ក្រោម​ប្រធាន​បទ «តួនាទី​ប្រកប​ដោយ​សក្តា​នុពល​របស់​សារព័ត៌មាន ក្នុង​ការ​គាំទ្រ​សន្តិភាព និង​ប្រជា​ធិបតេយ្យ​» ក្រសួង​ព័ត៌មាន បាន​សហការ​ជាមួយ​អង្គការ UNESCO បាន​ប្រារព្ធ​ពិធី​អបអរ​ទិវា​សេរីភាព​សារព័ត៌មាន​ពិភព​លោក​ដោយ​មាន​ការ​ចូល​រួម​ពី​អ្នក​សារព័ត៌មាន​នៅ​ក្នុង​ប្រទេស​កម្ពុជា​នៅ​ថ្ងៃ​ទី៣​ខែ​ឧសភា​នេះ​។ លោក មាស សុភ័ណ្ឌ អ្នក​នាំ​ពាក្យ​ក្រសួង​ព័ត៌មាន

ថ្លែង​ថា ការ​ដែល​មាន​ការ​អះអាង​ថា​មិន​មាន​សារព័ត៌មាន​ឯករាជ្យ​នៅ​កម្ពុជានេះ គឺ​ជា​ការ​មើល​មួយ​ជ្រុង​។ លោក​ថា តាម​ច្បាប់ ការ​បោះ​ពុម្ព​ផ្សាយ​មិន​ត្រូវ​បាន​ត្រួត​ពិនិត្យ​ជា​មុន​ទេ​។

ស្ថាន​ភាព​គ្រោះ​ធម្មជាតិ​អាក្រក់​នៅ​ឆ្នាំ​នេះ រួម​មាន​ភាព​រាំង​ស្ងួត បាតុភូត​ព្យុះ​ភ្លៀង ខ្យល់​កន្ត្រាក់ ធ្វើ​ឲ្យ​មាន​ផល​ប៉ះពាល់​រយៈ​ពេល​៤ខែ​ដើម​ឆ្នាំ​នេះ ទៅ​លើ​ជីវិត​មនុស្ស សត្វ និង​ទ្រព្យ​សម្បត្តិ បាន​កើន​ឡើង​ទ្វេ​ដង ធៀប​ទៅ​នឹង​រយៈ​ពេល​ដូច​គ្នា​កាល​ពីឆ្នាំ​ទៅ​។ លោក កែវ វី អ្នក​នាំ​ពាក្យ​គណៈ​កម្មា​ធិការ​ជាតិ​គ្រប់​គ្រង​គ្រោះ​មហន្តរាយ បាន​លើក​ឡើង​ថា ផល​ប៉ះពាល់​ដែល​បាន​កើន​ឡើង​ខ្លាំង​បែប​នេះ គឺ​ដោយ​សារ​ឆ្នាំ​នេះ សីតុណ្ហ​ភាព​មាន​ការ​កើន​ឡើង​កំដៅ​ខុស​ពី​ប្រក្រតី​។

ភ្ញៀវ​ប្រ​ចាំថ្ងៃ​​របស់​​វិទ្យុ​​បារាំង​​អន្តរ​ជាតិ​​RFI​នៅ​រាត្រី​នេះ ​គឺ​លោក ​អាត់ ​ធន់ ​ប្រធាន​​សហ​ភាព​​ការ​ងារ​​កម្ពុជា​។ ​សហជីព​មួយ​នេះ​បាន​រំឭក​ទិវា​ពលកម្ម​អន្តរ​ជាតិ​១​ឧសភា​នៅ​ជិត​​វត្ត​ភ្នំ​ដោយ​​មាន​​អ្នក​​ចូលរួម​ប្រ​មា​ណ​២០០០​នាក់​ ខណៈ​មេដឹក​នាំ​សហ​ជីព​ផ្សេង​ទៀត​​បាន​ជួប​ជុំ​គ្នា​​នៅ​ទី​លាន​​ប្រជា​ធិប​តេយ្យ​។

នៅ​ថ្ងៃ​ទី៣០​ខែ​មេសា​នេះ គឺ​ជា​ខួប​លើក​ទី២០ នៃ​កម្ពុជា​ចូល​ជា​សមាជិក​ប្រជា​ជាតិ​អាស៊ី-អគ្នេយ៍ ហៅ​កាត់​ថា​អាស៊ាន​(៣០ មេសា ១៩៩៩-៣០ មេសា ២០១៩)។ លោក​បណ្ឌិត ឡេង ធារិទ្ធិ នាយក​មជ្ឈ​មណ្ឌល​មេគង្គ​សម្រាប់​ការ​សិក្សា​យុទ្ធ​សាស្ត្រ នៃ​វិទ្យា​ស្ថាន​ចក្ខុ​វិស័យ​អាស៊ី ថ្លែង​ថា​កម្ពុជា​ទទួល​បាន​ផល​ប្រយោជន៍​ផ្នែក​សេដ្ឋ​កិច្ច ក៏​ដូច​ជា​នយោ​បាយ និង​សន្តិ​សុខ​។ ជា​ការ​កត់​សម្គាល់ លោក​បណ្ឌិត ឡេង ធារិទ្ធ បញ្ជាក់​ថា​ដោយ​សារ​តែ​កម្ពុជា ជា​ប្រទេស​តូច ហើយ​បាន​ក្លាយ​ជា​សមាជិក​អាស៊ាន ធ្វើ​ឲ្យ​រាល់​ទំនាស់​ជាមួយ​ប្រទេស​ជិត​ខាង គឺ​ត្រូវ​បាន​ដោះ​ស្រាយ​ដោយ​សន្តិភាព​។

