ប្រមុខ​រដ្ឋាភិបាល​កម្ពុជា បាន​បង្កើន​ការ​ចុះ​ជួប​កម្មករ​កាន់​តែ​ច្រើន​ឡើង ខណៈ​ការ​បោះ​ឆ្នោត​នៅ​សល់​ពេល​តែ​ជិត​១​ខែ​ទៀត​ប៉ុណ្ណោះ។ ជាមួយ​គ្នា​នោះ ក្រសួង​ការងារ​ក៏​បាន​អនុញ្ញាត​ឲ្យ​កម្មករ​ឈប់​សម្រាក​៣​ថ្ងៃ​ដើម្បី​ទៅ​បោះ​ឆ្នោត​ដែរ។ ប៉ុន្តែ​លោក អាត់ ធន់ ជា​ប្រធាន​សហភាព​ការងារ​កម្ពុជា កត់​សំគាល់​ថា ចំនួន​កម្មករ​ដែល​នឹង​ចេញ​ទៅ​បោះ​ឆ្នោត​មិន​សូវ​ប្រែ​ប្រួល​ជាង​ការ​បោះ​ឆ្នោត​ឃុំ​-សង្កាត់​ឆ្នាំ​មុន​ប៉ុន្មាន​ទេ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​រាត្រី​នេះ គឺ​លោក សាន វឌ្ឍនា ស្ថាបនិក​ចលនា GoGoCambodia។ ។ GoGoCambodia គឺ​ជា​ចលនា​សង្គម ដែល​មាន​បេសកកម្ម​លើក​តម្កើង​មោទនភាព​ជាតិ​ខ្មែរ​នៅ​លើ​ឆាក​អន្ដរជាតិ​។ នៅ​ថ្ងៃ​ទី​០១កក្កដា​ស្អែក​​នេះ GoGoCambodia នឹង​​រៀបចំ​លាត​និង​វាស់​វែង​​ក្រមាដែល​ត្បាញ​ដោយ​ដៃ​ប្រវែងជាង​​១​ពាន់​ម៉ែត្រ ដើម្បី​បំបែក​ឯតទគ្គកម្ម​ពិភពលោក។ បើ​តាម​លោក សាន វឌ្ឍនា ក្រមា​ដែល​មាន​ប្រវែង​ជាង​១០០០​ម៉ែត្រ​នេះ ឆ្លុះ​បញ្ចាំង​អំពី​សាមគ្គីភាព​ក្នុង​ចំណោម​ចង្កោម​គ្រួសារ​ខ្មែរ ជា​ពិសេស​វា​គឺ​ជា​សក្ខីភាព​ដែល​បង្ហាញ​យ៉ាង​ច្បាស់​ថា ខ្មែរ​ធ្វើ​បាន​។

ក្រសួង​សាធារណៈការ និង អគ្គស្នងការ​នគរបាល​ជាតិ បាន​បើក​វគ្គ​ផ្សព្វ​ផ្សាយ ស្តី​ពី​ការ​ត្រួត​ពិនិត្យ​លើ​បណ្ណ​បើក​បរ អន្តរជាតិ នៅ​ថ្ងៃ​សុក្រ​នេះ។ ការ​បើក​វគ្គ​នេះ ដោយ​សារ​តែ​សមត្ថកិច្ច​រក​ឃើញ​ថា ជន​បរទេស​ដែល​បើក​បរ​នៅ​កម្ពុជា​កំពុង​ក្លាយ​ជា​បញ្ហា​ចោទ​នៃ​គ្រោះ​ថ្នាក់​ចរាចរណ៍​ផង​ដែរ។ លោក សូ ពិសី អគ្គនាយក​រង នៃ​អគ្គនាយកដ្ឋាន​ដឹក​ជញ្ជូន​ផ្លូវ​គោក ដែល​ជា​ភ្ញៀវ​ប្រចាំ​ថ្ងៃ​របស់​វិទ្យុ​យើង​រាត្រី​នេះ បាន​បញ្ជាក់​ថា ជន​បរទេស​ដែល​មាន​សិទ្ធិ​បញ្ជា​យាន​យន្ត​ នៅ​កម្ពុជា លុះ​ត្រា​តែ មាន​បណ្ណ​បើក​បរ​អន្តរជាតិ​ បើ​ពុំ​ដូច​នោះ​ទេ​នឹង​ចាប់​ផាក​ពិន័យ​អន្តរកាល ឬ​ឈាន​ទៅ​ជាប់​ពន្ធនាគារ​ទៀត​ផង។

