ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នារាត្រី​នេះ គឺ​លោក ហង់ ជួន ណារ៉ុន រដ្ឋមន្រ្តី​ក្រសួង​អប់រំ យុវជន និង​កីឡា។ ក្នុង​ឱកាស​ទិវា​ជាតិ​អំណាន​លើក​ទី៤ ...

មហោស្រព​ភាព​យន្ត​អន្តរជាតិ​កម្ពុជា​លើក​ទី​០៩ ​(​Cambodia​ International​ Film​ Festival​)​​ បានបើក​សម្ពោធ​ជា​ផ្លូវ​ការ​ហើយ ​នៅ​ថ្ងៃទី ​០៩ ​មីនា​នេះ ​នៅ​​ឯ​សាល​​សន្និសីទ​​ចតុមុខ ​​ដោយ​លោក​ស្រី ​ភឿង​ សកុណា ​រដ្ឋ​មន្ត្រី​ក្រសួង​វប្បធម៌ ​និង​ វិចិត្រ​សិល្បៈ​។ ​មហោស្រព​ភាព​យន្ត​អន្តរជាតិ​កម្ពុជា​លើក​ទី​០៩​នេះ ​នឹង​​ប្រមូល​​ផ្តុំ​​ដោយ​​ខ្សែ​ភាព​​យន្ត​ជាតិ​​និង​​អន្តរជាតិ​​ប្រមាណ​ជា​១៣០​រឿង ​មក​​ពី​ប្រទេស​​ចំនួន​​ជាង​​៣០ ​ចាក់​បញ្ចាំង​ដោយ​ឥតគិត​ថ្លៃ​នៅ​តាម​រោងកុន​នានា​នៅ​ក្នុង​ទីក្រុង​ភ្នំពេញ ​ចាប់​​ពី​​ថ្ងៃ​ទី​ ០៩​ ដល់​ថ្ងៃទី ​១៤ ​មីនា​។ ​លោក​ ជា ​សុភាព ​នាយក​ប្រតិបត្តិ​មជ្ឈ​មណ្ឌល​​ធនធាន​​សោត​ទស្សន៍​បុប្ឆាណា ​ដែល​ជា​ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ ​RFI ​នៅ​​រាត្រី​នេះ ​បាន​លើក​ឡើង​ថា ​អ្វី​ដែល​ពិសេស​​នៅ​ក្នុង​​មហោស្រព​​ភាព​យន្ត​​អន្តរជាតិ​​កម្ពុជា​​លើក​ទី​​០៩​​នេះ ​​នឹ​ង​​មាន​​ការ​​ចាក់​​បញ្ចាំង​​ខ្សែ​ភាព​យន្ត​​ដែល​​ទាក់ទង​​នឹង​​របប​​ខ្មែរ​​ក្រហម​​ ដើម្បី​រំលឹក​ខួប​៤០​ឆ្នាំ​នៃ​ការ​ដួល​រលំ​ទៅ​នៃ​របប​ឃោ​ឃៅ​មួយ​នេះ​។

ស្ថានភាព​ការងារ​កម្មការិនី​នៅ​ក្នុង​វិស័យ​វាយនភ័ណ្ឌ​កាត់ដេរ ​និង​ដេរ​ស្បែកជើង ​ត្រូវ​បាន​មើលឃើញ​ថា ​មាន​ការ​ប្រឈម ​ដោយសារ​តែ​មាន​ការ​តម្រូវ​ឲ្យ​ធ្វើការងារ​ទៅតាម​ការ​កំណត់​របស់​ក្រុមហ៊ុន​។ ​កិច្ច​សន្យា​ការងារ​ខ្លី ​និង​មន្ត្រី​ឈរ​នៅ​ពី​ក្រោយ​ខ្នង​ក្រុមហ៊ុន ​ក៏ជា​ឧបសគ្គ​នៃ​ជម្លោះ ​ដែល​ពិបាក​ដោះស្រាយ​។ ​អ្នកស្រី ​យ៉ាង សោភ័ណ្ឌ ​ប្រធាន​សម្ព័ន្ធ​សហជីព​កម្ពុជា ​លើក​ឡើង​ថា ​កម្មការិនី​ រងនូវ​ការ​ស្តី​បន្ទោស ​ការ​ប្រមាថ​មើលងាយ ​និង​ការ​បណ្តេញ​ចេញ ​ប្រសិនបើ​ធ្វើការ​មិន​គ្រប់​តាម​ចំនួន ​ដែល​កំណត់​ដោយ​ក្រុមហ៊ុន​។

