​កណ្ដាល ត្រូវ​បាន​ចៅ​ក្រម​ស៊ើប​សួរ​នៃ​សាលា​ដំបូង​រាជធានី​ភ្នំពេញ ចេញ​ដីកា​ឃុំ​ខ្លួន និង​បញ្ជូនទៅ​កាន់​ពន្ធនាគារ​ព្រៃ​ស​រួច​រាល់​ហើយ​។ នេះគ្រាន់​តែ​​ជា​ករណី​មួយប៉ុណ្ណោះ នៅ​ក្នុងចំណោម​​ករណី​ប្រើប្រាស់​អំពើហិង្សា​ដទៃ​​ជាច្រើន​ទៀត​ ដែល​កំពុង​តែ​កើន​ឡើង​គួរ​ឲ្យ​កត់​សម្គាល់​នៅ​ក្នុង​សង្គមខ្មែរ​។ នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ លោក យ៉ង់ គឹមអេង ​ប្រធាន​មជ្ឈមណ្ឌល​ប្រជា​ពលរដ្ឋ​ដើម្បី​អភិវឌ្ឍន៍​និង​សន្តិភាព បានពន្យល់​ថា ​ការ​ប្រើប្រាស់​អំពើ​ហិង្សា​នៅ​ក្នុង​សង្គម​ខ្មែរ កើន​ឡើង​ដោយ​សារ​តែសីលធម៌របស់​មនុស្ស​​និង​ការ​រីក​ចម្រើន​នៃ​សង្គម ដើរ​មិន​ស្រប​គ្នា។

ពិធី​​​សង្ក្រាន្ត បាន​ឈាន​ចូល​មក​ដល់​ហើយ​នៅ​ថ្ងៃ​អាទិត្យ​នេះ​។ ក្នុង​ឱកាស​នេះ អ្នក​ជំនាញ​ផ្នែក​វប្បធម៌​បាន​កត់​សម្គាល់​ពី​ការ​​ថយ​ចុះនៃ​ការ​លេង​ល្បែង​ប្រជាប្រិយ​ខ្មែរ និង​កំណើន​នៃ​លេង​ល្បែង​បាញ់​ទឹកប៉ាត​ម្សៅ​​​​។ ទម្លាប់​ថ្មីនេះ បាន​ធ្វើ​ឲ្យ​មាន​ការ​ព្រួយ​បារម្ភ​ពី​ការ​ឈាន​ទៅ​បាត់​បង់​នៃ​ទម្លាប់​លេង​ល្បែង​ប្រជាប្រិយ​ខ្មែរ ដែល​ជា​ប្រពៃណីជាតិ​​​។ យ៉ាង​ណា​ក៏​ដោយ លោក​បណ្ឌិត ឈត ប៊ុនថង មន្ដ្រី​ស្រាវ​ជ្រាវ​ផ្នែក​ទំនាក់​ទំនង វប្បធម៌ អប់រំ និងទេសចរណ៍ នៃ​រាជ​បណ្ឌិត​សភា​កម្ពុជា​ បាន​លើក​ឡើង​ថា គេ​មិន​អាច​ហាម​ឃាត់​មនុស្ស​មិន​ឲ្យ​លេង​ល្បែង​បាញ់​ទឹក​ប៉ាត​ម្សៅ​​ហ្នឹង​ទេ នៅ​ពេល​ដែល​ពួក​គាត់​ព្រមទទួល​យក​ការ​លេង​កម្សាន្ត​បែប​ហ្នឹង​រួច​ទៅ​ហើយ​។ អ្វី​ដែល​គេ​អាច​ធ្វើ​បាន គឺ​តម្រង់​ទិស​និង​ជួយ​ការពារ​សុវត្ថិភាពរបស់​ប្រជាពលរដ្ឋ ​នៅពេល​លេង​កម្សាន្ត​​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ គឺ លោក​នុត សាវ​នា ដែលជា​អ្នកនាំពាក្យ​អគ្គនាយកដ្ឋាន​ពន្ធនាគា​រ​នៃ​ក្រសួងមហាផ្ទៃ។ ខណៈដែល​ពិធីបុណ្យ​ចូលឆ្នាំថ្មី​ប្រពៃណីជាតិ នឹង​ចូលដល់​នៅ​ថ្ងៃអាទិត្យ ទី១៤ ខែមេសា​ស្អែក​នេះ​ពន្ធនាគារ​នីមួយៗ​នៅក្នុង​ប្រទេស​កម្ពុជា​ក៏បាន​ត្រៀម​រៀបចំ​ពិធី​ជួបជុំ​លេង​កម្សាន្ត​សម្រាប់​អ្នក​កំពុង​ជាប់ឃុំ​ផងដែរ។ លោក​នុត សាវ​នា បាន​អះអាងថា ការរៀបចំ​ទទួល​ទេវតា​ឆ្នាំ​ថ្មី និង​លេង​កម្សាន្ត​នេះ ក៏មាន​លក្ខណៈ​ដូច​នៅ​ខាងក្រៅ​ដែរ។ ប៉ុន្តែ ខាង​ពន្ធនាគារ​មិន​អនុញ្ញាតឱ្យ​សេព​គ្រឿង​ស្រវឹង​ដូច​នៅ​ខាងក្រៅ​នោះទេ។