ថ្ងៃ​ទី​២៣​ឧសភា​នេះ គឺ​ជា​ទិវា​អណ្ដើក​អន្ដរជាតិ​។ ដើម្បី​អបអរ​ទិវា​នេះ អង្គការ​សមាគម​អភិរក្ស​សត្វ​ព្រៃ WCS នឹង​ព្រលែង​កូន​​កន្ធាយ​ក្បាល​កង្កែប​ចំនួន២០០​ក្បាល​ឲ្យ​ទៅ​រស់​នៅ​ក្នុង​ទឹក​ទន្លេ​មេគង្គ។ សត្វ​កន្ធាយ​ក្បាល​កង្កែប ជា​ប្រភេទ​សត្វ​រង​គ្រោះជិត​ផុត​ពូជ​បំផុត​នៅ​លើ​សាកល​លោក ដែល​ស្ថិត​នៅ​ក្នុង​បញ្ជី​ក្រហម​របស់​អង្គការ IUCN​។ នៅ​កម្ពុជា សត្វ​កន្ធាយ​ក្បាល​កង្កែប​នេះ កំពុង​តែ​បន្ត​រង​គ្រោះ​ដោយ​សកម្មភាព​ផ្សេង​ៗ​របស់​មនុស្ស ទាំង​ការ​នេសាទ និង​ការ​បូម​ខ្សាច់​បំផ្លាញ​ទី​ពង​កូន​ជា​ដើម​។ នេះ​បើ​តាម​ការ​គូស​បញ្ជាក់​របស់​លោក សោម ស៊ីថា ទី​ប្រឹក្សា​បច្ចេកទេស​ទទួល​បន្ទុក​គម្រោង​អភិរក្ស​អណ្ដើក នៃ​អង្គការ WCS​។

មក​ទល់​ពេល​នេះ ស្ថានភាព​ខ្វះអគ្គិសនី​នៅ​កម្ពុជា ត្រូវ​បាន​ដោះ​ស្រាយ​ស្ទើរ​តែ​ទាំង​ស្រុង ខណៈ​រដូវ​ប្រាំង​កន្លង​ទៅ កម្ពុជា​បាន​ខ្វះ​ខាត​អគ្គិសនី​ប្រមាណ​៤០០​មេហ្គាវ៉ាត់​។ លោក វ៉ិចទ័រ ហ្សូនា អគ្គនាយក​ថាមពល​ និង​ជា​អ្នក​នាំ​ពាក្យ​នៃ​ក្រសួង​រ៉ែ​និង​ថាមពល ថ្លែង​ឲ្យ​ដឹង​ថា នៅ​រដូវ​ប្រាំង​ឆ្នាំ​២០២០ នឹង​ត្រូវ​ធ្វើ​យ៉ាង​ណា​កុំ​ឲ្យ​មាន​ស្ថានភាព​ខ្វះ​អគ្គិសនី​ដូ​ច​ជា​រដូវ​ប្រាំង​ឆ្នាំ​នេះ​។

ភ្ញៀវ​ប្រចាំ​ថ្ងៃ​របស់​យើង​នៅថ្ងៃ​នេះ គឺ លោក​ប៉ាន់ រិទ្ធី ដែល​កំពុង​ធ្វើជា​ប្រធាន​គណៈ​មេប្រយោគ រង្វាន់​កាម៉េរ៉ា មាស របស់​មហោស្រព​ភាពយន្តអន្តរជាតិកាន ដែល​នឹង​បិទ​បញ្ចប់ នៅថ្ងៃទី ២៥ឧសភាខាងមុខ។ នៅក្នុង​បទសម្ភាសន៍​ជាមួយឈាង បុប្ផា នៅ​ទីក្រុងកាន