នៅ​ក្នុង​ឱកាស​នៃ​ទិវា​នារី​អន្តរជាតិ ​៨​មីនា ​ឆ្នាំ​២០១៩​នេះ ​ស្ត្រី​ដែល​បំរើ​ការងារ​នៅ​ផ្នែក​សេវាកម្ម​ ត្រូវបាន​អង្គការ​សង្គម​ស៊ីវិល​មើលឃើញ​ថា​ មិន​មាន​ស្ថានភាព​ប្រសើរ​ឡើង​អ្វី​ទេ ​ទាក់ទង​ទៅនឹង​ភាព​ថ្លៃថ្នូរ​ និង​ការ​ទទួល​បាន​នូវ​សិទ្ធិ​គាំពារ​ផ្នែក​ផ្លូវ​ច្បាប់​។​ តាមរយៈ​ខ្សែរ​ទូរស័ព្ទ​ លោកស្រី​ អ៊ូ ទេពផល្លីន ​ប្រធាន​សហព័ន្ធ​សហជីព​កម្មករ​ចំណី​អាហារ​និង​សេវាកម្ម​កម្ពុជា ​ប្រាប់​វិទ្យុ​បារាំង ​RFI​ ថា​ក្រុម​ស្ត្រី​ជាពិសេស ​អ្នក​ដែល​បំរើ​ការងារ​នៅ​តាម​សេវាកម្ម​កំសាន្ត ​តែង​រង​នូវ​ការ​កេង​ប្រវ័ញ្ជ ​និង​រង​នូវ​ការ​ប្រព្រឹត្ត​អំពើ​ហឹង្សារ​ផ្សេង​ៗ​។

ក្រុម​មេធាវី​ស្ម័គ្រ​ចិត្ត​របស់​ប្រមុខ​រដ្ឋា​ភិបាល បាន​បើក​កិច្ច​ប្រជុំ​លើក​ដំបូង​របស់​ខ្លួន​នៅ​ថ្ងៃ​ពុធ​នេះ ដឹក​នាំ​ដោយ​លោក​មេធាវី គី តិច​។ លោក គី តិច​ ជាភ្ញៀវប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​ នៅ​រាត្រី​នេះ បាន​បញ្ជាក់​ថា ក្រុម​មេធាវី​នេះ គឺ​មិន​ចំណាយ​ថវិកា​ជាតិ​នោះ​ទេ ពោល​ជា​លុយ​ផ្ទាល់​ខ្លួន​របស់​លោក​នាយក​រដ្ឋមន្រ្តី ហ៊ុន សែន។ ឆ្លើយ​តប​នឹង​ក្តី​បារម្ភថា ក្រុម​មេធាវីទាំងនេះ អាចដាក់​សម្ពាធ​ដល់​ការ​កាត់​​ក្តី​របស់​តុលាការ លោក គី តិច អះអាងថា គ្មានឥទ្ធិពលអ្វីទៅលើ​ការ​សម្រេច​ចិត្ត​របស់​មន្រ្តី​តុលាការ​ឡើយ។

ក្រសួង​កិច្ចការ​នារី​នៅ​ថ្ងៃ​អង្គារ​នេះ បាន​រៀប​ចំ​ពិធី​អប​អរ​សាទរ​ទិវា​នារី​អន្តរជាតិ​៨មីនា ខួប​លើក​ទី​១០៨ ឆ្នាំ​២០១៩​នេះ នៅ​ឯ​មជ្ឈ​មណ្ឌល​កំសាន្ត​កោះ​ពេជ្រ​។ លោក​ស្រី ហ៊ូ និរមិតា្ត អនុ​រដ្ឋ​លេខា​ធិការ និង​ជា​អ្នក​នាំ​ពាក្យ​ក្រសួង​កិច្ចការ​នារី បាន​ថ្លែង​ថា ការ​គិត​គូរ​ពី​ការ​អភិវឌ្ឍ​ធន​ធាន​មនុស្ស​គឺ ជា​រឿង​អត្ថិភាព ក្នុង​ការ​រួម​ចំណែក​ពង្រឹង​សមភាព​យ៉ែន​ឌ័រ និង​ការ​ពង្រឹង​ភាព​អង់​អាច​របស់​ស្ត្រី​ក្នុង​កិច្ច​គាំ​ពារ​សង្គម ស្រប​តាម​យុទ្ធ​សាស្ត្រ​ចតុកោណ​របស់​រដ្ឋា​ភិបាល​កម្ពុជា​។