សមាគម​អ្នក​វាយ​តម្លៃ ​និង​ភ្នាក់ងារ​អចលនវត្ថុ​កម្ពុជា ​នៅ​ថ្ងៃ​ព្រហស្បតិ៍​នេះ ​បាន​សហការ​គ្នាជាមួយ​សកល​វិទ្យាល័យ​សេដ្ឋកិច្ច ​និង​ហិរញ្ញវត្ថុ ​ដោយ​មាន​ការ​គាំទ្រ​ពី​ក្រសួង​ហិរញ្ញវត្ថុ​ផង​នោះ ​បាន​ប្រកាស​បើក​សាលា​បង្រៀន​លើ​វិស័យ​ដីធ្លី​ជា​លើក​ដំបូង​នៅ​កម្ពុជា​។ ​ លោក​បណ្ឌិត គីម ហ៊ាង​ ប្រធាន​សមាគម​អ្នក​វាយ​តម្លៃ​និង​ភ្នាក់ងារ​អចលន​វត្ថុ​កម្ពុជា​ ថ្លែង​ថា​ ការ​បង្កើត​ជា​សាលា​ដីធ្លី​នេះ​ឡើង ​មាន​អត្ថប្រយោជន៍​ច្រើន​​​សម្រាប់​កម្ពុជា ​ពោល​គឺ​ជួយ​ឲ្យ​ធនធាន​មនុស្ស​​ខ្មែរ ​មាន​សមត្ថភាព​ខ្ពស់​នៅ​ក្នុង​ការ​វាយ​តម្លៃ​គម្រោង​វិនិយោគ​ដី​ធ្លី​ធំ​ៗ ​ដែល​បច្ចុប្បន្ន ​ទីផ្សារ​នេះ​ ​ភាគ​ច្រើន​បរទេស​​ជា​​អ្នក​​គ្រប់គ្រង​​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​ RFI នា​រាត្រី​នេះ​គឺ​លោក ច្រឹក សុខនីម អគ្គនាយក​ក្រុមហ៊ុន ​Century 21 Mekong​។ Century 21 Mekong គឺ​​ជា​ក្រុមហ៊ុន​​​ដែល​មាន​ជំនាញ​ខាង​អចលនទ្រព្យ​នៅ​កម្ពុជា។ ក្នុង​បទ​សម្ភាស​ជាមួយ​វិទ្យុ​បារាំង​អន្ដរជាតិ RFI លោក ច្រឹក សុខនីម លើក​ឡើង​ថា ការ​បោះ​ឆ្នោត​ជាតិ​នា​ខែ​កក្កដា​ខាង​មុខ មិន​មាន​ផល​ប៉ះពាល់​ដល់​វិស័យ​អចលនទ្រព្យ​នៅ​កម្ពុជា ដែល​កំពុង​តែ​រឹង​មាំ​និង​រីក​ចម្រើន​ទេ​។

នៅ​ក្នុង​ឱកាស​នៃ​ទិវា​អន្តរជាតិ​នៃ​ការ​ប្រយុទ្ធ​ប្រឆាំង​គ្រឿងញៀន ​នៅ​ថ្ងៃ​ទី​២៦​ខែ​មិថុនា​នេះ ​ប្រទេស​កម្ពុជា​បាន ​ធ្វើ​ពិធី​ដុត​បំផ្លាញ​គ្រឿងញៀន​ជាង​៦០​គីឡូក្រាម​។ ​តាម​រយៈ​យុទ្ធនាការ​បង្ក្រាប​គ្រឿងញៀន ​ដែល​ដាក់​ចេញ​ដោយ​រដ្ឋាភិបាល​កម្ពុជា​រ​យៈ​ពេល​៣​លើក​កន្លង​ទៅ​នេះ ​ស្ថានភាព​ប្រើប្រាស់​និង​ចែក​ចាយ​គ្រឿងញៀន​មាន​ការ​ថយ​ចុះ​។ ​លោក​ មាស វី​រិ​ទ្ធ ​អគ្គលេខាធិការ​អាជ្ញាធ​រ​ជាតិ​ប្រយុទ្ធ​ប្រឆាំង​គ្រឿងញៀន ​បាន​ថ្លែង​ថា ​ប្រទេស​កម្ពុជា​បាន​ប្រឹងប្រែង​ទប់​ស្កាត់​និង​បង្ក្រាប​គ្រឿងញៀន​ក្នុង​ប្រទេស​ប្រកប​ដោយ​ឆន្ទៈ​ខ្ពស់ ​ខណៈ​កម្ពុជា​ ត្រូវ​បាន​ឧក្រិដ្ឋជន​ចាត់ទុក​ថា​ជា​ចំណុច​ឆ្លង​កាត់​និង​ចរាចរ​គ្រឿងញៀន​។

ពលរដ្ឋ​មក​ពីខេត្ត​ចំនួន​៤នៅ​ថ្ងៃ​នេះ ​បាន​ឡើង​មក​តវ៉ា​ដល់​រាជ​ធានី​ភ្នំពេញ​ ជំរុញ​ឲ្យ​ក្រសួង​​រៀប​​ចំ​ដែន​​ដី​ពន្លឿន​​ដំណោះ​ស្រាយ ​ខណៈ​ជា​រដូវ​ដាំ​ដុះ​។ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នារាត្រី​នេះ គឺ(លោក)គុយ ធីតា ជា​សមាជិក​ក្រុម “ក្តី​ស្រឡាញ់​ចម្រុះ” ឬ “Love is Diversity” ដែល​ជា​ទំព័រ​បណ្តេញ​សង្គម​បង្កើត​ឡើង ...