ប្រទេស​បារាំង លោកប៉ាន់ រិទ្ធី​បាន​សំដែង​ក្តីមោទនភាព​ដែល​លោក​បាន​ចូលរួម មាន​តំណែង​សំខាន់​មួយ នៅក្នុង​មហោស្រព។ ជាមួយគ្នានោះ លោកប៉ាន់ រិទ្ធី​បានអំពាវនាវ​ផងដែរ​ឲ្យ​រដ្ឋាភិបាល​ពិចារណា លើ​មធ្យោបាយ​ដែល​ជួយសម្រួល ទាក់ទាញ​​ក្រុម​អ្នកថតកុន​បរទេស​ឲ្យទៅ​ថត នៅ​ប្រទេស​កម្ពុជា។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​នៅរាត្រី​នេះ​គឺ​លោក ហង្ស ​វណ្ណៈ ប្រធាន​អង្គ​ភាព​គាំ​ពារ​ជន​រងគ្រោះ​នៃ​សា​លា​ក្តី​ខ្មែរ​ក្រហម​។​ ដោយ​សារ​តែ​ថ្ងៃ​នេះ​ជា​ថ្ងៃ​ទិ​វា​ជាតិ​នៃ​ការ​ចង​ចាំ​សម្រាប់​ការ​ចង​ចាំ​ដល់​ការ​ស្លាប់​របស់​ជន​រង​គ្រោះ​ក្នុង​របប​ខ្មែរ​ក្រហម​ លោក ហង្ស វណ្ណៈ ថ្លែង​ថា ​ទិវា​នេះ​ជា​ការ​សំដែង​សម្មាន​ចិត្ត​អាណិត​អាសូ ​គឺ​មិន​មែន​ជា​ទិវា​នៃ​ការ​សោក​សៅទេ​។ ​ប៉ុន្តែ​លោក​ចាត់​ទុក​ថា ការ​កំណត់​ថ្ងៃ​នេះ​ជា​ទិ​វា​ជាតិ​ នៃ​ការ​ចង​ចាំ​គឺ​ជា​ជោគ​ជ័យ​មួយ​នៃ​ការ​ទាម​ទារ​របស់​ជន​រង​គ្រោះ​សម័យ​ខ្មែរ​ក្រហម​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​RFI​នៅ​រាត្រី​នេះ គឺ​លោក គង់ មុនីកា ប្រធាន​គណ​បក្ស​ឆន្ទៈ​ខ្មែរ​។​គណ​បក្ស​ឆន្ទៈ​ខ្មែរ​ដែល​បាន​ធ្វើ​សមាជ​វិស​មញ្ញ​មួយ​នៅ​ព្រឹកមិញ​នេះ​ដោយ​ជ្រើស​រើស​លោក គង់​ គាំ​ ជា​ឪពុក​របស់ខ្លួន ឲ្យ​ធ្វើជា​ប្រធាន​កិត្តិយស​គណ​បក្ស​ដែល​ទើប​បង្កើត​ឡើង​បាន​អាយុ​មួយ​ខួប​នេះ​។​ ហេតុអ្វី​ជ្រើស​រើស លោក គង់ គាំ ជា​អតីត​ទីប្រឹក្សា​គណ​បក្ស​សង្គ្រោះ​ជាតិ​ ​មក​ធ្វើ​ជា​ប្រធាន​កិត្តិយស​គណបក្ស​ថ្មី​នេះ​ ?