នៅថ្ងៃ​នេះគឺ​ជាទិ​វា​នយោបាយ​ទឹក​របស់​រដ្ឋាភិបាល​កម្ពុជា​។​ ឆ្លើយ​តប​នឹង​បញ្ហា​កង្វះ​ទឹក​​ប្រើ​​ប្រាស់​​សព្វ​ថ្ងៃ​នេះ ​លោក​ ចាន់ ​យុត្ថា​ អ្នក​នាំពាក្យ​​ក្រសួង​​ធន​ធាន​ទឹក​ បាន​បញ្ជាក់​ថា ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នារា​ត្រី​នេះ គឺ​លោក វន់ ពៅ ប្រធាន​សមាគម​ប្រជាធិប​តេយ្យ​ឯករាជ្យ​នៃ​សេដ្ឋកិច្ច​ក្រៅ​ប្រព័ន្ធ​។ លោក វន់ ពៅ ...

ភ្ញៀវ​ប្រចាំ​ថ្ងៃ​​របស់​​វិទ្យុ​​បារាំង​​អន្តរ​ជាតិ​​RFI​នៅរាត្រី​នេះ ​គឺលោក ​ហាប់ ​ទូច ​អគ្គនាយក​​នៃ​​អគ្គ​នាយក​ដ្ឋាន​​បច្ចេក​ទេស​​វប្បធម៌​នៃ​ក្រសួង​វប្បធម៌​ និង​​វិចិត្រ​សិល្បៈ​។ ​ក្រសួង​វប្បធម៌​​នឹង​​ប្រារព្ធ​​ទិវា​វប្បធម៌​ជាតិ​​៣​មីនា​​ខួប​លើកទី​២១​ឆ្នាំ​នៅថ្ងៃ​ទី​៦ខែ​មីនា​ខាងមុខ​។​ បើតាម​ លោក​ ហាប់​ ទូច​ ទិវា​វប្បធម៌​ជាតិ​នេះគឺ​ភ្ជាប់​​នឹង​​មហោស្រព​​សិល្បៈ​យុវជន​ ទូ​ទាំងប្រ​ទេស​ ដែល​​បាន​ចាប់​​ផ្តើម​​សំដែង​តាំងពី​ខែកុម្ភៈ​មក​ម៉្លេះ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​នៅរាត្រី​នេះ​ គឺ​លោកស្រី ​ហង់ ​លីណា ​ប្រតិភូ​រដ្ឋាភិបាល​កម្ពុជាទទួល​បន្ទុក​អគ្គនាយក​វិទ្យាស្ថាន​ជាតិ​ស្ថិតិ​។​ វិទ្យា​ស្ថាន​ជាតិ​ស្ថិតិ​នឹង​ចាប់​ផ្តើម​ធ្វើ​ជំរឿន​ប្រជាជន​លើក​ទី​៣ ដោយ​ចាប់​ផ្តើម​ជា​ផ្លូវ​ការ​នៅ​ថ្ងៃ​ទី​៣​មីនា​ ពោល​នៅ​ថ្ងៃ​អាទិត្យ​ខាងមុខនេះ​ ដែល​មាន​រយៈ​ពេល​១០​ថ្ងៃ។ បើ​តាម​ លោកស្រី ហង់ លីណា តាម​ការ​ប៉ាន់​ស្មានមុន​ធ្វើ​ជំរឿន​ ប្រជាជន​ខ្មែរ​មាន​ជាង​១៦​លាន​នាក់​ហើយ​។