ភ្ញៀវ​ប្រ​ចាំថ្ងៃ​របស់​​វិទ្យុ​បារាំង​​អន្តរ​ជាតិ​RFI​នៅ​រាត្រី​នេះ ​គឺ​​លោក ​បណ្ឌិត​ គី​ សេរី​វឌ្ឍន៍​ ជា​អ្នក​ស្រាវ​ជ្រាវ​​សេដ្ឋ​កិច្ច​។​ ...

នៅ​រសៀល​ថ្ងៃ​អា​ទិត្យ​នេះ ​ចៅ​ក្រម​ស៊ើប​សួរ​សា​លា​ដំបូង​រាជ​ធានី​ភ្នំ​ពេញ​ បាន​ចេញ​ដី​កា​បង្គាប់​ឲ្យ​ឃុំខ្លួន​បុរស​ជន​ជាតិ​ចិន​៣នាក់​ពី​បទ​ «សម្អាត​ប្រាក់​» ​ឬ​ការ​លាង​លុយ​កខ្វក់​ តាម​ច្បាប់​ស្តីពី​ការ​ប្រឆាំង​ការ​សម្អាត​ប្រាក់​ និង​ហិរញ្ញ​ប្ប​ទាន​ភេវ​រកម្ម​។​ លោក ​ព្រាប​ កុល ​ជា​នាយក​​អង្គ​ការ​​តម្លា​​ភាព​​កម្ពុជា ​បាន​ស្វាគមន៍​ចំពោះ​វិធាន​ការ​នេះ​ដោយ​ចាត់​ទុក​​ករណី​នេះ​ថា​ជា​សញ្ញា​ដ៏​គួរ​ឲ្យ​ព្រួយ​បារម្ភ​បំផុត​មួយ ​សម្រាប់​កម្ពុជា​ទាក់​ទង​ទៅ​នៅ​វិសាល​ភាព​ និង​លទ្ធ​ភាព​នៃ​ការ​លាង​លុយ​កក្វក់​។​ ក្រៅ​ពី​នោះ ​លោក​ ព្រាប​ កុល​ ក៏​បាន​ឆ្លៀត​បកស្រាយ​ផង​ដែរ​ ករណី​ដែល​លោក​ទៅ​ចូល​រួម​​សមាជ​​អ្នក​​ប្រជា​ធិប​តេយ្យ​នៅ​កូរ៉េ​កន្លង​មក​ ។

ពិព័រណ៍​លំនៅដ្ឋាន​ឆ្នាំ២០១៩ដែលមាន​រយៈពេល​ពីរ​ថ្ងៃ​ចាប់ពី​ថ្ងៃទី២៦ដល់​ថ្ងៃទី២៧ ខែមេសា បាន​បិទ​បញ្ចប់​ហើយ​នៅ​ល្ងាច​នេះ។ លោក​កាំ​ង នី​ន ប្រធាន​ផ្នែក​លក់​នៃ​ក្រុមហ៊ុន​Realestate (Realestate.com.kh) ដែលជា​ក្រុមហ៊ុន​រៀបចំ​ពិព័រណ៍​នេះ បាន​លើកឡើងថា នៅ​ឆ្នាំនេះ មាន​ប្រជាពលរដ្ឋ​កម្ពុជា​ជាច្រើន​បានមក​ចូលរួម​ទស្សនា បើ​ប្រៀបធៀប​នឹង​ឆ្នាំមុន។ បើតាម​លោក​កាំ​ង នី​ន នេះ​ឆ្លុះបញ្ចាំង​ឱ្យឃើញថា ប្រជាពលរដ្ឋ​កម្ពុជា​បច្ចុប្បន្ន​កំពុងមាន​ការចាប់អារម្មណ៍​ចង់​វិនិយោគ​ខ្លាំង​លើ​វិស័យ​អចលនទ្រព្យ។

