គណបក្ស ធម្មា​ធិបតេយ្យ​ដែល​មាន​លេខ​រៀង​ទី​១៦ ក្នុង​សន្លឹក​ឆ្នោត​នៅ​អាណត្តិ​នេះ គឺ​ជា​គណបក្ស​មួយ​ដែល​ខក​ខាន​ចូល​រួម​បោះ​ឆ្នោត​ចំនួន​២០​ឆ្នាំ​មក​ហើយ បន្ទាប់​ពី​បាន​ចូល​រួម​បោះ​ឆ្នោត​ម្តង​កាល​ពី​ឆ្នាំ​១៩៩៨ តែ​មិន​បាន​សន្លឹក​ឆ្នោត​សូម្បី​តែ​មួយ​សន្លឹក​នៅ​ការិយាល័យ​ដែល​លោក​ស្រី ពោធិតី សាវត្ថី ទៅ​បោះ​ឆ្នោត​នោះ។ ប៉ុន្តែ​ប្រធាន​គណបក្ស​ដែល​ដាក់​បេក្ខភាព​ស្រ្តី​ភាគ​ច្រើន​ក្នុង​ការ​បោះ​ឆ្នោត​អាណត្តិ​នេះ បាន​អះអាង​ថា បើ​គណបក្ស ធម្មាធិបតេយ្យ​ឈ្នះ នឹង​មាន​ប្រាក់​ឧបត្ថម្ភ​ដល់​អ្នក​អត់​ការងារ​ធ្វើ​នៅ​កម្ពុជា។

នៅ​ក្នុង​អំឡុង​ពេល​នៃ​យុទ្ធនាការ​ឃោសនា​បោះ​ឆ្នោត​ជាតិ អាណត្តិ​ទី​៦​នេះ ​វិទ្យុ​បារាំង​អន្ដរជាតិ បាន​ផ្តល់​ឱកាស​ស្មើៗ​គ្នា​ ដល់​គណបក្ស​នយោបាយ​ទាំង​២០ ដើម្បី​បង្ហាញ​ពី​គោល​នយោបាយ​របស់​ខ្លួន។ ...

នៅ​ក្នុង​ថ្ងៃ​ទី​១៥​នៃ​យុទ្ធនាការ​ឃោសនា​បោះ​ឆ្នោតនេះ វិទ្យុ​បារាំង​អន្ដរជាតិ​សូម​អញ្ជើញ​លោក​អ្នក​នាង ស្ដាប់​បទ​សម្ភាស​ជាមួយ លោក ទេព ទ្រូ ដែល​ជា​អនុ​ប្រធាន​ទី​១​​នៃ​គណៈកម្មការ​នាយក​របស់​គណបក្ស​រស្មី​ខេមរា។ នៅ​ក្នុង​ការ​បោះ​ឆ្នោត​ជាតិ​អាណត្តិ​ទី​៦​នេះ គណបក្ស​ខ្មែរ​អភិវឌ្ឍ​សេដ្ឋកិច្ច ដាក់​បេក្ខភាព​ចូលរួម​ប្រកួត​ប្រជែង​នៅ​មណ្ឌល​​ចំនួន​៧។ តាម​រយៈ​បទសម្ភាស​ជាមួយ RFI លោក ទេព ទ្រូ បាន​លើក​ឡើងថា នៅ​ក្នុង​ការ​ដឹក​នាំ​ប្រទេស គណបក្ស​រស្មី​ខេមរា ចង់​លុប​បំបាត់​ឲ្យ​អស់​វប្បធម៌​អាង ហើយ​ពង្រឹង​នីតិរដ្ឋ​។ សម្រាប់​លោក ទេព ទ្រូ គឺ​មាន​ការ​ពង្រឹង​នីតិរដ្ឋ​ទេ ដែល​អាច​ធ្វើ​ឲ្យ​ប្រទេស​ជាតិ​រីក​ចម្រើន​ពិត​ប្រាកដ​។