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​រាត្រី​នេះ គឺ​លោក​បណ្ឌិត​ ធុយ ចាន់ធួន អនុប្រធាន​វិទ្យាស្ថាន​វប្បធម៌​និង​វិចិត្រ​សិល្បៈ​នៃ​រាជបណ្ឌិត្យ​សភា​កម្ពុជា និង​ជា​អនុ​ប្រធាន​សមាគម​អ្នក​ប្រវត្តិសាស្ត្រ​កម្ពុជា​។ កាល​ពី​ពេល​ថ្មី​ៗ​នេះ ក្រុម​អ្នក​ស្រាវ​ជ្រាវ​ដឹក​នាំ​ដោយ​លោក​បណ្ឌិត ធុយ ចាន់ធួន ទើប​តែ​បានប្រកាស​ពី​ការ​រក​ឃើញ​ប្រាសាទ​ថ្មី​ៗ​មិន​ទាន់​ចុះ​បញ្ជី​ចំនួន​ជិត​១០០​ប្រាសាទ​​ នៅ​ទីក្រុង​សម្ភុបុរៈ​។ សម្ភុបុរៈ ជា​ទីក្រុង​នៃ​អាណាចក្រ​ចេនឡា​បុរាណ សព្វ​ថ្ងៃ​ស្ថិត​នៅ​ស្រុក​ចិត្រ​បុរី និង​ស្រុក​សំបូរ​ខេត្ត​ក្រចេះ​។ សម្រាប់​លោក​បណ្ឌិត ធុយ ចាន់ធួន ការ​រក​ឃើញ​ថ្មី​នេះ មាន​សារប្រយោជន៍​ណាស់​ក្នុង​ការ​ស្វែង​យល់​ឲ្យ​កាន់​តែ​ស៊ី​ជម្រៅ​អំពី​សម័យ​ចេនឡា។ ជា​សម័យ​កាល​មួយ​នៅ​ក្នុង​ប្រវត្តិសាស្ត្រ​កម្ពុជា ដែល​លោក​បណ្ឌិត​អះអាង​ថា មិន​ទាន់​មាន​ការ​ស្រាវ​ជ្រាវ​ឲ្យ​បាន​ទូលំទូលាយ​នៅ​ឡើយ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​នៅរាត្រី​នេះ ​គឺ​លោក​ សេង សុមុនី ​អ្នក​នាំ​ពាក្យ​ក្រសួង​ធម្មការ​​និង​សាសនា​។​ ក្រសួង​ធម្មការ​និង​សាសនា​តាម​រយៈ​គណៈកម្មាធិការ​រៀប​ចំ​បុណ្យ​ជាតិ​និង​អន្តរជាតិ​នឹង​រៀប​ចំ​បុណ្យ​វិសាខ​បូជា​នៅថ្ងៃស្អែក​នេះ​ នៅ​ភ្នំ​ព្រះរាជ​ទ្រព្យ​ឬ​ភ្នំឧត្តុង។​ នៅ​ក្នុង​ថ្ងៃ​បុណ្យ​វិសាខ​បូជា​នោះក៏មាន​ដែរ ​ការ​បំបួស​នាគ​និង​បំបួស​ដូន​ជី​រាប់​រយ​ពាន់​នាក់​នៅតាម​ខេត្តមួយ​ចំនួន​។​ លោក​ សេង ​សុមុនី ​ថ្លែងថា ​ការ​បួស​ក្នុង​ថ្ងៃ​វិសាខ​បូជា​គឺ​ជាការ​អប់រំ​ផ្លូវ​ចិត្ត ​និង​ស្វែង​យល់​​ពី​ព្រះ​ពុទ្ធ​សាសនា​។