ដោយ​កម្ពុជា​ទទួល​រង​នូវ​បាតុភូត El Nino ធ្វើ​ឲ្យ​អាកាស​ធាតុ​ក្តៅ​ខ្លាំង​ពិបាក​ទ្រាំ​។ អាកាស​ធាតុ​បែប​នេះ បង្ក​ជា​បាតុ​ភូត Sunder Storm រួម​មាន​ខ្យល់​កន្ត្រាក់ ភ្លៀង ផ្គរ និង​រន្ទះ ដែល​ធ្វើ​ឲ្យ​ប៉ះ​ពាល់​ដល់​ជីវិត​មនុស្ស សត្វ និង​បំផ្លាញ​ទ្រព្យ​សម្បត្តិ​របស់​ប្រជា​ពលរដ្ឋ​អស់​មួយ​ចំនួន​។ លោក ចាន់ យុត្ថា រដ្ឋ​លេខា​ធិការ និង​ជា​អ្នក​នាំ​ពាក្យ​ក្រសួង​ធន​ធាន​ទឹក ថ្លែង​ថា​ក្រសួង​ធនធាន​ទឹក នឹង​បន្ត​តាម​ដាន​បាតុភូត​ធម្មជាតិ​នា​នា ដែល​បាន​កើត​ឡើង​នៅ​ក្នុង​បរិយា​កាស ហើយ​ប្រមូល​ទិន្ន​ន័យ​មក​វិភាគ​ដើម្បី​ជូន​ដំណឹង​ឲ្យ​ទាន់​ពេល​វេលា និង​បន្ត​កសាង​ហេដ្ឋា​រចនា​សម្ព័ន្ធ​ធារា​សាស្ត្រ​ចាំបាច់​នៅ​ទូទាំង​ប្រទេស​។

វេទិកា​នៃ​គម្រោង «ផ្លូវ១​ខ្សែក្រវាត់​១» ត្រូវ​រៀប​ចំ​ធ្វើ​ឡើង​នៅ​ប្រទេស​ចិន​ជា​លើក​ទី២ ចាប់​ពី​ថ្ងៃទី២៥ ដល់​ថ្ងៃទី២៩​ខែ​មេសា​នេះ នៅ​ប្រទេស​ចិន ដោយ​មាន​ការ​ចូល​រួម​ពី​ថ្នាក់​ដឹក​នាំ​ប្រទេស​ជា​ច្រើន​មក​ពី​អាស៊ី អាហ្វ្រិក និង​អឺរ៉ុប​។ ដោយ​ឡែក​ប្រទេស​កម្ពុជា ក៏​បាន​ចាត់​ទុក​ការ​ចូល​រួម​ក្នុង​វេទិកា ផ្លូវ១​ខ្សែក្រវាត់​១​នេះ ជា​ការ​សំខាន់​ផង​ដែរ​។ លោក​បណ្ឌិត ឈាង វណ្ណារិទ្ធិ នាយក​វិទ្យា​ស្ថាន​ចក្ខុ​វិស័យ​អាស៊ី បាន​លើក​ឡើង​ថា វេទិកា​នេះ​ជា​ឱកាស​មួយ​ដ៏​មាន​សារៈ​សំខាន់​សម្រាប់​កម្ពុជា ក្នុង​ការ​ផ្សារ​ភ្ជាប់​ខ្លួន​កាន់​តែ​ខ្លាំង​ទៅ​ក្នុង​តំបន់ ជា​ពិសេស​វិស័យ នយោបាយ សេដ្ឋ​កិច្ច និង​ហេដ្ឋា​រចនា​សម្ព័ន្ធ​។

អ្នក​រាយការណ៍​ពិសេស​របស់​អង្គការ​សហ​ប្រជាជាតិ​ស្តីពី​ស្ថាន​ភាព​សិទិ្ធ មនុស្ស​ប្រចាំ​កម្ពុជា លោក​ស្រី រ៉ូណា ស្មីត (Rhona Smith) នឹង​ធ្វើ ទស្សន​កិច្ច​នៅ​កម្ពុជា ចាប់​ពី​ថ្ងៃទី ២៩ ខែមេសា ដល់ ថ្ងៃទី ០៩ ខែឧសភា ខាង​មុខ​។ លោក អំ សំអាត មន្រ្តី​ជាន់​ខ្ពស់​អង្គការ​លីកាដូ មាន​សុទិដ្ឋិ​និយម​ថា​ វត្តមាន​របស់​លោក​ស្រី រ៉ូណា ស្មីត នឹង​ធ្វើ​ឲ្យ​ប្រសើរ​ឡើង​ផ្នែក​សិទ្ធិ​មនុស្ស​នៅ​កម្ពុជា ខណៈ​ក្រុម​មន្រ្តី​សិទ្ធិ​មនុស្ស​បាន​ត្រៀម​ខ្លួន​រួច​ហើយ​ដើម្បី​ប្រាប់​លោក​ស្រី​ពី​ការ​វិវត្តន៍​ថ្មីៗ​នៃ​ស្ថាន​ភាព​មនុស្ស​នៅ​កម្ពុជា​។