គណបក្ស​ហ្វ៊ុនស៊ិនប៉ិច​របស់​សម្តេច​ក្រុម​ព្រះ​គឺ​មាន​គោល​នយោបាយ​ទាំង​អស់​ចំនួន​១៣​ចំណុច ពោល​ដូច​គ្នា​នឹង​លេខ​រៀង​របស់​គណបក្ស​នេះ​នៅ​លើ​សន្លឹក​ឆ្នោត​នោះ​ដែរ។ ប៉ុន្តែ​ក្នុង​ចំណោម​គោល​នយោបាយ​ទាំង​១៣​ចំណុច​នោះ គឺ​មាន​ចំណុច​សំខាន់​មួយ គណបក្ស​ហ្វ៊ុនស៊ិនប៉ិច​នៅ​តែ​រក្សា​ការ​សន្យា​ដោះ​ស្រាយ​បំណុល​ជូន​ប្រជាពលរដ្ឋ​ក្រីក្រ បើ​គណបក្ស​នេះ​ឈ្នះ​ឆ្នោត​ម្តង​ទៀត​ដូច​កាល​ពី​ឆ្នាំ​១៩៩៣។

នា​ថ្ងៃ​ទី​១៣​នៃ​យុទ្ធនាការ​ឃោសនា​បោះ​ឆ្នោត​នេះ វិទ្យុ​បារាំង​អន្ដរជាតិ​សូម​អញ្ជើញ​លោក​អ្នក​នាង ស្ដាប់​បទ​សម្ភាស​ជាមួយ លោក ហួន រាជចំរើន ប្រធាន​គណបក្ស​ខ្មែរ​អភិវឌ្ឍ​សេដ្ឋកិច្ច​។ ...

ជា​លើក​ទី​២​ហើយ ​ដែល​គណបក្ស​សាធារណរដ្ឋ​ប្រជាធិបតេយ្យ​ចូល​ប្រឡូក​នៅ​ក្នុង​ការ​បោះ​ឆ្នោត​ជ្រើសតាំង​តំណាង​រាស្ត្រ​។ ​នៅ​រាត្រី​ថ្ងៃ​ពុធ​នេះ ​គណបក្ស​សាធារណរដ្ឋ​ប្រជាធិបតេយ្យ បាន​បង្ហាញ​សារ​នយោបាយ​របស់​ខ្លួន​ចំនួន​១២​ចំណុច ​តាម​រយៈ​វិទ្យុ​បារាំង​ RFI​។ ​ចំណុច​សំខាន់ ​ដែល​គណបក្ស​មួយ​នេះ ​ចាត់ទុក​ថា​ជា​គន្លឹះ​នៅ​ក្នុង​ការ​ទាក់ទាញ​អ្នក​គាំទ្រ ​គឺ​បញ្ហា​អន្តោប្រវេសន៍​ខុស​ច្បាប់ ​និង​បញ្ហា​ជំលោះ​ដី​ធ្លី​។ ​លោក ​ចាន់ យ៉េត​ អនុ​ប្រធាន​គណបក្ស​សាធារណរដ្ឋ​ប្រជាធិបតេយ្យ ​បញ្ជាក់​ថា​បញ្ហា​អន្តោ​ប្រវេសន៍​ និង​បញ្ហា​ជំលោះ​ដីធ្លី ​គឺ​គណបក្ស​របស់​លោក ​មាន​មធ្យោបាយ​ដោះស្រាយ​ប្រកប​ដោយ​ប្រិ​សិទ្ធ​ភាព ​ផ្សេង​ពី​អ្វី ​ដែល​ជា​ការ​ដោះស្រាយ​រប​ស់​រដ្ឋបាល​សព្វ​ថ្ងៃ​។

គណបក្ស​ប្រជាជន​កម្ពុជា ដែល​កំពុង​កាន់​អំណាច គឺ​មាន​លេខ​រៀង​ទី​២០​នៅ​លើ​សន្លឹក​ឆ្នោត​នា​អាណត្តិ​ទី​៦​នេះ។ គណបក្ស​ដែល​ធ្លាប់​តែ​ឈ្នះ​ឆ្នោត​៤​អាណត្តិ​ជាប់ៗ​គ្នា​មក​នេះ​នៅ​តែ​មាន​ជំនឿ​ជឿ​ជាក់​ថា ខ្លួន​ប្រាកដ​ជា​ឈ្នះ​ឆ្នោត​ជា​បន្ត​ទៀត ខណៈ​មិន​មាន​វត្តមាន​គណបក្ស​ប្រឆាំង​ធំ​ជាង​គេ​ចូល​រួម។ នេះ​ជា​គឺ​ជា​ការ​លើក​ឡើង​របស់​អ្នក​នាំ​ពាក្យ​គណបក្ស​ប្រជាជន​កម្ពុជា នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ។