សភា​ពាណិជ្ជកម្ម​អឺរ៉ុប ​នៅ​កម្ពុជា ​នឹង​ធ្វើ​ពិធី​តាំង​ពិព័រណ៍​ផលិតផល​អឺរ៉ុប​ជា​លើក​ដំបូង​នៅ​មជ្ឈមណ្ឌល​ពិព័រណ៍​កោះ​ពេជ្រ​ រយៈពេល​៣​ថ្ងៃ ​គឺ​ចាប់​ពី​ថ្ងៃ​ទី​២៩​ខែ​មិថុនា ​ដល់​ថ្ងៃ​ទី​១​ខែ​កក្កដា​ឆ្នាំ​២០១៨​នេះ​។ ​ក្រុមហ៊ុន​អឺរ៉ុប​ចំនួន​៤០ ​នឹង​ចូលរួម​នៅ​ក្នុង​ព្រឹត្តិការណ៍​នេះ​។ ​លោកស្រី ​ឈុំ សុ​ភ័​ណ្ឌ ​មន្ត្រី​ផ្នែក​ទំនាក់ទំនង​ជា​មួយ​សមា​ជិ​ក​សភា​ពាណិជ្ជកម្ម​នៃ​បណ្តា​ប្រទេស​អឺរ៉ុប ​ដើម​កំណើត​ខ្មែរ ​ថ្លែង​ថា ​ប្រជាជន​ខ្មែរ​នឹង ​ធ្វើការ​គាំទ្រ​ដល់​ផលិតផល​អឺរ៉ុប ​ត្បិត​វា​មាន​តម្លៃ​ថ្លែ ប៉ុន្តែ​ប្រកប​ដោយ​គុណភាព ​ខណៈ​កំរិត​ជីវភាព​ពលរដ្ឋ​ខ្មែរ​មួយ​ចំនួន​មាន​លក្ខណៈ​ប្រសើរ​។

នៅ​ថ្ងៃទី ២១ មិថុនា នេះ អង្គការ​សង្គម​ស៊ីវិល និង​ក្រសួងមហាផ្ទៃ បាន​បើក​វេទិការ​ពិភាក្សា ជា​លើក​ទី១ ស្តីពី «ភាពជា​ដៃគូ​រវាង​រាជរដ្ឋាភិបាល និង​អង្គការ​សង្គម​ស៊ីវិល»។ នៅក្នុង​ឱកាស​នោះ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួងមហាផ្ទៃ បាន​អំពាវនាវ​ឲ្យ​អាជ្ញាធរ និង​សង្គម​ស៊ីវិល​សហការគ្នា​ឡើងវិញ ដើម្បី​ជំរុញ​ការអភិវឌ្ឍ​ប្រជាធិបតេយ្យ​នៅ​កម្ពុជា។ ក្នុងនាម​ជា​ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ លោក សឿង សារឿន នាយក​ប្រតិបត្តិ​អង្គការ​គណៈកម្មាធិការ​សហប្រតិ​បត្តិការ​​ដើម្បី​​កម្ពុជា (CCC) បាន​ចាត់ទុកថា ការអំពាវនាវ​របស់​លោក ស ខេង គឺជា​សញ្ញា​​វិជ្ជមាន​ថ្មី​មួយ។ សូមបញ្ជាក់ថា គិត​ត្រឹម​ឆ្នាំ២០១២មក មាន​អង្គការ​សង្គម​ស៊ីវិល​ជិត​២​ពាន់​បាន​បំពេញ​សកម្មភាព​នៅក្នុង​ប្រទេស​កម្ពុជា ដោយ​ពួកគេ​បាន​ចំណាយ​ប្រាក់​សរុប​ជាង ៦០០ ទៅ ៧០០ លាន​ដុល្លារ​ក្នុងមួយឆ្នាំៗ ដើម្បី​ចូលរួម​កសាង​សង្គម​កម្ពុជា ប៉ុន្តែ​រយៈពេល១ឆ្នាំ​កន្លងទៅ សកម្មភាព​ការងារ​របស់​ពួកគេ​ត្រូវបាន​កាត់បន្ថយ ដោយ​សារ​តែ​​សម្ពាធ​នយោបាយ៕