ថ្ងៃ​ទី១៧​ឧសភា​ស្អែក​នេះ គឺ​ជា​ថ្ងៃ​ដំបូង ដែល​គណបក្ស​នយោបាយ​ចំនួន​៧ នឹង​បើក​ធ្វើ​យុទ្ធនាការ​ស្វែង​រក​សម្លេង​គាំទ្រ នៅ​ក្នុង​ការ​បោះឆ្នោត​ជ្រើស​រើស​ក្រុម​ប្រឹក្សា​រាជ​ធានី ខេត្ត ក្រុង ស្រុក ខណ្ឌ អាណត្តិ​ទី៣​នៅ​ទូទាំង​ប្រទេស​។ លោក ឌឹម សុវណ្ណារុំ សមាជិក​និង​ជា​អ្នក​នាំ​ពាក្យ​គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត​(គ.ជ.ប) បាន​លើក​ឡើង​ថា នីតិ​វិធី​នៃ​ការ​ធ្វើ​យុទ្ធនាកការ​រក​សម្លេង​ឆ្នោត គ.ជ.ប បាន​ធ្វើ​ការ​ណែ​នាំ​រួច​រាល់​អស់​ហើយ​ដល់​គណបក្ស​នយោបាយ ដែល​ចូល​រួម​ប្រកួត​ប្រជែង នៅ​ក្នុង​ការ​បោះ​ឆ្នោត​អសកល​នៅ​ថ្ងៃទី២៦​ខែ​ឧសភា​ខាង​មុខ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ RFI នា​រាត្រី​នេះ គឺ​ផលិតករ​ភាពយន្ត លោក អ៊ូច មករា។ នៅ​ថ្ងៃ​ទី​២០​ឧសភា​ខាង​មុខ​នេះ ខ្សែ​ភាពយន្ត​ឯកសារ​រឿង ឆ្មាំព្រៃ ដែល​មាន​លោក​អ៊ូច មករា ជា​អ្នក​ដឹក​នាំផលិត នឹង​ត្រូវ​ចាក់​បញ្ចាំង​ជា​ផ្លូវ​ការនៅ​ឯ​វិទ្យាស្ថាន​ជាតិ​អប់រំ​។ សម្រាប់​លោក អ៊ូច មករា ខ្សែ​ភាពយន្ត​រឿង​ឆ្មាំ​ព្រៃ មិន​ត្រឹម​តែ​ឆ្លុះ​បញ្ចាំង​អំពី​ការ​ការពារ​ធនធាន​ធម្មជាតិ​ប៉ុណ្ណោះ​ទេ ប៉ុន្តែ​ខ្សែ​ភាពយន្ត​នេះ ក៏​មាន​បង្កប់​នូវ​ខ្លឹមសារ​ប្រវត្តិសាស្ត្រ​ផង​ដែរ ពិសេស​ទាក់ទង​នឹងតំបន់​អន្លង់វែង ដែល​គេ​ស្គាល់​ថា​ជាទីតាំង​កាន់​កាប់​ចុង​ក្រោយ​បំផុត​នៃ​ចលនា​តស៊ូ​របស់​កង​ទ័ព​ខ្មែរ​ក្រហម​។

នាយក​រដ្ឋមន្ត្រី​នេប៉ាល់ ​លោក ​ខេ ​ភី ​សា​ម៉ា ​អូ​លី ​(The Rt. ​Hon’ble K. P.​ Sharma​ Oli​)​កំពុង​ធ្វើ​ទស្សនកិច្ច​នៅក្នុង​ប្រទេស​កម្ពុជា​រយៈពេល​៣​ថ្ងៃ ​(​ចាប់ពី​ថ្ងៃ​ទី​១៣​ដល់​ថ្ងៃ​ទី​១៥​ខែ​ឧសភា​)​។​ ជុំវិញ​ទស្សនកិច្ច​របស់​នាយក​រដ្ឋមន្ត្រី​នេប៉ាល់​នៅ​កម្ពុជា​នាពេល​នេះ ​លោក​បណ្ឌិត ​ឈាង វណ្ណារិទ្ធ​ នាយក​វិទ្យាស្ថាន​ចក្ខុ​វិស័យ​អាស៊ី ​បាន​កត់​សម្គាល់​ក្នុង​ន័យ​នយោបាយ ​និង​យុទ្ធសាស្ត្រ​ថា ​បណ្តា​ប្រទេស​ទន់ខ្សោយ​នៅ​ក្នុង​តំបន់ ​ដូចជា​កម្ពុជា ​នេប៉ាល់ ​ឬ​ក៏​ភូមា​ជាដើម ​កំពុង​តែ​ខំ​ប្រឹង​រួបរួម​គ្នា ​ដើម្បី​ទប់ទល់​នឹង​ឥទ្ធិពល​ពី​ខាងក្រៅ ​ខណៈ​ប្រទេស​ទាំងនេះ ​មាន​ស្ថានភាព​ប្រហាក់ប្រហែល​គ្នា ​ហើយ​​​រង​សម្ពាធ​ពី​ខាង​ក្រៅ​ដូចគ្នា​។