នា​ថ្ងៃ​ទី​៩​នៃ​យុទ្ធនាការ​ឃោសនា​បោះ​ឆ្នោត​នេះ នាទី​ភ្ញៀវ​ប្រចាំ​ថ្ងៃ​របស់​យើង​សូម​ស្នើ​បទ​សម្ភាស​ជាមួយ​លោក ខឹម វាសនា ប្រធាន​គណបក្ស​សម្ព័ន្ធ​ដើម្បី​ប្រជាធិបតេយ្យ​។ ដូច​ការ​បោះ​ឆ្នោត​មុន​ៗ​ដែរ សម្ព័ន្ធ​ដើម្បី​ប្រជាធិបតេយ្យ​យក​យន្តការ​៨​ចំណុច​របស់​ខ្លួន​ជា​គោលនយោបាយ​សម្រាប់​ការ​បោះ​ឆ្នោត​ជាតិ​អាណត្តិ​ទី​៦​។ នៅ​ក្នុង​បទ​សម្ភាស​ជាមួយ​វិទ្យុ​បារាំង លោក ខឹម វាសនា ប្រធាន​បក្ស ក៏​បាន​អះអាង​ដែរ​ថា សម្ព័ន្ធ​ដើម្បី​ប្រជាធិបតេយ្យ គឺ​ជា​គណបក្ស​ប្រឆាំង​ពិត​ប្រាកដ ដែល​ប្រឆាំង​ចំពោះ​អំពើ​អាក្រក់ ឃើញ​ខុស​ថា​ខុស ឃើញ​ត្រូវ​ថា​ត្រូវ។ និង​ថា បក្ស​សម្ព័ន្ធ ប្រឆាំង​ដើម្បី​សេចក្ដី​​ល្អ មិន​មែន​ប្រឆាំង​ដើម្បី​ផល​ប្រយោជន៍​ទេ​។

នៅ​ថ្ងៃទី៨ នៃ​យុទ្ធនាការ​ឃោសនា​បោះឆ្នោត​ជាតិ អាណត្តិទី៦​នេះ វិទ្យុ​បារាំង​អន្ដរជាតិ បាន​អញ្ជើញ លោក តូង លេន តំណាង​គណបក្ស​ជនជាតិ​ដើម​ប្រជាធិបតេយ្យ​កម្ពុជា ទទួល​បន្ទុក​យុវជន ។ លោក តូង លេន អះ​អាង​ថា គណបក្ស​បក្ស​នេះ បង្កើត​ឡើង​ដើម្បី​ដោះស្រាយ​បញ្ហ​ប្រឈម​នានា ដែល​ពល​រដ្ឋ​ ជា​ពិសេស​ជន​ជាតិ​ដើម​ភាគតិច​ នៅ​កម្ពុជា កំពុង​ជួប​ប្រទះ​។ យ៉ាង​ណា​ក៏ដោយ តំណាង​គណបក្ស​នេះ ​មិន​ហ៊ាន​រំពឹង​ខ្លាំង ​ថា​នឹង​ទទួល​បាន​អាសនៈ ក្នុង​ការ​បោះ​ឆ្នោត​នៅ​ថ្ងៃ​ទី​ ២៩ ខែកក្កដា ខាង​មុខ​នេះ​ទេ។

នៅ​ថ្ងៃ​ទី៧​នៃ​យុទ្ធនាការ​ឃោសនា​បោះ​ឆ្នោត​ជាតិ អាណត្តិ​ទី​៦​នេះ ​វិទ្យុ​បារាំង​អន្ដរជាតិ បាន​អញ្ជើញ​ លោក គុជ លី អនុប្រធាន​គណបក្ស​ខ្មែរ​តែ​មួយ មក​ពន្យល់​អំពី​គោល​នយោបាយ​របស់​គណបក្ស​នេះ។ លោក គុជ លី បាន​អះអាង​ថា ការ​បង្កើត​គណបក្ស​ខ្មែរ​តែ​មួយ​មក​ពី​ការ​ឈឺ​ចាប់​នៃ​ការ​សម្លាប់​លោក កែម ឡី និង​ការ​រំលាយ​គណបក្ស​សង្រ្គោះ​ជាតិ។ ប៉ុន្តែ​គណបក្ស​ថ្មី​នេះ​មិន​មាន​លទ្ធភាព​ដាក់​បេក្ខជន​បាន​គ្រប់​មណ្ឌល​នោះ​ទេ។